影片
開飯介紹
主打牛肉火鍋，提供來自不同產地、不同部位的牛肉，包括澳洲、日本、本地等。牛肉部位罕見，如牛頸脊、牛腩心等。
繼續閱讀
營業時間
今日營業
12:00 - 22:00
星期一至四
12:00 - 22:00
星期五至日
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
有關獎賞計劃
相關文章
馬鞍山9點後大部分食店都關左門，而這間616火鍋店可以食到11點😛😛當晚8:30入座，在open rice訂座單點有8折😍今次揀左牛骨湯鍋底，湯或清甜有牛味，仲有幾塊蘿蔔添👍🏻而打邊爐既靈魂，當然係牛肉啦，佢有唔同產地嘅牛肉，有日本嘅有澳洲嘅亦有本地嘅，全部都清楚列出，唔好睇佢份量好細，每碟牛只係幾十蚊，細細碟可以試多幾款，我哋兩個人叫咗四碟肉，有肩胛肉、牛頸脊、牛駝峰、滑美龍呢碟滑美龍加左隻生既蛋，令到牛肉食落去好滑，我哋仲將其他既牛都浸下蛋先616🤣手工韮菜餃唔知係咪自家製嘅呢？餡料豐富新鮮👍🏻另外叫左碟芋絲，感覺健康一點😛😛份量好多呀，而墊碟果塊生菜都新鮮，所以成為咗我哋當晚唯一的蔬菜🥬每人還叫了一樽菊花露，埋單不用500元
繼續閱讀
都已經好耐冇食616了，以前成日去食大埔總店，馬鞍山開咗食過一兩次就冇食好耐，今日想喺馬鞍山打邊爐，又唔想食放題，就嚟616啦。喺openrice book定位，有85折。一定要叫牛骨湯底，都食過其他湯底，但都覺得牛骨湯底好味好多，好濃好香。另外覺得一定要叫就係牛丸同烏冬，牛丸好彈牙，入面好多汁，而且超濃香牛味。烏冬有個手打烏冬，以前好似冇，係新加，而且平過稻庭烏冬，就叫嚟試吓，口感又幾好，都唔錯。叫咗牛駝峰、吊龍伴、匙柄、日本牛頸脊，牛駝峰最好食，最濃味口感又最好，另外全部都好食，都好濃香牛味，日本牛頸脊就最肥。叫咗飲品菊花桂圓露同玫瑰洛神花茶，不過其實飲咗好多牛骨湯，都冇乜點飲飲品。另外因為餐廳要收醬料費，記得出去攞醬料，任攞，而且有十幾款好多選擇，個牛肉汁都好味。
繼續閱讀
如果馬鞍山食牛應該過嚟616試吓，之前做優惠食咗三次有五折，我用咗五折又再食咗一次，幾抵食呀，啲牛質素都唔差，幫襯咗好多次了，服務員工亦都很好，環境衛生都唔差，食物種類都唔錯，冷氣亦都夠大 推薦💪🏻
繼續閱讀
平時冇寫食評的習慣。今次寫食評完全係因為想記下這次用膳經驗同極優質服務體驗。伙記們整體友善，食物環境都係好嘅，上菜方面什至極速。餐廳嘅座位都係寬鬆嘅，舒服。今次寫食評主要想讚揚某位員工。1）見我哋自帶紅酒，未使我哋出聲都好醒目地自動自覺攞幾隻好乾淨冇手指模嘅紅酒杯比我哋。2）係我地依家已經離開餐館好一段路，突然從後跑上話比返找錯錢嘅餘款，然後又極速咁跑返去餐廳。朋友們見到都覺得好窩心。因為你跑返去好快，都未能好好謝謝你！希望你有機會睇到呢篇食評🙏🏻😊
繼續閱讀
星期六晚8點半去到，同朋友一直用正常速度食嘢飲嘢，食到10點叫多枝啤酒，枱面都係得返5塊肉左右，應該15分鐘內會食晒飲晒所有嘢走人 。當時舖頭入面得返我地一枱客，但員工從來無提過last order等等 。點知10點零5分果陣，員工突然走嚟開到冷氣勁大，真係勁大風咁直吹住我地，吹到枱面tissue都一嘢吹晒落地果種 。我地忍唔住問佢地可唔可以熄細啲冷氣，同埋表示頭先冷氣一直正常，點解要無啦啦教大佢吹住我地 。員工話要搵人嚟整冷氣所以要開大佢，真係完全不能理解 。之後當時三位員工出咗去舖頭外面食煙，其間一直用不友善眼神望返入嚟，我地都驚阻人收工，結果啤酒飲咗幾啖都放棄，10點3就埋單走人 。埋單時我地問佢地呢度幾點閂門，原來係10點3 last order，11點閂門 。即係我地根本完全無阻到佢地收工，只不過somehow當時得返我地一枱客，佢地為咗想我地快啲走就開大冷氣吹住我地，仲黑口黑面咁對我地 。食物已經無幾年前咁好食，而家連態度都差成咁，真係睇唔到有咩理由再幫襯 。
繼續閱讀
您可能會有興趣的...