APITA Eatery

營業中

休息中

今日行完街坐低食少少野😋. 見到無乜人，好多位任坐🥳食咗鐵板嘅鰻魚飯個飯都幾多鰻魚，仲有啲粟米質素就……無期望無失望啦😂 有幾間都做緊下午茶😍其他無做優惠都好經濟實惠👍平平哋，有嘢食有嘢飲🍔🍜🥘 都有唔少選擇🧋.

位於太古的Apita Eatery提供多款日式食店，這次試的是章魚小丸子。小丸子外層微脆，內裡軟綿，章魚粒挺大粒，口感彈牙，配上香濃醬汁、木魚花及沙律醬，味道層次分明。整體味道偏向港式章魚燒風格，適合喜歡熟悉口味的食客。份量有4／6／8粒，作為下午茶或小吃剛剛好。環境：Food Court空間寬敞，座位多，適合與朋友各自選擇喜好。 價格：章魚小丸子$38，屬中等價位。 食物質素：即叫即製，熱辣辣上枱，味道穩定。 食物種類：提供多款日式小食，包括炒麵、丼飯、烏冬等。如果你鍾意輕鬆地享受一份熟悉又不失風味的小吃，Apita的章魚小丸子是不錯的選擇。

平日中午要喺附近食飯，真係一個惡夢。好彩有太古城嘅food court 。呢度嘅food court咩都有得食，我特別鍾意食佢嘅大阪燒同章魚丸店。因為一個大阪燒同六個章魚丸嘅組合，只係需要40蚊多啲。返去鰂魚涌嘅話，起碼要一個Double。而且佢都算幾好食，應有嘅材料佢都有落。大阪燒嘅椰菜豬肉生薑等。最重要係佢落足醬料，其實食醬料都飽😆。章魚丸亦都唔錯，咬落去有一大粒章魚。同大阪燒一樣，佢嘅醬料亦都係偏多。

由於姪仔過幾日就要考英文，所以臨時臨急約佢出嚟，本身想去咖啡店，但驚冇位，醒起Apita食堂好多位。咁我哋就當然唔會齋坐啦，於是買咗個Mos Burger餐share，原來姪仔咁大個仔都未食過。為咗令佢留下美好嘅印象，我就買咗熱狗套餐，另外要咗炸南瓜餅同埋熱齋啡。啲嘢食好新鮮，全部都係熱辣辣即整。我好記得睇書睇過Mos Burger品牌歷史，嗰個創辦人好重視食物質素，如果佢知道海外分店都做得到嘅話，應該會好安慰！仲有啊，姪仔同我講，餐盤張紙個地圖係同海賊王有關，如果係海賊王支持者嘅話應該會好開心！仲有啊，店員服務態度都係非常之好～連同Apita執枱嘅姐姐都係好有禮貌～

見到食評話揚天既天婦羅好正，大家都話食既時候重係熱辣辣。今日去左買個天婦羅喬麥麵定食，一啖咬落去點啊成碟天婦羅都係凍既？冇可能係凍咯，對於呢個lunch 好失望……

太古城食嘢，不嬲都唔算平如果想平平哋食，food court 係個好選擇Apita 近期先裝修完，環境算闊落乾淨企理👍🏻今次食一間日式蛋包飯⭐️雞扒蕃茄蛋包飯⭐️👉🏻去拎個餐嘅時候，第一個感覺就係好大份😍成個餐夠晒熱👉🏻雞扒大大件，切開咗四件煎到好香，調味啱啱好😋👉🏻蛋係薄薄既蛋皮，幾好味👍🏻蛋唔會煮得太老👉🏻飯係蕃茄炒飯底飯裏面加咗蕃茄粒，增加左口感成個飯酸酸甜甜，好食👍🏻👉🏻蕃茄醬嘅份量都俾得好足夠足夠撈晒成個飯☺️👉🏻總結呢個飯性價比值好高呢個food court仲有好多其他野食🍽️主要係日式嘢食🇯🇵例如吉列豬扒，烏冬，天婦羅，日式當飯🍱🍤下次會試吓其他嘢食😆

🔻天丼 💰62超多料嘅天婦羅丼飯，有蝦、竹輪、豆角、茄子同蓮藕。Feel到係新鮮炸出黎嘅，熱辣辣脆卜卜，特別係炸蝦外脆內軟，竹輪都都好煙韌，起food court食到咁嘅質素嘅天婦羅丼飯真係唔差👍🏻🔻上天丼 💰72比普通天丼多左一舊竹莢魚，都幾酥脆，不過加多10蚊覺得有啲貴🤔🙈總括而言，以咁嘅價錢黎講係幾高質，平平地食個天婦羅丼飯lunch好抵👍🏻👅味道：7.5/10💡性價：7.5/10📌環境：7/10

又一個星期日嘅日子循例都係冇帶飯，要落街買lunch 今個星期打唔成風天氣激熱30幾度嘅情況下，我唔想出街所以都係照舊落返food court買嘢食因為已經過咗lunch hour 好易搵到位行咗一轉，今次唔食平時食開嘅日式定食今日想食烏冬因為今日冇乜胃口揀咗個中嘅烏冬都夠晒食配菜揀咗個炸魷魚因為佢哋嘅炸物已經係炸定放喺度凍咗就一定㗎啦不過味道唔差雖然係林咗 但魷魚本身都算林所以唔算好韌另外叫咗個炸茄子呢個就不過不失唔算林 但冇乜味道下次我會試埋其他炸物

又係Blue Monday因為weekend屋企唔煮飯所以今日又係冇帶飯嘅日子天氣太熱，都係近近地喺公司樓下food court食就算因為知道lunch hour太多人所以今日特登晏啲先落樓食避開人群揀嚟揀去 每次都係揀返呢間食日式定食又抵食，又好味今次叫咗個日式照燒雞定食照樣都係有一個前菜，都係麻醬沙律亦都有一碗麵豉湯照燒雞，今次做得比較硬但味道唔錯 份量係有四舊女仔嚟講，一定夠食循例都係叫番杯凍檸茶跟餐

因為今日晏晝喺公司做嘢做得晏過咗lunch hour 今日又病帶飯 所以諗住落樓快食一餐天氣太熱，又唔想行出街所以就揀咗喺樓下food court 本身想食佢嘅生薑豚肉炒但可惜已經過咗lunch hour可能太多人叫已經sold out所以今次就試咗佢呢一個回鍋肉佢呢一個係直接放喺飯上面回鍋肉比較偏硬但係味道好好又多蔬菜跟餐仲有一個前菜今次麻醬沙律清清地幾好仲有一碗麵豉湯最後仲可以揀一杯嘢飲凍飲都唔需要加錢Lunch $60黎講 CP值幾高

因為今日工作關係，嚟咗太古城中心第一次喺呢一邊搵嘢食由於食飯時間1點成個商場都係人因為同同事一齊 所以就揀food court大家都可以揀自己想食嘅嘢一去到food court 多人都睇食咩都爭啲睇唔到搵位都搵咗15分鐘我最後揀咗食拉麵但排到去落order嘅時候見到隔離有呢個餐出咗賣相10分吸引所以即使轉左叫呢個set呢度係係先係舖頭落order再拎住張單去cashier俾錢再等叫Number 呢個係姜炒豚肉連埋湯加嘢飲都係$60Lunch來講性價比好高味道都幾好food court嘅品質都唔差

呢間魚生飯差到死，唔係講食物質素，係員工質素。十一點九，企咗收銀前面差唔多十分鐘，個員工眼尾望望我，理都唔理我，如果係整緊客人點飯，可以接受，但佢喺度執盤，相中間疊高嘅盤，唔通執盤放高二三十個比客人點餐重要？等等都冇句，我有講唔該，佢眼尾昅昅我，當我透明，當時如相中一樣，得我一個人企喺收銀前面。又唔係平，平均都80至100蚊一個人，等咗十分鐘都冇理我點餐，走囉，又唔係得你一間。咁嘅態度，好食都冇用啦。

午餐.行咗個圈 都無咩特別想食見呢個有麵又有飯 就試吓啦點知個樣咁頹個蕎麥麵塊紫菜好樣衰呀個迷你飯真係好迷你 啲叉燒又細粒又多肥膏咁就$56超唔抵食食完仲口渴咗成個下晝

接job經常會經過APITA，發現佢最近不斷有驚喜🤭重開之後嘅APITA Eatery 完全係一個新風格新食力🥰 從裝潢配色到進駐餐廳都係日式食堂嘅格局，可以試到好多人氣日本菜，真係容易有選擇困難症❤️呢日要快食去做嘢所以我選擇食個烏冬，剛好有秋天限定嘅蟹肉蛋花烏冬🤤 食堂座位比之前多又寬敞，所以搵位都容易，就算係單人位都可以舒舒服服咁放低嘢喺檯面慢慢食～我想講呢個烏冬我以為佢好杰身，攪勻一路食完全無呢個感覺，蛋香濃厚、蟹肉鮮甜，令烏冬的味道好豐富，加埋炸天婦羅脆脆超滿足🤗想食light D，場內仲有輕食凍櫃，可以慢慢挑選三文治、沙律、飲品等，總有一款啱你食🍜

在太古城上班，見到APITA Eatery重新開番!!當然即刻去試下~ 裝潢偏日式和風設計，以簡約木系為主，增加不少座位，亦有吧枱~就算一個人來吃飯也不需要搭枱!!!部分座位更有叉電位，枱與枱之間都唔會好逼，用餐環境舒適寬敞(⁎⁍̴̛ᴗ⁍̴̛⁎)APITA Eatery主打日本菜，有不同風格的日本餐廳，例如拉麵、鰻魚飯、定食等。我揀了Tonkotsu 8 by 三田製麵所，之前已經有試過呢間嘅拉麵，覺得性價比高!!味道同價錢都不錯(*¯︶¯*)☁️經典濃香豚骨湯拉麵 + 升級套餐配炸雞翼 $98整體而言，是相當唔錯嘅拉麵(⁎⁍̴̛ᴗ⁍̴̛⁎)賣相OK，豚骨湯好濃郁!! 唔會覺得好鹹重味精味~我都忍唔住飲個湯底~最後食完都無特別飲水!!拉麵係幼身拉麵，麵粗幼度適中~麵質彈牙!!好咬口!!好掛湯~叉燒肉質厚實，唔會乾柴!!溏心蛋好好食，想再encore。炸雞翼（2件）（黑胡椒）雞中翼size都大隻，咬落去肉質嫩滑!!!好濃郁嘅黑胡椒味，唔會好辣!!易入口的~而且雞翼炸到脆身，但食落唔會好油₍ᐢ..ᐢ₎做到咁嘅水準，已經相當有誠意!!🌟跟餐可以選罐裝汽水或茶類，選了烏龍茶。貼心的店員會送上一杯水俾客人食完拉麵