alfafa (康怡廣場北座)

營業中

休息中

行過見到新餐廳, 整潔和服務生有禮, 就試一試, 好可惜, 食物真係唔得, 除咗個餐湯係可以食哂, 其他真係唔得, 叫咗個意式烤魷魚沙律餐和燴雞飯, 個沙律d魷魚係白烚無味凍冰冰, d菜係好乾, 我係一個唔仲意浪費既人, 但實在吞唔落d菜乾; 我老公個飯, d汁係黃色一pad罐頭湯咁款, d雞又係乾爭爭咁, 見到都無胃口, 好難食, 成$80個餐食d咁樣既食物, 真係過份 仲要最普通既咖啡都係水咁淡, cafe連咖啡都做唔好, 其實好失敗! 比咗$160, 真係好似跌咗咁, 肚空空咁行番出嚟

近月，時常要到康怡廣場那邊，但在工地難以處理文書工作，於是很多時借用了Alfafa作臨時辦公室，貪其夠清靜，開會、準備文件，全都在那裡搞掂，一坐便是一、兩個小時之久。是日如常的霸佔了一坐桌子，點客二人的英式下午茶餐，邊食邊傾。沒有用上正校規的英式三層架，取而代之是以一隻長碟作器皿，賣相稍為輸蝕。至於食物內容，有撻有曲奇有三文治也有乳酪，當然還有飲品，以八十八蚊的價錢來說，很合理了。眾多食品之中，個人較喜歡撻類，其中的一款是蛋加Mayo的配搭，入口柔軟有蛋香，蛋白碎則可增強口感，而撻皮就是鬆脆，整件結合起來很好吃，也許店方亦覺得這款撻是最美味的，所以付上兩件，其他的都是一件一款。果撻也不賴，不論香橙或是士多啤梨口味，均是新鮮清甜，撻皮同樣是香脆可口，味道不錯。其餘的食物如曲奇，是預期中的鬆脆，三文治的蕃茄鮮甜，火腿偏厚身，更有口感。而甜的，有乳酪，上面加入了藍莓醬的，吃起來是甜中帶乳酸味，是醒胃而不膩的甜點。熱咖啡是香濃，奶也不會凍冰冰，不太差的。這個地方，環境食物俱佳，在未來的一兩個月內，相信會繼續成為我的臨時辦公室。

康山商場閣樓北食店經營多年，始終人流不多，今年中趁租約期滿，剷走抵食東湖海鮮酒家之餘，亦將樓下東江好棧、越棧拆骨來個大變身。搞了差不多半年，閣樓食店群率先開業。改動得宜，有旺氣。此店與Delifrance屬關連公司，食物風格頗類似。下午茶套餐有八、九款可選，平時行過亦見多師奶群幫趁。我食過的天使麵芝士和橄欖油味道適中，份量足，雞肉無雪藏味。脆Pizza超薄之餘亦有咬口。雖然名字有點恐怖，但店內衛生、餐具整潔，食過幾次都冇事，食怕佐快餐店的可以一試。