5% Cafe

平日放工晚上想揾間餐廳放鬆下， 就諗起旺角呢間cafe， 呢間cafe有超多board game， 應該係成個旺角最多board game嘅cafe。 另外呢間cafe嘅窗邊同枱邊都放滿曬好多得意嘅公仔， 成個環境好溫馨好有愛， 令人心情好愉快好放鬆。千島海鮮窩夫薄餅（8吋）($128)呢間餐廳主打窩夫， 所以會有窩夫漢堡、 窩夫薄餅，以及甜品窩夫等等。 今次一於試下佢嘅窩夫薄餅， 喺窩夫上面鋪滿咗海鮮同千島醬， 海鮮有蝦仁同帶子等等， 窩夫餅底好脆， 用窩夫做pizza餅底幾新奇，但又幾好味。日式天婦羅蝦卡邦尼煙肉意粉（$128）有兩隻天婦羅炸蝦，好脆口， 卡邦尼醬汁非常濃稠， 每一啖意粉都掛曬汁，好入味， 煙肉份量亦都好多， 增加咗成碟意粉嘅口感。小食拼盤（$88）小食拼盤共有四款小食，分別係泰式魚餅、 炭燒雞串、蜜糖雞翼 ，以及芝士腸， 拼盤將小食擺放得好齊整， 增加咗食慾， 味道就正正常常冇太大驚喜。Chocolate Smoothie (跟餐+$26)朱古力味好濃郁，口感幾綿蜜，好杯，有排飲。Strawberry Milkshake (跟餐+$26)顏色好粉嫩，令人充滿少女心， 味道唔會太甜太膩。…查看更多

今日約咗好耐冇見嘅朋友傾偈，當然要揀一間坐得舒服又好食嘅餐廳啦！上網搵到呢間5% cafe都ok，地點又方便，就係旺角同油麻地之間，一於試一試佢啦！一上到去，又係應援主題既餐廳；仲有啲適合一大班friend上嚟傾計嘅大梳化區，加埋好多公仔做擺設，睇得出店主有細心佈置！🥳✨焗刁草芝士汁煙三文魚珍珠帶子意粉煙三文魚有淡淡煙燻風味，醬汁份量好足🤤紅莓雪糕窩夫：份量大，好吸引。窩夫即叫即做，咬落好脆，熱熱地，甜甜地。cream唔會太甜，同窩夫一齊食，冷熱交溶，好好食，我就好鐘意，食完好滿足。整體嚟講，食物味道有驚喜，餐廳環境輕鬆，服務又貼心，係個傾計玩樂好去處。…查看更多

以前中學時代就好鐘意同朋友仔上樓上cafe，有board game 玩而且食物抵食，最岩消磨半日時間～是日約埋中學best frd上旺角既5% cafe聚餐，cafe 窗邊放左好多得意既公仔，成個環境佈置令人放鬆，真係好岩一大班朋友上嚟gatherings 焗刁草芝士汁煙三文魚珍珠帶子意粉($128)煙三文魚肉質細膩，配搭細細粒珍珠帶子，意粉軟硬度適中因為怕兩個main太飽會食唔落甜品，我地要左小食拼盤($88)取代主食，拼盤有四款-芝士腸，蜜糖雞翼，泰式魚餅和炭燒雞串抹茶雪糕窩夫($78)做到真正外脆內軟，雪糕茶味濃郁😍抹茶控必點，茶澀味balance左窩夫既甜味，食起身唔會太膩…查看更多

先講講抹茶雪糕窩夫。哩個甜品的外型吸引👍🏻😝金黃色嘅窩夫外脆內軟，搭配上濃郁嘅抹茶雪糕，簡直絕配！抹茶嘅香氣濃厚，雪糕嘅口感滑溜，食上一談，瞬間感受到滿滿幸福。窩夫底部適度嘅甜味，讓成個甜品唔會過於膩口。接著係千島海鮮窩夫薄餅~8吋嘅薄餅上鋪滿了新鮮海嘅鮮，搭配特製嘅千島醬，味道相當驚喜!薄餅底部薄脆，海鮮鮮味同醬汁嘅酸甜平衡得恰到好處，讓人一口接一口~每一口都能感受到海鮮鮮美，特別係蝦仁同魷魚，口感彈牙，令人回味無窮。最後叫咗杯Blue Hawaii🍹這杯飲品色彩繽紛，味道清爽，搭配甜品和薄餅非常合適。想像就好似喺夏威夷飲菠蘿汁檸檬梳打🏖🏝…查看更多

琴晚約左朋友食飯，想搵個可以坐耐啲嘅地方食下野傾下計，就俾我搵到呢間樓上boardgame cafe~cafe喺高氏大廈2樓 一出𨋢就係入面都好闊落 坐得好舒服boardgame嘅種類都非常之多！除左a la carte, 仲有set menu可以選擇啱啱見到openrice訂座有7折添！不過我地walk in就冇啦我叫左杯iced flat white，幾香濃嘅奶味朋友叫左杯iced cappuccino, 我地覺得唔落糖都ok!朋友叫左個龍脷柳拼牛肝菌汁長通粉，個汁好惹味😋龍脷柳都好大嚿！我就叫咗個焗芝士汁煙三文魚珍珠帶子意粉，有拉絲添架🤣都好好味最後買單兩個人大概$300左右，我哋都坐咗兩三個鐘，玩咗好幾款board game👍🏻推薦同朋友嚟！…查看更多