Accro Café Bar

今日入屯門搵男友，晚飯時間去收藏咗好耐嘅Accro Cafe Bar，主要係因為之前去過元朗店感覺好唔錯，所以想試埋屯門店-有晚市套餐，點咗紅酒牛肉飯配 cappuccino 同焦糖布丁，牛肉煮得夠腍有肉香，紅酒汁有酒香，配埋胡蘿蔔、薯仔同珍珠米，感覺唔錯，不過男友就覺得麻麻，cappuccino 啡香幾濃郁冇酸味，布丁夠滑焦糖香重，如果蛋香再濃郁少少就更完美-另外點咗慢煮雞明太子烏冬配焙茶拿鐵，加咗海苔同溫泉蛋，雞肉好嫩，烏冬夠滑但唔係煙韌嗰種，整體味道層次幾豐富，好味！焙茶拿鐵焙茶香夠濃，我鍾意！…查看更多

📍 Accro Café BarAccro Café Bar 真係屯門數一數二嘅人氣 cafe，外表超低調，但一入去成個 vibe 好似居酒屋，燈光＋音樂氣氛一流，啲人情味加上裝潢，完全唔似喺屋邨入面。🍜 慢煮鴨胸肉湯蕎麥麵鴨胸軟腍到入口即化，外皮仲有焦香油香，配上吸飽鴨油嘅湯底同大葱嘅甜味，好似去咗日本居酒屋食 Soba 一樣。鴨肉完全唔柴，嫩到一夾就散，好驚喜！🍮 焦糖布甸布甸超大件，滑到爆牙，質感綿密香濃，入口仲有焦糖微微甘味。以呢個價錢嚟講，性價比極高，真係抵到爛！🍰 熱情果芝士蛋糕蛋糕綿密軟滑，芝士香濃但唔膩，熱情果帶出酸酸甜甜嘅平衡感，好 refreshing，食到尾都唔覺 heavy。☕ 玫瑰 Latte咖啡味濃厚有回甘，飲落順滑舒服，但係可惜玫瑰味唔太突出。🥤 抹茶湯力呢杯抹茶味有但比較弱，因為俾湯力嘅酸爽同氣泡感蓋過咗。不過勝在清爽，夏天飲一杯都幾解膩。✨ 整體感覺環境舒服、食物飲品性價比高，係屯門一個唔可以 miss 嘅精品咖啡店。屯門安定邨 H.A.N.D.S. 愛定商場 A區 A-123號鋪⏰ 10:00 – 21:30…查看更多

一入去已經俾個戴眼鏡嘅女侍應呼喝，心諗都諗住算，嗱嗱臨食完嗱嗱臨走，點知去到一半個戴眼鏡嘅女侍應抌餐具俾我哋，落單嘅時候個樣又好似欠咗佢咁。前幾次未有呢個女人嗰陣個個都好好，對上一次去已經聽到佢係咁喺度鬧，雖然佢把聲真係令人冇乜食慾，食物亦都極差，想飲熱latte但係杯野凍嘅,以後唔會再嚟…查看更多

Accro Cafe Bar真係屯門數一數二嘅人氣咖啡店，每次去都見到好多人排隊，證明真係有返咁上下實力！我最鍾意佢哋嘅碎蛋沙律多士，啲蛋碎撈得超滑，加埋烘到脆卜卜嘅多士，簡單但係好食到停唔到口，早餐食呢個真係一流！仲有紅酒燉牛肉飯，啲牛肉燉到好淋好入味，個汁濃得嚟唔會太鹹，撈飯食簡直無得彈！日式咖喱飯都係必試，咖喱香得嚟帶少少甜，仲有啲薯仔同紅蘿蔔煮到好淋，送飯真係一絕！飲品方面，玫瑰Cappuccino真係打卡首選，面頭有朵好靚嘅玫瑰拉花，飲落去有淡淡玫瑰香，咖啡味又夠濃，女仔一定鍾意！不過講到服務就真係要扣少少分，次次嚟親某個男侍應，長期黑口黑面落單又唔耐煩，搞到成個用餐體驗打咗折扣。如果佢哋可以改善吓服務態度，咁就真係完美啦！總括來講，Accro Cafe Bar嘅食物質素絕對對得住佢嘅人氣，價錢又合理，絕對係屯門區入面值得一試嘅咖啡店，不過就希望佢哋可以對客人友善啲啦，咁就真係無得頂！…查看更多

《輕煙的遐想—繾綣珈啡裡》一縷輕煙，不是送別。點起第一爐香的味道，前塵往往了無煙，喝一杯咖啡了無痕。一炷香的時間剛好吧。一扇自動門，將你帶入另一個空間。靜靜的、悠悠的，坐在吧檯裡頭，揭起餐牌，隨手一點一拼，襯托著日本流行曲的伴奏下，默默的在這珈啡室裡出神。煙從四方八處湧來，那是米香，如絲如煙，細細幼滑。牛尾煮的火候尚欠，燴得不夠燜。且肉汁鎖得不夠緊，吃下去不夠軟綿，汁的份量不夠，縱有淡淡而渾香酒的味道，這紅酒燴牛尾飯亦只不過不失而已。一炷香走了半炷，仍是拿鐵的珈啡香最誘人。煙慢慢的、幼幼的、彎彎的盤扭上空，剛巧與抒出的悶氣結合，這就是人生吧。珈啡總會帶點澀、帶點甘的味道。賞盡苦與甘，方為人上人。這珈啡豆由烘培到沖調都有上佳水平。比較可惜的是這味道不太持久，一閃即散，就好像一炷香燒到一半，已透不出清香般，光燒著急而已。煙團團的向著上天盤旋，就算還有半炷香的光景，在時代曲的加持下，珈啡的味道不可以輕易的說散就散吧。牛奶與珈啡的搭配份量剛好，且又細滑點甘，沖調的功力是十分不錯的了。喝到這裡，未見杯底，香氣已消散得八九分了，縱使一炷香仍未燒盡，那第一爐香的告別總是來得突然，來得無影無蹤。霎眼間，啡已喝完，人要走了。要不，留在這裡，看那煙團繾綣，要不走出現實，返回現實的人間世。燒盡了的一炷香，所依戀的只是一種餘韻，散盡了的啡香，所換來的只是一種出神裡的閒適。如果，珈啡的煙圈、烘培的味道，能多久一點好的話，我想這時光會吸引更多人慢慢就此溜躂。至少，你會在這裡多留一會吧。#珈琲日記 #貓咪日常 #珈啡店 #精品咖啡 #手沖咖啡 …查看更多