Aroy Dee Thai BBQ

營業中

休息中

平時成日喺市區九龍城尖沙咀嗰啲地方食泰國菜，今次想試下去新界遠啲嘅地方覓食，所以搵到呢間喺村屋裏面嘅泰國菜。雖然嗰個地方平時少啲去，不過地鐵站行過去只係幾分鐘，交通尚算方便。餐廳座位唔多，好有家庭式經營嘅感覺，經OpenRice book位就唔使等。睇得出店員係泰國人，亦都有泰國人親切招待嘅風格。餐牌上選擇都多，一般泰國菜有嘅菜式佢都有提供。我哋一行兩人，叫咗個木瓜沙律、主菜係軟殼蟹咖喱再加個薄餅，仲叫咗個菠蘿炒飯，然後試埋個沙嗲串燒，之後加咗一人一大杯啤酒。整體嚟講，餐廳有cozy地道感覺，食物幾有質素而且好多選擇，加上呢度食平過鬧市好多差唔多質素嘅泰國餐廳，所以都值得推薦。

唔錯嘅豬頸肉炒河 份量對一個女仔而言係幾多下 所以唔係好食得曬…😂盡左力搞掂左9成了河粉口感唔錯 唔會過淋😂 不過個味可以淡少少 唔洗咁重口味🤣🥲豬頸肉夠香 口感都唔錯 又唔會好乾柴野飲自己出去斟😂 泰奶真係加返少少糖漿好飲啲 大家可以自己加落去😂😂

🐷📌 #豬西食大水坑 #豬西食馬鞍山 #豬西食沙田 #豬西食新界.最近發現大水坑地鐵站出黎步行幾分鐘就會行到大水坑村😮裡面有間餐廳經常都滿座（不過本身都唔係好大間😂😂😂😂）小編最近就去咗食佢地嘅lunch味道都唔錯🫶🏻🫶🏻最特別嘅就係可以自己斟嘢飲同埋無限任斟😂可以不停瘋狂飲泰奶🤣🤣🤣🇹🇭🇹🇭.Aroy Dee Thai BBQ （其實之前一直唔知佢叫咩名因為叫開細細間）📍馬鞍山大水坑村91號地舖.#hkfoodie #香港 #吃貨日常 #foodiehk #香港美食 #泰國菜 #馬鞍山 #大水坑美食 #大水坑

一個區有3間泰國菜，叫了海南雞，個飯正常，雞好實，但個醬超好食。豬頸肉炒時菜，得蒜頭味咁囉。珍多冰好大杯同真係多冰，好淡。成間鋪都係泰國人黎。好多人食同叫外賣。

呢間泰國菜我幫襯左好多次㗎喇，喺我阿媽屋企樓下，由泰國人主理。我今次終於的起心肝寫返個食評，今次我叫咗半隻燒雞再加一個泰式蝦炒金邊粉。一如既往，都係非常有泰國風味。雖然馬鞍山係一個美食沙漠，但係呢一間泰國菜絕對係美食沙漠入邊嘅綠洲！佢嘅性價比一定高過九龍城嘅泰國菜😤講返佢啲食物，隻燒雞笑得好嫩好滑，塊皮又好香，每次嚟我都一定會嗌。另外個泰式蝦炒金邊粉不過不失啦。最緊要嘅係佢嘅價錢兩個人埋單都係230幾蚊，真係抵到爛！最後下雨補充番，可能因為佢哋真係泰國人，有時唔係溝通得好好人多度，落錯單漏單嘅情況係時不時都會出現嘅。我覺得你入得去食嘅話千祈唔好介意，多啲包容，你會食得開心好多。by the way其實佢哋嘅服務態度係好好嘅😃

踩單車途中見肚餓，就在大水坑站附近一帶睇吓有咩好食啦，聽見好清脆嘅風鈴聲隨風飄揚，發現原來風鈴聲發自一間泰國餐廳的門口，餐廳位於村屋的地下，裝修日式風格，頗為特別。餐廳內待應與廚師用泰文溝通，應該係泰國人煮泰國菜，但待應識講廣東話嘅😙叫咗一個海南雞飯，碟頭都算大，雞油飯，雞嘅份量亦適中，雞身滑、雞皮爽，有菜伴碟、清湯👍🏻朋友叫了甜咖喱炆牛腩飯，咖喱味ok 嘅，但牛腩就要比啲牙力咬下喇😅餐茶冷熱都係免費嘅，泰式凍檸茶味道都幾濃茶味。$62 一個餐可以食得飽飽都唔錯吖，值得一試。

Aroy Dee Thai BBQ以其正宗的泰式燒烤料理而聞名。他們提供各種新鮮的海鮮、肉類和蔬菜，供應自助式的燒烤。這種獨特的用餐方式讓客人可以根據自己的喜好，在桌上的燒烤爐上燒烤食材，享受烤肉的樂趣。在Aroy Dee Thai BBQ，他們的燒烤料理非常豐富多樣。他們提供各種類型的肉類，如牛肉、豬肉和雞肉，以及新鮮的海鮮，如蝦、魚和螃蟹。這些食材都非常新鮮，質量上乘。客人可以根據自己的喜好選擇不同的食材，並在燒烤過程中添上各種調味料，如香料和醬料，以增添風味。除了燒烤料理，Aroy Dee Thai BBQ還提供了一系列的泰式小吃和湯品。比如他們的泰式涼拌生菜和炸春卷，這些小吃口感酥脆，味道鮮美，非常適合作為開胃菜。此外，他們的泰式湯品，如冬蔭功湯和椰奶雞湯，味道濃郁，帶有泰國風味，給人一種愉悅的味覺享受。

一向食開既泰菜館（舊鋪無咩裝修，所以通常外賣，但外賣係平靚正既😋）最近見到佢頂埋對面間鋪，裝修得幾靚又幾有氣氛（唔知算唔算開分店呢？🤣🤣）即刻call朋友去試一試先，當晚3大2細，有個靚女侍應勁好傾，介紹左幾個之前未試過既餸，個個都食到舔舔脷😋靚女侍應介紹，炸皮蛋蝦餅，勁驚喜，食皮蛋既一定會鐘意，現場食好好食 👍🏻👍🏻👍🏻靚女侍應介紹，檸檬燒牛肉，又係勁好食👍🏻👍🏻👍🏻上面碟芒果蟹肉炒飯👍🏻👍🏻👍🏻好食到差唔多食曬至記得影相鳳爪，辣既🔥，但過癮👍🏻👍🏻生蝦，我無食（本身唔食生曬，朋友話好味）重點，有draft （絕對係大亮點，媽媽們很需要酒精😂）咖哩炒花甲，呢間既咖哩又係必食既，無論炒蟹，炒雞，炒豬，炒花甲 我都想食過野，都係一樣咁好味🤤 👍🏻👍🏻👍🏻 因為甜品唔算多選擇，叫左杯芒果沙冰俾阿囡飲，佢係咁話好好味，我自己試左一啖，芒果好甜好足料，沙冰打到好滑，然後忍唔住飲多幾啖（又係外賣食唔到既野）結論係，又多間新飯堂😂😂

這間店，2年前幫襯過外賣，呆等個半鐘，廚房極混亂，問佢又話就快，叫個菜等極都無，堂食又係等到鼓燥，仲有等外賣等到火滾既唔止我一個，質素又唔係特別高，老實講富安幾間泰國嘢，平過佢又質素好過佢，唔需要幫襯呢間垃圾，態度又差，企喺度等外賣都見好多小强遊走真心，今日唔係諗住俾多次機會佢，結果證明我係錯既，呢間嘢俾佢耍一次係錯，耍多次就係我問題，真心勸大家，附近求其揾一間食都唔好入去，呢間咁既店，早執早著，no pay都唔好食

見到喺村幾特別，一心諗住去食泰國菜，點知想食嗰間冇開，無奈地只好入呢間。夜晚7點，去到等位。等位講咗兩位，入到去又問你幾位。坐低睇完menu叫佢落單，店員竟然話：「我唔得閒，你自己寫！」之後就比張白紙我。 寫完又問我咩咖喱….青咖哩豬，寫到咁清楚都問，我都唔知講咩好！隔離檯就幫佢落，可能我後生啲，覺得我識自己寫🤷🏻‍♀️🤷🏻‍♀️🤷🏻‍♀️ 先上菠蘿炒飯，同相片都差好遠！菠蘿炒飯無味，所謂嘅海鮮有一兩粒蝦仔左右啦。冇幾耐個咖喱到咗，所謂嘅豬係豬頸肉。咖喱味道正常，配料有翠玉瓜及紅蘿蔔粒，似食緊中式多個泰式料理。但係叫咗個蒜蓉包食到最尾都未到。之後就到蝦餅，蝦餅新鮮整起熱辣辣，味道算唔錯，係全餐最好食嘅一樣。上枱嘅時候連醬汁都冇，又要問佢拎先有。追咗兩次個蒜蓉包之後先同我講蒜蓉包賣晒。唔一早講，唔通我叫個咖喱嚟飲咩？無奈地咖喱凍哂又冇蒜蓉包，只好叫薄餅。雖然都知一定唔好食，但係都係唔想個咖喱浪費咗。個薄餅都係Hea Hea地，勁多油，唔好食。食食吓仲有隻昆蟲物體喺度遊走… 大大扣分！都好耐冇食過一間咁差嘅餐廳，服務真係差到冇朋友，貼錢買難受。食到一肚氣，食物又唔係好食，真係black list

住附近嘅我不嬲知大水坑村有泰國嘢食，之前嚟到冇開門試唔到，試過同村另一間泰國嘢，今日再嚟試吓呢間。星期六夜晚6點幾7點嚟到，晚飯時段，以為會好多人排隊，點知又冇喎，入面得4-5張枱，但得一枱人食緊，竟然唔洗排隊直接入去。門口已經有放泰國神像，入面有貼泰皇啲相，同埋聽講老闆係泰籍人，幾期待會幾正宗。店入面唔算太涼，有熱茶飲，店員幾nice。青檸梳打 $28勁好飲，啲青檸汁好味，加上泰國梳打水。(事後馬上去搵邊度有呢個梳打水，買番屋企)咖哩炒花甲 $138望落唔算大，但都好多花甲，都有十幾廿隻花甲幾甜，唔會太迷你咖哩味道好正宗，加少少香料味入面仲有好多椒同洋蔥，外賣咗啲咖哩汁番屋企再煮青咖哩豬肉飯 $60估唔到揀豬肉即係豬頸肉，再估唔到就係個豬頸肉好好食燒得夠香，超軟熟青咖哩少少稀，但撈飯都係好正炸蝦餅 $70熱辣辣炸好，超香脆個皮好薄，好酥脆冬蔭公湯海鮮金邊粉 $42呢個價錢真係好抵好大碗，啲粉勁多，可以兩個人食海鮮有一舊青口兩舊魷魚三隻蝦，仲有啲菇啲海鮮幾好食，唔腥，冇冰鮮臭味冬蔭功湯偏白色黃色，唔算辣，但好酸椰青 $40好清甜食埋椰青肉，夠淋，入味，個椰青岩岩好檸檬燒牛肉 $128睇

去開果邊行過見到d 擺設幾地道，似正宗泰國菜。睇睇menu, 價錢還可以，款式種類都算好齊，就試試佢，叫左燒豬頸肉同紅咖哩雞外賣自取。當時5:50pm, 員工話要等耐d 因為6:00 廚房師傅先返，6:10就已經拎到，算快。半個鐘之後先食，豬頸肉仲好香好脆口，紅咖哩雞d 汁好椰香。份量都合理，可以再encore. 惟一唔係住果頭，去開一定會再幫襯。

地道泰式小店，由泰籍人主理，老闆及服務員態度友善，街坊味濃。 電視推介泰式炒金邊粉， 份量充足 金邊粉、幼滑彈牙，不油不膩，像高水準炒飯，金邊粉之間，條條獨立，不會黐著一舊舊，口感十足。 配料十足，味道正宗，酸酸甜甜， 恰到好處，一般港式泰菜，相信不能做到。 價錢合理，絕對是優質的隱世小店。泰式炒金邊粉環境 性價 種類 味道 回頭 附近為大水坑村錶位停車場，泊車人士請小心，這裏抄牌比較頻密，不過通常中午前都有兩三個空位，兩點後泊車就必要小心， 步行至停車場約一兩分鐘， 泊到位都必須要入錶，事關阿Sir手腳好快。

大水坑泰國菜推介！❤️上次嚟大水坑食咗另一間泰國菜，覺得麻麻哋，所以今次就試咗朋友介紹嘅Aroy Dee Thai。青檸燒牛肉燒得好香，外皮微脆好正，不過肉質有少少韌。朋友話平時腍啲wor。wingwing.foodfood最鍾意就係呢度嘅生菜包，調味啱啱好，肉碎肥瘦比例perfect池！👅 一個人可以食好多塊🥬 我覺得呢間唔錯，好過上次另一間，食得出係泰國口味，大家嚟開大水坑可以試吓！🤗朋友是日金句： 我要食晒啲牛！Aroy Dee Thai BBQ地址：大水坑村91號地舖

我係第一次幫襯呢間食店,因為朋友住附近推介話唔錯,咁我就嗌外賣試下,點知去到等咗半粒鐘都未取得,咁我就入店查問,店員竟然同我講這單號已取外賣(我冇走開過),我即時著燈,事關我等咗30至40分鐘😤😤店員見我揸著外賣單當然無話可說,最後我硬食等咗40分鐘(第一次等外賣等咁九耐),重點係店員覺得冇問題,一句唔好意思、對唔住都冇同我講,我想講就算d食物幾好都冇用，服務態度極差。返到屋企打開仲要冇外賣餐具(只係嗌咗海南雞飯泰式炒粉)等左足足40分鐘😤😤😤👎👎