影片
電話號碼
28912236
開飯介紹
予人感覺輕鬆的酒吧餐廳，是和朋友聚餐的好地方。以意大利近地中海省份的菜式為靈感，供應傳統和新派口味的意式料理。
繼續閱讀
營業時間
今日營業
11:30 - 22:00
星期一至五
11:30 - 22:00
星期六至日
08:00 - 22:00
公眾假期
08:00 - 22:00
公眾假期前夕
08:00 - 22:00
以上資料只供參考, 請與餐廳確認詳情
-
網上訂座服務暫停
影片
相片
Cheesecake
+335
+17
相關文章
餐廳：Ask For Alonzo地點：跑馬地黃泥涌道菜式：意大利近地中海省份的菜式餐牌：Tasting Menu包前菜4選1，主菜6選1，同甜品3選1或者餐後甜酒/咖啡/茶，價錢$288加一。某些菜式要加錢。麵包每人有兩款各一片，分別加有麥片果仁乾同sun-dried番茄，烤得外脆內鬆軟，食落又鹹又甜，暖暖地上枱，配自家製松露加巴馬臣芝士醬，由松露芝士加蛋黃醬撈成，食落又滑又香。Selection of Cold Cuts & Cheese精選意大利凍肉及芝士拼盤精選意大利凍肉及芝士拼盤用木板上，有三款凍肉，分別係salami，parma ham，同火腿，都好大塊。伴有鹹軟芝士兩款。再加番茄乾，酸洋蔥圈，橄欖，同酸燈籠椒等，可以平衡鹹味。另外都有兩片脆口多士。Sauteed Clams白酒炒蜆配香辣檸檬白酒高湯及香脆意大利香草包 加$48 另加一連殼蜆大概有10幾隻，非常嫩多汁，飽滿鮮美。個汁味道唔錯，只係微辣，酒味唔濃，加左好多蒜片同辣椒。配有兩片脆口多士，可以點汁食。另上兜比你放殼。Spaghetti Alle Vongole白酒蜆肉意粉蒜蓉白酒檸檬汁炒蜆肉意粉伴意大利香芹 白酒蜆肉意粉用大大隻兜上枱，幼身spaghetti好al dente，橄欖油味濃，灑上香草。有8隻連殼蜆，同前菜白酒炒蜆一樣咁飽滿同鮮美。調味料有蒜片，本身個意粉海鮮味已經好香。Prawn & Asparagus Risotto 加$28 另加一大蝦蘆荀意大利燉飯，龍蝦忌廉湯醬好少見到燉飯係用碟上！5隻大蝦擺好飯面，已經去殼，食落鹹香適中，爽脆有海鮮味，仲有微微脆皮，外面少少燶，火候控制得好。下底燉飯醬汁豐富，龍蝦味夾雜翠玉瓜，辣椒，燈籠椒，蘆荀加上香草同少少黑椒，味道香甜中帶微微辣，口感豐富。呢道意大利燉飯非常好味。Cheesecake芝士蛋糕配士多啤梨醬大大件芝士蛋糕面頭加上士多啤梨醬，外圍再加上紅莓醬同灑上糖霜。滑溜芝士蛋糕好滑，加上脆脆餅底同莓醬好美味，唔會太膩，口感似布丁。White Chocolate Panna Cotta意式白巧克力奶凍意式白巧克力奶凍係滑溜香甜白巧克力奶凍加上朱古力醬同糖霜，伴有大量雜莓醬，食落甜中帶酸，口感味道都好正！面頭加上少少薄荷葉裝飾。A's Homemade Lemonade $38 另加一A's Homemade Lemonade 有檸檬一片同薄荷葉一塊，味道調得好，酸酸甜甜好開胃又帶薄荷清香。今餐食物唔錯，蜆非常肥美鮮甜，兩款意粉都好好味。餐廳環境半開放式，感覺好有外國feel，好多人收工黎happy hour。外籍服務員態度友善。
繼續閱讀
今日同男朋友嚟到跑馬地 試吓呢一間意大利餐廳 就喺電車站總站一落車就見到 間餐廳嘅環境都好靚，感覺好chill 通常間餐廳如果有tasting Menu 嘅話都一定會叫嚟試吓間餐廳嘅嘢食 今次都唔例外首先佢先黎餐包 係兩款唔同嘅意大利麵包 好鬆軟香脆 完全唔會硬到𠝹口 配埋黑松露醬好有風味 好好食🥹🥹前菜就揀咗意大利凍肉同芝士拼盤 同埋白酒炒蜆配香辣檸檬白酒糕湯同埋意大利香草包 芝士口感好香軟，亦都食得出有奶味而凍肉就有三款唔同嘅 每一款個口感同香味都好正 特別鍾意佢個辣肉腸 而白酒炒蜆佢個醬汁勁香濃，蜆肉又好肥美完全冇沙，仲要份量好多 個麵包同個醬汁好夾！主菜就揀咗大蝦蘆筍意大利Risotto ，佢個飯好香蕃茄味唔同嘅配菜同香草，而佢嘅大蝦煎得好香，個殼都煎到脆埋好正🙌🏻另外一個就揀咗意式烤乳豬配薯蓉同蘑菇汁 第一次食嘅烤乳豬，估唔到係咁出色，佢嘅乳豬部位揀咗類似五花腩咁樣，肉質係比較結實，而果皮又烤到好香脆 食落唔會好油膩 蒜蓉好Creamy配埋個蘑菇醬汁好食💖甜品揀咗Tiramisu同埋Panna cotta 本身想揀cheese cake但係啱啱賣晒啦🥹唯有下次黎試 佢嘅Tiramisu都幾出色，好香咖啡味同埋好Creamy 而panna cotta 好rich 好香奶味，推薦！Overall 呢個tasting menu 好抵食又食到好飽🤣下次會試埋其他同埋特別想讚吓佢呢度啲Staff服務態度好好 好nice 全程面帶笑容👍🏻🫰🏻
繼續閱讀
好友約我去位於跑馬地黃泥涌道17-19號恆豐大廈地下19號舖的《Ask for Alonzo》食晚餐，環境舒適雅緻，坐得舒服。我地點左 2 set Tasting Menu ：🍴前菜：🔅Roman Meatballs 羅馬肉丸（3粒）.配蕃茄醬及巴拿馬芝士：肉丸軟腍好味。🔅Sautéed Clams 白酒炒蜆. 配香辣檸檬白酒高湯及香脆意大利香草包：蜆肉飽滿多汁好味。🍴主菜🔅Prawn & Asparagus Risotto 大蝦蘆筍意大利飯. 龍蝦忌廉湯醬：蝦肉結實彈牙，飯香好食。🔅Roasted Italian Suckling pig 意式烤乳豬. 配薯蓉及蘑菇汁：乳豬外脆內嫩，好好味。🍴甜品🔅Alonzo's Signature Tiramisu ：軟綿好味🔅Cheesecake：芝士味濃。🍴飲品🔅Auntie Maria Aperol Spritz：較甜蜜🔅Uncle Tony's Campari Spritz：味道有點強悍。
繼續閱讀
呢間餐廳既tiramisu係小編最愛既dessert，因為佢係homemade,仲要唔會好甜，環境舒適可以望到街外既景致食物一黎就有合桃提子乾既小麥麵包配黑松露醬汁小編最鐘意既醬汁之一，麵包同呢款醬汁好夾。麵包熱辣辣好軟熟既口感。Meatball配左蕃茄醬汁好醒胃，酸酸甜甜甘，肉球好岩味仲有拉絲既芝士好好味。西班牙燒豬，今次呢塊豬肉比較脆口，瘦身d既脆口肉味較濃，薯蓉好味，但薯蓉底可以再多反少少，份量細塊左，但味道依然係好食既，欣賞薯蓉底夠滑溜。
繼續閱讀
跑馬地電車總站旁🚊呢間西餐已經好有聖誕氣氛🌲員工態度非常好。而且$288已經有Dinner set: 前菜+主菜+甜品/餐酒/飲品🤩👍🏻呢個價錢喺第2間可能只得一個主菜咋😋前菜：Roman meatball 勁香肉味，鮮茄加拉絲芝士味道好吸引呀🍅Sauteed clams 啲湯汁有蜆嘅鮮味，啲蜆剛好熟，係爆汁嘅texture👍🏻出色主菜：乳豬一舊肥一舊瘦balance翻，啲汁係蘑菇味，加落薯蓉都幾襯。蜆肉意粉超多😚意粉al dente🫰🏻甜品🍰：Cheesecake 係creamy嘅texturePanna Cotta 都好綿密，朱古力同紅莓味超夾我地飲咗lemonade同juice幾好飲，同場其他枱枱都有飲酒睇落都好正🥂🍷🍸呢間值得支持，有唔同分店大家約朋友真係可以去⭐️📍Ask for Alonzo
繼續閱讀