影片
港鐵西灣河站 A 出口, 步行約9分鐘
繼續閱讀
電話號碼
64379739
開飯介紹
人氣牛扒屋Pheromone的姊妹店，可一邊欣賞180度無敵維港景色，一邊品嚐高質牛扒。餐廳亦融入多款原創香港風味的湯品及前菜，創意十足，驚喜連連。
繼續閱讀
營業時間
11:00 - 23:00
以上資料只供參考, 請與餐廳確認詳情
有關獎賞計劃
🥰 老友 “安妮亞” 相約飯局, 搵咗 西灣河碼頭 新店 “Amphissa”, 聽講前身係跑馬地名店 “Pheromone”. 餐廳樓面呈L型, 落地玻璃望海景, 設多張長枱方枱, 容納12人左右.🥢 點咗晚餐 Full Experience, $980+10%, 包頭盤, 三道前菜, 湯, 主菜, 主食, 甜品. 細食嘅可以揀一道前菜, $780+10%, 或兩道前菜, $880+10%. 今次叫埋 Free Flow, $300+10%.🥐 麵包. 酸包合格, 滷水味嘅牛油十分有趣.🦐 Amuse-Bouche. 蝦肉口感充實, 底皮唔夠鬆化, 過關吧!🦐 Sakura Shrimp Salad, Japanese Sesame Sauce. 櫻花蝦帶領香氣, 蔬菜算係新鮮, 略配屈機醬, 掂!🐚 Abalone and Mini Tsubugai, Dried Seafood Broth, Tori Paitan. 好食, 但有點兒失去焦點, 飽魚冇咗霸氣, 湯底又唔夠熱.🥰 Chinese Marinade, Poached Duck Liver. 甘香軟綿, 真係繞樑三日.🐚 Seared Scallop, Black Soybean Paste, Fried Mung Bean Vermicelli. 交到功課, 但係冇乜驚喜.🥬 Chinese Watercress Thick Soup, Jinhua Ham, Chinese Almond Oil. 西洋菜湯, 中湯西化, 絕了.🐂 Steak and Side. 話說初訪大廚送咗豬鞍俾我哋食, 肥瘦均勻, 一流! 其後嘅牛扒真係唔識欣賞. 二訪補番數, 外皮香脆, 肉味濃郁.🍟 薯條. 大廚話舊舖做開牛扒薯條. 薯條好食, 份量多到核爆, 醬汁係靈魂.🍜 Starche. 冷麵, 我覺得唔夠香.🍯 Sweet. 效果係固體版蕃薯糖水, 甜品我就麻麻哋.🤗 總結: 地理位置少少難攪, 但係坐落環境舒服, 又有海景, 我鐘意. 定價具吸引力, 大廚蠻有心思, 菜式設計有驚喜, Free Flow 係絕對推介, 師傅會介紹下佢對酒嘅知識, 你未必會認同, 但係呢種交流十分難得. 用餐體驗愉快, 期待再訪!
繼續閱讀
-//位於西灣河碼頭·位置較為隱蔽，環境寧靜係Casual Fine Dining餐廳💕最適合慶祝🌹對住海景食飯，見到好多船經過，都幾得意連甜品有10道菜式！老闆用心製造每個菜式📍酸種麵包🥯📍 櫻花蝦沙律•日式芝麻醬頭盤 率先登場既係開胃沙律🥗 賣相好多色彩入面有櫻花蝦，每一啖都幾豐富，咬到好多料📍生蝦雲吞撻呢款雲吞撻 底部係雲吞皮，上面係羽衣甘藍而甜蝦加左少少胡椒粉調味，令味道更加突出📍鮑魚•粒貝•海味雞白湯個湯唔會好腥味😍但老實講就 真係唔夠飲🤨係選用日本粒貝、鮑魚，粟米、蘿蔔等慢慢煲聽講係用4個鐘大火煲，好多精華，超級鮮甜📍法國鴨肝•滷水呢個鴨肝煮到好腍，腍到好似食緊豆腐咁🤣亦係自家製滷水汁，用咗山西陳醋加黑糖熬製📍豉汁煎帶子•炸粉絲帶子真係非常新鮮彈牙，仲加咗特製嘅豆豉汁唔會好鹹😽 還原返大排檔豆豉炒帶子嘅味道📍西洋菜湯•金華火腿•南北杏味道好特別🤣賣相好綠 仲以為係開心果糊💚其實係西洋菜湯，加咗南北杏油，個湯好濃郁材料有火腿、甘筍、蘿蔔粒，每啖都超豐富!!!📍牛扒•配菜牛扒選用咗牛既尾龍骨位置，咬落冇咩筋位煎到medium啱啱好，唔使醬汁都已經好好食牛扒煎到好嫩又Juice，配埋炸蒜片更香口🧄薯條醬汁係餐廳自家製 模仿三哥酸辣醬😍好新奇，有少少辣好惹味🤣 停唔到口食薯條📍沙嗲牛肉麵呢個牛肉係用牛扒頭頭尾尾煮返🤣 絕無浪費個沙嗲牛肉麵超多花生🥜所以花生味超級濃另外有個醬，係自家製蔥油，泰國辣椒，蝦米但都真係幾辣😹 如唔食得辣 建議唔好落咁多📍番薯甜品建議先食塊炸番薯片🍠 而中間紫色係紫薯粒下面係番薯焗完再浸水而成，再重複幾次步驟再加cream而成，口感好smooth，唔會好甜主要糖分係番薯本身既甜味，所以甜度好自然
繼續閱讀
鯉景灣向有蘇豪東之美譽，一個細細嘅鯉景灣，就已有十多間食肆，美國菜、越南菜、泰國菜、日本菜、歐陸菜、滬菜、粵菜、茶記、咖啡店……等等。依邊跟中環嘅蘇豪感覺好唔同，閒日晚上嚟到，感到好寧靜，無晒太喧鬧嘅感覺，有種放低晒重擔嘅舒服感。正正座落晌西灣河碼頭一邊嘅「Amphissa」就更有一種「私竇」嘅感覺。甫踏入餐廳，以灰色為主調，淺灰色嘅雲石枱面，襯以灰色嘅座椅，配上柔和嘅燈光，整體裝修簡約，卻不失一份獨特嘅個性。而用餐區程L型，另一邊位置可以講別有洞天，因為對出就喺180度海景，而且窗戶喺折疊式玻璃門，可惜是晚有少少毛毛雨，玻璃門就無打開；而因為餐廳就坐落喺碼頭，所以，不時見到有渡輪埋岸，喺一個非常有趣嘅情景。聽侍應介紹，日頭嚟到店家就喺一間咖啡店，而到咗晚上就變成一間食精緻晚餐嘅餐廳，餐廳嘅路線走casual fine dining。務求貴精不貴多，所以，暫時只做一款晚市套餐，睇番餐牌嘅用詞你就知其實佢哋係主打法國菜，定價由$780到$980，視乎你揀幾多道開胃菜，如果食「Full Experience」足足有9道菜，飽到不得了！更難得嘅喺唔收加一，每位客人又可帶一支酒嚟都唔收開瓶費，咁未必個個客人都會帶成支酒嚟飲，但餐廳就提供多款餐酒，供配搭唔同嘅菜式。當然，亦提供一啲非酒精飲品，如咖啡、汽水、果汁。順帶一提，成晚嘅招呼都無咩挑剔位，每一道菜侍應都會細心講解，又換上合用嘅餐具，大廚亦會不時出嚟跟客人交換心得，而所有熱盤都會先將餐碟預熱，好多細節位都做足，非常有誠意。意大利白酒雖然我哋唔係好嗜酒，但都喜歡晌特別嘅餐飲上小酌一杯，眼前杯白酒好晶瑩剔透，易入口，配搭幾款開胃菜都很好夾。小食白酒大多數喺用嚟配海鮮，第一道登場嘅小食喺生蝦雲吞撻，襯少少食用花做裝飾。撻殼喺炸雲吞７皮，做得非常之香脆；侍應就話喺甜蝦，食落似牡丹蝦，蝦肉帶黏，卻好有蝦鮮味，並加咗點點麻油調味。櫻花蝦沙律•日式芝麻醬呢道菜顧名思意，就喺以沙律菜做底，撈上日式芝麻醬汁，當然晌度食到嘅就唔會咁普通啦。唔單止加入櫻花蝦，仲有松子仁，豐富咗口感，而風乾澳洲蕃茄嘅蕃味特別濃郁酸香，再灑上少少巴馬臣芝士，令食味更上一層樓。酸種麵包•自家製牛油下一道菜會喺湯，所以，依家就上一份自家製酸種麵包，麵包暖烘烘，入口鬆軟富麥香，而外層帶點脆口；亮點位喺香滑嘅牛油亦自家製，用上南非牛骨髓煮完之後抽走啲血水再凝固，如果唔喺大廚走出嚟分享真喺唔識咁多嘢。鮑魚•粒貝•海味雞白湯大廚話呢道喺心機菜，用多種海味大火滾4粒鐘煮個海味湯，再用鮮雞去油熬煮個雞白湯，取其前者鹹香，後者清鮮，兩者混合做成海味雞白湯底，果然鮮香。再加入大連鮑魚、日本粒貝切絲，柔韌鮮甜，就連裝飾嘅薑絲都搵冰水浸過，無咁辛辣之餘，多咗份爽口感。法國鴨肝•滷水法國菜有煎鵝肝，潮州菜滷水鵝肝，兩者融和造就呢一道美食。雖然用嘅鴨肝，其實一樣好出色，先以滷水浸8分鐘再煎香，煎得火喉，外脆內嫩，口感綿滑；醬汁以山西陳醋加黑糖煮成，微酸解膩，再晌面頭灑下一陣陣自家製冬菇粉，提升咗味道層次。配炸麵包片同食，一樣咁正！豉汁煎帶子•炸粉絲每道菜都賣相細緻，呢一道都唔例外，而且，更喺深藏不露。以刺身級帶子入饌，醬油漬過再煎香，帶子彈牙鮮甜，不過，實際喺搵唔到「豉汁」嘅蹤影，取以代之就喺煙燻過三文魚籽同加咗瀨尿蝦油，食味一流，至於面面啲炸粉絲只喺裝飾而已。西洋菜湯•金華火腿•南北杏一講西洋菜湯可能你會想起大牌檔嘅例湯，但晌呢度就將佢重新演變。將西洋菜煲到透再加入薯仔一齊打，先做到依家濃濃嘅西洋菜味，質感又夠挺身；而湯內除咗有微微細嘅甘筍粒、開心果之外，仲混有一絲絲金華火腿絲，添上幾分鹹香感，仲有面頭唧咗啲自家製南北杏油，甚有畫龍點晴之效。法國紅酒下一道菜將會喺牛扒，所以，襯番一杯紅酒，老實講，小弟唔喺好酒之徒，純粹趁吓高興而已，絕無評論資格，酒嘅嘢留番俾啲有識之士去分享。牛扒•配菜單睇菜名，你嘅印象喺咪一碟牛扒，側邊咪薯菜囉，當然唔喺咁普通啦！先介紹配菜，有咖喱牛油炸薯條、蔥油炒粟米粒同自家製醃蘿蔔，另外，佐以蜜糖芥末醬、茄汁同自家製譚仔酸辣醬，真喺單睇呢份配菜已好不一樣之感。薯條炸功了得，一啲都唔油膩，好香咖喱味，醃蘿蔔嘅酸香亦好作為間場之用。而牛扒據侍應介紹，採用澳洲安格斯和牛，煎到外層焦香，裡面五分熟，色澤紅潤卻無半點血水，火喉拿捏得啱啱好，而口感確喺一流，軟腍嫩滑，又富肉香，沾上少少芥辣，加埋薄薄嘅炸蒜片，真喺完美嘅配搭。冷麵去到呢個位，其實都飽到九乘半有多，不過，面對呢一碗港人至愛嘅「沙嗲牛麵」，又點會錯過呢。賣點喺同樣用上澳洲安格斯牛，而且，沙嗲方面加重花生香味，再加上蔥花，非常好食，麵條亦彈牙爽身。如果再想味道多層次啲，加少少店家自家製採用泰國辣椒製作嘅XO醬，包你覺得更好食。甜品如果唔喺因為有另一個胃用嚟裝甜品，恐怕都食唔落。賣相精巧嘅甜品睇樣完全估唔到喺咩嚟，但一入口就會「啊」一聲，原來喺蕃薯慕絲，好香蕃薯味，面頭有一片蕃薯乾薄脆，仲加咗啲紫薯粒粒，灑咗啲薑蓉碎，令到每一口都好有港式勁薑蕃薯糖水嘅味道。上文都有提及大廚不是出嚟跟客人交流，食完整晚菜式，所有菜式就不難發現菜單嘅主題就喺「香港味道」，喺一啲一講起香港人就會知嘅味道，估唔到以法國菜嚟呈現，非常有心思，用料、做法都非常有誠意，亦帶嚟好多驚喜，更增長咗好多知識，所以，今晚呢餐飯唔單止喺食，仲係一堂餐飲嘅見學！
繼續閱讀
餐廳面對住無敵海景，無論日頭定夜晚，風景都無得彈。餐廳嘅落地大玻璃將維港景色盡收眼底，好浪漫。每道菜都好有心思同新意，由前菜到甜品都充滿驚喜。員工同chef都好nice。侍應會細心介紹每道菜，仲會根據客人喜好推薦配酒。睇相個份量好似唔係太多，但食到最後其實好飽，所以唔好去完太安樓先過嚟。主廚仲會親自出嚟同客人互動，好吹得同埋講得笑，成晚笑聲不斷。同太太喺呢度共度咗一個非常難忘嘅夜晚。有機會一定會再嚟。
繼續閱讀
Reserved a table of 2 for hubby’s birthday celebration - from menu, to environment, to service, to food, we basically love all of these. The menu itself is pretty interesting and the dishes served are simply delicious (highly recommended) - we like how warm & crispy the sourdough is, love how sweet and rich the soup is, enjoy how juicy the scallop & steak is…… not to mention the waiter & restaurant owner are so friendly and greeted us with warm welcome! Definitely a unique place to visit for any kind of celebrations as the tasting menu won’t let you down.
繼續閱讀