Ada’s Not Here

營業中

休息中

朋友試完呢間餐廳極力推薦咁高評價就一定要試試佢啦餐廳係位於朗屏站附近既小店今次去左食lunch, 下次一定去試埋dinner😋✨黑毛豬肉眼 $108豬扒份量都幾多 每塊都煎到金黃 夠乾身有肉味配既焗蒜都好出色比較可惜既係配既薯條炸得略嫌太硬身✨黃金蟹肉意大利粉 $128蟹肉新鮮仲份量滿滿 食到尾都仲食到蟹肉意粉夠煙靱掛汁 醬汁唔會蓋過蟹肉既鮮味 勁夾!好食到想encore既程度✨炸海苔魷魚鬚 $25熱辣辣新鮮炸起粉漿夠酥脆但唔會感覺油膩魷魚新鮮夠彈性 唔會好似橡膠咁🍀強烈建議book位, 見到好多walk in想入黎食但都full曬小店得大概12個位左右老闆會每枱都問意見睇下滿唔滿意菜式,勁有heart呢個要讚一讚!👍🏻Btw 老闆話咖啡唔係佢強項 可以唔駛試🤭

由welcome food到甜品都很驚喜。每道菜都用心製作。只有12個座位，所以一定要預先訂位，因為只得一位廚師，菜與菜之間需要耐心等候，有啲似食法國菜😂Welcome food 係燒香菇，菇味濃厚。頭盤選了凱撒沙律、秘魯牛心串燒、鵝肝多士及香煎蟹餅。馬上想重點一次，因為真係好好味。主菜點了牛肉眼，豬肉眼，墨汁帶子意大利飯及昆布蜆肉意粉，每道主菜都各有特色。豬肉眼老闆建議選7成熟，真係肉汁會更豐富。墨汁帶子意大利飯真係誠意之作，上枱時如藝術品，墨汁飯配上金黃色的煎帶子，色香味俱全。必會再次光顧👍👍

路經附近，想起此店，看完menu決定入座店內只有12個座位，門外則有一張四人枱。正值午巿，等了大約15分鐘才成功入座。點了豬肉眼扒配薯菜，加$25是日餐湯，餐飲烏龍茶（無糖，用茶包沖泡再放入雪櫃）上菜了，份量很足，有兩塊豬扒，一堆薯條。加的餐湯是黑松露蘑菇湯，很順滑。店家指出此湯不是以麵粉製作，是真材實料用蔬菜打爛再隔渣製成。又加分了吃著吃著，店家問我好唔好食，我實話實說答他可能我放置了一會，兩塊扒唔夠熱。店家二話不說提出幫我再略煎翻熱再上枱。順帶一提，平日午巿星期一至四只做12:00-2:00，賣完就落場準備午巿。星期五不做午巿，要全日準備晚巿食材。有下次

之前喺社交平台見到有人話呢間小店食物質素好好，今日特登去食lunch試菜🤭🤭今日叫咗厚切牛舌意大利飯($88), 另加港島蠔唔忌廉湯($25)。厚切牛脷好有咬口，味道好rich😍，尤其喜歡他的意大利飯，軟硬適中，裏面有蘑菇粒，增加口感層次，正👍👍..廣島蠔忌廉湯好creamy👍，也好有蠔味， 但我個人覺得有少少偏鹹😂😂😂整體嚟講食物質素高，份量也夠，CP值高，上餐時間也可以接受，已經諗住搵日去試吓佢嘅dinner🤭🤭🤭

今次第三次嚟，終於試到啦！第一次活動完時間比較晏，打去問…..原來已經差唔多落場，第二次直接嚟，點知原來放特別假。今日試咗牛舌意大利飯，黑毛豬肉眼，追加餐湯同小食炸海苔魷魚鬚。餐湯係黑松露蘑菇湯，好夠味同口感夠滑，魷魚鬚同薯條友人個人口味略嫌乾咗少少，我覺得正常，兩個主菜都好好食，牛舌有三塊都算厚，個意大利飯裏便有菇同埋牛舌肉，好豐富份量亦都唔少，豬扒夠腍，我下次嚟都要試，個餐只係跟嘢飲，冇加一，老細好 nice，地方唔大、洗手間好乾淨，呢個價錢同質素好值得試。

### 烤蘇格蘭蟶子王聖子的鮮味被烤得恰到好處，搭配少許辣椒粉和檸檬汁，味道更加清新### 鵝肝多士鵝肝醇厚口感配香脆多士，仲加埋焦糖青蘋果，少少酸甜味，唔會覺得油膩### 龍蝦汁大蝦意大利麵意大利麵老闆話係特別喺意大利訂返嚟，口感真係唔同，特別彈牙爽口，龍蝦汁非常濃郁，浸透每一根麵條，搭配鮮味大蝦，整體口感非常豐富。### 西班牙伊比利亞100%橡果豬肉眼豬肉眼肉質鮮嫩，七成熟口感嫩滑，勁多肉汁，仲配搭咗牛油炒雜菇，超正👍🏻❤️支持用心製作每道菜嘅小店💪🏻

個日一個人又唔知食咩好，突然比我發現呢間隱世又驚喜十足嘅餐廳我原本想行入去睇下餐牌，已經有位員工好熱情咁招呼我，攞餐牌比我睇，我自己一個人但又想坐出面，但出面係四人枱，佢都比我坐，我當時夜晚去食，$188 前菜一款、餐湯、主菜一款。前菜我揀左鵝肝多士(+40)好香口，餐湯係南瓜湯，我飲完真係好驚喜！佢哋嘅南瓜湯好特別，我唔知點解飲到有啲咖哩味(可能我飲錯)但好合我口味，唔似出面淨係落蜜糖咁。主食叫左墨魚汁帶子意大利飯，飯煮得剛剛好墨魚汁嘅味道都好重，帶子都唔會煎到乾晒！後面仲叫左一支甜白酒($188)味道都好好員工會問下我野食好唔好食，酒得唔得，我覺得呢個係我作為客人覺得好好嘅事！到後面全部客人都走晒，剩返我一個，我個陣仲有半支酒，佢地都超好由得我坐，佢地話平時都冇咁早走，叫我唔洗急慢慢黎，當下我個心都暖晒，真係好有人情味呢間我好推介去試，有人情味嘅員工，有用心整嘅美食，有多選擇嘅酒類，適合情侶，朋友，家人一齊黎試。

呢次嚟到朗屏，發掘咗一間非常高質又親民嘅西餐小店，餐廳空間雖然唔大，燈光昏暗，但營造出溫馨，而且有氣氛嘅用餐環境，老闆熱情地介紹各款餐點，對自家菜式充滿信心，令人對食物更添期待，而今次就試咗dinner set黑松露烤菇烤菇帶有濃厚嘅牛油香氣咬起來煙靭，每一口都充滿菇的鮮味及菇汁，黑松露的點綴，進一步提升香氣及濃厚的味道，令整道菜層次豐富蘑菇湯蘑菇湯質地香滑，濃郁而暖胃，每一啖都充滿蘑菇味香煎蟹餅外層煎得香脆，內裏滿滿的蟹肉，細膩鮮甜白酒煮蜆蜆肉鮮甜，白酒汁香氣滲透其中，帶有淡淡嘅蒜香及酒香黃金蟹肉意大利麵意大利麵口感非常彈牙，而且給滿黃金蟹肉汁，而蟹肉非常鮮甜，醬汁濃厚而不膩，每一口都能感受到海鮮嘅鮮味，而且份量亦多，非常滿足烤伊比利亞100%橡果豬肉眼豬肉眼非常令人驚喜，肉眼七成熟，肉質軟嫩多汁，口感近似牛扒，入口有豬的香氣，肥瘦均勻，味道濃郁，內裏保持嫩滑而細膩的口感，讓人回味無窮

今日收工來同朋友仔撐枱腳啦～經過見到呢間店好多人 就來試下😋 坐低就有Welocome food！ 正啊脆米南瓜好食😋！咁啱宜家係食南瓜嘅季節～超鍾意呢個Welcome food！西班牙刺青瓜沙律第一次食烤柿子！超正！烤過嘅柿子味道好特別～同青瓜🥒真係可以做好朋友！白酒煮蜆🍸好鮮甜～雖然份量唔算太多 但係每一隻都好肥～作為前菜好開胃！奶油蘑菇湯🥣我真係好鍾意蘑菇湯啊！超順滑好飲！帶子海鮮墨魚汁焗飯🦑睇落顏色有些小黑暗料理嘅感覺 但其實超級好食😋 帶子又大又鮮甜 墨魚汁焗飯裏面仲有其他海鮮！蒜香牛扒🥩烤過嘅蒜頭真係超好食啊！牛扒又好軟 好嫩～真係食得超滿足！

今日我哋嚟到 Ada’s not here 朗屏必食西餐小店，真係唔可以錯過！呢間小店環境好舒服，入面淨係得四張枱，所以記得要提前預訂位。老闆人好好，會同每位客人傾計，好似朋友咁，實在好Nice！一入到去，老闆就送咗個 welcome food，真係好貼心。接住我哋就點咗幾樣招牌菜。烤蘇格蘭蟶子皇首先試咗烤蘇格蘭蟶子皇，蟶子肉質鮮嫩，搭配香草同蒜蓉，味道好濃郁。每一口都充滿海味，真係令人食指大動！墨汁帶子意大利飯之後係墨汁帶子意大利飯，煮得好恰到好處，米粒滑溜，墨汁味道不會過於強烈，反而襯托出帶子的鮮味。帶子煮得啱啱好，口感滑嫩，實在係一絕！烤伊比利亞100%橡果豬肉眼最後來到重頭戲：烤伊比利亞100%橡果豬肉眼。肉質嫩滑，油花分佈均勻，每一口都帶有濃郁的豬肉香味，簡直好到無法形容！老闆建議用少少鹽提味，果然一試就知，味道更上一層樓。呢間小店無論係環境定係食物都好有質素，真係值得一試！如果你喺朗屏附近，記得來探下，唔會失望！

要同摯友撐檯腳，唔一定要過海嘅，對於新界嘅朋友元朗都有一間極隱世幾難搵嘅location，但高汁兼抵食嘅西餐廳我地一坐低，冇幾耐就已經有份welcome food，係南瓜蓉脆米餅，一啖咁擺入口，極度脆口，南瓜蓉又香又綿冇渣，南瓜籽碎更添口感Dinner set會有一碗SOUP OF THE DAY，是日餐湯係蘑菇湯，blend得好香滑，菇味非常濃郁，溫度剛剛好，唔會因為太熱影響味感跟住就可以揀頭盤，秘魯牛心串燒係一味好特別嘅菜式，牛心無論質感同味道，同出面食嘅好唔同，調味好有南美風味，點啲芥末更提味烤蘇格蘭蟶子皇都係好正嘅選擇，蟶子肉質好鮮彈，咁有彈性睇嚟都好新鮮，唧啲檸檬汁上去，更能吊出鮮感然後就到主菜喇，龍蝦汁大蝦意大利麵唔似出面咁整到好橙啲汁已經索晒喺意粉度，龍蝦味啖啖都勁，大蝦真係勁大條，由頭到尾滿滿蝦肉，蝦膏仲好鮮香跟餐可以加錢升級阿根廷牛肉眼，10安士真係好大塊，而且激厚用刀拮落去，已經覺得肉質一級棒切完點鹽同特製阿根廷香草醬汁，同埋蒜粒一齊食，多重味蕾享受，喺把口裡面好似煙花爆發，太不得了喇另外仲有粟米條都好香口，同牛扒都好夾

啱啱睇完黑白大廚，心癢癢就嚟到元朗呢間食飯，果然冇失望！每一樣食材都新鮮到爆，口感真係豐富到不得了，完全值得100分！西班牙蒜油蝦配自家製麵包蝦肉鮮嫩，浸埋蒜油之後，味道十分濃郁，咬落去有種彈牙感，真係好滿足！而自家製麵包外脆內軟，完美吸收咗蒜油嘅香氣，食完一口就想再嚟第二口！烤蘇格蘭蟶子真係超新鮮，肉質飽滿，口感滑嫩，每一口都好似海洋嘅味道直擊味蕾。烤得啱啱好，火候控制得非常好，簡直係蟶子愛好者嘅夢想！黃金蟹肉意大利粉蟹肉新鮮得令人驚喜，搭配上意大利粉，口感滑順，醬汁濃郁，完全冇話蟹肉會失去鮮味，反而令整道菜更添層次感，食完心情都好好🥰秘魯香料烤雞配上焗到軟腍腍嘅蒜頭，雞肉味道濃厚，香料嘅香味令人屏息，蒜頭焗到啖啖軟腍，完美搭配，食落去真係一口接一口，根本停唔落嚟！

#朗屏必食西餐小店 #店內只係得四張枱各位真係要book枱 #蔥蒜牛舌 蔥蒜味道香甜，應該係小編食過最軟腍嘅牛舌！下次再嚟食嘅話一定會再叫返呢個牛舌Grilled Razor Clam烤蘇格蘭蟶子皇上碟都係好大隻好新鮮，食得出好甜！烤完之後帶少少鹹味就已經好好食！-Risotto W/Scallop In Ink Sauce墨汁帶子意大利飯 $188佢嘅墨汁意大利飯好香！飯質軟硬中等！比起外間意大利飯要軟少少！味道好均勻！帶子好大隻！味道非常好吃！Spaghetti W/ King Prawn龍蝦汁大蝦意大利麵 $188龍蝦汁好香濃，意大利麵掛晒龍蝦汁，鮮蝦又大隻爽口 完全冇腥味 老闆都好好客 會同每個客人傾偈 好似朋友咁 好Nice

元朗很多貼地小店🌟今日發掘了這間絕對驚喜的西餐廳🍽️睇得出每一道餐菜式都精心擺盤，用心制作，酒店廚師既級數👨🏼‍🍳🦀香煎蟹餅蟹餅煎至黃金，配以特制醬汁，蟹肉一絲絲口感豐富配以粒粒黑醋魚子醬很回味🥢烤蘇格蘭蟶子皇大隻蟶子皇，吾需要太多調味料，烤香新鮮鮮甜🥢酸辣茄子織茄子手制編織好巧功夫，微辣特別🍝黄金蟹肉意大利麵鹹蛋黃醬包著的蟹肉意粉，一絲絲蟹肉還有微微的蛋黃粒好Juicy🍝龍蝦汁大蝦意大利麵除左一隻大蝦，意大利麵內有粒粒蝦肉🌟每道菜都有驚喜🌟上盤精緻🌟餐名好特別 估下ADA係咪一隻貓🤭

這間位於朗屏西鐵站旁的小店實在是令人大開眼界，雖然店面不大，但食物質素卻非常高。我們點了兩個晚餐，晚餐包含餐湯，小食和主菜。首先，西班牙蒜油蝦配上自家製麵包，蝦肉鮮甜，蒜香四溢，麵包則外脆內軟，輕輕沾上蒜油更是回味無窮。烤蘇格蘭蟶子皇肉質鮮嫩且充滿海洋的清新氣息。粟米忌廉湯濃郁滑順，帶有自然的甜味。主菜秘魯香料烤雞，烤得外皮金黃酥脆，內裡多汁入味，香料與雞肉的搭配恰到好處，讓人食指大動。最後，黃金蟹肉意大利麵配黑醋汁更是驚喜，蟹肉鮮美，意大利麵彈牙，黑醋汁的酸甜平衡得非常好。