A.T.A.S

營業中

休息中

這間地方整潔有條理，餐點適合年青人，價錢都好便宜。menu一目了然很容易點餐。鹹蛋骨豬肋骨肋骨好多肉，熱辣辣外層炸至脆口，又不會影響肉質好多鹹蛋醬。媽蜜咯咯鷄雞鎚甜甜地，用澳洲marmite sauce 再mixing牛油和蒜蓉其他配料，表面灑滿芝麻，有點像韓式炸雞，但味道完全不同。直接用手拿著雞鎚吃，連骨都滿了味道，有啤酒配合非常一流。辣椒蟹忌廉醬義大利蛋麵自家意大利蛋麵，辣的味道非常可口，提升味蕾好開胃，一邊食一邊有好多蟹肉和喇沙的味道，蛋麵彈牙滑口，大虎蝦有好多蝦膏。美祿爆炸童年回憶回來了😆一粒粒朱古力彈珠脆卜卜，口感豐富配一片oreo 餅乾🍪玫瑰露恐龍好香玫瑰味道清新宜人

知道朋友想食新加坡菜，我就帶她來到這間A.T.A.S給她試試，結果她對這間餐廳讚口不絕。🥢 囉喏 Rojak我朋友睇餐牌時見到有Rojak, 就即刻話想食，她說她在新加坡時食過這道菜，但香港嘅餐廳未見過，於是我們就點咗這道餐前小食。原來Rojak分別有青蘋果粒、沙葛粒、豆卜和油炸鬼，再混埋特製嘅醬料，最後還撒上花生碎，整體口感非常清新，甜中帶酸，又有微微嘅辣味和花生的香脆，夠晒正宗。🥢 麥片老虎蝦有6隻超大嘅老虎蝦，每隻都包裹著厚厚麥片，炸到很酥脆，蝦肉夠鲜嫩Q弹，麦片又夠乾身兼且味道夠清甜。🥢 辣椒蟹忌廉醬意大利蛋麵呢碟係餐廳嘅新菜品，帶有fusion風味。有2隻超大兼彈牙嘅老虎蝦伴著辣椒蟹濃郁醇厚嘅醬汁，甜中帶辣，鮮香四溢。而意大利闊面煮到軟硬適中，每條麵條都能掛滿醬汁嘅精華。🧉 美祿爆炸呢個飲品絕對係必點之選，單睇外型已經夠晒吸睛，飲品充滿美祿波波，重加埋一塊OREO和滿滿嘅美祿粉，絕對能滿足喜愛美祿嘅我。🧉 美祿馬丁尼我朋友叫咗個美祿馬丁尼，美祿粉融入馬丁尼，呢個概念夠晒創意，美祿粉嘅濃郁融入咗馬丁尼嘅清爽。

成日見好人介紹呢間新加坡fusion菜，尤其佢個咖映多士賣相極邪惡，但亦都見人講話好伏又貴又難食 但我真係好想試佢個多士🥹同朋友去聚餐，果然真係大失望 都幾難食，可能因為我係嗌喇沙粉麵掛，味道比較普通 但價錢比較進取，dinner叫咗四樣嘢計埋加1埋單五舊水🤯set lunch可能平啲～可能叫小菜會出色啲？餐牌款式係多嘅 ，例如新加坡嘅名物麥皮蝦、炒蟹、叄岜拉拉👓咖椰爆漿 $68喺依間餐廳嘅名物！三層多士夾住咖央醬、牛油、花生醬、朱古力醬，最後面頭灑上美祿粉賣相都係極邪惡！食落去其實係好滿足嘅因為每啖都係醬，但始終好多濃味嘅醬所以食落偏甜同漏，始終我都係鍾意食返吐司工房嗰種純牛油加央醬多士😳👓老虎蝦喇沙 $138喇沙湯底配上虎蝦、粗米粉、魚丸豆卜、熟蛋喇沙湯底有椰香味又唔算太辣，我覺得湯底係唔錯嘅。基本嘅配料都有，純粹係價錢貴少少。👓海鮮板麵 $138板麵指手工麵配上高湯，加上碎肉、蔬菜、高魚仔、溫泉蛋呢個反而有啲驚喜，佢同喇沙係完全兩款唔同嘅湯麵，高湯好濃，而且配料非常豐富，有蝦有肉有蛋都幾滿足，手工麵有少少似刀削麵波浪形，口感都煙靭👓咖啡排骨 $128味道係幾特別嘅，因為有咖啡甘苦

我點了一份名為「囉喏」的沙律。有新鮮水果、酥脆的油條和豆卜組成，淋上囉喏醬，再灑上碾碎的花生和芝麻。沙律清爽爽口。叁岜蟹肉炒飯。這道菜色香味俱全，米飯香糯可口，蟹肉鮮嫩多汁，叁岜的香氣混合在一起，少少辣，好香口。不僅如此，我還點了一份鹹蛋軟殼蝦，軟殼蝦沾滿濃郁的鹹蛋醬為主，每一口都散發出濃厚的鹹蛋香氣，配上蝦肉，而且連蝦頭蝦殼都可以食用。叫左一杯美祿恐龍和玫瑰露飲品。美祿恐龍嘅美祿脆脆非常多，而玫瑰露則帶來了淡雅的花香。

本身自己都幾鐘意去星加坡旅行，但發覺好多地方都是星馬菜系一齊，今晚去一間人氣新加坡餐廳，在銅鑼灣邊寧頓街，行上一條充滿特色的樓梯上二樓，裝修簡約，以年輕人及家庭客為主。Salted Egg Soft Shell Prawn 黃金鹹蛋蝦星加坡名菜，加入鹹蛋黃炒好惹味，滿口都是滿滿咸香味，蝦殼好脆可以食埋，蝦肉亦都好新鮮Sambal Crab Meat Fired Rice 叄巴蟹肉炒飯叄巴醬好香好濃, 飯粒炒得好乾身，粒粒分明，加入蟹肉好鮮味Crab Meat Wanton in laksa Cream Sauce 喇沙蟹肉雲吞喇沙椰香味濃，雲吞沾上喇沙醬汁，雲吞皮薄餡靚Bandung 玫瑰露來自東南亞的飲品，玫瑰糖漿加奶，色澤漂亮，甜甜地好好味Pandan Milk Tea 斑蘭奶茶斑蘭味濃，椰奶味香，混在椰香奶茶之中，散發淡淡清香味道

香港唔算多新加坡菜嘅餐廳，今日食呢間係朋友介紹，見佢有有喇沙食，仲有啲西式嘅主菜，就特登過嚟試吓。-呢度係樓上鋪，鋪面好大，我哋仲要坐咗喺窗邊吧枱位，視野開陽，好啱同朋友嚟慢慢傾偈食嘢～👍🏻-Lunch Menu選擇都幾多（$98），我哋就揀咗傳統啲嘅新加坡新鮮蝦喇沙，同埋特別啲嘅辣椒蟹忌廉醬意大利蛋麵（$128）。 -喇沙湯底好濃郁，辣辣地好易入口，蝦亦都新鮮蝦唔係雪藏蝦，所以好彈牙有蝦味😋另外個意大利蛋麵都好有驚喜，個忌廉醬啱啱好夠掛喺蛋麵上面，識落唔會覺得膩，辣椒蟹嘅味道都幾出，雖然係fusion菜，但食得出呢道係新加坡菜式🤤-另外見佢啲特飲好似幾正咁，就叫咗美祿爆炸（$58）同埋美祿馬丁尼（$78），美祿爆炸啲美祿波波同美祿粉真係多到滿瀉，飲嘅時候要小心啲🤭另外美祿馬丁尼好靚，打卡一流，而且酒味唔算超濃，晏晝飲返杯都OK😝-原本朋友介紹我要食呢度咖央吐司，不過食唔落所以冇叫，下次嚟一定要試吓～

朋友介紹，有間星加坡餐廳係過江龍，果然餐廳夠星味！🌟 位於銅鑼灣地段，簡潔風裝修，適合年青人打卡📸，價錢仲好公道💰。 唔怪得咁多人嚟食，晏啲嚟都要排隊。 麥皮蝦連殼食，做得好酥脆🦐，咖啡排骨味道好特別☕，排骨好淋甜🍖。炒通菜香到隔離街都聞到🌿。第一次食魔鬼魚，原來啲肉好嫩滑🐟，加埋好獨特的醬汁，好 惹味。雲吞忌廉喇沙好creamy。大大舊嘅蟹肉炒飯🦀🍚煙煙靭靭，好得意😊。 不過要注意，佢每一道菜都係微辣嘅，我自己就好喜歡。一定會再嚟試下其他嘅菜式🍜🍛。

今日黎到侍應都係新加坡人好有去東南亞旅行嘅feel🩷整體質素不錯 會再幫襯！.辣椒蟹肉醬配饅頭 $98饅頭炸得剛剛好 外脆內軟唔會太乾醬料味道濃郁 好多蟹肉！4粒饅頭可以每啖都食住滿滿蟹肉😋.牛油麥片老虎蝦 $188麥片好香牛油味 增添口感 味道好特別 最衰要自己剝殼😂.叁岜蟹肉炒飯 $168炒得好有鑊氣！粒粒分明呢個蟹肉比例冇上面肉醬咁濃縮 反而更特出炒飯嘅香氣 .咖椰爆醬 $68三層吐司🍞夾住多重配料 非常值得一試

呢間都幾正，一打開menu見到真係新加坡野，環境都好好，清新簡約風羅惹ROJAK $88見到menu 有Rojak 真係超開心！之前係新加坡食過就愛上，香港好少有！沙葛清爽，青蘋果酸甜，加上脆口油炸鬼，好特別嘅醬汁，好易食到令我停唔到口！呢度味道夠正宗！鹹蛋排骨$128非常邪惡嘅一碟，鹹蛋黃冇得輸，個ribs 都保留到肉汁，唔乾！叁岜蟹肉炒飯168都係惹味野，叁岜又係好香好濃，但又無蓋過曬蟹肉味，個飯都炒得好好，粒粒分明仲有叫咗兩個好特別嘅飲品班蘭奶茶，玫瑰露恐龍玫瑰露又幾特別，真係冇喺第二度飲過，上面加咗美祿粉，成件事好靚！又有星加坡風味！

說起星馬菜，第一時間一定係諗超銅鑼灣呢間由正宗新加坡老闆主理嘅餐廳。裝修平實，但食物卻別具風味。試過之後我簡直覺得呢度係一間被低估嘅寶藏餐廳呀！被我光速清盤嘅有🤍叁岜蟹肉炒飯，飯粒炒得夠乾身，粒粒分明而且超級惹味。老闆話原來用嘅係自家整嘅醬汁，一啲味精都冇落到！其實就算冇落蟹肉，好味程度都係滿分嘅炒飯。🤍辣椒蟹肉醬炸蛋未食已經流曬口水嘅脆邊溏心蛋，淋上自家製嘅辣椒蟹肉醬，胃口大開。🤍媽蜜咯咯雞終於試到呢個令人愛恨分明嘅Marmite醬喇！本身呢個醬係重鹹口味，但經調味後食落又鹹又甜，令呢個特色醬汁更容易入口。🍹Lime Juice🍹Pandan Milk Tea

我哋叫咗海南雞飯喇沙午市套餐。海南雞飯超級咁多骨，唔拆骨都算，但係斬得唔好有超多碎骨，根本唔敢一大啖咁咬落去。自己起晒骨之後其實得返嗰少少肉，幾大碗飯都冇用。之後叻沙都非常普通，配料全部都係平嘢。我哋再嗌咗佢哋招牌咖椰爆漿，幾年前食過明明好好食，而家嚇死人。好多款唔同的醬，冇一款係夾嘅，根本係火星撞地球，甜到喊。我哋食咗一舊就走咗。雖然而家感覺平咗，但係咁難食，以後唔會返嚟。本身有啲期望，但係都係去亞參好過😅

想食小菜OpenRice 見到評分唔錯平時又好少見新加坡菜所以就簡左呢間餐廳我哋2個人食一人叫左一杯美祿爆炸必飲！！試過最好飲的美祿好濃味足料性價比高唔舒服又想飲店員都好好幫手走左冰會因為杯飲品再返黎食叫左鹹蛋黃排骨表面充滿鹹蛋黃醬排骨唔會咸搶左啲蛋黃味鐘意蛋黃味的推薦見到媽蜜雞係新加坡特色菜之前都未食過所以試下佢係甜同咸咸地的炸雞偏向濃味食多2件會覺得咸奶油麥片老虎蝦啲蝦都大隻麥片有淡淡牛油味但食的時候有啲狼狽味道清香可以一試老虎蝦都有4個味道選擇奶油麥片/鹹蛋黃/黑胡椒/喇沙辣椒下次會想試鹹蛋黃味個人偏好鹹蛋黃味簡左一個菜豬油蒜蓉炒秋葵好惹味推介👍🏼全碟食晒總括嚟講值得一試同多人聚餐都好岩份量夠 多人仲可以試多啲菜式

位於銅鑼灣嘅新加坡美味☺️🤍第二次回頭嘅餐廳~~今次試咗佢哋嘅秋季二人套餐((咖喱蟹黃飯, 鹹蛋黃骨, 麥皮蝦, 沙嗲串,馬拉盞通菜另外再加兩杯嘢飲))呢個二人餐性價比好高，好多嘢食🤣🤣超鍾意佢哋嘅金沙鹹蛋，上次試過配蝦今次配骨，兩個都好好食。馬拉盞通菜超夠味 不過有少少辣..但係辣得過癮嘅🌶️💸💸秋季二人餐 $488美祿恐龍 $58美祿調酒 $78📍ATAS地址：銅鑼灣邊寧頓街9-11號登龍閣地下C2號舖

秋風起，唔知你哋有冇覺得呢幾日嘅天氣好舒服呢？留意到人氣店ATAS出咗呢個秋冬限定二人餐，知道朋友鍾意食大閘蟹，就即刻嗌埋佢去試吓辣椒大閘蟹膏配飯 $488滿滿大閘蟹蟹膏，超級鮮甜仲有蟹肉喺入面，加埋辣椒辣辣地好過癮，送飯一流沙爹串我哋揀咗牛肉同雞肉串，最正就係點埋嗰個沙嗲汁一齊食叁芭魔鬼魚個醬汁都有少少辣味，魔鬼魚魚肉好滑溜，比醬汁包裹成條魚所以好入味鹹蛋黃骨一上枱已經聞到好香，鹹蛋黃好濃郁，滿滿嘅鹹蛋黃醬包住成條排骨蒜蓉菜心苗套餐好均衡飲食，仲有得揀碟菜，我就好鍾意食蒜蓉菜心，蒜蓉味濃郁玫瑰精華 $78覺得粉紅色好靚就揀咗，有少少酒味，但係容易入口美祿爆炸 $58海量多嘅美祿粉，面頭再加埋美祿波波超級邪惡！成杯都係超濃郁既美祿

新加坡菜以濃郁既醬汁為大前提，味道都係鮮同濃味為主。散叫辣椒蟹醬配饅頭，蟹味十足，辣味夠惹味。二人套餐辣椒大閘蟹辣椒、番茄醬同蒜蓉既醬汁，加上肉質鮮嫩的大閘蟹，辣得過癮。五箱卷餡料包含新鮮的海鮮和蔬菜，外皮勁酥脆，點埋特製醬汁，好有風味。叄芭拉拉用辛辣的調味醬，搭配炒蜆，辣度加鮮味十足，蜆肉冇合埋，冇掉出黎，火候剛剛好。咸蛋黃骨將一字骨與咸蛋黃結合，外層金黃酥脆，香味同濃郁程度爆燈。豬油蒜蓉炒秋葵秋葵夠清脆，吸收埋豬油蒜蓉香味，絶。二人套餐$488，算好平，但全部食物都係偏濃味既野，會有啲濟同油。