ASOK THAI GARDEN

呢間主打"男色經濟圈"泰國餐廳的確好適合全女班黎尖叫一下因為餐廳內有猛男在場係你食飯果陣一邊除衫show手瓜show腹肌仲有得餵食同其他心跳互動添星期一晚都坐滿8成9成仲要全場90%為女性呢個現像的確有趣成晚聽得最多就係生日歌同尖叫聲餐廳好識做有個小Sticker比女士們主導返同班猛男ge親密情度保證你情我願我今日打分主力真係想打比班猛男個個大隻又識做炒氣氛無得輸我無份同猛男互動純食花生都好歡樂不過論返個食物我就完全明白點解餐廳要請猛男黎坐陣因為呢度所有菜式都唔好食❇️飛天通菜 HKD88😩唯一正常但都唔係好食❇️炭燒泰式封門柳 HKD288😡好貴但份量好少半般都係薯黎同埋無炭燒味❇️醉貓炒河 HKD148😡呢個本黎我飛彿點知呢個真心唔好食濕嗒嗒一Pat Pat搞唔掂❇️椰子雞湯 HKD88😨水油分離同好淡❇️Thai Milk Tea HKD48👍VERY GOOD 茶好濃唯一一樣野可大讚❇️Delight😌猛男特飲荔枝味cocktailOK正常仲有猛男攬實你shake都會比個Like埋單 HKS933好貴呀單單如果比食物我直頭覺得離晒譜總之食物負分但猛男氣氛我比100分所以嚟呢度只有情緒價值可以提供美飯來講呢度一定係冇嘅…查看更多

食咗個生蝦、咖喱雞、豬肋骨同埋焗咖喱菜，首先咖喱冇咖喱味亦都冇香料味，只係得甜味，啲材料大大件切都費事切，啲矮瓜貌似酒樓點心煎釀三寶嘅size就咁擺落去；咖喱菜嘅咖喱係黃咖喱，居然同青咖喱係一樣味嘅；然後咖喱菜啲菜係直接白烚乜味都冇，兩盤咖喱甜爺爺真係唔知自己食咗啲乜。豬肋骨嚡熠熠，點嘅醬都係甜嘅，明明食緊夜晚飯，結果我感覺似食緊甜品buffet。…查看更多

這是我第二次幫趁的泰式餐廳。明白每間餐廳未必每樣食物都做得出色。第一次幫趁，沒有留下太深刻的印象，今次試了他樣菜式:1) 蒜香炒雜菜 $88: 炒得香、惹味、不過咸; 有驚喜!2) 蛋炒咖哩海鮮麵包 $198: 麵包烘得不夠、上檯時麵包已淋晒; 海鮮份量不足 👇 此菜式真的與位於佐敦的泰灜比下去了😅! 泰灜的麵包焗咖哩海鮮焗得既香且脆 (起碼焗了半小時) ，海鮮份量亦足夠👍👍👍👍👍! 若給予泰灜的麵包焗咖哩海鮮💯滿分的話 ，此店的蛋炒咖哩海鮮麵包只值 20分 🤣🤣🤣🤣🤣。坦白說，$198 此價錢完全不值😅😅😅😅😅!3) 醉貓炒河 (豬頸肉) $148 : 炒河炒工頂呱呱，碟面完全不油、惹味; 若豬頸肉多幾塊就 perfect 了4) 娘惹蕉葉烤魚 $248: 新鮮、好味: 唔錯唔錯Lime Soda $48: 有驚喜，酸味濃，醒神下次會晚上幫趁，聽說氣氛熱鬧!…查看更多

今次用餐體驗真係好失望，個別服務員好冇禮貌我地早左去餐廳放袋出去接朋友，手機落左單先，我同服務員講我地照落左單先但可唔可以等埋我地接左朋友返黎先上菜，個服務員話完好，但返到黎見到啲野食凍晒放係枱😂真係好無奈我本身已經同餐廳講呢個係告別單身既慶祝活動，book枱都註備咗係告別單身，仲早左到餐廳同服務員講呢個係告別單身但去到同啲服務員互動果陣個個都走黎講生日快樂，但明明蛋糕上面個牌係寫住告別單身。服務員送蛋糕個陣仲要講：「今次係慶祝生日定係告別單身？是但啦。」咁我地同餐廳講咁多次既意義係咩？上完蛋糕，佢幫我地執枱，我地就自己傾緊計，仲要唔該佢。係冇任何request嘅情況，服務員態度十分差咁講：「得ga啦得ga啦，佢地好快嚟影相ga啦」我地都黑人問號，做咗咩令佢咁大反應？食哂啲嘢之後，我地事前同餐廳溝通好，喺影相時都希望啲所謂嘅「猛男」都會主動咁同我哋影相。事前咩都要求都話好呀好呀，到之後就完全冇咗呢個環節。要我地再當面問可唔可以影張相，大家尷尷尬尬話「影相呀，好呀」最後交枱果陣個服務員直接指住手錶催我地：「要交枱啦！出面等緊！」比人覺得好唔尊重，服務態度實在好差。雖然野食質素唔錯，但肯定唔會再去第二次😂…查看更多

裝修打卡靚到爆📸，啱晒朋友聚餐、慶祝生日。呢間餐廳係好開心，無時無刻都聽到生日歌。好多好多客人慶祝生日，令到成間餐廳都好開心☺️我都覺得去到呢間餐廳成晚都好開心☺️🍽️精選推介：• 💪Strong Man Lift - Power：唔係普通cocktail！猛男親自調酒＋公主抱📱📸！酒味微甜果香，打卡一流～• 🥬豬肉生菜包：肉碎香口，包住生菜一啖食落去，好清新。• 🌶️酸辣海鮮媽媽麵沙律：酸辣夠晒勁，海鮮彈牙，媽媽麵吸晒汁• 🍲冬蔭功湯（小）：濃郁酸辣，蝦夠大隻，飲完暖笠笠～• 🐮封門柳牛肉船麵• 🥦通天炒椰菜：夠鑊氣，椰菜爽口唔老，簡單但好食。• 🍨炸刈包配椰子雪糕＋花生醬：外脆內軟，甜品位超邪惡但唔膩…查看更多