7E咖喱王

營業中

休息中

朋友帶我去重慶，係樓下已經勁多招攬，有兩間有俾９折卡，後來去左呢間。搵個lift都搵左一陣，好似迷宮，secure叔叔好好人，問一問就好快搵到啦！上到去，完全係民居改建，入到去感覺都唔算差既，又係一間房轉一間房咁。星期二未夠七點，都已經去到第３間房。坐都迫迫地，但可接受。坐落有一大壺水stand by。餐牌睇落都ｏｋ，亦都叫做有ｄ圖，叫左咖哩角、原汁咖哩羊肉、蒜味薄餅同一個唔知咩黃飯。忘記左叫幾辣，但出到黎都唔算太辣，都幾好味。但果個唔知咩黃飯就非常之差，完全食唔晒＆一定以後唔會再叫。ｄ人都幾nice，但要留意好多講英文。

幾個同事慶起去食咖哩. 最重要係我地女仔就冇膽自己上去,有猛男相伴,多點點安全感! 每位$88,算係咁啦!多選擇到唔知叫咩好. 最後都係要搵個中國人介紹,全權交哂俾佢寫菜.先叫幾杯地道飲品lassi,即係酸乳酪. 有原味,有芒果味.上幾個小食,有papadum,薄脆,點梅醬或薄荷辣醬都好好食.咖哩角貌似平凡,不過咖哩香料味十分重,正!咖哩雞,有蕃茄香味,唔太辣.原味薄餅好香脆.芝士薄餅超好味,好香芝士味!!!不過齋食芝士味就出啲!燒咖哩魚十分香,魚肉都算嫩滑,唔錯.咖哩牛,開始冇咩特別,只係個料唔同.咖哩羊唔夠羶,不過都ok.天多尼燒雞,好入味,好香,雞肉係有少少乾,不過個香味已經勝過一切!!再叫加辣嘅咖哩雞....都係唔多辣囉!!平平地一餐,又有房,獨立冷氣,都唔錯!

2個人去食,咁大個仔第1次去重慶-.-....因為之前一直都聽聞果度治安唔係幾好~_~"""成棟野除左排隊等"o粒"上去e間野果個area之外,幾乎冇見其他香港人-0-......有d不安......總覺得唔係單獨去果度=,=".........等o粒等左好耐,d o粒舊到死.....又易hand機.....好火......雖然係星期5,不過2個人就易搵位,咁岩仲要唔洗等tim!不過就算3-4人等位都唔會太耐.....6位打上就難講.....講番間野先.....d waiter 唔係個個都識講廣東話~要小心!雖然唔講得話好殷勤,不過都唔太差,要求佢將個電視轉台都唔會悔氣!點左:1.咖哩蝦2.香料雞3.芝士薄餅4.白飯(比正常size大)等成20分鐘先有野食=...=先食芝士薄餅....好正....d皮唔厚,芝士足夠,不過可以更多~另外2樣主菜方面,雞果碟冇乜特別~蝦,雖然唔係話好有海鮮味,但d咖哩好得,落左椰汁,所以唔算好辣~!幾正宗!我地得2個人,唔係試到咁多野!叫果3樣野都係中至中上水平,但其他野如燒雞柳應該都幾正.........D野ge賣相麻麻,所以相都冇影lu~成棟重慶好似有

第一次同朋友黎重慶依度食咖哩去到唔知邊度打邊度好得意好似去左印度咁好在樓下D實Q叔叔好人問我地食邊間咖哩以我印象記得7E好味之後就搵人帶我地去搭LIFEhaaha去到要等位等左15分中到就有位喇環境唔算ok,,因為迫左D勝在D野食好味就得啦叫左個芝士烤餅一個印度香料雞一個咖哩雜菜2杯青檸梳打再叫多碟麥烤餅熱熱的很好吃下次再帶朋友黎食

dinner同cousin兩個女仔胆粗粗衝左入重慶,cousin話7樓0個間唔錯,咁就跟左個人上去.環境就非常一般啦,不過d curry都唔錯~我地經johnny介紹下叫左兩個佢話餐牌上無gei curry.一個羊一個雞.兩個都好食,羊肉唔蘇,個雞肉curry甜甜地幾好食,點烤餅=perfect~烤餅分別係芝士同蒜蓉口味.我同cousin都覺得芝士0個個好好食,點雞個curry=非常正!~反而蒜蓉0個個無咩味~不過overall 係好~埋單佢俾左10%off~抵食~

星期日夜晚七時半左右, 來到餐廳門口. 門口, 有幾個人在排隊.七時四十五分, 我, 坐在門外, 排隊的人, 多了幾個八時正, 我, 站在門外, 排隊的人, 再多了幾個莫非今天免費?! 好在今天不太熱, 否則光一把風扇...點了燒咖哩羊, 很普通. 咖哩角, 我覺得新德里的咖哩味較濃.有九折.

星期六照舊收工回家小睡晚上出動，去重慶，因上次去完覺得好食點都要帶你來多次追一追你二十年前魂﹗第二次來我已熟哂架部，不過今日係星期六勁多人等位，好在我地兩個等左唔洗十五分鐘就搞掂都係食0個0的野，試左呢個新野咩印度咖哩角，也許我唔多識欣賞，覺得好難食﹗下次咪搞﹗鵪鶉是必吃之選，好滑好好味﹗呢個咖哩我呢世都記得佢，係咖哩牛，由於挑戰人生極限一向都係我地原則，人一世身一世下叫左阿光頭哥比個最辣的，初初食落真係好香好好味﹗以為無野啦........點知過左一分鐘之後就黎料，我由9:30喊到10:30，眼淚無停過，眼到腫埋誇張到，成張紙巾都濕哂，辣到.........無哂朋友﹗身旁的印巴朋友見到我地兩個都唔知做咩春，男的係咁流眼淚，女的就笑到大大聲﹗全程兩條友由於要減辣關係隊左六支大啤同埋成碟大白飯，幾十年唔食飯一食就食咁鬼多，唔肥就難﹗

去食ｌｕｎｃｈ的～叫左：４份烤餅白飯馬德里魚咖哩雞鐵板咖哩雞咖哩牛咖哩角咖哩角入面ｄ薯容唔錯～而我覺得芝士烤餅有ｄ膩個牛，好一般～唔建議大家叫馬德里果隻汁最香！個人最鐘意呢樣～

一個好耐之後既食評之前同朋友去食'佢已經去過一次,所以識路間野成差不多兩點都未開!搞咩.. 等左幾耐下...我地係第一個客..佢地個個好似未訓醒咁..個環境其實唔係咁好..仲有兩車琴晚未洗既碟!!嘩..唔係嘛... 不過算喇"叫左兩個咖哩,一個咖哩雞,另一個係巴辣羊因為我食得辣,佢話會勁辣不過我照要,,仲有一個garlic nan...玫瑰花茶,個咖哩雞普通喇..個巴辣羊真係勁辣!!我相信就算食得辣既人都頂唔順我就好d~ 都唔算真係辣到噴火頂得順.. 不過d羊真係唔太好..咬唔甩.. =.=又得果幾件細細兜成四五十蚊,如果唔係貪得意真係唔算抵~不過最後埋單有九折11x~ 一人六十到.同埋今次去佢冇自動送飯...要我地話要飯佢地先俾'仲要淨係俾一碟=.=d米都唔係好貴啫...anyway,都會想試下其他d shop~

一直都好想去重慶食咖哩, 今日終於去到la, 係大廈外面真係有d恐怖, 但好彩人多, 都ok~~一大輪之後終於上到7E la, 由出哂名的Johny為我地點菜. 先係佢所講的外貌似西蘭花其實係雞的鐵版雞, 真係好美味, 雞好脆但冇咩辣, 內面有少少汁, ok正!!!3個咖喱以紅紅地色的奶油咖哩雞最好味, 少少甜咁, 雞都唔"鞋"; 其次係羊, 我覺得佢個羊肉好好味; 魚就有d腥; 雜菜個咖哩有d奇怪的香草我唔鍾意佢個味. 個人其實對咖哩冇認識, 但以個人喜好最愛雞那個味的.3個薄餅, 喜好依次為芝士, 薯仔, 蒜蓉, 初次覺得芝士味唔濃ga, 但食完所有味再食多塊芝士時覺得佢好香芝士味la, yummy, 軟軟的薄餅係我至愛lei.Service好好, 又送脆餅, 又送飯, 又問我地好唔好食wor, 好多人ar, 我地係好彩冇book都有位, 食完出去超多人lei, 我會再去食ga.

Fat Bug suggested to try Indian food in Chung Hing Building tonight as many people says Indian food here is good.I heard the one in 7th fl is worth to try. So we walk in the building, smelly smelly! Peoples there look little bit strange and horrible. Finally we get to the restaurant. Once we walk in, the food smell so good. The tables are 90% full, and without waiting for a second, we've get a table. We ordered one chicken curry, one prawn curry, and one potato Indian biscuit..with small t

第一次寫食評.今次都唔係第一次去重慶7E食咖哩喇星期二夜晚去,但個場都OK爆係好熱既門口等左十五分鐘倒先有位兩個人去食.叫左-一碟雞-一碟蝦-芝士烤餅-什果烤餅-送既普通烤餅-一杯原味特色乳酸雞同蝦都要左小辣..我算係唔食得辣個D人架喇我覺得OK真係唔太辣不過蝦就唔夠爽喇有少少霉既感覺雞就幾好芝士烤餅之前已經食過今次再食多次, 一樣咁好味!再試多個什果烤餅感覺非常有趣新鮮仲竟然好似有少少椰香特色乳酸幾好味,只係普通YOGURT味不過不失埋單自動九折$11X

If I can, I really want to give it -5 points for service.It was my birthday and my friend suggested Indian food, so we went to this restaurant. We booked at 7:15pm, but when we got there on time, they put you to the back of the queue(some 15~20 people waiting). We waited and waited, someone booked the table at 7:30pm and got ahead of us. The waiter was treating everyone like idiots, so we left and went to other Indian restaurants.今時今日0今既服務態度, 點得架!

一踏出尖沙咀地錢站，只要收到一張咖哩店的宣傳單張，往往便會吸引一大班熱情主動的「朋友」來招呼你！要小心一點呢，一失足成千古痕，哈哈。好在有評位，店內其實也一早坐滿了人吧，而且是絡繹不絕的，一輪接一輪。以現場所見，除了本地人外，也有不少外藉人士。擾攘一輪後，終於叫得動傳聞中的Johnny。果然，一開口便會說全盤負責菜色...來了雞、牛、羊、菜，唔同味既Nan。先來的是沒有咖哩伴著的雞件，薰上檸檬後亦不俗。後來的，伴雞的咖哩最甜，而雞肉說不上是好吃；伴羊的咖哩較稀，而羊也沒鱣味；伴牛的咖哩較濃味，本人亦最滿意。而Nan果然是芝士較好吃。其實又不覺得食物突別出色，下次再有機會未必會再來了。可能Johnny那「顧著食客錢包」就是賣點？

the quality of food is good, however,the hygiene of this shop is real terrible.i saw a waiter use his own hand to pick up a pineapple which is drop on the table from the dish that he hold.last week i order the take away from the shop.few hours later, me and my freinds have diarrhoea and vomit seriously. of course, we take the few days medicien afterword.