Bingle Bingle 空中列車烤肉 (太和廣場西翼)

營業中

休息中

你冇睇錯，$29真係有燒肉食太和呢間校長燒肉都開咗一段日子下午茶經過見冇人就入去試吓我叫咗下午茶一份牛同豬五花嘅套餐$48套餐已經本身包含咗白飯，飲品，前菜，店員仲話五點前呢啲野全部任裝，老實講就係入去食呢啲都抵本身諗住咁平，啲肉質素應該都麻麻哋，點知牛五花肉質幾好，好厚實，仲有牛味，不過豬就差啲前菜有泡菜，中華沙律，青瓜，芽菜我最鍾意食就係青瓜醃得好夠味，配埋燒肉食可以解油膩感呢個價錢都冇乜嘢可以彈個優惠唔知做到幾時，經過可以試吓

空中列車喺香港好多分店，大埔之友有食神啦～而家太和商場都開咗分店，今次就去試吓，果然有驚喜！壽司有列車送餐就比較常見，燒肉就真係第一次。呢度上餐嘅速度都幾快，小朋友見到食物送過嚟都好興奮，店內嘅通風都非常好，唔會覺得煙蹦蹦或者好油嘅感覺，衛生同清潔喺燒肉店嚟講算做得好好～講完環境，最緊要就係食物質素啦。汁燒牛舌同埋雞爽肉都好正，肉質一流，燒烤將肉味迫晒出嚟，而且調味都恰到好處😋特別推介宮崎A4和牛肩肉，好有牛味，鍾意食牛嘅朋友一定要試吓！燒到五成熟剛剛好，裏面嘅肉汁仍然鎖住，肉質彈牙又唔會太韌，夠晒嫩滑！總括而言，餐廳嘅食物都質素好高，例如芝士粟米吞拿魚，夠晒邪惡又大份，超級抵食。比較大食嘅朋友都可以考慮吓叫餐，有飯有湯又有得燒肉，鍾意海鮮嘅話可以再加兩隻扇貝。返工賺錢辛苦，想食餐好獎勵吓自己不妨考慮吓空中列車燒肉😍

呢日放工我哋嚟到太和火車站附近，Bingle Bingle 空中列車烤肉食晚餐出咗火車站之後，就見到有呢間餐廳嘅好多廣告，佢哋嘅廣告都幾搞笑，好卡通入到嚟之後見到用軌道列車來送餐真係好可愛！我哋先用手提電話落餐，等咗一陣之後就有一部列車來送餐俾我哋😂擺盤好靚，感覺乾淨$132 牛肉三拼 牛五花，肩胛牛排，牛小排 各50g 感覺呢個set比較多人選擇，牛五花肉味香濃，加少少黑椒落去食好配合牛小排牛油香突出，口感比較豐富肩胛牛排肉嘅比例多啲，脂肪少咗啲，肉嘅質素及肉汁比較突出，個人來講我比較鍾意呢個餐仲配粟米椰菜絲沙律 配芝麻汁蔬菜絲清新，配合埋粟米及芝麻醬，口感味道不錯溫泉蛋紫菜飯+$15元將牛肉加埋落撈勻左嘅溫泉蛋紫菜飯當中食，感覺幸福😊$90 西班牙豬五花+黑毛豬肋條+雞爽肉套餐 150g 五花肉都幾好味，肉同脂肪比例不錯，燒得有少少脆邊，再加上店內嘅調味醬汁，配合白飯更加好味豬肋條要俾多啲心機去燒，肉本身調味都幾好，食嘅時候唔使加其他調味料都感覺到味道香濃雞爽肉就真係好爽脆，都幾特別牛肉雜菜湯湯嘅味道都有幾香嘅牛味，感覺清甜，清清熱氣$62 醬烤芝士黑毛豬肋條豬肋條感覺鬆化，加埋芝

bingle bingle 空中列車烤肉內裡裝修非常用心，有身處太空艙的感覺，仲有列車送餐好新奇，大人小朋友都好鐘意食物方便款式有好多，真係簡到花多眼亂，叫左兩個套餐，分別係韓牛西冷同五花肉，上餐速度快，枱上有不同的調味料，可根據自己喜好為烤肉調味，啖啖肉真係好滿足，整體價錢都非常合理

這間餐廳的門面相當吸引，科技感十足。我點了美國牛五花和西班牙豬五花套餐。原本好期待，可惜，兩款肉質都偏韌，咬起來有點困難。我只好把肉烤得脆一些，這樣才好咬。希望下次能改善肉質！

今次食咗兩個鐵板餐，一個係薯仔牛肋骨，另一個係醬烤西班牙豬五花，個辣醬有少許辣同時帶點甜味，兩個鐵板送到嘅時候都有咋咋聲好夠熱🔥除咗食鐵板餐我地都想燒下肉，於是另外散叫咗幾款肉，有肩胛牛柳、美國牛小排同埋大醬雞蠔肉，依度大部分肉類都係有大份同細份揀，可以叫少少過下癮👌最抵嘅係有個自助區，11am-5pm係免費，5點後就要加$12，同埋加錢嘅話係要成枱人都加，不過真係超級抵，因為唔只汽水任飲，白飯、韓式牛肉清湯同埋前菜都係任食，前菜有中華沙律、青瓜、芽菜、蘿蔔絲，絕對可以食得飽🍚畀完錢之後仲有代幣畀我地，可以用嚟玩門口部夾公仔機或者扭蛋機，扭蛋入面係啲優惠券，100%有獎，今次扭到送甜品嘅coupon，下次嚟食就可以用喇～

今日入到太和搵朋友，晚餐去左呢間燒肉，係而家好興既一人燒肉店，仲有列車運送燒肉，好有趣。餐牌好多野簡，無論係一人定同朋友食，選擇都好多，而且可以因應自己食量去選擇肉量同埋飯量，就唔怕浪費! 除左肉類，都仲有D湯品可以簡! 每款套餐都配白飯、牛肉雜菜湯或粟米椰菜絲沙律，仲有韓式涼菜。落單之後，好快到餐。美國牛五花拼西班牙豬五花 (200G)牛五花油花分佈細緻，好似雪花咁! 食落肉質鮮味，整體唔會油膩，仲好有彈性。個人鐘意配搭香草蒜蓉燒肉汁或者係最basic個款燒肉汁! 豬五花油花分佈均勻，肥瘦各半，食落唔會有豬腥味! 燒完個豬皮仲要係好脆!最後仲叫左個好Q既日本紅豆味鯛魚燒，擺落爐燒完，會變到外脆內軟! 食完覺得加分位既係，食完燒肉個人連埋衫都竟然完全冇油煙味!!

行過太和俾個門口吸引左😊😊試咗佢哋的美國牛五花套餐🐮美國牛五花拼西班牙豬五花套餐🐷🐮及韓式厚切豬五花🐽套餐有分100g同200g，我哋選咗100g。牛五花的肉質算係可以，雖然唔算特別嫩，但燒出嚟嘅油花分佈均勻，送飯一流👍🏽仲可以搭配餐廳提供的燒肉醬😋😋 西班牙豬五花方面，豬肉香味比較突出，每片都有汁，唔錯唔錯😌最令我驚喜嘅係韓式厚切五花肉🐷這道菜的味道不錯，肉質厚實，油花分佈均勻，燒出嚟後口感滑嫩，咬下去非常滿足，搭配少量的鹽或者蘸醬食，更加好味😋😋套餐裡面仲有飯、麻醬粟米椰菜沙律、牛肉蘿蔔湯🐮麻醬粟米椰菜沙律🥗則係清新嘅小食😊幫助解膩😃牛肉蘿蔔湯味道清淡，適合作為前菜，但對於喜歡濃郁口味嘅人來講，可能會覺得太淡另外，套餐仲有加$12任飲任食前菜的選擇，包括自助汽水機和珍珠米韓式牛肉清湯埋單俾錢仲有金幣數可以俾你玩夾公仔或者扭蛋🥳🥳一個餐一個金幣🤩扭蛋係coupon可以下次用😏😏整體而言，呢家餐廳環境舒適。食物ok如果你想試下韓式燒肉，又唔想花太多錢，呢間絕對係抵食。👍🏽👍🏽

早排去咗太和試呢間好有特色嘅「Bingle Bingle空中列車烤肉」，一入到去，就俾佢嘅裝修吸引咗——成間餐廳好似太空艙咁，有啲未來感覺，最特別嘅係食物係由「空中列車」送上嚟，真係好玩又新奇！ 🥢1++日韓牛西冷極上套餐有宮崎A5和牛肉眼蓋、1++韓牛西冷同埋宮崎A4和牛三角腩；宮崎A5和牛肉眼蓋入口即溶，油花分佈均勻，烤到微焦帶少少香脆邊，嗰陣牛油香係會令人忍唔住想食多幾塊😋1++韓牛西冷肉味濃郁，帶嚡少少嚼勁，但唔會韌，幾適合鍾意重口味肉香嘅人😻宮崎A4和牛三角腩肉汁豐富，油脂比A5少啲，但勝在肉味突出，平衡得幾好，啱啱好唔會太膩👍🏻呢個套餐仲包咗韓式牛肉雜菜湯、韓式涼菜同埋白飯。我哋升級咗白飯做溫泉蛋紫菜飯，呢個選擇絕對啱🤤紫菜香味配埋溫泉蛋嘅滑溜口感，真係加強咗成個燒肉體驗，建議一定要升級呢個！ 🥢 醬油薯仔牛肋骨鐵板呢個鐵板菜係佢哋嘅新菜式，牛肋骨煮到軟腍入味，帶有濃郁嘅醬油香氣，配埋薯仔一齊食，吸咗汁嘅薯仔粉糯香口，真係幾好送飯。 整體嚟講，食物質素唔錯，成個用餐過程仲充滿新鮮感，見到「列車」送餐上枱真係幾開心。

🥢喺香港地，想搵到咁抵食嘅燒肉真係唔容易。雖然價錢平，但係啲肉嘅質素都唔差㗎！牛五花同豬五花都好有肉味，油脂分佈平均，燒完之後香噴噴，點埋佢哋自家製嘅 BBQ 汁，真係一流！套餐仲包埋白飯，係用日本嘅珍珠米飯，亦都有玄米茶.正！🥢美國牛小排燒肉套餐如果你想食好啲嘅，可以試下佢哋嘅「美國牛小排燒肉套餐」。牛小排係牛嘅前胸肋骨部位，肉質結實，油脂豐富，燒完之後油香四溢，入口即溶，正到冇朋友！佢哋嘅牛小排都係用美國 Prime 級嘅靚牛，保證你食得開心又放心。🥢牛肉雜菜湯除咗燒肉之外，佢哋嘅「牛肉雜菜湯」都值得一試。個湯用咗好多新鮮蔬菜同牛肉去煲，味道清甜，飲落好舒服。食完咁多油膩嘅燒肉，飲碗熱辣辣嘅雜菜湯，啱晒！🥢玄米茶佢哋嘅「玄米茶」。玄米茶有淡淡嘅米香，可以幫助消化，解油膩。食燒肉嘅時候，飲杯玄米茶，真係 perfect match！餐廳整體食物質素都幾好，我哋都食到捧住個肚走，份量嚟講都算幾多而且價錢都幾實惠！冇諗過佢嘅份量咁多！而且餐廳上菜嘅速度亦都非常快手，令到我哋有驚喜，唔會話要等好耐！而且裝修都非常新，我哋都覺得幾好坐！非常推介！下次有機會會再帶屋企人去食！！佢哋對呢一間餐廳

日本紅豆味鯛魚燒，四件$25，價錢合理。自己用中火燒一燒佢，鯛魚燒外皮脆脆哋，入面嘅紅豆餡甜度適中，唔會太膩，覺得麻糬可以多d(可能個人喜好問題😂），overall作為甜品係唔錯。主菜方面，點咗美國牛小排套餐，200g,份量都幾足,幾靚仔，燒完非常多汁，唔會好韌，配上牛肉雜菜湯同溫泉蛋紫菜飯，味道好夾。湯嘅味道濃郁，飯就因為溫泉蛋同紫菜嘅配搭，食落好香滑。加$12可以去自助區任取，有中華沙律、泡菜、芽菜同埋醃青瓜呢啲小食任添，仲有白飯同湯，汽水，真係幾抵食。另外仲試咗個韓式香川辣炒雞，個人覺得味道偏甜，雞肉入味，加咗芝士粒之後更加香濃，$5加芝士都算合理。見到而家做緊宣傳，11點至五點免費贈送白飯小食湯同埋汽水！好抵

西韓牛極上套餐包括韓牛西冷50g、宮崎A5和牛眼蓋50g及宮崎A4和牛三角腩50g。這三款牛肉的拼盤色澤豐富，肉質鮮嫩，令人大快朵頤。每一種牛肉的風味和特點各異，讓人期待品嚐。韓牛西冷肉質結實，油花分佈均勻，肉質滑嫩。經過適度的烹調，外層微焦，內部保留了多汁的口感，肉香濃郁，帶來滿足的嚼勁。宮崎A4和牛三角腩肉質相對較為緊實，但仍然保持了豐富的油脂。燒烤後的三角腩香氣四溢，咬下去時帶有淡淡的肉汁，口感醇厚，十分美味。宮崎A5和牛眼蓋是這拼盤中的明星，油脂分佈極佳，入口即化，帶來極致的柔軟感。每一口都釋放出濃郁的肉香，令人陶醉。這種高級和牛的風味和口感無疑是享受的巔峰。一和濟洲漢拏柑橘汁的口感清新，酸甜平衡，讓人感受到柑橘的天然風味。果汁滑順，沒有顆粒感，十分容易入口。森永MOW抹茶雪糕綠色的雪糕散發著濃郁的抹茶香氣，抹茶的香氣在口中綻放，清新的感覺讓人精神為之一振，味道濃郁而不苦，甜度適中，完美平衡了抹茶的鮮香與奶香。

比預期中差 味道完全不算得上傳統韓國菜嘅standard 得架火車係買點 泡菜正正常常 其他食物都唔難食 但都真係幾失望 見咁多人排隊食物味道⭐️⭐️食物份量⭐️⭐️⭐️（不計自助$12泡菜自飯吧）餐廳環境⭐️⭐️⭐️⭐️價錢⭐️⭐️⭐️整體評分⭐️⭐️

唔係朋友介紹都唔知道有間咁得意好玩嘅韓燒呢間位於太和嘅Bingle Bingle 空中列車烤肉真係好食又好玩！小朋友見到架列車沖埋嚟 打開仲有野食 真係bling bling眼係咁哇哇聲！我叫左個人氣宮崎和牛套餐，入邊有A5和牛肉眼蓋+A4和牛肩肉+A4和牛三角腩！每款肉都好有特色，好有肉香又多汁，而且佢哋有好多唔同嘅醬汁，每款配落去都會有唔同獨特嘅味道！我比較鍾意食香草蒜蓉燒肉汁，食落唔會蓋過啲肉味！❤️❤️❤️呢個套餐仲包埋白飯，韓式牛肉雜菜湯同埋韓式蔬菜。 另外我再單點叫咗個吞拿魚，帶子同牛舌，真係款款都勁新鮮，牛舌又薄，燒完之後脆卜卜勁正！價錢親民，啲嘢食又好食，而且冇+1服務費！ 真係CP值勁高！仲有特色空中列車送餐，小朋友睇到好開心! 幫佢叫左個小小兒童餐，有牛肉紫菜飯，仲有沙律同埋啫喱，大人見到都好想食呀！仲有可以叫雪糕食❤️❤️😋埋單後，仲可以用個遊戲幣去扭蛋機扭蛋，入邊有唔同嘅優惠券，可以比客人下次黎嘅時候用優惠券，或者去夾公仔機度夾公仔❤️

跟八歲小朋友一起晚餐，非常欣賞他們有兒童餐和蓋飯選擇，我們吃烤肉小朋友可以吃蓋飯👍🏼侍應服務都很周到，還主動問我們是否需要小碗，應該很快會再來光顧✌🏻還有點了韓國燒酒，真的是完美