616牛肉火鍋專門店

餐廳有室內和室外座位，室外環境開揚，二人餐包三碟牛肉，另有蔬菜盤和麵食，份量足夠，服務員友善及效率高，會再光顧！唯一美中不足是加湯底要額外收費二十元和要收醬料費二十二元。…查看更多

滑尾龍最好吃，有牛味，點6都滑，撈蛋汁口感豐厚。胸口膀牛脂最香，脂肪口感爽脆，與脂肪偏少的部位一起吃，點些醬汁就可互補味道。日本牛頸脊牛味牛脂香也淡，封門柳肉質較鞋，安格斯橫隔肌、匙柄一般。牛肝菌松茸雞鍋，湯底鮮甜，雞不要煮太老吃，才又滑又有雞味。吃到尾聲才看到餐紙上有不同部位的建議加熱秒數，果然是有分別，好吃好多。可惜雙層肉、吊龍伴、牛坑爪售罄，聽聞騸牯牛牛味濃脂肪分布均勻，是吃牛肉火鍋之選。醬汁我喜愛加些沙茶醬，是地道潮汕火鍋必備。再加自己手唧的新鮮青檸汁，開胃又解膩。手工啤酒不錯，充滿果香，帶甜。座位於通風特別好的陽台，打邊爐不大味，正！…查看更多

成班同事都鍾意打邊爐，一食Team lunch或者dinner嘅時候，大多數都係會揀去打邊爐，今日就拉大隊嚟616，咁就可以食多啲唔同款嘅牛🐂。-今日成10個人就嗌咗兩個煲，一個就嗌鴛鴦湯底，另外一個就叫卜卜蜆。-今日差唔多叫晒咁多款嘅牛嚟試，佢嘅牛舌雖然好薄，但係夠爽口，另外匙柄好重牛味，呢度嘅牛肉從來唔會令人失望。💓另外其他嘢食就發揮正常。-另外叫咗啲本地啤酒試吓，味道清淡，幾啱配牛肉打邊爐。…查看更多

我係616牛肉火鍋專門店嘅常客，其實好多區嘅分店都食過，想打邊爐嘅時候總會諗起佢哋😳 ▫️而講到最鍾意嘅分店一定係尖沙咀赫德道呢一間，因為佢哋有露台戶外座位，叫埋麥子手工生啤，一路飲一路打邊爐零舍好feel！▫️今次我哋第一次試佢哋嘅二人套餐，超豐盛，超級抵食！😍👩🏻‍🤝‍👨🏼二人火鍋套餐 $328-火鍋湯底：牛骨清湯（+$20轉其他湯底）-小食：炸魚皮、涼拌雲耳-牛肉：安格斯橫隔肌、澳洲五花趾、匙柄、和牛赤身-配料：手打牛筋丸、芝士腸-蔬菜拼盤、蜂巢豆腐-公仔麵💭其實呢個套餐已經夠兩個人食😆 有四碟牛，並唔係俾個拼盤你，同平時order每碟嘅份量都係一樣無少到！和牛赤身冇乜油脂，但係估唔到咁軟嫩，對無肥不歡嘅蕃薯妹嚟講好有驚喜😍 💭手打牛筋丸，係每次食616必食，套餐都有埋，呢個牛丸勁彈牙咬落去充滿肉汁！💭我哋將個湯底轉左鴛鴦湯底，要牛骨湯同埋沙嗲湯底，其實我每次都係呢個配搭唔會變😂 牛骨清湯用嚟烚牛肉，食到牛肉本身嘅味道！ 而沙嗲湯底我會用嚟食蜂巢豆腐/豆卜，索佢個惹味湯汁，最最最重要係等佢極濃郁嘅時候要煮返個公仔麵😍 真正超濃郁嘅沙嗲牛麵啊！真心每次最期待😍🐮雪花胸肋 $58 & 騸牯牛坑爪 $68💭雪花胸肋又係每次必點，油花靚入口極嫩，如果唔係叫套餐，呢個要叫兩碟！💭另外今次餐廳有極罕嘅騸牯牛坑爪，我哋都叫咗條嚟試吓，都係屬於偏瘦嘅牛肉，比較有嚼勁牛味香濃，但係唔會好靭。同行嘅朋友勁鍾意食。🥟手工鮮蝦雲吞 $30💭最近先至有嘅新產品，以前剩係得普通鮮蝦雲吞，而家加咗鮮牛肉喺入面，加上原隻鮮蝦大大粒又彈牙，更加好味！餡料好豐富脹卜卜！🍺原漿原味 $78🍺鵝島精釀 $78🍺里香白蘭 $78💭呢間616有6款手工啤，$58/350ml 或 $78/350ml，價錢公道唔貴，而且麥子手工啤相信愛飲酒人士一定唔陌生。每一款都有唔同驚喜。 今次第一次飲「里香白蘭」好驚喜，白蘭花味好出好香，非常啱女仔飲。▫️另外佢哋仲有4人套餐只售$688，更豐富！人多可以試吓🤤…查看更多

星期五晚見20:30後入座有8折 就即興同朋友嚟打邊爐 牛骨清湯 $62湯底清清哋又甜甜哋 淥肉一流牛腩肉質好爽 好高質仲有大大舊骨 拎住嚟咬 好爽極上和牛 $68牛舌 $48今次質素一般般 望落有啲頹🫣雙層肉（騸牯必選) $68今次嘅肥膏部份少咗啲:(胸口膀 $48又香又爽口手打蝦滑 $28手打墨魚滑 $28質素正正常常 都幾抵食:)炸魚皮 $28每塊都好巨型 都幾香脆娃娃菜 $28公仔麵 $12依個湯底用嚟淥麵 再撈埋牛肉汁🥹真係好好味😍里香白蘭 (350ml) $58冰山雪蓮（柳暗花明）(470ml) $78滿足💛…查看更多