Billow

營業中

休息中

朋友話要俾個驚喜我，帶我去一個靚餐廳。原來就係帶我黎呢間，襯依家涼涼地，可以坐室外，餐廳係同出面既湖景相連，幾有feel，必定要打卡，仲要真係望到一班白鷺係度飛，lunch set 份量適中，around 2百幾蚊一個人，係呢個景黎講係正常價錢，過一個chillchill下午都幾心曠神宜❤️ 🟠 南瓜湯個擺盤都幾好睇，送上黎既時候熱辣辣，幾甜，飲落有南瓜溶，所以都幾飽😂我地每人叫左個set lunch，再share食：🟣 慢煮牛小排壽喜燒扁意粉配日本蛋黃 $178一上到黎見到大大隻日本蛋黃，好吸引，搞爛隻蛋再撈勻佢，意粉溝埋蛋漿更加香，牛肉幾重牛味，而且可能因為慢煮都幾夠juicy，味道不俗，但份量偏細。🟢 Fish of the day - 三文魚配紅燒汁三文魚煮得幾香口，外皮夠脆，建議可以加薯菜同飯等等，因為價錢$198但係得條魚同菜伴碟感覺有啲空虛。 整體黎講都係食景餐廳🤣🤣 可以黎影相打卡，食物正常發揮。

Billow試過就夠。絕對唔會再嚟真係除咗環境舒服同埋好靚之外。就冇野值得嚟。📌秋日限定套餐 💵每人538頭盤 - 油甘魚薄切配無花果完全比個頭盤呃咗。個味道係好Fresh 。好夾係全個餐最好食嘅一道菜。湯 - 龍蝦清湯，烤龍蝦尾好似好靚咁。佢個清湯同水冇分別👎🏻主菜 - 美國牛小排配南瓜营及蘆筍完全冇肉味。個汁都好淡。份量又小。超唔值甜品 - 玫瑰芝士蛋糕配蜂蜜乳酪雪糕個外觀唔錯。但食落同上面個啲差唔多。又冇味。又乾噌噌。真係搞唔掂😩‼️環境/舒適度⭐️⭐️⭐️⭐️⭐️‼️食物質素⭐️⭐️‼️價錢⭐️⭐️‼️服務態度⭐️⭐️⭐️⭐️📍大埔大埔滘紅林路2號白鷺湖互動中心地下B號舖#nmdiary #foodiehk #約會之選 #香港美食 #香港好去處 #hongkongfood

交通🚌交通有穿梭巴士服務，由大埔墟港鐵站直去白鷺湖。或者自己揸車$20一個鐘，餐廳食滿$500有得免費3小時泊車。環境🎄去到就感受到香港少有既寧靜環境，可以對住湖景食飯好寫意。食物🍽️一坐落就會附送牛油配法式麵包[👍🏻海膽燴飯•香煎帶子$268]整體海膽味不出，得帶子上有一匙海膽份量，帶子鮮甜有四粒。[👌🏻美國牛柳，芹菜茸•意黃瓜，甘荀$308]叫左7成熟都好淋身，牛味重不錯，但配菜芹菜茸、意黃瓜、甘荀就煮得不太好食。服務建議先預約不然就要等位。而家天氣凍會主動提供熱水好貼心，人手充足上菜收碟都快手。

聖誕節梗係要搵一間有氣氛嘅餐廳慶祝吓啦🥰 我就去咗大埔小白鷺呢間餐廳😍 我揀咗坐室外露台❤️ 因為佢哋個湖景真係好靚👍🏻 啱晒我打卡😆 同埋佢哋好貼心❤️ 每台都有個暖火爐😎 所以就算天氣凍啲都唔怕啦🥰我哋叫咗兩個lunch set🥰 已經包咗沙律🥗或者餐湯🥣 同埋主菜🍝 當日個餐廳係椰菜花湯🥬 佢帶少少酸瓜嘅味道幾特別😍Slow Cooked Beef Short Rib Sukiyaki Linguine With Japanese Egg Yolk 🐮 （$178）慢煮牛肉朔滿晒壽喜燒汁味🥰 味道濃郁😍意粉面頭仲有隻蘭王蛋黃🥚 食落更加滑身☺️Fettuccine With Smoked Salmon. Asparagus. Cream Sauce🐟 （$178）每條意粉都掛滿咗忌廉汁🥰 面頭仲有好多三文魚、三文魚子同埋蘆筍😍 口感豐富❤️Chamomile🍵 （跟餐加$15）望住個靚靚湖景嘆返杯熱茶真心好正❤️Rose Latte （$60）咖啡帶上淡淡的玫瑰香🌹

係香港要搵一間有休閒湖景的餐廳不易，位於大埔這間湖邊餐廳就係其中之一。餐廳有室內、室外座位選擇，加上歐陸風的設計，和植物點綴，令人有渡假的感覺。無論打卡、情侶約會、家庭朋友聚會都同樣合適。.🍽️BRUNCH.🔺田園沙律 /餐湯是日餐湯🥣係忌廉南瓜湯，口感Creamy，味道香濃。而田園沙律🥗入邊有香甜新鮮的蜜瓜、車厘茄和新鮮沙律菜，配上芝麻醬，感覺清新。.🔺帕爾瑪火腿芝士吉列雞扒•意大利番茄醬 $188雞扒🐥份量十足，而且炸得好香脆，配上內層帕爾瑪火腿和🧀芝士，味道充滿咸香富層次，而意大利番茄醬🍅味道酸酸地剛好中和了油膩感。.🔺美國安格斯肉眼扒（220g）•椰菜絲沙律•太陽蛋 $258美國安格斯肉眼扒🥩肉味香濃，肉質軟腍，而且外層香煎微脆，入面充滿肉汁，加上太陽蛋🍳一起吃更美味。伴碟椰菜絲沙律🥗新鮮又開胃。

年尾諗住一家人出去做節, 搵左呢間係大埔超正超好View 嘅 @billow_bar.seafood.bistro 試下… 入到黎環境超正, 好舒服, 完全離開市區, 有種世外桃源去左旅行既感覺, 正❤️先黎有啲包送俾我地食, 麵包全部都好鬆軟, 正❤️🌻🌻🌻🌻🌻我地一家人每人一叫左一個　Main Course , 分別係…波士頓龍蝦扁意粉 🌻🌻🌻🌻龍蝦都算大隻, 食起黎好牙, 好好味 , 意粉食落都有少少龍蝦味, 唔錯 蕃茄長通粉。辣肉膠。煙燻茄子 🌻🌻🌻茄汁味濃, 長通粉索曬啲汁, 正, 茄子煮到溶合埋個汁同長通粉, 口感都幾特別, 唔錯 新西蘭普羅旺斯羊架(全份) 🌻🌻🌻🌻🌻超大份, 全份都有成8條骨, 燒得岩岩好, 羊扒中間仲係粉嫰 好JUICY, 好好味, 面頭仲有好多蒜及醬汁, 食起黎好香味, 店員仲好細心問附上黃芥辣醬及薄荷醬, 非常貼心, 配對正香煎鱸魚🌻🌻🌻🌻真係煎得好香脆, 但仲可以保留到魚油, 食落都好juicy, 好好味 底仲有奶油波菜, 好CREAMY 好好味 海膽燴飯 🌻🌻🌻帶子好大粒勁厚肉, 食落好鮮甜, 不過海膽醬係個飯道, 變左味道唔太出, 不過都係飯

想去小白鷺餐廳好耐喇，難得呢日天朗氣清，Book 位講明想坐湖邊，可以一路食飯一路欣賞景色，真係幾寫意，這個季節就算坐室外，都唔會覺得悶熱前往方法:駕車/的士當然得，但如果想搭交通工具，佢地都有穿梭巴士來往大埔墟火車站穿巴站位置: 新達廣場旁有條去巴士站既隧道，隧道C出口一出就係穿巴站 (每半小時15/45 分一班車)我地點了兩客Brunch set 套餐可選餐湯或沙律是日餐湯係椰菜花忌廉湯，好Creamy，好味三文魚蟹肉奄列 ‧ 車厘茄 ‧ 牛油果吐司 $178好足料，奄列包住大量三文魚碎同蟹肉，調味本身偏淡幾岩小朋友大人想濃味點亦可加入海鹽黑椒。而牛油果吐司好清新健康，份量就細了點自家製牛肉漢堡 ‧ 煙肉 ‧ 薯條 $188牛肉漢堡扒大大塊，都幾Juicy，薯條都好香脆跟餐+$30 可配咖啡老公點了 Iced Cappuccino，正常發揮我同肥髀豬Share 芒果士多啤梨黑加倫子汁 $55. 雖然唔係即榨，但都好Fresh好好飲 食完野，周圍影下相打下卡，湖邊小路仲見到好多白鷺，都幾壯觀半日遊入黎食下野，影下相打卡都唔錯

白鷺湖旁邊嘅餐廳，有室內同室外座位，涼涼哋嘅天氣就揀咗室外位坐，有大風扇又有山風，邊食邊欣賞個湖景，好悠閑又寫意👍🏻午餐有田園沙律/湯及主菜田園沙律𥚃面有巴馬火腿，水牛芝士配埋帶有少少鹹香嘅巴馬火腿都唔錯。主菜揀咗：「Fish of the Day」今日係香煎三文魚，魚皮煎得脆脆嘅，三文魚煎得時間剛好，唔會乾柴，個汁醬濃濃的，幾好胃。擺盤都幾有心思，顏色配搭得幾靚。「慢煮牛小排壽喜燒扁意粉配日本蛋黃」慢煮牛小排煮得好燜，意粉汁醬好特別，加埋蛋黃令口感更豐富更滑。午餐加$15可加茶飲或汽水餐廳仲可以帶寵物👍🏻 而餐廳外亦有停車場，餐廳用膳有泊車優惠，方便💯

好耐冇去過大埔小白鷺、趁天氣涼涼地跟家人來到billow lunch～ 純白色小屋西餐廳感覺舒適、大部份位置都可看到湖景、份外寫意。一早來到先點個brunch - 三文魚蟹肉奄列、車厘茄配牛油果醬吐司。奄列煎得剛好、切開仍然有蛋汁流出、裡面有滿滿的餡料。牛油果醬加入檸檬汁味道更fresh好開胃！週末brunch 可選沙律或湯品、南瓜湯奶滑香濃、小朋友超喜歡吃。炸比目魚柳漢堡份量唔細、厚厚的魚柳、配上上他他醬和紫洋蔥好好味！薯條也是新鮮炸起的。喝杯咖啡再到外面草地走走份外愜意～

來到這賞心悅目的湖邊西餐廳💖有拱形大窗帶出歐陸風格，室外還有很多綠色植物作點綴🌿，非常適合和閨蜜及伴侶來浪漫一番📸不論環境及食物打卡拍照都一流，所以我們就來試試🌟 秋日限定套餐頭盤是油甘魚配無花果及帶子鮑魚伴西瓜🍉，食材新鮮，從未試過將西瓜切絲的食法，又出奇地好味，幾開胃😉🤩 至於烤龍蝦尾湯亦很鮮甜充滿龍蝦香氣，Mocha咖啡亦是水準之作😋連餐具亦帶出了高級感🩷 而主菜是美國牛小排🐮配南瓜茸及蘆筍，醬汁配搭得恰到好處，牛小排非常軟騐與南瓜茸一起吃相當滋味，是一個很特別的體驗😋 而壓軸的甜品，是🌹玫瑰芝士蛋糕配蜂蜜乳酪雪糕及🍫榛子朱古力慕絲配榛子雪糕，特別是兩款的雪糕也好像感覺不會溶似的。。期待下次再去這餐廳慶祝其他節日先💯

和老公一起慶祝周年紀念就選了一間高檔的餐廳，晚上又有免費泊車，如果揸車來都幾方便，餐廳設計像一間玻璃小屋，氣氛寫意，店員安排坐在湖邊的座位。【油甘魚薄切配無花果】將油甘魚切成薄片，豐富的油脂和鮮美的口感很出。搭配無花果一起食用，甜味和鮮美相互融合。【龍蝦清湯 烤龍蝦尾】清澈的湯底由龍蝦殼和骨頭煮熬出鮮味濃郁的湯底，結合了龍蝦湯和烤龍蝦尾的風味，帶來豐富的海鮮口感。【美國牛小排配南瓜蓉及蘆筍】厚切的牛小排燉煮至牛腩質地，配以南瓜蓉和蘆筍，南瓜蓉提供了柔軟的口感和微甜的味道，蘆筍則帶來清爽的口感和香烤味道。【玫瑰芝士蛋糕】以玫瑰花瓣和玫瑰精油調味的芝士蛋糕，具有濃郁的芝士口感和微甜的玫瑰香氣，清新不膩。【布拉塔水牛芝士沙律】布拉塔水牛芝士中間軟嫩的質地和濃郁的奶香味是我的最愛，搭配燒烤過的水蜜桃和巴馬火腿。水蜜桃的甜味和火腿的鹹香與布拉塔的奶香味相互融合。【蕃茄醬長通粉】有西班牙辣肉腸和煙燻茄子作配料，幾香口。【忌廉菠菜】烹調至菠菜軟嫩，加入忌廉，濃郁口感互相結合。

餐廳的環境、風景都是香港少有的餐廳，每次來都很能放鬆心靈，因餐廳在湖邊，四周都是樹木，今次坐在室外，更能感受到大自然環境，秋風非常舒服！餐前會有餐包，份量還不少呢！龍蝦清湯配燒龍蝦（$138）有龍蝦肉在碗的中央，很濃的龍蝦鮮味，有別一般的龍蝦忌廉湯。傳統生牛肉他他·鵪鶉蛋黃 （$158）牛肉中混合了洋蔥、胡椒調味，是一道很開胃的前菜，附有多士可減低咸味，撈勻蛋黃汁美味十足。自家醃製挪威三文魚·水瓜柳·鮮橙·日式柚子汁 （$150）三文魚非常新鮮，配上鮮橙粒及柚子汁很清新開胃，有點像沙律的冷盤。炒什錦磨菇 （$88）喜歡吃磨菇的必點，能帶出濃濃的磨菇香味，非常健康的小菜。黑松露忌廉寬條麵·雞樅菌·牛肝菌·羊肚菌 （$238）黑松露味香濃，汁的濃稠度剛好，寬條麵能吸收醬汁，亦有大量的磨菇，十分推薦點這個。雜莓拿破崙·雲尼拿奶油·荔枝雜莓玫瑰雪葩 （$138）到了最期待的甜品，拿破崙餅酥脆，不會因忌廉而變得軟淋，加上有奶油及雪葩一同吃，口感十分豐富，好味道！

預約左假日中午，其實大埔地鐵站附近有免費穿梭巴，但我地就唔啱時間，自己搭車去😎環境幾靚，有室內同埋室外座位😌不過限時個半鐘，尤其尾段趕上甜品，極速收餐具同碗碟，未夠鐘但單都印兩次，感覺催緊我地走😅人均五百蚊，主要真係食景🤑▪️ Salmon & Crab Meat Omelette • Cherry Tomato • Guacamole • Toast（6/10）💲178 (Brunch)奄列包住啲三文魚，但係唔太食到蟹肉，亦無咩調味，會比較淡口🫣另一個問題係不斷出水，就咁睇相都應該見到🫠擺隔離塊包本身已經濕軟，加上牛油果蓉，就更加淋身😐唔知點解有少少似食緊飛機餐咁😬▪️ U.S. Beef Tenderloin • Celery Puree • Zucchini And Carrot（7/10）💲308五成熟既牛脊肉都腍身，配菜有炸羽衣甘藍、南瓜蓉、甘荀等，整體份量偏少🥕▪️ Sea Urchin Risotto • Seared Scallops • Black Caviars（6.5/10）💲268落單時侍應提醒個飯有海膽會比較腥🤔面頭有魚子醬、帶子、海膽，海膽味道帶甘，個飯相對黏稠身

與朋友們來Billow食lunch，訂座時表示會帶寵物，餐廳細心的安排了戶外用餐區。雖說是戶外，但其實有太陽傘或屋簷遮擋陽光，秋風吹來非常惬意。周末有午市套餐，南瓜湯香甜幼滑，加入洋蔥增添咬口。點了一款以羽衣甘藍、椰菜花、車厘茄、南瓜粒、無花果和藜麥配搭的沙律。以半軟質地的布拉塔芝士取代沙律醬，綿密濃郁，是健康之選。塗上牛油並焗香的漢堡，夾著外脆內嫩的比目魚柳，簡單味美。小孩子很喜歡吃剛炸起的粗薯條，酥脆可口。奄列綿密鬆軟、質感輕盈，揭開奄列就見到滿滿的三文魚和蟹肉。creamy牛油果醬配吐司也不俗。最後來一杯香濃的熱Latte作結。P.S. 由於客人聚多，所以用餐時間為1.5小時。

🥩🍽️☕️食環境，食物一般🆗餐湯是日嘅餐廳係南瓜湯，熱辣辣都大碗，但南瓜味吾係幾重。🆗自家製牛肉漢堡•煙肉•薯條 -$188可以請店員在上菜前切好一半，方便share。漢堡包好大個，但個包皮吾太好食，冇咩牛油味都較硬。漢堡好厚，好多肉係好足料，但好乾吾係幾好食，入面仲有酸黃瓜、蕃茄片，仲凍嘅芝士，同埋生菜。最正常係薯條，仲熱仲脆口，有茄汁點。🆗 美國安格斯肉眼扒（220g）•椰菜絲沙律，太陽蛋 -$258太陽蛋個面好靚，但個底其實煎燶咗，食落去苦嘅。肉眼扒係好大塊，叫左5成熟，好多筋位冇切走，好難咬，冇汁配，所以食落係單純嘅牛肉味。最正常係個椰菜絲沙律，爽口解膩。☑️Cappuccino -$30轉咖啡要加$30，喺咁靚嘅環境，好想嘆杯咖啡，個泡都算係幾綿滑，咖啡好味，係全餐最好味嘅一樣嘢。