ABC Kitchen

隱身於皇后街熟食中心的 ABC Kitchen，以樸實的紅白格仔枱布與親切服務，營造出低調卻充滿格調的法式氛圍。雖位於街市之中，環境乾淨企理，餐點質素與高級餐廳不相伯仲。精選生蠔 @$58（兩隻起）選用來自愛爾蘭的生蠔，鮮味突出、口感爽滑，海水鹹香平衡自然。入口鮮甜，餘韻悠長。西班牙燒乳豬配薯蓉及酸椰菜 $268乳豬皮烤得香脆金黃，肉質鬆化多汁。油香與酸椰菜的清爽酸度形成完美對比，薯蓉質地柔滑、奶香濃郁，整體層次豐富。卡津海鮮袋 $348以蒜香及黑椒為基調，香料比例恰到好處。袋中包括青口、帶子、紅蝦及龍蝦等新鮮海產。青口鮮滑帶奶香，帶子煎至剛熟，紅蝦鮮甜，龍蝦肉質緊實彈牙。巴伐洛娃蛋白餅 Pavlova $78外層香脆，配上酸甜適中的新鮮水果與果醬，甜度控制得宜，口感輕盈不膩，是一道結構與味覺兼備的甜點。手磨黑芝麻梳乎厘 $68質地輕盈細緻，空氣感明顯。內層藏有香氣細膩的黑芝麻糊，甜度適中，口感柔滑。…查看更多

見人post就見過好多次但小編都喺第一次食🤣估唔到味道都真喺唔錯 而且份量十足喺熟食市場裏面食西餐夠哂過癮 仲要free corkage🍾好新適合四至八人嚟一齊食🥳/📸1️⃣ 威靈頓羊架配薯蓉 (HK$398)2️⃣ 香煎鵝肝配無花果醬 (HK$138)3️⃣ 西班牙燒乳豬配薯蓉及酸椰菜(HK$268)4️⃣ 頂級黑安格斯西冷配小椰菜及燒暑仔(HK$368)5️⃣ 芝士/ 火腿拼盤 (HK$168)6️⃣ 水牛芝士/ 車厘茄沙律 (HK$118)…查看更多

朋友介紹呢間位於剛翻新嘅熟食中心入面有間精緻特別嘅西餐，果然無介紹錯，喺一堆大排檔/港式餐廳入面有一個區域係鋪滿紅白格仔枱布嘅枱 ，環境寬敞得嚟以熟食中心嚟講算非常乾淨。一坐低就有店員熱情介紹menu。香煎鵝肝配意大利陳醋 ($138) ★★★★✰呢個前菜鵝肝幾大嚿，可以2-4人分享，煎得好香口；下面麵包烤得脆身，係一道簡單而好食嘅前菜。龍蝦汁大蝦手工闊麵 ($188) ★★★★★我好中意食扁意粉，呢道fettuccine做到al dente感覺，只係用好簡單嘅香草同鹽加少少龍蝦汁；大蝦肉質鮮嫩。炭燒慢煮美國有機春雞配香草牛油 ($238) ★★★★★好少見燒春雞係用慢煮，果然有驚喜：外皮用炭燒燒得香脆，裏面嘅肉僅熟而肉汁完全保留到。雖然價錢相比其他主菜唔平，但味道很有質素。西班牙燒乳豬配薯蓉及酸椰菜 ($288) ★★★★✰呢道菜就好有澳葡菜感覺，乳豬肉煮得非常軟腍，乳豬皮又保持到好脆，同下面酸菜+少少mustard (應該係Dijon mustard)係絕配。伯爵茶梳乎厘 ($68) ★★★✰✰焗到膨脹，賣相好得；口感非常輕盈，不過略嫌茶味唔濃，蛋味亦唔得出，味道唔算吸引。巴伐洛娃蛋白餅  (Pavlova) ($78) ★★★★✰香港唔係好多地方食到Pavlova，蛋白霜有少少棉花糖感覺，外殼就係比較硬身嘅，外型好優雅，配埋唔同水果食落都好有滿足感。埋單連飲品每人$300-400左右，以呢個質素嘅西餐嚟講係好抵食；而且啲菜式有特色，老闆/店員熱情招待，氣氛好好，值得再嚟！…查看更多

🔤ABC Kitchen🔤皇后熟食中心竟然有西餐!喺熟食中心，就一定冇出面嘅西餐廳咁華麗，但佢有好 iconic 嘅紅白格仔枱布🔴⚪️環境都好乾淨企理, 同朋友嚟食飯，一啲都唔失禮. 兩次嚟食都要訂位, 餐廳都係坐滿人👀老細同埋服務員都好親切，會詳細介紹每一道餸~————————————————感想:❆ 油封鴨脾伴香橙及甜菜頭沙律 Duck Confit with orange and beets salad $228鴨肉好嫩，夾埋佢個香橙汁一齊食係啱啱好可以解膩🦆❆ 西班牙燒乳豬配薯蓉及酸什菜 Roasted Suckling Pig ~ served on verdures agridulces and mashed potato $218燒乳豬豬皮好脆，但同時肉質鮮嫩，鋪喺底嘅薯蓉吸晒啲汁好入味🫶🏻❆ 巴伐洛娃蛋白餅 Pavlova $68入口溶化，蛋白霜唔會太甜，配埋酸度啱啱好嘅水果,以呢個價錢食到咁嘅質素實在太物超所值🥹真係CP值幾高，樣樣都好好食，隱藏既西餐廳🥰🇫🇷————————————————整體:✦ 價格: 4.5/5✦ 味道: 4.4/5✦ 服務: 4.5/5✦ 環境: 3.9/5✦ 再訪指數: 4.4/5…查看更多

之前睇Youtube見到有人推介ABC，所以一直都好想黎試。今次適逢係記念日，二話不說就打電話黎訂台！ABC佢為一間西餐廳，竟然坐立係熟食市場入面，十分有gimmick。而且皇后街呢個熟食市場亦相對乾淨企理，除咗本地人之外，亦不少外國人同遊客幫襯。一坐低職員就問你要唔要點杯酒，然後介紹左呢枝岩女仔又易入口既Moscato，味道偏甜，個人非常喜歡。精選生蠔 (市價)今次頭盤點左職員介紹既法國生蠔，生蠔好新鮮，而且海水味濃，唔錯！龍蝦湯 $98味道濃郁，入面有幾塊龍蝦肉，夠睇頭亦十分美味。香煎鵝肝配蘋果醬 $138鵝肝好大一塊，外脆內軟，配上麵包同蘋果醬，酸酸甜甜，亦可以剔咗鵝肝嘅腥味，必點！西班牙乳豬配薯蓉及酸什菜 $218乳豬皮烤得好香脆，入面嘅肉質幼嫩，配上薯蓉同酸菜，減少油膩感。頂級肉眼配發豆及長薯仔 $338牛扒叫左5成熟，雖然今次火喉稍微過咗少少，但本身個調味同肉味都岩口味，所以唔太影響。金萬利香橙疏乎厘 $68最後甜品點左疏乎厘，即叫即整，製作需時。疏乎厘做到空氣感，有種棉密泡泡係口中化開既口感。入面亦有橙皮，所以好香橙味。…查看更多