B記湯飯

朋友邀請我入大西北一齊食飯～佢話新北江，其中一間必食就係呢間湯飯！款式嘅選擇都好多，主要分為煲仔小菜和自家靚湯。今次揀咗冬陰功湯+腰果蝦仁朋友就揀咗枸杞葉肉片湯+ 西檸豬扒剛剛落完單就聽到廚房話：冇晒冬陰功湯啦好彩我都有得飲！冬陰功湯足料，有蝦有蜆；可以飲到比較重嘅椰奶味，腰果同埋蝦仁嘅份量都多，加上西芹一齊炒，好健康！豬扒比較腍，西檸汁唔會太酸；枸杞葉都好新鮮，食落去唔會苦。如果出街食都想食到家常嘅味道就要搵呢間啦…查看更多

好鍾意食湯飯 所以成日都會去呢度食 之前新出花甲湯飯 第1次食覺得好好味 又大碗 比佢其他套餐既湯飯更大碗但覺得食埋粉絲太滯了 而且浸住索晒d湯 所以第2次我就叫佢走粉絲 就夠多湯餸飯 正 近排再去食 嚟咗碟野 我真心上火 我係想食湯飯 唔係想食撈飯 我問阿姐而家走粉絲 就係咁既樣？ 阿姐話係 結果係食晒d蜆就算 仲要係d蜆都幾多砂 一肚火起身走人 如果你一推出就係一碟野 或者張相已顯示係一碟野無咩湯 咁我最多唔叫 因為我係想食湯飯 唔係想叫餸食飯 但係食開之後先變到咁 真心覺得浪費咗我一個晚餐既quota 應該唔會再常去食…查看更多

打電話嗌外賣 阿姐一聽就叫我等等。一等就係5分幾鐘 都仲未返嚟拎返起個電話。我聽到佢帶位 落單 完全忘記咗電話另一頭有人等緊。最後收線自己落去買 一邊行一邊打咗好多次都仲係線路繁忙 即係如果我仲喺屋企乖乖地等 應該座底要等10分鐘。我叫沙薑雞 $45 分量少得可憐。件數已經少 食落有啲係淨係皮 雞殼 勁少肉。 絕對唔夠飽 要再食杯麵。等外賣時 我已經喺條巷度等 阿姐拍埋啲枱凳 時不停整到我 都冇諗住停低或講聲唔好意思。有客人買有冇雞煲 阿姐話冇 客人問點解 佢話幫佢問吓廚房先 客人等到最後要開口大聲問多次 阿姐先醒起要問睇嚟啲阿姐好鐘意要食客等…查看更多

人生第一次寫負評！！！之前食過一次覺得唔錯，今日就去食啦，點知等咗八個字，得一碗湯到咗，叫咗幾次上咗白飯先，之後碗白飯送咗去隔離枱，問有冇miss單，望都唔望就話唔會㗎！🙂我哋早過隔離枱到，佢哋就快食完，我啲餸都未上齊！做唔切又狂做外賣單，人哋問佢有未，叫人哋等陣就算，接唔到咪接啦。咁嘅服務態度，就算味道唔錯，都冇下次呀，今次係最後一次食🙂真·冇用餐體驗，咁就浪費咗八個字，去食第二間餐廳等唔夠十分鐘就到齊，仲要間餐廳仲多人，望周知。…查看更多

餐廳位於新北江商場嘅一個角落，主打招牌靚湯！今次就同朋友一齊整返個靚湯客飯套餐，可以自己揀湯、主食同埋餸，好多選擇～喇沙湯+椒鹽豬扒+米線💰HK$68喇沙湯味道正宗，配米線一流，酸酸辣辣好惹味！可惜椒鹽豬扒肉質就比較硬，有少少失望～潮式蠔仔肉碎湯+沙薑雞+白飯💰HK$68
朋友就簡咗呢個配搭，蠔仔肉碎湯飯味道都好出色，令人忍唔住食晒成碗！可惜沙薑雞味道唔夠入味，有進步空間～總結，靚湯好出色，餸嘅質素就有待改善～…查看更多