BB辣

營業中

休息中

今日去D2 place 玩具展行街，順便睇下附近有咩食，俾我發現到呢間隱身於工廈地庫嘅酸菜魚🐟🌶🌶🌶地點是有點難找，如果唔係去附近行街都好難會特登出呢邊食野😂平日晚飯時間，7點幾，人流不算多，不用等位，直接入座了。兩個人食，叫左招牌酸菜魚二人餐，有酸菜魚、蔥爆牛肉、小食係麻辣豬耳、仲有兩個白飯，甜品係黑糖滋粑，飲品酸梅湯係免費，其他就要加錢。酸菜魚一黎到，份量好足，超多魚，魚好滑🥰👍配菜都好豐富，仲有水晶寛粉，淨係食呢盤嘢都夠飽喇😗辣度揀咗小辣🌶適合任何唔食得辣嘅人士。蔥爆牛肉好夠鑊氣，牛肉嫩滑，好岩送飯😂黑糖糍粑煙煙韌韌，甜甜地，幾好食。麻辣豬耳正常發揮🫰呢個二人餐性價比好高，食到非常飽，我會再去食👍

對於我這種路痴地方好難揾😵‍💫不過好值得😍一個人的午餐😂好好食岩曬我依D食野勁腌尖嘅人（食唔到有骨嘅魚，食唔到太油）魚無骨，多菜，有寬薯粉味道一流🤤嗌左大辣酸菜魚（辣到好爽🤪利申：我好食得辣，食唔到辣千奇唔好試❌大辣）不過對於我來講份量好多走飯都好多🤣奶茶都好好飲🥳完全顛覆左我嘅味蕾🥰

依間餐廳位於荔枝角一間專賣時裝批發地方嘅地庫 真係非常隱蔽 唔去嗰度行開街真係唔知有間餐廳喺嗰度😂😂餐廳位置非常寬敞 座位亦都十分多 午市嚟食都已經坐咗好多人 今次我叫咗一個酸菜魚 同埋農家小炒肉 酸菜魚份量十分多 湯底我哋叫咗小辣 湯底亦都唔會好油 我哋叫咗小辣 如果食得辣嘅可以再嗌辣啲都可以 🌶🌶另外叫咗一個農家小炒肉 小炒肉有走過油 所以食落有少少脆 如果飲啤酒嘅你哋呢個餸真係一流👍🏻👍🏻🍻佢夜晚都有提供烤魚同埋雞煲 下次有機會可以再去試吓先😋😋🌟

我地路經荔枝角，朋友突然話想食川菜，咁係Openrice search 之後發現星期日有開就係BB辣。一開始係香工不斷搵路，之後發現原來有個「隱世」入口，再要經過電梯之後到達一個Food court，而Food court 旁邊就係BB 辣。而我地就叫左個2人餐，由於朋友唔食得辣，又唔食魚，所以就無食水煮牛，最後叫左酸菜牛。酸菜牛個份量都幾大，食落去都保持到水準，夠入味，有唔同的配料同埋寬粉，所以食完都叫飽肚。而套餐仲包左一個前菜、小菜同埋野飲，價錢上都叫合理!

呢度主打招牌當然有酸菜魚，烤魚，香鍋同埋雞煲🐔仲有d炒小菜同涼菜香鍋set好咗香辣蝦鍋、雜錦香鍋同健康素菜香鍋，仲可以另加配菜今次叫咗個素菜香鍋（$168）+午餐肉（$43）+水晶寬粉（$27）小辣 🌶辣度=譚仔三小-素菜香鍋材料有花菜﹑金菇﹑娃娃菜﹑土豆﹑蓮藕﹑四季豆🤤全部都好入味，特別係土豆炒得啱啱好，加上輕輕炸過唔爛溶溶🤩-午餐肉都係炸過嘅，仲要厚切！必點！！！-水晶寬粉軟硬適中，索曬d辣，同香鍋好夾！！嚟依間鋪食過幾次，次次都叫必點香鍋🤗因為佢唔會太油，唔會太鹹同埋好食過嫲👵🏻🌶🌶🤫

【荔枝角香工地庫餐廳】星期六既午飯時間，冇乜人。餐牌上有唔同既套餐可配粉/飯。以工廈黎講，價錢偏貴🙈酸菜魚飯 $70👍🏻👍🏻好有驚喜，魚滑又多配料，湯底又夠味！推薦！口水雞飯 $60唔小心走辣添😟冇左口水雞既意義😂 不過個汁都ok既。 $60個餐雞既份量少左d，如多幾舊雞會好d。蔥爆牛肉飯 $68呢個炒得好香！牛肉好味有d咬口，唔似茶餐廳嗰啲加咗好多鬆肉粉林啤啤既牛肉。d蔥加埋個汁，好好餸飯🤣總括來講，酸菜魚抵食👍🏻 其他餸如減返$10應該會多d人幫襯🤪

1. 口水雞 配酸辣粉 $58口水雞份量頗多，多為雞胸部位，對喜歡吃骨的我不太合適😂有大量花生為伴碟🫶🏻不過小辣對於不吃辣的我已經十分辣，建議不吃辣的朋友可以點BB辣酸辣粉是圓身的薯粉，口感不錯，十分滑，不會過硬過軟，同樣較為辣。2. 麻辣肥腸 $28 (套餐小食價)肥腸已經開邊，方便進食，肥膏亦已清理走👍份量以小食來說適中👌👌3. 黑糖糍粑 $48 (大)黑糖糍粑的份量有大有小可選，大的為48元有10條，小的為32元卻只有五條，所以大份量比較化算。糍粑煙靭，略嫌油膩，而且在上面的是黃豆粉嗎？略嫌苦澀。黑糖甜味也不出，這個黑糖糍粑較為一般，不太推薦。

BB辣位於荔枝角工業大廈的地庫，雖然裝修無乜特別，似一般茶記，但次次黎我都必點佢既酸辣粉鐘意食酸辣粉既朋友應該唔會失望一碗酸辣粉既靈魂就係佢既湯底同薯粉，呢兩樣野bb辣都做得唔錯。湯底辣度可以選bb辣至大辣，而我通常會選小辣，不會太辣又過到口癮。整個湯底酸中有辣，非常開胃 而薯粉口感不錯，不會煮得過淋或過硬，每一條都沾到湯既精華。口水雞份量都唔少，紅油加上麻油香，配上酸辣粉一流。P.S 酸辣粉只供應到晚上六點，夜晚黎食唔到（強烈建議餐廳全日供應）

是次叫咗辣子雞，正宗嘅辣子雞係有炸雞皮啦，雞軟骨啦，腰果，而呢一間BB辣餐廳辣子雞得花生同埋炸雞沒有雞軟骨沒有雞皮，真係十分不好吃，仲有手撕包菜淨係得油同醋炒嘅菜？農家小炒肉少爺炒飯都係得幾粒蝦同埋午餐肉白飯炒蛋又唔夠蔥，一啲鑊氣都冇，又唔香又唔新鮮，全部食幾啖難食到掉咗去垃圾桶何來有咁多好評？？我就係睇咗佢啲好評幫襯叫app⋯⋯成為$433隱世最好不過真係難食到唔會再光顧⋯⋯冇一間川菜嘅辣子雞係炒花生，完全唔夾味道！

酸菜魚  午市外賣😋食得滿足小辣對我來說剛好。夏天開胃的酸辣口味。魚片份量足，湯裡有苕粉、豆芽，外賣手感頗重/份量十足的樣子，個人覺得如果有金菇更好，多多金菇，我願把苕粉換作金菇，苕粉好飽肚。

如題員工態度惡劣，大聲吹水滋擾食客明明叫左走辣，就來左碟辣的，如果承認錯誤換過碟唔係問題，但狡辯辣椒係裝飾，點都會有，喂大佬，做錯就做錯啦，仲要咁解釋😟最後比錢食左成幾百蚊，一肚氣，唔會再幫襯！

之前同朋友去過bb辣度食晚市，覺得好好食但位置真喺好偏僻😂第一次去要朋友喺香工門口接我先去到 上星期有一日因為要去荔枝角做嘢，就諗起bb辣，因為我嘅酸菜魚癮起😂到底酸菜魚落咗咩會令人上癮？-叫咗酸菜魚lunch set ，大約7-80蚊有餐飲 個酸菜魚嚟到有啲啲失望，賣相同晚市差好好好遠不過唔緊要，可能酸菜魚嘅味道搭救呢？一試，再失望多一下…. 同晚市嘅味道亦都差好好好遠 唯一不變嘅，應該喺啲魚肉一樣咁滑？同埋好彩佢都有寛麵做配料，都開心返少少-不過都明嘅🥹午市晚市價錢差咁遠，一定會有落差下次再嚟bb辣，我都係食返晚市算了

😍 必食酸菜魚 (9/10)＊魚份量多，魚質嫩滑，食落去非常有魚味＊有很多配菜：金針菇、寬粉、芽菜＊湯底超超超好味，建議先飲幾啖湯（好清），再將辣椒（辣度自己揀選）及酸菜撈埋一齊，味道會轉為更酸更辣（哩度嘅辣唔係麻個款）😍 皇牌口水雞 (9/10)＊肉質嫩滑，脂肪不多＊紅油味道香口，有少量花生，好脆口＊午市只需+$25，性價比高＊呢一站荔枝角＊#荔枝角美食 #九龍美食 #酸菜魚 #四川美食 #火鍋 #雞煲

iFOOD_ProMax小編作為肉類愛好者，就算係疫情環境下，經濟低迷，收入少咗都唔緊要，堅持無肉不歡！講返舖頭地理位置，如果唔係有心人士，真係好難搵到。始終呢間『BB辣』座落於荔枝角工業區其中一間工業中心的地庫，平時揸車都會冇咩可能有位泊，亦都唔近地鐵站，就算行街真係連門口都搵唔到🤣落到地庫已經直到門口，午市等位人數唔多，非常好！直接有得坐！😎作為熟客真係餐牌都唔使睇，櫈都未坐暖已經忍唔住叫侍應快手落個單先：尖椒牛肉飯一個‼️🔥食嘢都不外乎色香味，呢個尖椒牛肉飯真係世界級，唔係講笑1️⃣色：綠色的尖椒和啡色的牛肉相映成輝，望落尖椒炒到啱啱好熟，仍然處於爽口階段，牛肉都係啱啱變色，應該係大火快炒再落鑊爆椒，火候十足2️⃣香：尖椒斜切，辣椒籽微微滲出少少刺鼻的香辣，空氣中仲聞到夾雜着新鮮滑牛肉味3️⃣味：尖椒脆嫩爽口，牛肉爽滑彈牙，辣辣地鹹鹹地，非常惹味由落單到嘢食嚟，前後都冇3分鐘，即叫即炒，$48有呢種質素，真係香港最強尖椒牛肉飯🔥

全部用料豐富，有鮑魚海參花膠，8個人都食唔哂既6人盆菜！全部料都好入味同炆到好淋。我阿婆95歲都食得好滿足☺️☺️☺️加埋個麻辣汁真係無得頂，超好味😍😍😍