經過大坑施弼街，好難唔俾呢間全黑色嘅神秘小店吸引住。門面低調得嚟極具質感，推門入去，燈光調得恰到好處，高級得嚟又唔會令人拘謹嘅暗黑風美學。成個空間充滿住浪漫嘅氛圍感，枱與枱之間保留足夠私隱度，絕對係適合靜靜地傾計、享受二人世界嘅地方。.其實呢度前身係喺區內屹立咗14年嘅 ꜱᴏᴄɪᴀʟ ʜᴏᴜꜱᴇ，升級變成 ᴀʟÓ ʀᴇꜱᴛᴏʙᴀʀ 之後，成個 ᴠɪʙᴇ 完全唔同晒。廚師團隊將菜式推向更精緻嘅 ꜰᴜꜱɪᴏɴ 多國菜路線，唔單止係食味道，更係講求用餐嘅「儀式感」。如果你搵緊地方慶祝 ᴀɴɴɪᴠᴇʀꜱᴀʀʏ 或者生日，呢度個格調絕對撐得住場。.頭盤先嚟個 ʜᴇɪʀʟᴏᴏᴍ ᴛᴏᴍᴀᴛᴏ & ʙᴜʀʀᴀᴛᴀ ꜱᴀʟᴀᴅ，ʙᴜʀʀᴀᴛᴀ 芝士個軟熟程度啱啱好，配埋清甜嘅番茄，作為開場非常清新。另外叫咗份 ᴍᴀɴɪʟᴀ ᴄʟᴀᴍꜱ，用白酒同 ᴄʜᴏʀɪᴢᴏ 去煮，蜆肉鮮甜之餘帶少少微辣同鹹香，個汁用嚟點麵包一流，非常開胃。.主菜方面，絕對要試佢哋個 ꜱɪɢɴᴀᴛᴜʀᴇ ʀᴏᴀꜱᴛᴇᴅ ꜱᴜᴄᴋʟɪɴɢ ᴘɪɢ。乳豬皮燒得極致香脆，皮下脂肪比例唔多，咬落去係清脆嘅「咔嚓」聲，肉質依然保持嫩滑多汁。另外個 ʙᴇᴇꜰ ᴄʜᴇᴇᴋ ᴛᴀɢʟɪᴀᴛᴇʟʟᴇ 亦有驚喜，牛面頰肉燉煮到極之軟腍，幾乎入口即化，每一啖闊條麵都掛滿濃郁肉汁，口感豐富。.最後以 ᴀᴘᴘʟᴇ ᴄʀᴜᴍʙʟᴇ 作結，呢度嘅處理手法幾正，熱辣辣嘅金寶脆粒配上自家製雪糕，一冷一熱嘅強烈對比，甜度控制得幾好，食完主菜再食佢都唔會覺得膩。.✿ ʜᴇɪʀʟᴏᴏᴍ ᴛᴏᴍᴀᴛᴏ & ʙᴜʀʀᴀᴛᴀ ꜱᴀʟᴀᴅ ✿ ᴍᴀɴɪʟᴀ ᴄʟᴀᴍꜱ ᴡɪᴛʜ ᴡʜɪᴛᴇ ᴡɪɴᴇ & ᴄʜᴏʀɪᴢᴏ ✿ ꜱɪɢɴᴀᴛᴜʀᴇ ʀᴏᴀꜱᴛᴇᴅ ꜱᴜᴄᴋʟɪɴɢ ᴘɪɢ ✿ ʙᴇᴇꜰ ᴄʜᴇᴇᴋ ᴛᴀɢʟɪᴀᴛᴇʟʟᴇ ✿ ᴀᴘᴘʟᴇ ᴄʀᴜᴍʙʟᴇ…查看更多
Heirloom Tomato & Fig Burrata Salad 唔同顏色嘅蕃茄幾清甜。芝士比平時食果d 口感會稍硬一點，冇咩奶味亦都冇騷味，好易入口，唔特別鍾意食芝士嘅人都接受到。👌🏼Fresh Mussels Garlic & Wine大大隻嘅青口，唔係法國藍青口。煮得頗嫩滑，但係唔算好鮮甜，味道正常冇咩特別。唔係濃稠嘅忌廉汁，而係少少哋海鮮味同酸味嘅湯汁。👌🏼Mediterranean Style Whole Ma Yau Fish魚肉鮮嫩，質感柔軟，但有少量骨，係可接受範圍。配以味道溫和嘅蕃茄汁。賣相靚，味道可以。
Signature Roasted Suckling Pig餐牌寫係呢度嘅招牌菜。個皮燒得非常薄脆，好似食緊薯片咁。豬肉口感柔軟嫩滑，整體味道唔錯。⁉️
18hrs Slow Cooked Beef Short Ribs上菜嘅時候賣相好靚，原先對呢碟餸好大期望。口感係好鬆軟柔嫩，但就啖啖肥肉。唔知係當晚咁啱供應商嘅問題，定平時都係咁？未食過一碟牛係80%都係肥脂肪。🤔Classic Garlic Spaghetti有蒜香，但係味道比較單一，好似自家煮嘅味道。覺得可以加少量香草增加一啲層次。
