Ask For Alonzo

營業中

休息中

今日放假係灣仔整完野, 就約左朋友仔係附近食飯, 朋友提議去E間餐廳試下, 唔洗諗食咩車車當然話好😆 餐廳環境幾大, 感覺幾chill, 深綠色配搭木色設計, 加上天花嘅吊燈, 裝修時尚富設計感! ⭐Lemonade轉季天氣開始熱, 飲番禁清新爽喉嘅Lemonade就最好不過啦!⭐Fried Calamari估唔到小食份量都幾多, 魷魚炸得金黃香脆, 非常香口, 配搭辣椒同食辣辣地更惹味!⭐Prawn and Asparagus Risotto 入口鮮香惹味, 大蝦口感爽彈, 意大利飯煮得剛剛好, 整體不錯😋⭐Alonzo's Signature Tiramisu 食落帶香濃嘅咖啡味, 入口軟滑香甜, 甜而不膩⭐White chocolate Panna Cotta入口濃濃嘅白朱古力味, 口感軟滑, 甜度適中, 配以酸酸甜甜嘅紅莓醬令整體感覺更清新

已經喺港島區擁有幾間分店嘅「Ask For Alonzo 」，最新分店於灣仔星街開業啊～餐廳地方唔算大，屬於又長又窄嘅類型。就算餐廳以半開放式設計都填補唔到嗰種狹窄嘅感覺。好彩我哋拜訪當晚顧客唔算多，環境都尚算寧靜。▫️Alonzo’s Carbonara (HKD158) - 意粉有咬口，但味道就偏鹹….可能係我個人口味掛…▫️Alonzo’s Milanese (HKD228) - 招牌米蘭炸豬扒，幾件大豬扒疊到高高的，再加啲火箭菜喺上面，影相嘅話係幾靚嘅。豬扒炸到好乾身，外層硬崩崩，呢個主菜整體水準真係麻麻地😅▫️Alonzo’s Signature Tiramisu (HKD108) - 原來full portion 嘅tiramisu 係好似一個蛋糕咁(另外有半份選擇 - HKD78)。當時諗放枝蠟燭喺上面就可以係一個生日蛋糕。呢間餐廳嘅signature tiramisu 唔係我杯茶，唔知係唔係落得太多cream呢，食完之後覺得漏，同埋一啲酒香都冇。總括嚟講呢餐飯真係麻麻地。食物質素喺上面已經講咗，服務亦有改進嘅空間。放碟意大利飯上我哋張枱時同我哋講係carbonara😂 店員

中午book咗13:15，去到話未有枱，等咗10分鐘左右先入得。入到去好細，只有20個位，坐滿人，好嘈，真係好嘈，完全傾唔到計，空間太細，樓底又低，我哋想走人⋯⋯我哋一個叫set lunch，一個想叫A la carte，但係侍應話要等25-30分鐘，我哋唔想喺咁嘈嘅環境坐多25-30分鐘，所以都係叫set lunch。我叫咗Mushroom risotto，份量少之餘，賣相差，好似嘔吐物咁⋯Anyway，可能我哋錯時間去，叫錯食物，或者我哋太奄尖⋯

TLC sub good.Tiramisu very good.Meatball using low quality meat with elastic bits in that you don’t want to eat.Carbonara too salty for my taste.Lasagna didn’t taste right, not sure what secret ingredient they used but they shouldn’t have.Nevertheless when the manager asked if i liked the food and i said no, she asked me details and tell me she will transfer my comments to improve.So i left with a good impression.