Bar Leone

以意大利羅馬凡傳統酒吧作為靈感，內部燈光昏暗，牆上的掛畫、招牌、球衣的設計，仿如走入電子螢幕中，一幀幀從左至右有條不紊的播放著。2024年奪取亞洲50佳酒吧No.1，世界50佳酒吧No.2就是為了排名而來。ROUND ONE -#CAFFE ‘PARADISOA一定要大口喝，才能一次嘗出Topping綠豆蔻辛香料、綿密奶泡，飽滿的咖啡香。#IL CACCIATORE入口溫和帶酸，櫻桃蕃茄味令整體變得清新，容易入口。#MARSELLUS WALLACESMOKED MASCARPONE DIP & CHIPSI CAN EAT IT ALL DAY ~ROUND TWO -#OLIVE OIL SOUR同樣有一層泡沫和橄欖油，酸甜會更平均，酒精濃度會比前一杯更多。#YUZU AMERICANO#ADONISSo heavy, please don’t..FOCACCIA MORTADELLA FULL & YUM ~佛卡夏鬆脆，滿滿的火腿餡料，鹹香有酸醬奶酪解膩，佐酒一流。酒吧氣氛、熱食會令喝酒的意慾增加。但Drink  List堅持從簡，Tequila/Whisky濃度很高，比較適合常碰杯或成熟的大人。個人認為玩味調酒的COA在酒類會更為優勝………查看更多

終於去到成日都大排長龍嘅Bar Leone！入面氣氛好好，啲裝飾都好都自己風格。同朋友一齊嗌咗幾杯唔同嘅嘢飲試吓，最驚艷一定係 CAFFE' PARADISO，creamy 得黎酒感都好重下，好似食緊甜品咁。嘢食方面都唔會令人失望～嗌左Smoked Mascarpone Dip & Chips，Meatball Marinara，"IFC" Italian Fried Chicken同埋Focaccia With Mortadella, Whipped Ricotta, Pickled Chillis。smoked mascarpone dip and chips 送酒一流！creamy嘅芝士加埋脆卜卜嘅薯片，簡直冇得彈！…查看更多

世界排名第二、亞洲排名第一酒吧呢兩個朵太勁，作為一名愛小酌一吓嘅香港人，總要試過先有資格批評，所以我嚟幫襯Bar Leone。避開星期五、六、日夜晚呢啲隨時要等兩、三粒鐘嘅日子，特登閒日（周二至周四，周一休息）開門前嚟到，唔駛等咁耐。下午五點開門，我四點九開始排隊，我前面大概有十個人左右。到五點條龍已變成有廿幾三十人。單拖一人提前嚟，總算做到第一輪客兼坐到吧台位，呢點好重要，因為吧枱位先可以同bartender盡情交流兼睇到佢嘅調酒功架。Bar Leone係一間意大利cocktail bar，所以第一杯我揀意式經典雞尾酒嘅Negroni，試吓基本功。呢度有兩種口味選擇，我揀咗草本味較重嘅Fig Leaf Negroni。杯酒好有層次感，嗰舊大厚冰有助慢慢釋出雞尾酒嘅草本味，而塊柳橙就帶畫龍點精作用。叫份Smoked Olives 🫒 下酒。啲橄欖煙燻味好重，有啲似食煙肉嘅feel。本質係鹹嘅，所以淨食未必啱，但配帶甜味嘅雞尾酒就係perfect match。第二杯打大佬，叫了鎮店之寶Olive Oil Sour。微甜微酸易入喉，酒中加入靚靚初榨橄欖油，令整體變得更複雜，用番酒鬼術語杯酒好rounded（圓潤），令人飲得非常舒服，有驚喜。最後一杯要咗Caffe Paradiso。同樣有咖啡同whisky（Nikka）做base，似輕盈版Irish Coffee，但加咗海鹽嗰層泡真係神來之筆。聽bartender建議，要同一時間飲晒兩層，果然更好味。價錢方面當然唔平，埋單同去中價酒店食自助餐差唔多。我算飲得多囉，見同坐吧枱位嘅客人都係一杯起，兩杯止。不過以呢間店嘅名氣同出品水平，平均百幾蚊杯雞尾酒都可以接受。而且呢度bartender解釋杯cocktail好清楚，加上酒吧氣氛好chill，至少唔使任何dress code，抵加分。…查看更多

終於試到呢間連續兩年入圍Asia top 50 嘅酒吧，冇記錯嘅話而家應該係香港排第一🔥可能落雨冇咁多人排隊，好快就已經入到去，一入去覺得個環境都幾舒服，本身只係得企位，職人好快幫我哋安排坐喺吧頭位置，調酒師都好Nice，介紹得好詳細我同朋友叫咗三杯酒，不過覺得三杯都偏甜，酒味唔夠濃，如果鍾意飲所謂女仔酒嘅，應該會好鍾意🍸到嘢食方面叫咗兩個，吉列雞扒送酒一流，另外呢個包，唔好睇佢好細個咁，食落好飽整體嚟講都會想再嚟試吓佢其他酒😙…查看更多

終於去咗亞洲第一嘅酒吧——Bar Leone！真係冇失望啊！✨嗰杯Olive Oil Sour？口感超Creamy！等三個鐘都值！🍸環境夠暗，音樂正，同朋友chill就最啱！🥂⭐️溫馨提示：唔想等咁耐？6點前嚟留電話號碼啦！ Had to see what the hype was about at Asia’s #1 bar🤩—Bar Leone did NOT disappoint! That olive oil sour? Super creamy! Worth every second of the three-hour wait. 🍸✨Low lighting, good tunes! The perfect spot to soak up the vibe and unwind with friends. 🥂✨⭐️Pro tip: Put your name down before 6pm if you wanna skip the crazy line!…查看更多