Beesy Bay

營業中

休息中

平日入赤柱行吓，經過見到呢個位開咗間新餐廳，由原本成間藍色外牆變咗黃色😆 我哋坐咗喺一樓嘅露台，望住赤柱大街食嘢，感覺幾寫意😊嗌咗兩個weekday lunch，分別係butter chicken($149)同牛扒($199)，包沙律/湯同甜品，飲品每人+$30要左draft beer(細杯)。見佢餐牌咩都有得食(意粉，印度野，fish & chips)，應該係多國菜餐廳。沙律同湯都正常，個蘑菇湯都幾濃郁，食到有菇碎🤣個butter chicken味道唔錯，係偏向蕃茄味，少咖喱味，個飯就普通白飯(煮得太濕&淋)，份量比較少。牛扒都唔錯，話5成熟真係整到5成熟，火候唔錯食到輕微焦香味，但味道偏淡唔夠鹹。有啲surprise伴碟只有幾塊菜，一舊薯仔/薯條都無😂牛扒都算細塊，食完完全唔夠飽😂甜品就有mango chia seed pudding，個人口味覺得太甜🥶總括食物質素都算正常，但份量偏細，性價比一般，但赤柱都係食個境😄

嗰日同朋友行山經過赤柱，咁就順手食少少嘢先再繼續行，見到一間好似之前未食過嘅就試吓。因為我哋兩個都唔算好肚餓，所以就淨係叫咗個Pizza，好似係印度唔記得咗乜嘢Pizza。整體感覺OK啦，不過放喺赤柱個感覺會再好啲，始終做遊客生意地方，呢個水準其實已經算唔錯。不過真係要趁熱食，稍為凍少少個餅底就開始硬，仲有係個醬汁稍為淡少少，同埋唔係好覺得有印度風味。仲有如果配料可以多少少會好啲，真係得幾舊細細地嘅肉，但係總體都可以嘅。

食物質素高，又大碟，價錢合理！無敵海景，空氣流通！四大三小，食個晏，唔使$1100👍🏻Fish & chips 有驚喜（條魚好新鮮，肉質好滑），cabonara 賣相好靚（有溫泉蛋），Margarita pizza正常，mussels 好新鮮（最欣賞有九層塔），炒蜆linguine 有啲辣，不過好食，個炸雞翼就可能唔夠熟。服務態度非常好，小朋友跌親，侍應竟然自動自覺攞啲冰嚟幫佢敷！洗手間都好乾淨！一定會再嚟幫襯！

我們一行3人，早上在赤柱嚐完 <Pane E Latte> 早餐後，在赤柱兜個圈，行完赤柱市集，我們走到赤柱大街，經過見到有間黃色屋餐廳 <Beesy Bay>，我主動問店員睇餐牌；恰巧！當日正是新店第一天試業！這是赤柱打卡地標之一！ 保留原址的黃色外牆，餐廳佔地3層，設有室內室外用餐區！店員帶我們行樓梯走上1樓，環境開揚，室外用餐區好光猛，海景一覽無遺！  打卡一流！熱情的老闆招呼食客，他推薦其大廚是意大利人，曾任職名人到會...等！供應：意大利菜及地中海菜幫襯那天仍然試業，卻是選擇不多，飲品選擇偏少，我們寧願飲水好過！當日，因為服務問題要食客久等食物，所以，有部份食客直頭取消 Order 離開餐廳！我們只想找個舒適地方慢慢坐，這裡正合我們心意！依上菜次序：凱撒沙律 $108簡單又不用烹調的凱撒沙律，都要等上半小時！新鮮爽脆的沙律菜，配上香脆的麵包粒及鹹香的煙肉，配合得宜！瑪格麗特薄餅 $138落單問等上20分鐘，最終45分鐘後送上！比預期耐，幸好！我們不趕時間；期間，聽到有食客話唔再等，直頭取消 order 兼走人！口感煙韌，底部香脆，芝士味香濃！