AnyMomentCafé

營業中

休息中

隱世旺角樓上Cafe推介🔥首先要推介吓佢嘅卡邦尼煙三文魚意粉，好多塊三文魚，全部都好香好新鮮，卡邦尼意粉亦都好Creamy，意粉控必叫👍👍另外推介拿破崙肉醬煙鴨胸扭扭粉，肉醬同扭扭粉嘅比例啱啱好，香味撲鼻而來，見到賣相都已經好肚餓😋😋飲品要咗杯香蕉士多啤梨奶昔，同麥冬杞子紅棗元肉茶😚最後整多個雞翼小食，份量都大，正🫶🏻🫶🏻呢間Cafe細細間，但好溫馨，因為老闆基本上係一個非常好客嘅人，同你又傾又講，而且好多唔同種類嘅broad games ，嚟到呢度人都青春啲。❤️我哋早咗到，Cafe未坐滿人，一坐滿呢度好熱鬧呀❤️要特別提吓，如果上嚟約埋朋友一齊玩同開餐，記得提前打俾老闆預約呀，如果唔係未必開門㗎！

星期六同朋友約咗嚟呢間餐廳，位置有啲難搵，我哋walk in嚟到大概7:00，暫時仲未係太多人。嗌完餐之後，餐廳準備咗啲boradgame，一路玩一路等啲嘢食，同朋友玩玩笑笑，時間好快就過，一啲都唔會覺得悶。🍖韓式牛肋條（$139）老細見我哋玩個game玩得咁開心，都有溫馨提示我哋要快啲食呢個牛肋條😂佢話凍咗唔好食。牛肋條嘅味道香濃，好送飯，個飯都整得好得意嘅熊仔樣，賣相唔錯。🍗秘製咖喱炸雞扒（$139）雞扒炸得好脆，連皮都食埋，唔會好油膩嘅感覺，咖喱味道甜甜地。瑞士雞翼🌼茉莉花茶茉莉花茶嘅杯都好靚🍫榛子朱古力飲得出唔係朱古力粉沖出嚟嘅，店主話係用黑朱古力打碎，好足料👍🏻覺得店主都好有心做，會同客人介紹菜式，想同朋友喺度傾偈同埋消磨時光，呢間餐廳係唔錯嘅選擇。

而家喺香港搵一間boardgame cafe 真係唔係咁容易，仲要係冇限時 。最低消費係至少一杯飲品 。呢間舖頭真係名正賢實既cafe，舖頭係真係有嘢食，而且都叫佢幾好食 。今次叫左鴨胸意粉，同埋煙三文魚螺絲粉 。份量嚟講都叫做幾大，飲品嘅話價錢稍為貴，但係你當係一個入場費 。飲品真係貨真價實落咗水果。店主好friendly，主動介紹我哋有啲乜嘢game可以玩，而且仲表示可以教我哋玩 。成個氣氛好warm好溫馨，亦都會問吓嘢食夠唔夠飽，有少少家嘅感覺 。除咗個入口有少少難搵，個入口喺巷仔入面，唔係咁容易搵到呢個缺點之外，都真係搵唔到有啲乜嘢缺點 。另外就係因為地方唔係咁大，真係最好預約，如果唔係真係有機會冇位或者冇開舖 。

✳️今晚同朋友去到旺角的一間隱蔽樓上cafe食晚飯，呢間餐廳座位有限，一定要事先電話預約。而且，餐廳相當隱密，大廈入口喺後巷裡面。餐廳乾淨企理，人氣都好高，仲有好多BoardGame🃏可以玩~🌟我同朋友各自叫咗個套餐：✨地中海香蒜雞柳螺絲粉 $138雞柳嫩滑，螺絲粉口感彈牙。螺絲粉吸收咗香蒜的濃郁醬汁，整體風味清新。配合雞翼一齊食，夠哂飽肚。✨韓式牛肋條飯 $139牛肋條肉質鮮嫩、夠淋，而且有少許牛筋。牛肋條醃製得恰到好處，帶有微微的甜味與香辣感。白飯造型非常可愛，係兔仔造型！✨柚子梳打 🥤（跟餐加$16）柚子梳打清新爽口，梳打的清涼感與柚子的果香相結合，為整個餐增添了一陣清新的口感。✨特濃朱古力特飲 （跟餐加$18）🥤濃郁的巧克力味道令人陶醉，飲品甜度適中，口感豐富且滑順。

約咗位年輕人旺角食晚飯，年輕人話訂位帶我去好地方食嘢，係一間樓上Café,位於📍旺角登打士街36號恆威商業中心9樓，雖然在鬧市大街，入口卻不起眼，登打士街行入後巷幾步才見到，上到去café沒有華麗裝修，但有種好親切嘅感覺，坐位好舒適，放置有好多桌上遊戲可以玩。叫咗兩個主食，韓式牛肋條飯，牛肋條炆得好入味，韓式黑椒汁惹味，個白飯以熊仔形狀上碟幾得意，後來留意到隔離枱係鴨仔同恐龍形狀嘅白飯，真係幾搞笑，食落都開心啲。 地中海香蒜雞柳意粉，雞肉嫩滑有味道，意粉質感剛好留有少少煙韌口感，用香蒜炒過好香，味道唔錯。芝士炸薯條，薯條炸得非常香脆，芝士醬甜甜地、咸咸地，調配得好好，加入薯條好匹配，超級好食。特飲全部另配名字好吸引，我地點了伊斯坦堡氣派，主要由火龍果+雪梨果肉攪拌而成，滿滿嘅火龍果肉同菠蘿結合，清新解膩。另一杯布達佩斯由芒果+香蕉制作，同樣好飲香蕉味濃。Any Moment Café絕對係三五知己，情侶拍拖食飯，消閒嘅好選擇，店內只有老闆一手包辦，同客人有講有笑好親切，café店舖面積唔大，建議大家先預訂，仲可以包場搞活動開party，認真唔錯。

好浪漫的Cafe餐廳，可以看出店家非常用心，墻紙和窗簾包括每個角落都細心佈置，有花有高塔有海洋世界，美輪美奐，沙發是淡綠色，好似行入了一個溫馨的歐式建築拿破倫肉醬煙鴨胸意粉意粉撈了肉醬後香氣撲鼻,濃郁醇厚,煙鴨胸肉細緻柔嫩,搭配意粉吃好合適！店家真是好有新意，連飲品名稱都非常浪漫詩意，看到名稱都好想每款試下，今次暫時點了兩款佛羅倫斯星夜和北海道雪人 ，下次來再嘗其它不同款。北海道雪人是波蘿+芒果，將新鮮的波蘿和芒果打成果汁,加冰塊,波蘿的酸甜滋味與芒果的濃郁香甜完美融合，清新怡人！佛羅倫斯星夜是朱古力十曲奇，香濃滑順，十分邪惡吖，中意吃朱古力和曲奇的朋友千萬別錯過了！瑞士雞翼雞翼是焦糖色，咬落緊實彈牙,帶有淡淡的香料清香,鹹香並存！韓式牛肋條意大利飯長長一條牛肋條,肉質鮮嫩多汁,散發著濃郁的韓式醬香氣。甘浪漫的餐廳原來仲可以同朋友一起玩撲克等game，電話預約都好方便，下次約朋友再來！

旺角食肆多如繁星，登打士街呢間樓上cafe卧虎藏龍，佈局有格調兼出品出色。老闆相當健談，言中得悉餐廳已開業十八年，見證旺角多年寒暑變遷，有如楊過小龍女般長情，可見老闆對飲食業的堅持。餐廳中備有不同種類的卓上遊戲，十分適合三五知己聚會，而且仲無限時，玩到幾夜都得!值得一提嘅係餐廳接受電話預約!今次點左地中海香蒜鶢柳，香蒜雞柳食落有檸檬葉既味道好多雞柳有8～9件，海量蒜片仲有薑片，意粉軟硬適中，份量多到滿瀉，飽腹感十足!餐飲叫左凍朱古力，朱古力味中透有可可香氣，香滑無比。

我間唔中都會約朋友去cafe 玩board game 😂 但年中都遇唔小 雖然有野玩 但係野食就好一般既餐廳。呢間真心唔錯，要推介比大家！首先係board game , 有好多好出名既board game 都有,平時好小見既貴board game - azul 都有 ，仲有超大型層層疊。🍛韓式牛肋條 配飯- 好有心思 用鴨仔黎做飯。個牛肋條好軟腍 ，肉質飽滿，軟到連冇牙既呀婆都會食到😄 煙三文魚卡邦尼煙肉意粉🍝濃郁滑順嘅醬配上咸香嘅煙肉,口感層次豐富,而且麵條同汁既比例都岩岩好。🍗瑞士雞翼 內嫩多汁 一d都唔乾野飲🍹 叫左一杯火龍果+雪梨 同埋 香蕉士多啤梨奶昔 健康人士可以簡生果系飲品- 呢杯會清淡啲，飲到係足料 ，真係用生果加冰打，唔係色素糖漿沖出黎。香蕉士多啤梨奶昔 😍 有士多啤梨粒粒架 ，飲到好重士多啤梨🍓同香蕉味，完全冇死甜味 ，好飲呀！一定要電話 ☎️ 預約呀！唔係full 晒 就白行😂 今日餐廳都full 晒 ，但就算咁忙，老閭都好nice ，一得閒就會同我地吹2句 ，講野風趣幽默。發現原來呢間餐廳開左好耐 18年啦 ，係老店黎！可以捱過疫情，到今時今日 ，相信係老閭既良心

到旺角吃飯，想經濟些，除了連鎖餐廳，又不想限時限刻的，可以考慮這間鄰近地鐵站的樓上小店。#韓式牛肋條未品嚐已被兩隻鴨仔飯團吸引了，非常可愛，打卡一流。牛肋條十分惹味juicy，肉質軟硬適中。#肉醬鴨胸螺絲粉鴨胸不欺場，分量十分多，肉醬酸甜的十分開胃。#瑞士雞翼，大大隻都入味。#飲品選了焦糖咖啡，就較一般青檸梳打還可以。店裏有很多桌遊，十分適合三五小聚，或包場慶生。可電話預約，不限時聚餐，最適合知己談心。

上週下班後跟朋友在旺角小聚，想重拾學生時期在樓上cafe玩board game的感覺，在網上找到這間無限時的cafe，店內有大量桌上遊戲，另有party menu，非常適合一大班朋友聚會或包場。店舖的大廈入口十分隱蔽，在小巷裡面，很容易錯過，我們都在附近找了一會才發現。由於店舖人氣十足，建議大家先以電話預約好再上門，避免摸門釘。我們點選了地中海香蒜雞柳和拿破崙肉醬煙鴨胸兩款意粉，份量充足且入味，尤其是香蒜雞柳意粉，整碟都充滿蒜香，十分惹味。另外，我們還點了瑞士雞翼，雞翼肉厚多汁，瑞士汁能滲到肉的中央，令人一口接一口。飲品有多款選擇，我選擇的是陽朔西街，這是一款薄荷曲奇奶昔，十分適合夏天消暑。朋友選擇的北海道雪人是菠蘿芒果汁，微酸開胃。

記得上一次黎威商業中心係同同事想去一間Cafe食lunch，點知摸門釘冇開。今次咁啱有朋友介紹呢間話可以無限時玩board game嘅樓上Cafe，上到嚟環境真係幾清幽，而且有勁多game可以玩，裝晒滿滿嘅一個櫃。好適合一大班朋友或者三五知己過嚟聚吓、一齊玩吓又可以食吓嘢。建議嚟之前可以book定位。而店主都好熱情咁樣推介食物，見到都幾多熟客過嚟幫襯，幾乎每張枱都同店主有講有笑。🍝地中海香蒜雞柳意粉偏幼身，炒到好香，辣辣地又好濃嘅蒜香味，而雞柳略嫌味道比較淡。🍧水蜜桃🍑+青蘋果🍏紅蘋果汁店主大推呢杯果汁，仲教我喺屋企用青蘋果溝紅蘋果攪成果汁會好好飲😆，而呢杯嘢飲入口都幾清爽，解渴一流。

朋友呢排愛上玩𝘤𝘢𝘳𝘥 / 𝘣𝘰𝘢𝘳𝘥 𝘨𝘢𝘮𝘦🎯🎮🃏搵左旺角呢間樓上𝘤𝘢𝘧𝘦每人食百零蚊野就可以任玩六個鐘12𝘯𝘯-6𝘱𝘮 𝘰𝘳 6𝘱𝘮-12𝘢𝘮，抵玩喎！大廈入口有𝘥隱閉😅喺登打士街有條小巷入去 去呢類𝘤𝘢𝘧𝘦最怕食物唔掂好難得呢個老闆勁有𝘩𝘦𝘢𝘳𝘵整野食偷聽到佢同其他客講𝘥香草係自己種朱古力飲品係用黑朱古力所以特別好飲˚✧₊地中海香蒜雞柳意粉 🍝果然好香香草味，仲有𝘥菜同菇好健康 ˚✧₊韓式牛肋條飯 🐮用飯整左兩隻小鴨好𝘲𝘲，牛肋條夠淋 ˚✧₊瑞士雞翼: 夠入味🐥˚✧₊薄荷朱古力☕️: 好濃朱古力味 ˚✧₊潤喉茶🫖: 好足料，似有雪梨、桂花、羅漢果，甜甜地好舒服𝘎𝘢𝘮𝘦有好多款式，就算我哋得兩個人都好多野啱玩𝘊𝘢𝘧𝘦寫明無煙、無酒、無粗口，啱晒帶小朋友去玩，人多可以包場🐱不過最好電話預約左先上去廢事摸門釘😝📍𝐀𝐧𝐲𝐌𝐨𝐦𝐞𝐧𝐭𝐂𝐚𝐟é旺角登打士街36號恆威商業中心9樓

位於繁華熱鬧的旺角之中,這間餐廳位於大廈的樓上,讓人彷彿走進了一個獨立的世外桃源。這間Cafe需要二十四小時前電話訂座。走進餐廳,映入眼簾的是色彩繽紛、種類豐富的棋類遊戲,為用餐增添了不少趣味性。熱情友好的老闆給人一種賓至如歸的感覺,讓人忍不住多逗留一會兒。餐牌上的選擇十分豐富,我們最終選擇了三款主菜:瑞士雞翼、拿破崙肉醬煙鴨胸和地中海香蒜雞柳意粉。瑞士雞翼香氣四溢,雞肉鮮嫩多汁,配上特製的醬汁更是一絕;拿破崙肉醬煙鴨胸口感細緻,肉質鮮嫩,肉醬與煙鴨的香氣交錯,令人回味無窮;地中海香蒜雞柳意粉則是一道清新爽口的pasta,雞肉入味,蒜香撲鼻,意大利粉Q彈有勁. 飲品方面,濃情朱古力香濃醇厚,而柚子梳打則清新爽口整個用餐過程非常愉快,不管是環境、服務還是菜品,都給我們留下了深刻的印象。

近排天氣咁熱, 一出街已經熱到溶💦好難得係旺角搵到間可以半日任坐嘅Cafe😆所以上去前⼀定要先電話預約📱以免摸門釘😜一入餐廳就見到好多Board Game😍連之前一直想玩嘅AZUL都有😎🦆拿破倫肉醬煙鴨胸螺絲粉煎香咗嘅鴨胸, 配上酸酸甜甜醬汁+芝士粉, 非常香口🤤 有驚喜!🐥地中海香蒜雞柳螺絲粉好鍾意佢個香草味🤩帶點微辣, 肉嫩好食👍🏻 🐥瑞士雞翼雞翼大大件啖啖肉,肉汁香濃又嫩滑,必叫之選😋🍓士多啤梨奶昔估唔到野飲都好有驚喜! 最愛士多啤梨奶昔,夏天解渴一流!🥤食住嘢玩吓board game, 就hea左半日😝耍廢一流!不過Cafe位置比較隱蔽,留意返係喺登打士街OK對面條巷仔,一入就到!🗺️🥢 AnyMomentCafé🌍旺角登打士街36號恆威商業中心9樓

位於旺角嘅呢間樓上café 開業至今原來已經18年入面擺滿咗各式各樣嘅board games🧩可以無限時任坐 非常適合三五知己聚會🤭而且老闆好健談 一腳踢負責曬樓面同廚房 但都不忘周圍同客人傾下偈 超級friendly😆瑞士雞翼雞翼嫩滑juicy 而且好入味 推薦🤤拿破崙肉醬煙鴨胸飯白飯係兩隻造型可愛嘅鴨仔🦆😆 醬汁味道同鴨胸肉好夾～卡邦尼煙三文魚螺絲粉份量豐盛 醬汁濃稠 螺絲粉軟硬適中花茶老闆知我地想養生 推薦咗兩壺花茶比我地😆 兩壺都超級足料 分別有潤喉同舒肝嘅功效🤭由於餐廳位置有限 想去的話記得用電話預約咗先～ 大廈入口有啲難搵 喺呢條後巷入面（如圖）