🍳好蛋治！😱🥪早餐分享 （內文只限早餐既蛋治分享）🍳推介比大家，炒蛋🍳必食！ 另外，我最愛！芝士炒蛋三文治😳！配凍檸茶（走甜少冰）！🤤得閒既先睇埋下面～👌🏿😏蛋治 – 一種好多香港人都會用黎做早餐既食物🤭但好多都只係求求其其咁整熟隻蛋，用兩塊包夾住，好啲既就會汶啲牛油落去。所以有時食到一份靚既、用心既同維持到水準既食物真係好難。🤦🏻♂️呢間野係係我公司樓下轉角既一間餐廳，轉左手好那多次。雖然佢一份蛋治連凍飲要$24，但都算係我早餐既budget內。單買蛋治幾錢我又無留意。不過佢$24係雙拼既價。雙拼既選擇都算多。但由於我唔係咁食火腿午餐肉個啲，所以一般都只會揀芝士、炒蛋同埋吞拿魚呢三樣野。👍🏿最近呢一個星期差唔多日日都係到買早餐。次次都係叫炒蛋吞拿魚三文治或者芝士炒蛋三文治呢兩款，有次佢整錯左火腿炒蛋三文治比我，第二日即刻SAY SORRY。態度黎講，呢間係唔錯既。🤷🏻♂️三文治，一般我都會叫走牛油，因為佢個炒蛋其實已經好rich，所以唔加牛油都好夠味，加上炒滑蛋，識炒就知就算加左牛奶都好，要滑就一定要加好多油。所以健康啲既選擇都係走牛油會好啲，同埋都唔會食上去咁油膩。👍🏿吞拿魚🐟佢既做法係唔加沙律醬，感覺直接由罐頭攞出黎放上三文治到，老實講撈沙律醬係好食啲既，但唔太健康，佢唔撈沙律醬又唔係難食既，但健康嘛。份量都落得唔少。炒蛋🍳成間野最好食，炒得夠滑，老闆話落左牛奶炒，唔知真定假，因為好老實講，落牛奶炒蛋的確會香滑啲，但前題係啲奶本身要重味先有會令個炒蛋食到奶香。我就對佢個炒蛋加左奶無咩感覺。但個炒蛋既份量同味道真係好正！而且重點係咩？係佢KEEP到個滑度同口感，份量要視乎個日係邊個企廚師位，如果係兩個女人企既個一日，份量係會多好多。如果係男人企個一日，份量會少啲。加上，如果你叫雙拼係芝士拼炒蛋，炒蛋既份量係多少少。但如果係叫雙拼係吞拿魚拼炒蛋，炒蛋既份量會少啲。可能係塊芝士太薄掛。芝士🧀佢用既芝士應該係白芝士塊，所以奶香重，同炒蛋好夾。芝士拼炒蛋三文治係我最中意既配搭！！！火腿🐽個次佢唔小心整錯比我，SO9SAD。但佢既火腿煎得幾脆口，其實幾好食。凍檸茶（走甜少冰）🍵我平時只會飲檸茶，所以對檸茶既要求係高啲。因為茶既濃度，味道同檸檬既新鮮度同茶夾唔夾係一樣好複雜既野。簡單黎講就係我個人中唔中意飲，哈哈哈。佢既茶底，飲過幾次，都係濃既，有茶味！檸檬，有一次係無咁新鮮，其他都無咩問題。佢既少冰就真係少冰，溫度岩岩好！麵包🍞其實上一手呢個包係用同一條街既嚐麥手作既包，現在轉左手，個包比較鬆，無咁好食整體黎講，呢間係唔錯既（剩係三文治黎講）。希望佢可以KEEP住到呢種質素，因為好多餐廳出左名之後，或者多左人食之後，好多時都會變差。要出名唔難，但要KEEP住質素先難！🤦🏻♂️🙎🏻♂️🤷🏻♂️SORRYFOR1999，成大篇野只係講個蛋治，真係做咩蛋治～🙈…查看更多
還有塊芝士魚柳鮮果沙律$30，魚柳是厚肉
，不會只用厚厚的粉包著來扮大件，鮮果有 蘋果+哈蜜瓜，份量也不少，超抵食
配飲品：奶茶 ,一般。朱古力-夠濃，好味。
