B&B Oyster Steakhouse

這間位於美麗華廣場2期西餐廳，開業半年，頗有人氣。可由商場金巴利道入口，美麗華酒店正門左側扶手電梯上2樓便達。餐廳裝修華麗典雅，燈光柔和，牆壁掛有多幅由本地藝術的作品，尤其以黃獎的“一筆畫”最富特色，作品主題環繞本地影視名人肖像，而且會不時更換。座位也寬敞舒適，枱上點起彩色玻璃燭台，別具詩情畫意，晚上還有歌手駐唱。「牛肝菌忌廉湯」選用特級法國牛肝菌，菇香味濃，加入綿滑忌廉，跟牛肝菌香味互相輝映，是必食之選😋😋。還配上自家製蜜糖麵包，暖暖送上，香甜軟绵绵😍。「純正意大利卡邦尼意粉」廚師推介菜式，當然要嚐嚐。由服務員姐姐推出醃製三年的芝士輪，親自在枱邊烹調。她先用火槍燒熔芝士，再將意粉、意大利煙肉及其它配料，放入芝士輪中央兜炒，現場即製，香氣四溢。由於沒有忌廉，意粉比較乾身，完全品嚐到香濃芝士原味👍。「黑松露野菌薄餅」烤得香脆的野菌，濃香芝士加上薄脆餅底，又香又脆，非常滋味。雖然是素菜，但口感味道絕不輸肉食。「自家製意大利芝士餅」賣相精緻，夾層朱古力蛋糕，上面有芝士片及薄荷葉點綴。蛋糕軟滑，朱古力味濃。只要讚好餐廳的網頁，便有雪糕球奉送。還備有「姜粉」留言册🥰。在悠揚經典英文金曲下，享用了一頓豐富而美味的晚餐，而且環境、服務都同樣讓人非常滿意。…查看更多

在繁忙的都市生活中，找到一個既能享受美食又能放鬆心情的地方，實在不容易。位置Mira的B&B Oyster & Steakhouse便是一個理想的選擇，這裡的氛圍輕鬆而雅緻，讓人一踏入就感受到一種溫暖的歡迎。首先，我們點了半打Pacific Rock美國蠔。這道菜的呈現十分吸引，平日唔鍾意自己開蠔嘅我哋，見到蠔的外殼閃耀著光澤，讓人迫不及待想要品嚐。當我嘗了一口，海洋的鮮味瞬間在口中爆發，肉質鮮嫩，略帶一絲甘甜，搭配上檸檬汁的清新，讓人回味無窮。這道美味的開胃菜完美地為接下來的主菜鋪陳了基調。接下來是意大利雲吞配松露忌廉汁。雲吞的皮薄而韌，餡料充滿香氣，令人驚喜的是，松露忌廉汁的濃郁與雲吞的清新形成了絕妙的對比。每一口都像是在享受一場味覺的盛宴，香濃而不膩，讓人忍不住想要再來一碗。隨後，我們點了巴馬火腿薄餅。薄餅的底部薄脆，火腿的鹹香與新鮮的蔬菜完美融合。這道菜的色彩鮮豔，顯得格外誘人。每一口都帶來不同的口感，香氣四溢，讓人感受到意大利美食的魅力。飲品方面，我們選擇了Lemon Squash。這是一款清爽的飲品，酸酸甜甜的口感非常適合搭配海鮮和肉類，為整個用餐體驗增添了一絲活力。這杯飲品不僅解渴，還能調和餐桌上的各種風味，讓整體用餐更加圓滿。餐廳掛上不同畫作，而且聽職員講，畫作會根據不同主題更新。總的來說，B&B Oyster & Steakhouse以其出色的菜品和舒適的環境，讓每位顧客都能享受到一場難忘的美食之旅。無論是海鮮還是肉類，這裡的每一道菜品都展現了廚師的用心與技巧。若你在尋找一個可以讓味蕾驚喜的地方，B&B Oyster & Steakhouse絕對值得一試。期待下次再次光臨，品嚐更多美味！…查看更多

尖沙咀美麗華酒店上面有間有音樂live 唱英文嘅西餐廳，前身是畫廊，為左保留就同畫廊cross over. 每月都搞一個主題，比畫家放在餐廳牆上。今個月選了梅艷芳作主題，由於10月是梅姐生日，就用她來做主題。有出名的畫家明哥、黃獎畫家的真筆畫作在餐廳內擺放。生日更有特別佈置及生日歌餐前提供蘑菇湯非常濃郁，超好味。慢煮美國豬鞍豬鞍架真心有驚喜！慢煮到粉嫩嫩一啲都唔韌，切開肉汁澎湃。面頭煎到微脆，咬落去外脆內軟，仲有淡淡香草同蒜香。配埋秘製燒汁，食完大滿足。雖然等得耐啲，但為咗咁高質素嘅豬鞍，絕對值得等！黑松露野菌意大利飯一上枱已經聞到濃郁黑松露香！意大利飯煮得啱啱好，creamy得嚟米芯保持咬口，雜菌炒得香口，黑松露好香、味道層次豐富，每一啖都係享受。Fruit Punch呢杯Fruit Punch真心好飲，用足料去mix。飲落去橙香搶先爆發，跟住有陣陣菠蘿同士多啤梨嘅清甜。酸甜平衡得啱啱好，好開胃，冰涼透心又解渴，夏日必飲！小食拼盤小食拼盤有炸薯條、洋蔥圈（4塊）、唐揚雞塊（4件）、炸魚柳（4件）及奇津雞翼。呢個拼盤夠晒豐富！炸薯條脆卜卜，洋蔥圈香口唔油膩。唐揚雞塊外脆內嫩，炸魚柳金黃酥脆。最正係奇津雞翼，蜜糖芥末醬酸甜開胃，咬落肉汁爆出嚟。份量足料，三五知己分享啱啱好，送啤酒一流！…查看更多

好耐都冇去過美麗華商場行街了，發覺二期多咗好多餐廳。今日去咗一間又有live Band，又有畫睇的西餐廳。餐廳開業不久，裝修環境舒服，情調氣氛唔錯，最特別就係牆上掛滿好多插畫，為餐廳添上生氣。據店員透露畫作主題會每月換一次。為大家帶嚟新鮮感，同時亦都支持本地創作，非常值得欣賞。下午時段，有午餐set可以揀，包餐湯，餐飽，主菜，餐飲，還可以以優惠價加甜品。是日餐湯有兩款西蘭花忌廉湯蘑菇忌廉湯非預製罐頭湯，人手製造，可見到西蘭花或蘑菇的碎碎滲着香濃的忌廉味。餐飲 + 餐飽娘惹咖哩雞係屬於東南亞娘惹風味，唔會太辣，有椰漿的香，好惹味。咖喱雞炆得好入味，除咗雞還有洋蔥，青椒和薯仔，用料豐富。香煎比目魚意粉蘑菇汁同比目魚都幾夾，比目魚煎得好香有少許燶邊皮煎得脆脆的，而肉質嫩滑。配上意粉軟硬適中，相當唔錯。自家制提拉米蘇賣相超靚，大大的碟子上有花花圖案，打卡一流。提拉米蘇味道相當唔錯，用料上盛，食落去好Creamy軟滑，配方經過改良，大人細路都啱食。總括嚟講，食物質素唔錯，可以睇畫展又有live Band，一次過滿足幾個願望。…查看更多

週末嚟到尖沙咀美麗華酒店，試咗 B&B Oyster Steakhouse 嘅假日午餐，三道菜套餐性價比高，食物有驚喜，環境亦都舒適。餐廳位置隱世但好易搵：由美麗華酒店正門入，左手邊有條電梯，搭上一層，出電梯後沿左邊走幾步，轉彎就會見到餐廳入口。前菜方面有暖烘烘嘅餐包配牛油，外脆內軟，幾香口。餐湯我揀咗蘑菇湯，味道濃郁，質地滑順，唔會太鹹。最有睇頭係堂煮卡邦尼意粉（$138），老闆會親自推餐車到座位旁邊即場烹調，將熱辣辣意粉撈入半個芝士輪入面，芝士即溶即撈，香氣四溢，好有儀式感。主菜揀咗美國牛柳（$168），外層煎得香脆，肉質嫩滑，配燒汁同薯蓉，簡單但好食。餐飲方面我選咗朱古力，香濃順滑，入口有厚度，飲落好滿足，配搭主菜一流。餐飲方面我選咗朱古力，香濃順滑，入口有厚度，飲落好滿足，配搭主菜一流。甜品有兩款：芝士蛋糕綿密香濃，碟上仲有手繪朱古力圖案，打卡一流；Tiramisu 質地輕盈，忌廉滑口，甜度啱啱好，咖啡味唔算太重，食落唔會膩。另外，餐廳附近有一個舖位定期展出本地藝術家黃奬嘅作品，有興趣可以順道參觀，感受一下藝術氛圍。整體而言，食物水準高，環境高雅，座位寬敞，係週末同朋友輕鬆聚餐嘅不錯選擇。…查看更多