7E咖喱王

營業中

休息中

3月19日同一班好朋友黎呢度食生日飯.. 好朋友知我成日想試下重慶大廈既咖喱.. 而佢又試過話呢度唔错.. 咁我地一行五人就黎試下啦.. 第一次入黎呢度.. 出奇地唔係太驚喎.. 可能已經有人帶我地.. 咁就冇咁多人圍我地啦..一入到去.. 環境都ok呀.. 整整齊齊咁啦.. 我地叫左4款咖喱.. 包括羊、牛、雞同埋魚.. 另外叫了一個芝士烤餅同蒜蓉烤餅另外仲有白飯.. 首先黎既係薄脆.. 唔錯.. 而咖喱方面.. 由於有d朋友唔太食得辣.. 所以叫了少辣.. 如果再辣d會好味d.. 但都好唔錯.. 尤其係魚.. 以前叫咖喱一定唔叫魚.. 因為覺得有d怪.. 但原來幾好食架喎.. 其實四款都唔錯.. 幾有咖喱味.. 食左好多.. 好飽呀~~

一行5 人, 上到黎有中文menu wor諗好食咩果時johnny 走埋黎話, 不如我介紹喇佢提議之下, 叫左3 個咖哩, 分別係牛, 雞, 羊!!紅色X1, 黃色X2 ( 唔知叫咩名)薄餅X 3 , 話左要2 芝士, 1 普遍不過黎左普遍X 2, 芝士X 1跟住唔夠, 又叫左炒飯又唔夠, 再叫水果薄餅( 全晚最正) + 鐵板雞十分飽, 埋單一睇只係290 !!!不過佢又冇話有9 折喎!!

睇到大家食評講到重慶大廈咁得人驚, 我又唔覺喎! 入到重慶見到D保安員, 只要同佢地講你去7E, 就會有餐廳員工帶到你去lift口架喇, 態度都幾好丫!睇到佢Menu密麻麻好多野食, 不過真係多到唔知點揀, 好彩有Johnny. 一去到同Johnny講我地想食咩, 例如牛, 雞, 魚, 菜…之後再講要食辣到咩程度…烤餅同白飯係必食架喇, Johnny會幫你諗埋, 唔駛自己煩惱!邊個係Johnny? 果度得一兩個中國人waiter, 頭髮短短, 比較細粒果個就係喇!咖哩細細碟, 汁多肉少, 撈飯岩晒! 牛雞同埋菜普通, 魚麻麻地, 羊唔蘇整得幾好…其實我都係主要食汁既者…必食既係原隻”暗春”, 好似乳鴒咁成隻上, 我通常一人半隻, 食到”lam lam利”.

聽人講左重慶吃印度菜好耐, 終於走去一試, 咖哩王似乎有D名氣所以揀左佢. 地下由側門入, 避開左正門果班好煩既派傳單人.係呢度食預左冇環境同招呼, D枱幾密.叫左mixed tandori($61)同羊咖哩($45?)同黃薑飯,($20) nan($9?). 碟飯好細冇乜味, 薄餅好多燶焦, 好唔掂, 燒烤都可以, 但成$61唔好搭舊炸魚啦, 羊肉好un, 個汁普通啦. 送果塊胡椒餅食食下有條短毛@_@.埋單有9折.唔算貴但亦唔係話抵. 如果我冇食過正宗印度菜又或者比較港式茶餐廳有點新鮮感先會覺得ok. 其實水準大概只比印度街邊小店.不過我未灰心, 會去重慶其他店再試!

住左係香港咁耐，第一次闖入呢個被人稱為重慶森林既重慶大廈。一行4人，包括老外朋友仲有佢既巴籍友人，作為係香港住既巴籍人仕，佢竟然都怕去重慶森林，咁大個人都係去過一次! 巴籍友人話佢去過呢間咖哩王唔錯，所以經過一輪彌敦道混戰後(唔明白點解d餐廳員工只會向老外友人派傳單，我地兩個中國籍女子猶如路人!巴籍友人介紹我地去3樓咖哩王，所以3樓個推銷員就好熱情咁帶我地去搭，沿途不斷重覆叫我地按3字，驚死我地臨時轉。上到去見到門口寫住Members Only，但係d裝修有點舊。初時d侍應叫我地去一間坐滿本地人既房度，但係後來又叫我地去番一間大多係鬼佬既房坐。估唔到都有好多本地人都識摸入黎搵食，證明佢d水準應該唔差。巴籍友人介紹我地食巴式既烤餅Nan，我地叫左幾款唔同味例如洋蔥、蒜蓉等味道，點咖哩食一流。仲叫左個好似非洲雞既烤雞，用鐵板上，味道辣辣地，好味! 道菜入面好似潤腸既肉腸有少少辣，但係香味十足，正正正!仲叫左一個羊肉咖喱，佢地既咖喱同出面既咖喱有d唔同，香得係好有層次感，真係齒頰留香!巴籍友人極力推介Mango Lasis，其實係芒果加乳酪，味道酸酸地，幾好飲。樓下個推銷員俾左一張所謂VIP

聽朋友講話好味, 心思思想試, 於是前日就拉左個朋友黎食dinner.入去時都幾驚, 因為有好多人圍住你派傳單, 入到去重慶大廈就有個保安好惡咁趕走d派傳單既人, 又好惡咁問我地上幾多樓. 有專人帶我地去搭lift.咖哩皇唔算大, 分開兩間房, 晚上7點幾都有幾多人, 我地坐左間細d既房. 裝修有d舊, 唔算係好寬敞, 不過為左食佢既風味就上唔緊要啦~!叫左原汁咖哩羊肉, 白汁燴雜菜, 原汁燒雞, naan 叫左牛油薄餅& 芝士薄餅.1).原汁咖哩羊肉: 深紅色的咖哩汁, 微辣, 不過羊肉全部都有骨, 大打折扣2)白汁燴雜菜: 白汁係黃色既, 唔係西式既白汁, 有好多香料味, 幾得意. 雜菜係幾條菜心, 大量青豆及四季豆, 可惜本人不喜歡食豆, 於是差不多整碟都由朋友包底.3)原汁燒雞: 鐵板上, 磁磁聲好震撼而且非常熱! 雞係黃色既, 食落去唔覺有咖哩味, 覺得好似燒烤味, 幾香口, 啖啖肉! 可惜太熱, 以至雞有少少燶.4) 牛油薄餅: 有水準, 不過不失5) 芝士薄餅: 朋友極力推介, 薄餅內有碎芝士, 上面有少少莧茜, 幾香~~~味道一d都唔西式, 好特別, 值得一試.兩個人食

與朋友相約於此慶祝生日，點了：鐵板雞：冰鮮雞肉，煎完放上鐡板，味道有點bbq時的燒雞翼，有5小件咖哩魚及羊：用的咖哩汁一樣，而且份量小得可憐，快餐店的份量相信還要多；魚肉仍然keep 到水準，但羊肉真係韌到咬唔爛烤餅：洋蔥烤餅缺少洋蔥味，但好吃過芝士烤餅，估計芝士烤餅用的是芝士粉；而淨烤餅醮咖哩汁比較美味，而且沒有那麼油膩，但總覺得那碗咖喱汁是番用再番用的，因為人人都不會用完整碗咖哩汁本來想點菜的，但由於試過那裏的菜不好吃，所以沒叫全餐約$150，但有d唔值，因為每樣的份量好少，但卻要$30-60 (烤餅除外)，但如只想試試特式咖喱，也是一個好選擇菜牌是沒有用的，因為那裏會有人介紹，但要小心所介紹的是否適合自己，否則就會如本人當晚點了他們介紹的奇韌無比羊肉而且要他們介紹時，比個budget佢，唔係就會好貴

Nov 11, 0520:00我與一位朋友又再一次黎到咖哩王，今次都係．．．由老闆Johnny 為我們點菜。上菜啦　．．．有魚、雞同羊．．．芝士NAN　＆　一碟飯（老闆送的．．．好大碟呀！）魚．．．咖哩好香，少少辣雞．．．老闆推介的牛油咖哩雞，真的很香濃喔羊．．．似係「羊腩煲」，但完全唔「蘇」，好好！芝士NAN．．．好香好正

一行4個人去"咖哩王"食，裝修同衛生當然唔多好，但係d野好好食。我地睇完menu都唔知食乜好，一個好似係老闆o既人走過黎話同我地決定，就信佢一次，佢好似叫johnny。我地lee餐有:1) 芝士烤餅同洋蔥烤餅(食完之後我地再叫多一客芝士烤餅tim，好多芝士)2) 四種唔同o既咖哩配雜菜，雞，牛，羊雖然lee 4碟都細細碟，但係真係好好味‧‧‧但係羊肉有好多骨，冇乜肉食佢有白飯送架，而且有9折，所以好平。

朋友去過3, 熟路, 如果2個女仔唔suggest 自己去.係重慶地下已經要過五關六將. 記得咩傳單都唔好拎.咖哩王個門面無咩特別. 裝修亦唔見得靚. 可能我唔食spicy. 所以only 覺得好有新鮮感.d野黎得好快. 個度有個waiter 係中國人. 可以叫佢介紹野食.

晚上到這裏與朋友餞行, 首先叫了咖喱魚,雞,牛,雜菜各一, 及烤餅2客:魚: 最好味, 雖則唔係滑, 但與咖喱汁出奇的配合雞: 一般, 但比普通餐廳的所謂咖喱雞美味牛: 最快比人清哂, 所以冇得食雜菜: 是全餐最大的敗筆, 由於醬汁太多, 埋沒了菜的鮮味, 似在吃醬汁烤餅: 分別叫了洋蔥及芝士, 但大家也吃不出兩者有何分別, 但熱吃還是不錯服務不錯, 無論是負責人還是侍應均很主動熱情, 多謝他們給我們介紹食法及拍照; 可惜食物份量比較細(當然不排除我們大食^^"), 最後多叫了一客烤餅p.s. 當天電梯壞了一部, 因此花了約25分鐘等候電梯> <

老實說，我覺得間間印度菜的食品都不會相差很遠，總不會太差。食物吃過羊肉、雞、烤餅之類，食物都不錯。但環境實在太差，像飯堂一樣，需要搭檯，風扇沾滿厚厚的塵，牆壁有蟑螂走過…其中一名侍應還誇口自己的咖喱可以「防癌、去濕、消脂」，真令人汗顏…

朋友的同事說這裡食咖喱不錯，所以試試。一入重慶門口，朋友因接過一張宣傳，就比人「圍」，security都出動趕人，情況混亂，我男朋友就已經想打退堂鼓，但朋友說一場入到o黎冇理由走，所以好努力找E座的電梯。上到餐廳，男友第一句係，原來好多local人o黎食喎。(傻o既，開比香港人食o架嘛)三個人叫了一個雜菜、一個燒咖喱羊及一個馬德里魚，汁係最好味，叫了個nann覺得唔夠，再加兩個飯，男朋友一人清了一大碟飯，好勁。我o地都覺得味道唔錯，有少少細碟。

繼續麻甩Lunch由幾條麻甩大漢組織起的麻甩Lunch，今次應該是第三回。當然當中亦唔少得阿老板娘的參與。大家都貪快，電梯都費事等，就行上七層樓，後樓梯較C座果邊好似污漕d，臭d，不過都預左，冇所謂。四個人叫了Tandori Chicken、咖哩羊及咖哩牛腩。出奇，竟然有得食牛腩，唔通唔驚真神阿啦怪罪落黎？個牛腩不是每件的肉及筋都咁平均，但咖哩味唔錯。羊就稍遜，但汁料補番數。反而欣賞隻雞，肉厚味算濃。另外芝士及蒜蓉nann ，軟硬幾好，幾好食。臨離開前食左幾粒糖，帶濃烈印度香草味，唔係個個岩。幾時又黎麻甩Lunch ?

今日又同幾位食家午聚(俗稱﹕麻甩LUNCH)地點係重慶入面的咖喱王。去重慶大廈食咖喱我之前都試過﹐但始終唔係好識路﹐入面仿似迷宮﹐好彩有人做領隊。但因為太多人等電梯﹐要行樓梯上七樓。食之前可以先做運動﹐都唔錯。雖然條樓梯好臭﹐不過都預左。難得既係派傳單位印度朋友都帶足我地行七層樓梯。錢﹐真係唔容易賺。要左一個天多利雞(Tandori Chicken)﹐咖喱羊及咖喱王特色牛肉﹐印度餅同乳酪飲品Lassi。另外﹐免費送白飯一碟。呢度D咖喱係落足香料去煮﹐唔只食得出﹐睇都睇得出。咖喱羊幾香口﹐但羊味唔夠﹐咖喱王特色牛肉亦係個汁做得出色過D肉。馬沙拉雞雖然較為乾身但都幾好味。個甜Lassi 幾好飲﹐係d餅就比較一般﹐Nan 還可以﹐但係個油餅就似乎Citysuper美食廣場間印度野做得好d。循例公價9折﹐埋單每人50幾﹐都算好合理。