6 DEE米線屋

營業中

休息中

最近我喺長沙灣一間米線舖食咗一個好滿足嘅下午茶餐，價錢只需$30，仲有飲品，真係幾抵！我仲加咗$4轉蕃茄湯，另外加$5仲可以選擇小食，真係好划算！### 下午茶餐講返我叫嘅下午茶餐，首先係米線。我選咗基本款，米線煮得剛好，滑順而且唔黏，湯底清新，味道淺而不淡，無論係肉類定配菜都好襯。米線吸收咗湯底嘅味道，每一口都好有層次感，真係好開胃。加咗$4轉蕃茄湯，湯味道非常濃郁，酸酸甜甜，真係好啱我嘅口味，飲落去好舒服。### 小食至於小食，我選咗油菜同雞翼，仲加咗$5，真係好划算！油菜煮得好嫩，清新可口，搭配住米線一齊食，仲可以中和米線嘅油膩感。至於雞翼，炸得金黃酥脆，咬落去香脆可口，肉質又嫩，真係好好味！一個人食咁多小食，真係夠滿足。呢間米線舖嘅性價比真係好高，食一個下午茶餐加飲品，仲可以有蕃茄湯同小食，$30真係唔算貴！米線、湯、同小食嘅搭配都好有水準，味道又好，份量亦足夠，對於一個人嚟講，真係好滿足，呢間米線舖絕對要一試！

有晚同男朋友收工係長沙灣晚餐我地要速食完就閃人之前有人上網介紹過，就過來試下7pm到埗堂食，仲有位唔洗排隊裝修都幾乾淨，坐位都寬落見到有麻油雞，我都好鍾意食麻油味🍽🥢我就揀左香濃麻油🐤雞米線🍜 $52一嚟到d雞肉勁大份，好似唔洗錢咁超足料仲要比左🍗雞脾位，啖啖肉，我最後食剩少少雞肉本身個湯底有跟少少配菜有虫草花，金菇，雲耳，個量都唔少唯有少少不足，就係個湯底味精🧂重手左少少因為我都試得幾多啖湯，返到去有少少口渴🍽🥢男朋友叫左招牌6Dee酸辣湯底(米線)🍜$28 配牛肉$6 同魚片頭$7牛肉同魚片頭正常個酸辣湯似中式咸酸菜果種🍽🥢追加一份油菜 $13想讚碟菜跟餐只係加十零蚊但超級大大份，我都好鍾意出街食飯想跟碟菜咁大碟菜超滿足📝整體嚟講🖋價錢唔貴，同出面連鎖店米線比呢到定價仲平dd🖋堂食環境乾淨🖋野食勁足料大大份🖋味道都唔錯，除左湯底味精重手左dd🖋所以冇野可以彈了👍🏻

米線之前就同大家介紹過好幾間而小編今次就帶大家黎到長沙灣，同大家介紹一間有誠意小店 一 6 DEE米線屋 @6dee_rnh🌟鮮濃蕃茄湯底米線 $31選配腩肉+$6 牛丸+$7鮮濃蕃茄湯底非常濃郁，香氣非常出，味道非常開胃🤤👍🏻👍🏻🌟蒜泥白肉 $28蒜泥多到似座山，搭配自家調配辣油，香味帶辣，辣中帶香，非常惹味🤤👍🏻👍🏻🌟招牌6DEE雞中翼 $24口感同味道都偏似台式盬酥雞，酥脆之餘鹹香感十足🤤👍🏻👍🏻6 DEE米線屋地址：長沙灣金球閣地下A號舖

初時見到呢間唔知乜嘢品牌嘅米線，見到佢環境幾光猛衛生，好奇嘅情況下入去試試。食咗米線咁多年，個湯底十分之重要，呢間記得食完第一次之後就覺得佢用心做湯底，因為有六款或以上可以選擇，新疆湯底令我印象嘅深刻，重重嘅香料味，好適合喺冬天食，另外佢嘅酸辣比較足料，開胃醒神，其他嘅就要慢慢再試，喺送方面嘅選擇唔算好多，得一般米線可以揀到嘅，我比較偏向食肉，所以會揀佢嘅豚肉片，豬肉牛肉都新鮮，肥牛份量對得住個價。佢嘅米線我係畀幾高分嘅，但小食我自覺就一般，豬扒同雞翼都太乾，亦唔太入味，蒜泥白肉味道ok，但係腩肉條邊，即係皮嗰個位好硬好難咬，其他小食都未食過喇，如果佢能夠將小食質量都改善埋，咁我覺得呢間係近年做米線比較出色嘅一個品牌。繼續加油，做好香港品牌👍🏽

肚餓落街食飯，去咗以前舊譚仔三哥的舖頭，又係開米線舖，有朋友食過話幾好食，又唔算好貴，即管一試！叫咗招牌酸辣湯底米線，先講咗湯底，濃度恰到好處，而且有自己特色，唔會似出面連鎖米線舖湯底味道千篇一律，最重要係食完唔會口渴冇味精！米線我自己鍾意食爽口啲，最特別係仲有得選擇米線硬啲定係軟啲，為你特別度身訂造適合唔同人士我仲加咗個小食- 蒜泥白肉，佢鹹度恰到好處，整體上味道同佢隔籬嗰間連鎖舖頭差唔多，但係如果以小店嚟講，都算係超水準！🫶🏻最後最後以米線舖嚟講佢環境都相當之靚，座位闊落坐得非常舒服，又唔會急住趕你走，可以慢慢嘆個米線

叫左酸辣加酸，湯底一流，米線軟硬度剛好吾會煮太淋，多餸，份量男人都夠食飽！呢個鋪之前執左重開，係改左名，但其他好多野都冇變，食物味道都一樣keep到！會再幫襯試埋小食！

黎到長沙灣呢頭搵野食下, 結果就黎左呢間米線哥食, 印象中呢個位之前都係做米線既店, 不過最後執左.而家又開番米線所以就今次就黎食下~  點左個醉雞米線, DEE 豬腸, DEE雞軟骨醉雞米線 (OK)都有醉雞味道 不過唔會太濃酒味, 份量都OK, 唔算少, 雞食落口都算滑滑地既口感.米線食落唔會係太林又唔會太硬口感, OK~而且都有其他配料如木耳DEE 豬腸 (OK)有少少辣既味道 , 口感OKDEE雞軟骨 (OK)>>>總結<<<呢度款式既米線係比較特別, 岩自己口味唔同出邊食開既連鎖式既款式, 而且呢間同以前既味道都係一樣~價錢算合理~

首先入來落order，d阿姐愛理不理，見到你入來講要外賣，都好似唔情願甘，由廚房窗口位度行過來，落order更加黑口黑面。好啦，落完order，等了一段時間。俾你餐都可以俾錯，完全唔睇號碼。店內客人不多，甘都可以出錯。俾我感覺d阿姐完全唔想做野，抵你間鋪甘少人。永久black list

個市道好不好？見到旺區嘅食肆， 一間又一間咁執笠，大概都估到一二 .... 當然，香港大把大孖沙，手頭有大把貨，個市玩成點，都可以馬照跑，舞照跳，鮑參翅肚，日日 ~春秋戰國時期，趙國「太安君-馮元禧」 曾言道：「有錢人家吃鮑翅，冇錢下把吃米線。」我這些 small potato, 鮑參翅肚就不必了，偶爾吃一兩餐就ok，平常來說，吃碗米線就夠安樂 ~胡椒豬肚雞米線：未敢說是天下無雙，也不敢說是驚為天人，但貨真價實，落足本錢就是肯定的；個 胡椒豬肚雞湯底，濃郁芳香，胡椒味重，飲一啖就知係有料到，雞件厚肉，熟透又滑嫩， 配合其他配料，還有滑不溜口的米線，真是美味 ~蒜泥白肉：我不知道蒜泥白肉原先出自邊一個省份，但是這店賣的，對他們說，是巴蜀的蒜泥白肉，除了有算為香，也有麻椒香，亦不算很油膩，頗好吃的 ~本篇完 ~

同朋友去咗深水埗行街，諗住食碗米線醫下肚咁啱經過見到行去睇下餐牌，28蚊一個米線底另加餸，抵食啵！咁就決定試下佢啦！鋪頭乾淨企理，光線充足，環境幾好我食豬潤，腩肉巴蜀酸辣湯米線，加酸爽米湯底幾好食，但佢嘅中辣就比較溫和，我覺得只係屬於譚仔小辣咁上下，加酸對我黎講啱啱好，但係佢嘅爽米就有啲煮唔透，中間仲有啲硬硬地生生地嘅感覺，佢嘅豬潤好食，係爽口果隻，唔係煮到粉粉咁，腩肉就係普通白肉，冇乜特別，餸嘅份量就相對比較少朋友食花雕醉雞米線，我聞到都好香，朋友都話好食，同埋雞嘅份量都幾多，不過朋友就話略嫌米線太淋我要爽米又有啲生，普通米線又太淋，我諗依度店家要再控制一下！

之前因為米線哥結業曾經傷心過一排，結果同一個地方開返一間叫米線屋嘅餐廳，入邊嘅裝修非常相似，而且食物嘅選擇都差唔多。今次我試吓個麻油雞米線同埋胡椒豬肚雞米線，啲雞都係非常嫩滑係雞髀肉嗰part嚟嘅另外湯底都好濃郁，同以前食過嗰間非常相似。而且價錢都冇乜點變。下午時間人流都好多都要排一陣隊。食完之後佢都會送返啲coupon俾你，下次再去食。我覺得環境同埋食物都好好，而且大大碗，細食嘅女仔一定食唔晒。呢間米線屋將會成為我係深水埗嘅另一飯堂。

網上見到，感覺好似好吸引！於是喺公司同同事集氣一齊走咗嚟食，好彩呢間嘢你公司都算近10分鐘路程，感覺食物嘅質素都OK冇太嘥我哋嘅腳骨力我覺得佢食物質素唔錯，同埋份量好足料，同事都覺得味道唔錯！一間我哋絕對會encore嘅米線舖，佢哋嘅份量比譚仔三哥之類嘅都多，絕對好啱大胃王嚟食所有滷水豬腸，豬肚都好入味，非常之腍，價錢就普普通通都算經濟，就冇話真係超級平或者抵食，但係份量嚟講係絕對非常滿意，味道同款品質都好合格

話說嗰日咁啱經過長沙灣想食米線，本身諗住去譚仔度食嘅，點知譚仔實在太多人啦！見到佢隔離有一間唔係好多人又係新開嘅米線，於是就試試啦！一入到去姐姐就俾咗個QR code我，就同我講自己可以scan個QR code自己落單！我覺得都幾方便嘅成個過程都好方便！都有見到一啲可能年紀比較大啲，或者唔係好識用智能電話嘅人嘅話，員工都有提供協助幫佢哋用翻手寫落單咁樣樣嘅。講返食物質素，$51仲要連埋嘢飲，再加上一碗咁大碗嘅米線。我覺得嚟講都幾好做唔錯同埋幾抵👍🏻👍🏻👍🏻 味道同譚仔對比嘅話我覺得就比較淡啲嘅~ 不過呢一個嘅味道只不過係同譚仔嘅清湯去對比啫 至於其他湯底嘅話呢我就冇試到啦~

本身諗住去隔離食譚仔，點知發現咗隔離有間新開嘅米線舖，見到新開梗係要試吓啦😆裝修都幾有心機，感覺幾舒服，同平時啲米線舖好唔同點咗嘅麻油雞米線🍜麻油香好充足，而且雞肉都嫩滑，份量仲好多，不過覺得米線太腍，連我中意食腍嘅都覺得多咗🤔朋友點咗麻辣🌶辣都幾好食😋其實價錢同味道都合理，希望只係新店開張一時失手，住附近都會想再試下😗6 DEE米線屋 (長沙灣)長沙灣青山道252-256號金球閣地下A號舖