6 DEE米線屋 (路德圍)

米線份量好足夠，一個成年人都食得飽，雞翼即炸即上好好食，辣嘅份量好夠鍾意食辣嘅話一定鍾意，而且價錢又唔係貴，的確好實惠，而且有啲店員都好好心冇現金都可以同你兌換，真係可以試吓…Read More

今次叫咗香濃麻油雞米線、6DEE酸辣湯米線配螺旋藻同豚腩片，再加辣DEE雞中翼落完單好快就上咗雞翼，食落熱辣辣，外脆內嫩，非常惹味。$8兩隻真係必試跟住就上麻油雞米線，佢所講嘅材料包括蟲草花、紅棗、杞子、雲耳、圓肉、金菇、芫茜，全部都齊。但湯底真係唔算香濃，我會形容佢係清湯再加麻油… 冇濃郁嘅麻油香而啲雞肉亦都偏鞋，雖然份量好多。最緊要係圓肉變味，本身食咗一粒係正常味道，但之後連續咬咗兩粒都係有異味……至於6DEE酸辣湯底就幾正，可以encore，腩肉不過不失，螺旋藻份量都好多。而兩碗米線都係偏腍身，嗌返爽米會比較適合。…Read More

在夏日炎炎的中午時間，第一次試這間荃灣的米線店，被安排坐在角落，冷氣吹不到的位置……..當日叫了 6 Dee腩肉 和 魚腐，麻辣中辣湯底，多麻的米線。米粉能做到較爽口，但湯底的麻辣湯底好清，因選了多麻，所以令湯底有點起息。而餸方面，部份腩肉和魚腐竟有變酸, 而且兩款餸都較乾，真係第一次覺得有米線店是唔岩食服務環境方面，店員是有禮貌的，但環境真的較熱…..先不考慮食物衛生問題，單從味道考量，我下次會去其他店，不會再前考慮這家店。…Read More

知道路德圍開咗新嘅米線舖就決定去試一試去到發現其實都好多人都需要攞飛然後等一陣先可以入去入到去已經係下午茶時間下午茶有兩款餐 一款係米線加小食加飲品一款係米線加飲品 但係兩款只係相差$5左右入到店係用QR code落餐可以同朋友同時用一個code自己點自己Set嘅價錢只係湯底加小食加飲品到時再自己揀餸然後再加錢我就叫咗個酸辣湯米線小辣 要螺旋藻同埋豆角炒肉碎小食要咗雞翼兩隻 飲凍奶茶米線有得揀爽啲定還是腍啲 如果唔揀就應該係正常另外亦都好多個人選擇化 例如加酸 走蔥 等等小辣嘅湯底啱啱好 唔會遮蓋咗酸味爽嘅米線 第一啖硬啲 但經過湯底慢慢浸軟反而就啱啱好 軟硬度適中豆角炒肉碎 食落口酸酸地咁 我就覺得一般 而且冇乜肉碎凍奶茶 飲落去個感覺唔夠厚 亦都冇乜奶茶味而朋友就要咗巴蜀辣湯底 小辣叫咗6Dee腩肉 炸醬 同腐皮小食都係要咗雞翼兩隻 凍奶茶個腩肉好有豬肉味 幾好食巴蜀辣湯底幾特別 有少少似水煮魚嗰種辣味，但又冇咁濃反而炸醬又係唔夠味 炒得唔夠乾身 而且好似蕃茄味較重 完全冇辣味不過一讚嘅就係豆角肉碎同炸醬都會自動分湯用碗仔另上另外 餐廳打橫一排枱嘅枱號都係一樣 令到上餐嘅時候 非常混亂好似今日咁 我同朋友坐最入嘅二人枱隔離張四人枱 分別係兩個人 同兩組一位嘅食客坐但係姐姐上嘢食嘅時候 就只起外圍 叫枱號4組客人同一枱號 都唔知邊個打邊個…Read More

一家4口，2大2小晚飯時間，叫咗2個米線，1個辣一個唔辣，3個小食，食完第二朝開始肚痛肚痾，痾咗4日仲未好返晒，真係未試過咁誇張。。。，究竟有幾污糟先可以做到。（唔明點解寫食評要限字數？！依家交功課呀？！）…Read More