423
24
14
港鐵銅鑼灣站 B 出口, 步行約4分鐘
繼續閱讀
電話號碼
93300396
開飯介紹
於大廈頂層的西餐廳，以藍、白色為主調，更特設熱氣球造型的卡位；而天台則為粉紅Flamingo熱帶雨林主題的酒吧，是閨密聚會的好選擇。
繼續閱讀
營業時間
今日營業
15:00 - 04:00
星期一至四
15:00 - 02:30
星期五至六
15:00 - 04:00
星期日
15:00 - 02:30
公眾假期
15:00 - 02:30
公眾假期前夕
15:00 - 04:00
以上資料只供參考, 請與餐廳確認詳情
有關獎賞計劃
食家推介
相關文章
呢間餐廳喺銅鑼灣登龍街，之前有睇過同一間大廈嘅其他餐廳食飯，成間餐廳嘅裝修都好花花世界嘅感覺，而且佢啲梳化坐得好舒服，成個人會好放鬆😚 啱晒你happy Friday或者情侶過嚟chill 下🤣成個餐廳佈置都好靚😆 點影都好睇！生牛肉他他伴黑松露配10年陳醋 $188生牛肉撈埋生雞蛋，係天生絕配，陳醋味濃，令個生牛肉味更出，放落香脆嘅蝦片入邊，外脆內軟，然後一啖食晒，幾滿足😌 水牛城雞翼 $88 有六嚿，雞翼overall大大隻，味道就係韓式甜辣醬嘅味，酸酸辣辣咁～ 香煎深海比目魚配檸檬刁草忌廉 $328 有成大舊檸檬，入邊係南瓜汁，另一邊係紅菜頭汁，魚嘅下面係伴菜同埋薯蓉，比目魚扒好鮮嫩，裏面好滑，外皮煎得香脆😆香煎澳洲和牛伴鵝肝醬 $498 和牛食得出係用靚牛，厚身，微微粉紅鮮嫩，五成熟，可以嘗試三成熟，食落好Juicy，有驚喜嘅係旁邊嘅鵝肝醬，同和牛好配合！😋呢間餐廳有好多新嘅cocktail 選擇，都見到有d 幾特別嘅，但我地就揀翻傳統嘅Cocktail 😆Pina Coloda $78 椰子味濃 岩哂唔鍾意咁重酒味嘅女仔 入口舒服😚 Mojito $78 一如期望咁fresh，食左濃味西餐，最岩配返一杯🥃
繼續閱讀
Arcadia係一間位於銅鑼灣登龍街嘅天台bar&restaurant呢度嘅環境真係唔得了 好fancy🥰仲可以望到靚靚嘅海景 好chill我地叫左1個appetizer + 2個main + 2杯野Appetizer: 生牛肉他他伴黑松露配10年陳醋見到有生牛肉他他 即刻無懸念叫左佢😋😋黑松露嘅味道雖然唔重 但就足夠點綴出生牛肉他他嘅鮮嫩配埋陳醋落多士上面 就更加有層次Main: 香煎深海比目魚配檸檬刁草忌廉深海比目魚嘅煎得恰到好處 魚肉鮮嫩多汁 比目魚本身嘅魚油勁香配埋酸酸甜甜嘅sauceMust try!!👍🏻Main: 香煎澳洲和牛伴鵝肝醬我地叫左medium 嚟到真係medium🤭 (拿 出面好多餐廳都會變左medium well架)真係食得出澳洲和牛嘅肉質鮮嫩多汁 搭配微熟嘅鵝肝醬 帶嚟豐富嘅滋味好啦 終於講到大家最好奇嘅drinks嗰杯咁燦爛嘅cocktail係off menu嘅店員推介就一於試下啦 果然🤩🤩🤩佢叫一千零一夜 係一款清酒cocktail淨係上檯時店員幫手製作呢個咁靚嘅效果已經不得了佢入口清爽 酒精味道唔重 (但酒精濃度應該都唔低 慢慢飲啊)相反百香果、蘋果、茉莉花同接骨木花嘅香氣就好迷人😍另外仲叫左杯Mocktail – H.L.S飲落似芒果椰奶味道香濃而不膩 絕對係一個唔錯嘅non-alcoholic選擇餐廳特色不僅僅在於美食同精緻嘅飲品 仲有獨特嘅環境設計感覺又奢華又舒適仲可以揀望到海嘅戶外座位餐廳而家仲提供嘅新款 cocktail 以及全新的 tea set啊呢度幾岩同幾個閨蜜慶祝 又或者同另一半於燭光跟笑意𥚃談談童年提及理想🤣
繼續閱讀
Arcadia意指世外桃源，位於銅鑼灣嘅Arcadia 完美符合呢個字嘅意思。餐廳共分兩層，室內設計華麗，以藍白色為主調，配上大量燈飾，霓虹燈及花花設計，相當有意思；樓上室外部分以粉紅色做主調，滿滿嘅少女心設計，同時設有多個打卡位，好適合飯後上嚟傾下計，飲下嘢英式炸魚薯條 $118包裹鱈魚柳嘅炸衣薄脆香口，油温控制準確，完全唔覺油膩，鱈魚柳選料不俗，仍然食到鮮美魚味香煎澳洲和牛伴鵝肝醬 $498煎和牛要咗5成熟，睇牛肉嘅粉嫩鮮紅，就知交足功課。一般嚟講，我會鐘意澳洲和牛多啲，紅肉量較日本和牛多，更可以食到濃郁嘅牛味，咀嚼時慢慢滲出嘅奶香配合鵝肝醬汁， 進一步將味道層次昇華，口感嘅變化大大增添和牛嘅香氣香烤加拿大保濕技術豬鞍配伯爵茶 $328有驚喜嘅豬鞍！豬鞍係厚切嘅， 切開時係全熟嘅狀態，入口竟然滿滿肉汁又唔會乾柴，好似食牛扒咁多汁，應該係呢個保濕技術鎖緊豬鞍嘅鮮美肉汁，呢個技術感覺上比慢煮更多肉汁，咁厚嘅豬鞍都可以煮到咁好食，抵讚Her Majesty The Queen $118相當易入口嘅cocktail, 有微微嘅回甘茶香，甜度適中，適合配紅肉Bananananana $ 58個名非常有趣， 係好飲嘅香蕉奶，仲有半條香甜嘅香蕉食，呢杯係mocktail嚟呢餐相當滿意，不論環境還是食物質素都係非常高質。Arcadia 定期有唔同活動同promotion, 1/3 就有Deep 嘅music show, 想聽嘅唔好錯過啦Arcadia地址：銅鑼灣登龍街1-29號金朝陽中心二期- Midtown 30樓電話：2886 3628
繼續閱讀
今次特意帶朋友仔一齊去呢間餐廳食晚飯，因為呢間餐廳好靚，無論餐廳內定室外，幾乎每個位置都係打卡位。每個座位都有唔同嘅藝術裝置，仲有個巨型熱氣球卡座，非常華麗。另外，餐廳嘅菜式擺盤精美又美味，cocktail / mocktail都非常特別，連飲品名都改得非常有創意，具有特色。值得一提嘅係餐廳仲有Tea Time 套餐，有只限下午茶專飲嘅飲品，令我哋好想下次再去食佢哋嘅下午茶，到時可以坐出面嘅座位，感受一下餐廳白天同黑夜嘅分別。香煎日本刺身帶子伴三文魚籽一道fusion前菜，係爽脆椰菜上有帶子和粒粒飽滿的三文魚籽，帶子肉厚，爽滑鮮甜，香煎會令帶子香味更突出，再加上三文魚籽嘅鮮甜味，和椰菜嘅爽脆口感，令到整道菜式非常有層次。香煎澳洲和牛伴鵝肝醬點了五成熟嘅牛扒，牛扒油花豐富，肉質軟腍美味又多汁，配搭上鵝肝醬更添一番風味，更加帶出和牛嘅香味。香煎深海比目魚配檸檬刁草忌廉擺盤非常精美有心思，香煎比目魚魚皮煎得香脆，而所有魚肉精華都鎖上，令到魚肉鮮嫩多汁。另外，薯蓉非常香滑，亦都吸收咗魚汁精華，每一啖都吃到魚汁嘅香氣。Blossom Whisper一杯精緻又浪漫嘅cocktail，帶有柚子同花香味，酒味較濃，而味道微酸。Arcadia Aromatized Rose非常易入口，又有一啖啖嘅果香氣，有新鮮的士多啤梨粒、檸檬、藍莓等水果。
繼續閱讀
今次係我哋一班女子N × 10週年相識聚會🤣約咗嚟呢間餐廳，諗住食個靚afternoon tea chill吓，點知最後失望到極點😞首先book咗6位，但其中1個朋友臨時帶埋1個小朋友嚟，即係突然多咗1位，咁我哋本身張枱都唔大，所以禮貌地問店員可唔可以加位或轉枱，點知個男店員態度、語氣極差回應「我哋加唔到位㗎喎，轉唔到枱俾妳！」😱嘩，望落都算高級嘅餐廳，服務態度可以差到咁！我哋諗住坐迫啲，之後朋友們都嚟到，再問第2位店員，都好彩肯轉另1張枱俾我哋😉點咗pizza、意粉、2款「港女甜品塔」chill吓，期望歡聚1個下午☺️龍蝦汁蟹肉扁意粉伴新鮮海膽$298。呢款充滿濃濃嘅龍蝦汁，多蟹肉，海膽就得2粒🤣但勝在味道好、扁意粉質感夠彈牙👍Pepperoni Pizza $188。佢嘅pepperoni雖然惹味，但實在太鹹了😅嚟到主打嘅2個「甜品塔」，滿心期待😚我哋成班女子相機打完一輪卡後就起動😎咦！有伏😳首先各款pastry賣相唔係特別靚，食落各款甜品味道都強差人意，例如檸檬撻無清新感，下層嘅custard硬生生、餅底濕而無鬆脆感，味道麻麻😔有好幾款pastry連味道都食唔出係乜，好失望🙍鹹款pastry（例如小龍蝦多士）都尚算正常👌特別要評吓店員態度真係好一般，我哋班女子都有order飲品，但飲完後都要飲水，店員完全無加水嘅意欲，請佢哋加水都不情願感覺，我哋都頗為失望😩結論係絕對唔會有下一次嘅光顧🥵
繼續閱讀