影片
以上資料只供參考, 請與餐廳確認詳情
主打日式鐵板料理，每晚都大排長龍，店內裝修簡約時尚，空間感還好食物選擇多元化，每位主食送沙律吧放題，包括新鮮蔬菜、白飯、南瓜濃湯和甜品等，全部任添，性價比相當高🍴鐵板燉牛肉蛋包飯賣相好吸引，牛肉燉得軟腍，醬汁香氣四溢，滑蛋包住熱騰騰白飯，拌埋一齊食好惹味，滋味十足🍴鐵板紐西蘭西冷牛扒燒至3成熟，表面微焦，入口軟嫩，鐵板旁邊有小熱石，可以自己加熱牛扒，調整熟成度，岩晒鍾意食唔同生熟程度嘅朋友，配埋蒜片和薯角，份量恰好🍹鮮果水果茶茶底加入哈蜜瓜、火龍果、蘋果、西柚和菠蘿等水果，滿滿果肉，入口清甜帶微酸，清新又解渴🍹清香蘋果苿莉花茶色澤透亮，淡淡茉莉花茶香，加了細細粒蘋果粒，入口清新帶果香，好refreshing 🍨朱古力芭菲賣相一流，雪糕面鋪滿朱古力醬、脆脆粒和棉花糖，再加埋餅乾和朱古力棒裝飾，超級吸引！層層雪糕和朱古力醬交錯，甜度啱啱好，幸福感滿滿🍨士多啤梨芭菲滿滿新鮮士多啤梨粒、香甜雪糕、士多啤梨醬和綿花糖，上面有脆脆威化和粉紅色脆條，啖啖雪糕冰涼和士多啤梨酸甜，餐後甜品之選
繼續閱讀
🔥你係咪都鍾意食牛呢❓最近搵到間有水準又抵食嘅餐廳食鐵板牛🍴餐廳仲有沙律bar添💯除咗沙律🥗湯同白飯都可以無限添加🍚唔錯呀🉐🐮鐵板紐西蘭西冷：喺餐牌見到西冷扒已經流晒口水🤤上枱嗰陣塊西冷算係幾厚🥩切開入面仲係粉嫰色🔪目測應該都有三成熟度🔥切開一小口再放上右上角嘅圓形嘅小熱石上面☝️需要時可以heat多兩下先食🥳加埋牛油🧈炸蒜一齊食仲好味呀✅🍳鐵板燉牛肉蛋包飯：hubby最喜歡食蛋包飯💕呢個蛋包飯個旋轉蛋裙做得好靚呀👍打卡一流📸側邊圍邊放滿曬好嫰滑嘅燉牛肉🐃粒粒都入口即溶🔥啲醬汁仲好惹味✅撈飯食勁正😍有驚喜💯🍹鮮果水果茶：勁大杯鮮果水果茶😍入面放滿新鮮嘅水果🍉味道真實❤️食鐵板飲就最啱喇🥳🍧士多啤梨芭菲/朱古力芭菲：食甜品真係有第二個胃😂入到餐廳睇menu嗰陣我已經決定一定要食番杯芭菲🥰兩個味道都咁吸引🤩最後就梗係每一個試曬佢😋兩杯都好igable好好味📸個人就更加喜歡朱古力口味🍫味道唔甜偏濃朱古力味✅啱我口味👍
繼續閱讀
位於荷里活廣場嘅🌟Bari Bari Steak🌟，開業不久，主打🇯🇵日式鐵板料理♨️！餐廳嘅最大特色，就係惠顧任何♨️鐵板主食，均奉送🆓免費自助沙律吧放題，無限任添沙律🥗、白飯🍚、餐湯🍲，性價比頗高👍🏻！🥩鐵板紐西蘭西冷 200g $168厚身嘅西冷扒，肉質軟淋有肉香，齋加鹽同黑椒已經好好味！自助吧會有三款配牛扒嘅特色醬汁！鐵板跟埋熱石，可自控生熟程度！伴碟嘅薯角都幾香脆！🍚鐵板燉牛肉蛋包飯 $138係旋風蛋包飯！燉牛肉汁好送飯，牛肉入晒味，唔錯！🥗自助吧有幾款新鮮蔬菜，沙律用嘅醬汁都有三款！另外可以任添飯同埋餐湯！百零蚊就有個迷你放題食下，都真係價廉物美！🍨朱古力芭菲｜士多啤梨芭菲 $68大大杯嘅芭菲，好睇好食夠甜美！🍹清香蘋果茉莉花茶 $38｜鮮果水果茶 $48以鮮果製作嘅特色水果茶，係消暑良品！
繼續閱讀
開開心心叫咗個牛板腱,唔洗十分鐘就上咗,個職業話「牛板腱係五成熟,可以用熱石再加熱」,點知一切開,三成熟都唔知有冇,真係好難切,上職員幫我哋再換一個,佢話「唔係呀,牛板腱係三成熟,你用熱石加熱先係五成」。 我想問係唔係個鐵板冒住煙就係三成？I happily ordered a beef flank steak, and it was served in less than ten minutes. The staff told me, "The beef flank steak is medium-rare, and you can use the hot stone to heat it more if you like." But when I cut into it, it was undercooked—not even rare—and really tough to cut. The staff then helped us get a replacement and explained, "Actually, the beef flank steak is served rare, and the hot stone is for you to cook it to medium-rare." I’d like to ask: does the fact that the plate is smoking hot mean it’s only cooked to rare?
繼續閱讀
食物唔好食，仲要服務差。兩大一小食午餐，因為小朋友細食，叫了2個主餐+1個小食。主餐跟沙津吧放題。我地叫2個餐，所以只取了2份餐湯、沙津，冇打算攞多。突然，個木口木面既經理過來，話我地叫2份主食，只可拿2份沙津，咁我話冇攞多，就只攞左2份。跟住個經理話餐桌上3個人，只可以2個人進食沙津，另一個人1啖都唔准食。講真，原先就食唔食都得，根本無意再添，但個經理講野好冇禮貌，攪到好似我地存心貪佢d 野，超掃興。最後老公當然1啖都冇食過，我地亦冇出去添過沙津吧。佢入座時間75分鐘，去到70分鐘，小朋友想食多塊菠蘿，就出去夾左2塊菠蘿而已！另一個侍應即刻過來話時間已到，唔可以再出來攞沙津。如果個沙津係咁寶貝，就唔好用任食做selling point. 講真，價錢係pepper lunch既2倍，食物質素同pepper lunch一樣，蛋包飯個汁係凍架，仲要當正你呃飲呃食，呢間餐廳永遠唔會幫襯。我明白呢間餐廳可能好怕有人呃飲呃食，但對客人來講，呢種服務真係好差勁！咁怕洩底咪好似UCC咁只可取1次沙津吧，而唔係扮大方任攞任食，到頭來又要俾說話你聽囉！
繼續閱讀