All About Nuts

營業中

休息中

鍾意食純堅果醬嘅人又多個選擇喇,石硤尾一間以堅果做主題嘅小店,除咗招牌係每日有限定即磨無添加無加糖嘅堅果醬（每日兩隻唔同味,其中一隻固定係花生醬,另一隻味則要留意店內/IG公佈）,仲有各類特色小食同飲品,好似榛子醬/開心果醬多士,堅果/榛子奶茶等🌸開心果醬多士 $28花生醬多士就食得多,夾開心果醬都係第一次食😗,無添加無加糖嘅開心果醬夠晒天然純粹, 配埋烘好嘅麵包係簡單好食嘅小食😋但鍾意食甜多士嘅人可能就要揀番配焦糖煉奶嘅西多士,因為呢個開心果醬多士係完全原汁原味,近乎零甜味嫁😚📍All about nuts石硤尾偉智里1-3號白田購物中心地下13號舖

📍All About Nuts (石硤尾） 石硤尾白田邨附近近呢幾年一直靜靜地起革命，開左好多隱世小店🤤呢間裸買小店主打即磨堅果醬，全部都係無添加，每日即磨！門口有兩部磨nuts 機，真材實料～😆 呢度可以先試味再買🥰除左齋買醬，佢最出名莫過於🌟開心果醬西多士～由於一個人食怕肥嘅關係，我無試到西多士，而揀左就咁多士🙉🌟開心果醬多士 $28 用左麥包，新鮮烘起熱辣辣香脆，加埋滿滿嘅開心果醬～味道係濃郁嘅，不過我估西多士加埋煉奶同開心果碎會更開心🤣 淨係多士感覺就似自己都整到嘅味道😝間唔中食下ok 但$28 略貴～如果自己得閒會整野食，買佢$50/100g 會更抵，另外佢仲有腰果核桃露、米線、純素窩夫、奶油咖喱雞飯等等，下次試返佢熱門！😝味道：😋😋😋😋地址：石硤尾偉智里1-3號白田購物中心地下13號舖

知道石硤尾開咗一間堅果醬店主打即磨無添加每日供應兩款堅果醬花生醬每日都供應另一款就需要留意佢哋IG記得自備玻璃樽不過冇都唔怕 +$5是日堅果醬係榛子加腰果 $48/100g呢樽有$200g見到由密實盒拎堅果出黎磅重到放落機器打磨時間真係唔駛5分鐘就有一樽新鮮的堅果醬番到去搽麵包真係特別好食因為都無食坊間高糖的nuts醬好耐見唔少人買窩夫/西多士食叫咗個杏仁醬窩夫配焦糖煉奶上網見到佢焦糖煉奶都要花時間慢慢焦糖化果然啖啖心機相信我會好快再encore

石硤尾開了間堅果醬專門店，可以自備玻璃樽買即磨純堅果醬。除此以外也有一系列堅果延伸美食，包括純素窩夫、西多士、堅果醬意粉和擔擔米線等，仲有堅果奶飲添！無論你鍾意開心果定腰果定榛子，記得不要錯過！小店位於白田購物中心，近賽馬會創意藝術中心，以前 tools 咖啡店那條街。現場不設座位，全部以外賣為主，附近有個公園可以坐低食，建議可自備食物盒，我係出門口果下唔記得左。可自備玻璃樽買即磨堅果醬，花生醬每天供應，其他堅果則輪流登場，可以參考店家IG公佈。堅果醬全部無添加，成分只有堅果，適合純素食者和生酮飲食人士。除堅果醬外也有堅果奶和各式小食。現場有兩部慢磨機，即刻磨俾你保證新鮮，也可以whatsapp預訂。堅果醬種類繁多，有興趣也可以現場試食。開心果醬素窩夫配椰糖漿 HK$58純素窩夫以麵粉、堅果奶、椰子油、糖、鹽和泡打粉製作，配不同堅果醬不同價錢，近期大熱係開心果醬，假期可能會售罄。窩夫亦可配椰糖漿或焦糖煉奶，焦糖煉奶係一般正常煉奶，非純素。窩夫口感鬆軟質地唔錯，吃起來也不太純素感覺。最正係每個格仔都填滿開心果醬，建議帶定水或咖啡或濃茶去食，因為略為漿口而且頗膩。喜歡堅果醬的朋友一定要衝啊

本身打算去南山邨, 順便去吃附近有名的燒賣店, 怎料星期天是全休天, 卻意外發現了這間以不同堅果醬主打的小店。除了不同堅果醬的西多士之外, 也有供應少量飯跟麵, 當然可以一樽樽堅果醬買回去。開心果西多士 $58西多士炸成金黃, 麵包中間加了開心果, 上面再加上煉奶, 還有開心果碎, 每一口都滿滿開心果味, 整個西多士都非常邪惡又美味 😋 不過我認為定價稍微太高, 買樽開心果醬自己弄西多士會更化算 😅買堅果醬要注意, 首先最好自備細樽, 因為每個樽收費$5, 另外每天供應兩款醬, 一款是固定的花生醬, 另一款則要從小店的social media拿取消息。

附近新開了一間專賣果仁同醬嘅小店，如果你係果仁控可以去幫襯下，仲有一d飽肚嘅主食，繼買左花生醬比小朋友試食外，今次幫襯左合桃同咖哩雞飯，合桃好好味一食已經停唔到口，咖哩飯味道好特別，唔似出面快餐店咖哩飯咁，食幾啖就容易滯，飯嘅軟硬適中，咖哩有少少果仁，顯得更香而且唔太辣，不過如果飯同汁多返少少更佳，順便提一提d醬係即叫即整，好新鮮，店鋪係環保小店買醬記得帶樽，支持環保