Amaroni's New York Italian Restaurant & Café (MOKO新世紀廣場)

營業中

休息中

今日嚟旺角東Moko 行街我哋搭𨋢直上5樓一開𨋢門 見到呢間餐廳門口擺放電單車．仲有扭蛋機餐廳環境寬敞．座位充足上餐速度好有效率午餐套餐$78起．款式都幾多選擇跟埋餐湯 / 沙律 餐包 同餐飲✨牛肉薏米湯好少飲到呢款餐湯加入薏米同牛肉粒．味道好夾✨主廚薄餅熱辣辣嘅Pizza即叫即焗充滿拉絲感✨卡邦尼白汁煙肉意粉Carbonara 超足料每啖都沾上滿滿嘅忌廉汁口感香滑又Creamy✨自家製焗肉醬千層麵厚厚嘅千層麵肉醬同麵嘅比例恰好．好好味

位於旺角新世紀廣場5樓的「Amaroni’s New York Italian Restaurant & Cafe」，係一間美式意大利菜餐廳🍴店內座位寬敞舒適，用餐環境優雅晚市時段設有二人套餐或Set Menu蒜蓉包點餐後店員隨即送上餐前麵包，暖烘烘的蒜蓉包及意式香草包，好鬆軟，有麵粉香燒蝦凱撒沙律羅馬生菜新鮮爽脆，配上香蒜麵包粒及濃郁凱撒醬，清新滋味！燒蝦爽口彈牙，幾惹味蜆肉忌廉湯奶白色的忌廉湯，香濃幼滑，當中有唔少蜆肉白酒汁燴青口青口都幾大隻，鮮甜味美！加咗白酒、辣椒及洋蔥粒一齊燴，微微辣，帶點酒香，好開胃辣肉腸菠蘿薄餅薄餅批底略厚，烤得香脆又鬆軟。表面放滿芝士、菠蘿、辣肉腸及蘑菇，芝味香濃，味道同口感都好豐富呢石榴陳醋烤嫩豬排骨及意式香草焗雞主菜份量足夠二人共享～豬排骨烤得軟嫩，都幾多肉，加咗石榴陳醋一齊烤焗，鹹鹹酸酸的，好滋味！金黃色的香草焗雞，香氣撲鼻，有雞髀同雞胸，啖啖肉，鮮雞味濃經典意大利芝士蛋糕餐廳招牌甜品Tiramisu，四四方方又大件，表面撒滿可可粉，入口軟滑，甜而不膩，充滿奶油香熱咖啡及熱檸檬茶

仲記得細個果陣響又一城踩冰好多時都會食呢間餐廳有情調得嚟個Tiramisu 係我好鍾意好moist嘅口感近來先發現原來Moko都有分店仲要有set 供應😱點解可以咁逆通脹㗎！餐廳環境好別緻 座位分布好spacious 靠窗嘅卡座仲可以居高臨下咁望住旺角嘅街景💕百幾蚊就有套餐有包、餐湯、飲品、主菜，仲可以add on加小食講真連樓上cafe都未必做到呢個價餐包都有兩款供應上枱嘅時候仲要熱辣辣店員仲會提供埋黑醋橄欖油點～我嗰日嘅餐湯係周打蜆湯真係食到粒粒嘅蜆肉㗎 個湯嘅忌廉味都好濃郁 飲落好厚身✔️燒蝦凱撒沙律蝦肉好爽口彈牙 沙律嘅醬汁唔會話好多 有時好怕食沙律太多醬 呢度食落好輕怡 ✔️意大利雲吞二重奏一款係芝士菠菜 一款係黑松露什菌塊皮有咬口得嚟唔會太厚又唔會太薄底下就有啲蘑菇汁 另外仲配有火箭菜 口感層次味道豐富✔️自家製焗肉醬千層麵呢度嘅千層麵食落好舒服 因為平時好怕食到好實淨嘅感覺呢度係有層次得嚟 唔會話死實實蕃茄味超級濃郁 但有微酸得來仲食到蕃茄粒粒同肉醬同芝士夾埋一齊食 就可以緩和返個油膩感✔️嫩烤甜酸豬肋排Add on一份有三條骨 肉質好腍 一搵刀切嘅時候 可以好輕易咁起到條骨出嚟

西餐都用埋D唔知乜嘢油煮意粉，萬年油？ 大陸油？D臭油難食到蓋過曬D食物嘅味道。兩個人都食淨曬。冇下次。服務態度OK，意粉都煮得OK，但係真係唔知用乜嘢油咁難食。好心唔好慳呢D錢，做衰自己。上年食冇呢個問題。

來到MOKO，我就第一時時間選擇了Amaroni's，全因他們有多款美食：沙律、意粉、燉飯、牛柳、薄餅等…還有他們的精美佈置加成，就更讓人舒適暢，胃口大開。岩鹽焦糖咸脆餅奶昔奶昔口感香甜焦糖十足，濃醇順滑，口感層次豐富，清新爽口。白酒汁燴青口 (+$68)雖然係Add-on美食，但絕對不是簡單料理，那新鮮肥美的青口，配以白酒、蒜蓉、香料等，肉質鮮嫩多汁，吸飽了白酒的香氣，十分開胃。烤嫩豬排骨 (+$60)這份豬排骨經精心烹調後，肉質鮮嫩多汁，配上秘製醬汁，更能突出豬排本身的鮮美，越食越滋味。野莓雞肉沙律我們都叫了一款脆爽的沙律，清新爽口，再有酸甜可口野莓，鮮嫩雞肉，絕對係健康輕食之選。8安士炭烤美國封門牛柳經過炭烤手法烹調，外表焦香，內層卻保持鮮嫩多汁，口感嫩滑味濃，牛魔王必食之選！經典意大利芝士蛋糕入口細滑，Mascarpone cheese 份量剛剛好，層次豐富，味道淡雅獨特、驚喜十足。

今個星期日，我又出咗去同個FD食好嘢呀！我朋友想食意大菜，因為我就上網睇吓有邊間好嘅意大利餐廳🍴，點知我上網搵到一間環境唔錯，又有窗口位嘅餐廳，佢係5樓，真心睇到就心動了，所以我就向我朋友介紹同推薦這間餐廳，佢有單點同二人超值套餐，另外，如果你係一家人去嘅話，有家庭套餐，真係一間好多選擇嘅餐廳我同朋友當日叫了佢哋二人套餐蒜蓉包 - 二個人嘅份量白酒汁燴青口 - 佢有十隻青口，比我想像中多，每一隻都唔細，大小適中辣肉腸菠蘿薄餅 - 份量足夠，二個人都覺得好好味經典千層麵 - 一層層嘅麵配合埋蕃茄醬，超級好味經典意大利芝士蛋糕 - 大件同好抵食泡沫咖啡同青蘋果冰茶 - 咖啡用 Nespresso 去沖製同個青蘋果味道配合冰茶，一流

【油尖旺區】【Amaroni's】同澳門朋友羅總喺旺角 moko 搵嘢食，本身係想食火鍋放題，點知佢話想食西餐。咁見到呢間全名「Amaroni's New York Italian Restaurant & Café」嘅餐廳好似唔錯，就食呢間啦。先上咗麵包、沙律、餐湯，質素都係可以嘅，之後就上主菜喇。佢食個 $168 嘅「意大利野菌燉飯」，佢話都唔錯，咁我聞落都幾香。而我自己就食 $228 嘅「8安士炭烤美國封門牛柳」，佢係配薯條嘅，牛味幾重，幾好味。佢係可以加小食嘅，朋友加 $28 要「意大利火腿配蜜瓜及啤梨」，我冇食，佢就話整得唔錯咁。我就加 $40 要咗「燒迷迭香棒棒雞」三件，食落發現裡面有啲紅，侍應話本身都係咁，其實又真係好熱嘅。羅總仲食咗「經典意大利芝士蛋糕」，都可以。嘢飲方面我哋都係飲免費添飲嘅「檸檬冰茶」，不過都冇添過，埋單 $510.4，要大讚嘅係侍應嘅態度。。。（地址：旺角太子道西193號MOKO新世紀廣場5樓526號舖）#1amfoodie #foodie #hkfoodie #thatfoodiething #hkfood #food #instafood #yu

啱啱星期六約咗friend去旺角食lunch如果方便大家交通🚇新世紀廣場食個地點好似係唔錯既選擇,,之前去過九龍塘既Amaroni's新世紀廣場依間就未試過決定今次食依間😋可能始終係星期六既關係去到要等一陣不過都好快,我哋3個人坐窗口卡位,個環境幾好係落地玻璃望到外面風景,叫咗1個扒🥩1碟意粉🍝1碟沙律🥗3樣都不過不失但我覺得坐得舒服、環境唔嘈😌😌三五知己可以慢慢咁傾吓計都幾好吖👍🏻

落單既女仔問左兩次，係咪要檸茶，重覆左兩次要檸水，最後都係落錯單🤷🏽‍♀️記性唔好，可以寫低的。第一碟嚟係pizza ,味道正常無乜特別，第二碟係蒜蓉西蘭花青口，西蘭花好黃，正常野，第三碟先精彩，牛扒七成熟，煎牛扒個pan 應該係十年無洗過，煎到塊扒勁多黑色「燶」位，有苦味。最後係甜品tiramisu 都好難會難食。Dinner 2人餐，正常couple 食量係唔會夠飽。最搞笑既係，人均要二百幾蚊嘅餐廳鋪枱嗰張竟然係白畫紙唔係枱布？？？唔明點解有咁多人係到gathering ，唔通真係傾到食左至癌物都無問題？？？呢間野真係唔會再有下次。

一坐低，張枱斜既，到上菜見到斜仲放上去沒諗過解決問題。Lollipop chicken 仲有粉紅色懷疑未煮熟，大蝦雞肉長通粉話係recommended,蝦啲肉霉既，有勁多沙唔新鮮，雞肉勁咸，似茶記咁款。食呢間餐廳唔好expect係靚靚西餐，完全係喺外國嘅freestyle一樣。唯一可以講既係，整體員工態度係好嘅。但係訂枱時要睇清楚折扣優惠，本身訂枱嗰時有，但係最終可能去到餐廳已經冇再做優惠。咁嘅質素食冇叫嘢飲都成六百幾蚊真心超唔值。

上星期有朋友邀約聚餐，她提議到這餐廳食，由於之前曾經在這裡食過晚餐，記得食物不錯而且侍應服務很好，所以便馬上答應了。進餐當晚是星期五，因此整間餐廳也坐無虛席，十分熱鬧。最欣賞這裡的其中一個原因是，在我們還未開始點餐，侍應已經把一籃熱辣辣的麵包送到枱上，讓我們可以一邊吃一邊慢慢點餐。主菜我們點了意大利雜菌飯，白酒汁燴青口，焗鮮蝦雞肉通粉及美國封門牛柳。個飯軟硬度適中，味道唔會太濃，啱晒鍾意清淡口味嘅我。青口都幾大隻，味道唔錯，正常水準。至於個鮮蝦通粉，蝦幾大隻而且數量都多，裡面仲加左煙肉碎，食落幾香口。牛柳我叫7成熟，煎得算係啱啱好，仍然有好多肉汁唔會話好乾，整體食物係滿意嘅。最後當然唔少得叫埋呢度好出名嘅Tiramisu作為整個晚餐嘅完美句號啦！

無下次，貴又唔好食，俾錢買難受！星期一中午時段過嚟食lunch，吉枱都唔少，有一半以上，唔洗排隊直接入座。我哋滿心期待叫咗個肉醬長通粉，但出到嚟得個酸字，難食過超市買嗰啲微波爐速食通粉；白汁意粉稍嫌淡味，尚算可以；薏米紅湯中規中矩，係成餐唯一食得曬嘅嘢；餐包又油又無味，咬一啖就放返低；餐廳都有可取之處嘅，就係整體裝修唔錯，位置都叫闊絡，waiter有禮，同客人有講有笑，景觀尚算開揚，望到巴士總站同朗豪坊！

如題。上菜速度正常，我同fd叫左千層面同青醬海鮮麵，附送餐湯（蘑菇忌廉湯）、餐包，全部食物溫度都唔達標。海鮮麵只有蝦同帶子，帶子口感好差，全部食物溫度都唔達標。海鮮麵得蝦同帶子，蝦同埋麵嘅味道尚可接受，帶子口感好差👎🏻，一係合成肉一係過熟 6/10肉醬千層面就更加worse, 麵嘅口感好似生粉麵糰咁，肉醬難食，食唔到芝士味 2/10tiramisu cream over whipped, 口感比較硬，味道可以接受 5/10唯一好在呢間店店員服務態度好👍🏻👍🏻👍🏻

同老公行街見呢間餐廳裝修幾靚，就入去試下😆裡面裝修都幾有特色，見到有好多一家大細來食飯，小朋友會收到氣球💕佢個二人餐都唔錯，有兩款前菜，加主菜仲有甜品添！呢個價格都合理！一坐低店員就會送上蒜蓉包，好香蒜蓉味好好食！😋我同老公加錢叫左兩杯沙冰🍧好清新唔會好甜👍🏻我地另外叫左款巴馬臣火腿哈密瓜&梨，好味道😋呢個封門牛柳好嫩滑 配埋蜜糖芥末醬非常配搭😋薄餅是辣肉腸，以為會好鹹，又唔會喎！呢個薯條係跟封門牛柳，炸得好香脆。差不多我食曬😆另外又再點左一個甜品 三色雪糕配搭兩件熱熱地的朱古力布朗尼再配香蕉🍌同老公好快食曬🤣呢個提拉米蘇 好味唔算好甜，因為已經食曬雪糕 太飽 所以呢件蛋糕食唔曬🤣超飽的一餐

Amaroni's New York Italian restaurant & cafe推崇正宗意大利風味的絕佳之選。餐廳位於市中心繁華地段,餐廳裝飾充滿復古感,沿用古董式木質桌椅,具有濃厚的義式風情。作為主打意式料理的餐廳,Amaroni's的菜單以各式經典義式佳餚為主。開胃菜方面,我特別推薦他們的carpaccio,薄薄的生牛肉片搭配橄欖油、芝麻菜和帕爾馬干酪,酸甜鮮香,十分開胃惹味。主菜選擇也相當豐富,例如正宗的牛肉千層麵、香料爐烤羊腿,還有不同pasta任君選擇,從經典的意大利肉醬意面到海鮮烏龍麵等。其中我最欣賞的是他們的烤鴨意面,醬汁濃郁,配上軟嫩多汁的烤鴨肉,絕對令人難忘。完美的一餐必不可少的當然是餐酒以及甜品，餐廳提供各式意大利經典酒品,如Chianti、Montepulciano等,可謂是不同菜餚的最佳搭配。此外,餐後甜點也是不容錯過的亮點,tiramisu和cannoli都極其出色,層次豐富,口感滑順。總的來說,Amaroni's New York Italian restaurant & cafe毫無疑問是追求正宗意大利風味的不二之選。無論是經典的義式美食還是溫馨的