Bakehouse

營業中

休息中

平時經過銅鑼灣都會買來吃食, 今早11點多購買了四個蛋撻，當時有1x 人排隊, 返到屋企一打開, 發現其中兩個蛋撻過熟, 燶左, 同平時大大分別, 失望, 希望Bakehouse 注意下。

喺銅鑼灣咁啱食完早餐，又經過長期要排隊嘅bakehouse，佢嘅蛋撻係好岀名，次次都賣晒。今次去到見到條龍唔係好長，就睇下仲有無蛋撻，可能早又係平日嘅關係，竟然仲有蛋撻，見條隊唔係太長，唔好錯過呢個機會。除左酸種蛋撻之外，我哋仲買左雲尼拿冬甩同肉餅(唔係我叫，唔知個正名🤣）。酸種蛋撻:好味，不過唔覺好特別雲尼拿冬甩:我覺得似吉士冬甩肉餅: 肉比我想像中硬，我受軟唔受硬，所以我麻麻不過我哋買左放左一陣先食，唔知即食會唔會好啲。

經過BakeHouse 銅鑼灣， 見唔多人排隊， 就入內買4個包1） Beef Rendang pie $48 -2分好少見有巴東牛肉pie， 點知超級中伏。 ＞已經氣炸鍋焗熱， 點知皮唔脆口＞內裹牛腩？ 又冇味又唔肉諗， 似湯渣。＞食左1半已經唔想食落去。＞難食到， 浪費左我$48買此批。＞每店質素唔同？ 冇quality control? 2) Cinnamon Pecan Roll $36 8分係4個包中最好味的。包軟， 肉桂味香， 會再回購此包only.3) Heroes Puerto Ale Pretzel $22 3分好煙韌， 咀嚼肌要用d力。味道咸咸地@@最好即日食， 隔日食， 完全咬唔入@@4) Garlic & Herb Focaccia $32 3分咁大個包$32， 以為好抵， 點知味道一般。沒有太大蒜及香草味， 唔怕食完有口氣。焗熱好味d.總評。 2-3分個人認為。有點名大於質素。

每次經過bakehouse都一定係大排長龍，企門口嘅個個都係咬住個蛋撻，不過我都好認同蛋撻微溫嘅時候係最好食，所以一定要即買即食。今次排隊排左大概10分鍾左右，除左買左半打蛋撻之外，仲買左芝士洋蔥英式鬆餅做早餐。蛋撻係依然keep到水準，個酥皮好脆好易食到成地都係碎，所以要份外小心。鬆餅系列有3種，原味/提子/芝士洋蔥英式鬆餅，我最愛嘅都係芝士味，整熱食之後外皮有少少脆，內裡鬆軟，而且仲會咬到少少洋蔥嘅口感，配杯咖啡完全係非常滿足。

🥡掃街 🐻#炸物控 🐻‍❄️#新奇控——————Bakehouse 喺香港🇭🇰多個遊客區開分店，最新分店10月15日開到入東涌添。到底呢間麵包店係咪真係咁吸引？😎香港遊客🐻🐻‍❄️出動！🧁酸種蛋撻$12.5姐係葡撻🤣🤣，酥皮幾酥脆，$12.5一個唔算貴，都值得一試嘅😝P.S.當日🐻🐻‍❄️去嗰時前面得2個人、好快排到，但如果排長龍就要諗諗，因為未去驚豔嘅程度～但都好食嘅🫖英式鬆餅$20咬落比較厚實🤣食完好飽肚，都有啲牛油味🧈質感唔係🐻‍❄️想像中外脆內鬆軟嘅口感（🐻‍❄️：可能唔係正宗🤣但想像中應該係KFC鬆餅嘅鬆軟餡，再配返真正scone嘅四方外型）結論：唔使排長龍，個酸種蛋撻就值得一試～

每次經過Bakehouse都會見到有一條人龍。今日經過，忍唔住又買蛋撻食。🌷蛋撻可能唔係新鮮出爐的原因，蛋的部份微暖，酥皮較韌。冇上次買咁正。🌷蘋果批曲奇未食已經聞到一大浸肉桂的味道，食落有粒粒蘋果肉，味道唔會酸，而且有很濃郁的肉桂香味，曲奇不是脆口，是軟身的，不過比較油膩。🌷提子乾蘋果英式鬆餅鬆餅外邊微脆，裏邊的口感唔會太乾，最正係食到一粒粒蘋果肉和提子乾，而且伴有肉桂香，做得不錯👍🏻。

之前喺尖沙咀試過買唔到蛋撻，話要留低聯絡，幾個鐘之後再打電話俾我返去拎。嗰次之後，我好似就冇成功買過蛋撻。琴日經開銅鑼灣，返Office之前成功買到，所以都有人排隊，但係排一陣都買到嘅。蛋撻依然都係咁好食，要四個先有盒，所以買埋返去俾同事分享。蛋撻好多層好鬆化唔會太甜，亦都唔會太油膩，食一個下午茶啱啱好其實佢仲有好多麵包，但係未有機會試吓，朋友買咗個牛角包都話好好食，牛角包好香牛油味好多層好好食。希望下次唔使排隊都買到啦。🫶🏻

Bakehouse當然出名係蛋撻，但我一直係kfc葡撻fans😂😂😂 所以有張$30 lee garden 優惠券時，我都決定唔換蛋撻！去到都排左一陣但可接受，如果蛋撻的話每日幾個出爐時間，自己預約好啦！我買左個玉桂蘋果酥$32，返屋企第二日airfry 左先食仍然好好味，$32絕對值得比！

名不虚傳，確係好食，蛋味超濃，蛋量也多，表層焦香，加上外皮由多層薄皮結合而成，入口超強酥脆口感，一件只賣$12 .5 ，價錢合理，CP值超高，怪不之長期大排長龍，遊客勁推，作為土身土長的香港人又豈能錯過

今日去買左6 件蛋撻，拎到返屋企即刻食，個撻微暖，食第一個嗰撻皮酥化無比，食到一身一地酥皮碎，而且吾太甜，跟著立即食第二個，就嗰撻皮比較軟身，可能兩個撻系吾同時間出爐的，所以食落有點落差。

今日行過，冇人排隊，所以入去買過個蘋果金寶玉桂丹麥酥，幾大個而且好重手。蘋果金寶好多好脆口，玉桂味好濃烈，但個酥餅就吾系好鬆化，可以話比較硬添。$32/件，系可以嘅。

今次個朋友來香港，同佢一齊去銅鑼灣分店食bakehouse，買咗一盒蛋撻同埋一直strawberry Danish。蛋撻還是一如既往地好吃，當然還是新鮮出爐熱辣辣個陣時最好味。個Danish我覺得普通，上邊啲士多啤梨好酸

之前見咁多人排，唔太想排。今次冇乜人就試吓啦。今次買咗最signature嘅酸種蛋撻，都真係幾好食，整體感覺似葡撻，但個皮冇葡撻咁散，味道係好食過葡撻。但size比較細件，大啖一口都冇咗大半個。所以細細件係適合買杯咖啡，細細啖吃慢慢嘆。另外，我哋買咗個酸種麵包，揀咗個有nuts嘅。店員窩心解釋保存及食用方法，食咗少少試吓，麵包中間都軟熟，外面nuts好多。放喺雪櫃可以隨時在家吃，只要灑水再焗一焗熱佢就得，正！

Sourdough Egg Tart $12.5 (price inflation by $0.5)Ate Bakehouse sour dough tart quite a few times. Today it was the best coz when we bought it around 16:45 on Sunday, we saw a lot of tarts freshly baked. It was super crispy with many thin layers of crisps and the egg custard was sweet enough and smelt very nice of egg. Two of us shared 1.5 in no time. We bought three and they gave us two paper bags and one big paper bag to take them away. Queuing time was around 5 min.

好熱🫠☀️☀️☀️經過銅鑼灣BakeHouse 有特飲推出～Espresso Lemonade （蜂蜜濘檬梳打咖啡）❗️🫘🍹融合了濃縮咖啡🫘、蜂蜜🍯、檸檬汁🍋和梳打水🥤,為炎熱的夏日帶來一份清涼舒爽！！❄️Double shot雙份濃縮咖啡質感醇厚，檸檬酸味加蜂蜜則為飲品增添了淡雅的 sweet & sour ，加上梳打水，消暑又提神！🌟🌟🌟夏日炎炎貪心之選，值得一試😋🌟食評指數：8/10💁🏻‍♀️人均消費～HKD40🗺️ 地址：銅鑼灣啟超道16號地舖 (MTR CWB B1 exit)#cwbfood #cwbjollyfoodie #JKHK