ABC餅屋

營業中

休息中

今天來灣仔辦事情，順便找到這家收藏已久的麵包店，花卷蛋捲沒有，就買了一個朱古力的，裡面的奶油不是軟的，是硬的，味道ok，菠蘿包帶有餡料，不過失望的是，不好吃，不甜，水水的！

原本好想試佢個蜂蜜卷蛋，但可惜冇曬，所以揀咗其他口味。🥰 其實除咗卷蛋，仲有其他甜品、包類、曲奇等等可以選擇，不過太多我影唔晒。--🍵 綠茶紅豆卷蛋 HK$12綠茶卷蛋有淡淡茶香，唔算特別濃。紅豆比例算多，而且都甜甜地，所以有少少cover咗茶嘅味道。.🌰 鮮栗子卷蛋 HK$15栗子味道幾重，佢個cream係有少少鹹鹹地，整體唔會好甜好溜。.🍠 紫心番薯卷蛋 HK$14顏色好紫薯， 紫薯蓉比例正常，但佢紫薯蓉嘅紫薯味唔算特別重。

大食妹今日去灣仔食晏, 諗住睇吓有冇啲未食過嘅麵包舖, 試新野之餘, 又可以第二朝當早餐係openrice search 到附近有呢間ABC餅店, 覺得個名改得好hea, 就click入去睇一睇發現好多人食蜂蜜卷蛋, 望落都幾靚, 就決定揀呢間做第二日早餐<蜂蜜卷蛋>蜂蜜卷蛋嘅橫切面好靚卷蛋口感紮實, 有多隻口味, 例如香芋、抹茶蛋糕係裏面<丹麥條>當然叫得大食妹, 一個小小嘅蜂蜜卷蛋又點可以滿足到我嘅胃口呢所以大食妹再買多咗條丹麥條8蚊嘅丹麥條大到個碟都裝唔落, 口感比較紮實之餘, 裏面仲有好多提子乾食落甜甜地, 都唔錯

1. 墨西哥包（$5）終於不是空氣包！好多時買墨西哥包中間都係空氣，放左一陣就塌埋，又油，呢間既墨西哥包好好食！墨西哥皮脆架，拎上手太暴力俾我整碎左，而且外表唔會太甜，岩我口味，聽店員講佢地既包同蛋糕都係減糖架！最後包體係實心得黎又鬆軟，又平又抵食（圖中既袋不是abc餅屋的，abc餅屋既袋仲印有支持香港人字句架）2. 叉燒包（$11）$11對比之下係咪覺得貴d呢，但其實佢地孖裝，一買就係兩粒，入面仲有好多叉燒（圖3），真心係抵食，不過兩樣比較我中意墨西哥包多d總結：佢地仲有好多得意包、曲奇、蛋糕卷，行過記住要買，仲有店員好好人，我磨左好耐佢都仲勁好笑容

好多時大家都係買D $30-40一舊既卷蛋，坦白講，定價真有點高，我有次買左20舊，盛惠一千蚊，真太傷荷包😭！其實有D傳統餅店整既卷蛋都唔錯，例如呢間位於灣仔藍屋附近既 ABC 餅店！雖然卷蛋係賣得平一點，但唔代表佢用料差，佢真係整得幾好食😋！卷蛋口質好鬆軟、細滑👍🏻。我最鐘意第1️⃣款係紫心蕃薯🍠，中間有少少蕃薯蓉，食落質感好似芋泥，唔太甜，味道剛剛好！第2️⃣款係綠茶紅豆味，身為綠茶紅豆控既我，真幾鐘意呢款味，綠茶蛋味真係有一陣好香綠茶味，而唔係坊間餅舖，加一點綠色就算！Cream打得都幾滑，而中間真有大粒紅豆👍🏻，紅豆係有煮過，偏甜，夾埋成舊蛋糕一齊食味道剛剛好！最後兩款係蜂蜜味同朱古力味！各自味道都算突出，蛋糕口感細滑。ABC餅店係香港既老餅店，除左港式麵包，卷蛋外，仲有好多懷舊糕點，例如合桃酥、鳥結糖等。全部都係師傅人手製作。呢排大家都應該會少d出街，假如經過灣仔，不妨可以買返幾件蛋糕、西餅放係屋企，屋企人肚餓都有好東西食👍🏻！我覺得，價錢咁平，用料質素都唔錯，真物超所值，請大家都要多多支持黃色老店！

不枉行左不小路去搵間鋪，菠蘿包真係有菠蘿係入面，仲熱辣辣，價錢公道，另外買左個芝士包都ok，不過已經涼左，見有糕點，曲奇餅都幾吸引，係離地鐵有d遠，巴士會方便一點。

一間好易行過都唔知嘅特色麵包蛋糕店🤭裝修幾有feel 有齊傳統x新派嘅麵包蛋糕🤓價錢非常吸引 仲要好好食 大推🥰🥰.🥕🥕Carrot cake $11🥕🥕幾重手 仲要甘荀遍佈成件蛋糕面頭脆脆硬硬地 下面就非常鬆軟濕潤油同水份控制得剛好 好健康嘅蛋糕呀·🍞🍞菠蘿包$5🍞🍞大大舊 面頭菠蘿皮仲脆麵包鬆軟得黎唔空氣好正🥺·仲有好多款蛋糕 曲奇 手工製品(後圖)💁🏻‍♀️假如我係附近住/翻工 就正啦😭

吉吉好貪心😍眼闊肚窄🤤買左好多麵包西餅試😋 放心，西餅分左兩餐食架😝🤤 🌰栗子包；面包好煙靭，栗子餡好正！栗子容當然有啦，連栗子粒粒都食到呀！味道不是死甜！真係好味啵👍🏼 沙翁；面包都係好煙靭。味道都正常OK👍🏼 蘋果撻；好多蘋果餡，仲食到粒提子乾，撻底餅底幾好味啵。藍莓芝士蛋糕；唔係NY cheesecake果種實的的，而係軟熟，而且芝味好濃郁，有驚喜。拿破崙；呢件真係有兒時味道👍🏼👍🏼入面嘅餡料有種真係兒時成日食到嘅配搭。唔係吉士醬味道，但好好食！要再買多件食真啲先。蜂蜜卷蛋；一次過食到其他味道嘅卷蛋併合而成蜂蜜卷蛋。真係可以一次過滿足哂想試多種口味嘅你😌😋卷蛋質感實在，絕不是一陣風的！吉吉喜歡😍我諗次次去灣仔吉吉都會去幫襯😌 下次試曲奇🍪#個人口味#支持LSshop#yellowshop

係疫症之下好少出去食飯，早餐多數買包食，多數便利店，有點悶，身在灣仔想搵間賣麵包嘅黃店有一定難度，就係呢個苦惱嘅時候，光芒就出現了~見到有人post ABC餅屋，好想食卷蛋~講起來真係好耐冇幫襯了~老字號的店，以前係中環成日經過直到而加搬到去灣仔，唔開心食甜，今早一於去來個甜的早餐。 裝潢帶點懷舊的小店，去到即留意卷蛋，有多款口味，又例牌比綠茶吸引了。 綠茶紅豆卷蛋，$12，呢個組合真係冇得輸，綠茶卷蛋口感鬆軟，有微淡的綠茶味，cream軟滑香甜，紅豆大粒，口感比較硬但幾有咬口，甜度適中滿足呢。美味的卷蛋，早餐有著落，支持小店。

原本呢間麵包店喺中環開咗幾十年，由於地區重建，第三代店主喺灣仔再開店，賣嘅食物同舊店一樣。 佢嘅卷蛋有好多款口味，所以我一次過買晒唔同口味返屋企慢慢嘆🤤 紫心蕃薯卷蛋 😋4/5紫薯味濃，份量十足，加埋軟滑忌廉，推介綠茶紅豆卷蛋 😋4/5綠茶味，紅豆唔夠軟熟，不過就有咬口，整體味道好夾蜂蜜卷蛋 😋4/5呢個最想試，店主話我知係雜餅，即係雜錦有齊晒咁多種味，呢款我認為係最好味又有特色原味卷蛋 😋4/5原味配香濃忌廉，經典口味朱古力卷蛋 😋4/5另一經典口味，朱古力味正常，配傳統奶油，飽肚感十足

唔知大家有無為意喺香港真係唔多檸檬味嘅食物，曝光率最多應該都係檸檬撻，但當你搵到又好期待往往都係無乜驚喜，尤其係連鎖cafe 果啲檸檬撻... 食完係覺得嘥錢😩💸 利申呢個檸檬卷我細個係無食過嘅，佢嘅卷蛋質地濕潤綿密，檸檬餡好味在於佢徘徊喺酸與甜之間，食頭幾啖係甜甜地充滿檸檬嘅清香，食到中段酸味提升，去到尾段就變成甜甜地，幾得意，聽個餡係自家製秘方黎架，其他地方食唔到🤫最近受到疫情影響，可能有機會home office，買件卷蛋用黎做早餐或者下午茶，再沖杯咖啡或者嘆番杯英國紅茶都幾好😋

#pigfoodiexhk_黃店#pigfoodiexhk_蛋糕--------📍養生磅蛋糕 -- ABC餅屋第二次幫襯 本來想買蜂蜜蛋捲 但可惜都係買唔到😭最後買咗第二款pound cake 估唔到又幾驚喜❤--------⭐紅棗合桃蛋糕 ($12)蛋糕都幾厚 拎上手都幾有份量🙊聞落真係有好香嘅紅棗味！感覺好養生哈哈❤因為係磅蛋糕 所以食落口感係帶點厚實 帶微微嘅牛油香 但食完又唔會有油同滯嘅感覺👍中間仲夾咗好多合桃粒 令口感更加豐富👍食完再飲咗杯咖啡都幾飽足 當下午茶食都唔錯🙊--------價錢：$12--------評分（10分滿分）賣相：7味道：8性價比：7回頭率：7--------店鋪資料名稱：ABC餅屋地址：灣仔皇后大道東255號地鋪前往方法：灣仔站A3出口

-------📍懷舊糕餅小黃店 -- ABC餅屋💛話說小編前幾日行過灣仔 見到呢間小店嘅門口有黑板寫住 “願榮光歸香港“嘅大字 就吸引咗小編入去行咗個圈 呢間小店除咗賣懷舊糕餅之外 仲有cupcake小編買咗個甘筍蛋糕 估唔到味道非常驚喜😍-------⭐甘筍蛋糕（$6）首先蛋嘅嘅份量都幾大 拎落都幾墜手㗎😍切開之後就見到入面係勁多甘筍絲 足料到一個點！蛋糕體帶微微濕潤 食落口感好舒服唔會乾真真👍仲啖啖有甘筍嘅香甜 絲絲甘筍仲有咬口㗎👍加埋肉桂同葡萄乾嘅香 味道非常出色😍呢個價錢食到咁高質又足料嘅蛋糕 唔係唔試呀嘛😙-------價錢：$6-------評分（10分滿分）賣相：7味道：9性價比：10回頭率：8-------店鋪資料名稱：ABC 餅屋地址：灣仔皇后大道東255號地舖前往方法： 灣仔站A3出口

經過ABC餅屋咁多次，今日終於試到佢地既餅，蜂蜜蛋卷係我最愛既選擇，一於買兩件返公司，一件做下午茶，一件帶返屋企請老公食（大家要記得放入雪櫃）。個蛋卷好香蛋味，質地好鬆軟同埋甜度好適中，個餡好有層次，有紫心蕃薯卷蛋、綠茶紅豆卷蛋、朱古力卷蛋同埋有點點果仁碎，好脆口，重點：中間係好幼滑既奶油（係細路仔時代成日會食到既Style），真係好鍾意凍冰冰既奶油呀，真係好滿足呀，所以，原本留比老公果件，已經唔打算留比佢，轉為留比自已下一日既下午茶 。。。。。

每星期都要帶孩子到灣仔返學…等候期間四處遊蕩…經過ABC餅店入去看看買點吃的…選了一件香蕉蛋糕🍌…接放學返家才記起蛋糕在手袋中…小孩說要吃一口… 最後我未等到她吃我已經吃了一大半 很鬆軟很好吃和其他餅店的香蕉蛋糕好實帶點硬有好大分別…蛋糕裡有細小的果仁定係 合桃之類而且蛋黃不太甜… 很適合現今香港人不吃太甜嘅口味… 一般小孩都不喜歡吃香蕉蛋糕…只有我們中年人士才喜歡這兒時味道…下星期要再買一點帶給家人試試喔😉