33 Cubread

營業中

休息中

知道藝人#唐詩詠 在銅鑼灣開了一間#33Cubread 麵包店，據說在開店前她特意去學習製作不同類型的麵包，看似非常用心；而且麵包採用日本北海道優質的皇牌小麥春之戀麵粉 及 北海道牛奶，而且無添加其它麵粉及任何改良劑，保證優質及有水準，貪吃的我當然要買來試吓！😋因麵包店要早上10點才開門，所以自己先到附近尋覓(早餐)，之後再到門外等候；可能因時間太早，到達時門外還未有人客，但當我在門外等了未夠十分鐘，已陸陸續續開始有客人在我之後排隊，到開門時已足足超過十多人，認真厲害！😱因每人限購五個及每款一個，最後我選擇了其中四款，包括：鬆軟帶牛油香嘅「海綿小吐司(原味)」、「丹麥酥金寶椰子菠蘿」、「骰子牛角紫菜明太子」及「骰子牛角紫菜開心果」。內藏滿滿明太子的「骰子牛角紫菜明太子麵包」，味道濃郁、食落帶鹹香、陣陣日本風味；老婆更是大讚好吃，必試之一！😋爆汁嘅「骰子牛角紫菜開心果」，當焗完後一切開，開心果醬便如洩洪般的湧出，吃時大家可要小心啊！醬汁甜度適中，味道香濃，麵包外層酥脆，美味非常。🤗自己最喜歡當中的「丹麥酥金寶椰子菠蘿」，不但外層香脆，食落更帶有陣陣椰子菠蘿香味，最驚喜是餡料中還放入菠蘿肉

平日中午12點幾去，前面排了大約10多人，出爐後都要等約45分鐘先入到去買，當時款式已經得返好少。骰仔牛角特濃咖啡，包面係「笠」的，完全沒有牛角包嘅基本酥香脆，比較失望。cream夠滑夠味，但份量勁少，矜貴到呢。。。黑朱古力小吐司，麵包唔係好鬆軟，味道無特別之處，貼近連鎖店嘅普通出品，唔會有咬完想再咬嘅念頭。仲有個紅豆麻薯丹麥酥，又要「笠」的，啲酥皮完全配唔上個酥字。本身都知麵包係size細（小朋友手掌大啲啦），但係價錢反映唔到佢細得嚟值得。

😋😋😋買了三款骰仔牛角包，分別是開心果, 明太子及特濃朱古力味。三款味道都唔錯，特別是開心果, 味道比較出, 又不會太甜明太子都好足料, 返去叮返熱來吃都聞到陣陣香味至於特濃朱古力味都食得出非一般朱古力，算幾有水準由於有餡嘅牛角包只可以存放一兩日，所以買住三個來試，下次一定會試埋咖啡同焦糖味整體尚算唔錯，略嫌價錢貴了一點而且人龍依然很長，排隊加俾錢都用咗大半個鐘時間。。。如果唔使排咁耐，回購嘅機會都會大一點

好開心，好朋友特登去排隊，真係唔係嘢少㗎，條龍足足過咗5個榴槤舖位，真係要好有耐性先至可以接受到，喺呢度俾返個Credit我個好朋友先😘我朋友留咗兩個quota俾我，由於「開心果」佢哋嗰日冇整，於是乎我就揀咗「和風感滿滿的紫菜明太子」同「京都宇治抹茶黑豆」。明太子真係超級好味，一食落去啲明太子已經流出嚟，我已經係隔咗幾個鐘頭先至食，食落去都係好鬆軟，有少少辣😋綠茶黑豆都好重綠茶茶味，唔係好似有啲麵包舖咁樣剩係得啲綠色，不過我係食咗明太子先，所以明太子個味仲喺個口入邊，俾佢搶咗，應該食咗綠茶先會好啲！

打開門口做生意，冇麵包賣,應該一早截人。一來不用市民等，二來不用阻街。我問職員點解不早截人？點知給職員冇禮貌回應一句“冇人叫你排隊”。嘩。。。真是大開眼界，可以服務差到咁。日後不用排隊都不會幫襯，有寶咩。。。。。。。。。。。。。。。。。。。。。。。。。。。。。。…。。。。。。。。。。。。。。。。。。。。。。。。。。。。。。

今日提早同朋友到金鐘食聖誕午飯，之後午後順道去銅鑼灣，專誠嚟試下由TVB小花，唐詩詠，主理嘅人氣麵包店33 Cubread！到達時已經係下午3:20，知道佢哋每日分三個時段售賣（10:00、13:30、16:30），足足等多過一個鐘，終於買到心頭好嘅迷你海綿小吐司！😍 推介三款必試口味：🍵 小吐司京都宇治抹茶黑豆（$36）： 濃郁抹茶帶微微甘香，黑豆粒粒增添咬口，甜度啱啱好，啖啖滿足！ 🍞海綿小吐司 （原味） （$26）： 牛奶味濃郁香滑，口感軟綿綿，簡單又令人回味～ 🍊 小吐司香橙伯爵茶($36）： 香橙清新，伯爵茶味淡雅，隱隱回甘，好似將一杯香茶化成小吐司咁！☕33 Cubread📍地址：銅鑼灣波斯富街116號地舖 🚶‍♀️交通：港鐵銅鑼灣站A出口，步行約4分鐘

店員服務完全唔襯間鋪，可能我期望高，諗住係代表唐詩詠既店員應該都有番咁上下服務，至少唔會咁Hea，零笑容，既然間鋪咁紅，更加要捉緊機會話比人知，香港服務有幾好 ，食物質素有幾好，但個感覺就係，想我哋快啲買晒啲麵包等收工咁😔話曬都排咁耐隊，啲包又吾係平🥲然後買左個伯爵香橙包，麵包軟綿綿，欣賞佢唔係空心嘅，香橙同伯爵都好香，但係全部嘅味道都係分開晒，一啲都唔夾，好似各自食緊橙同埋伯爵同埋麵包咁🥲但係如果淨係講麵包，個麵包真係幾好食，我諗佢嘅原味吐司應該幾好，但係啲味道真係要改進吓，因為食落去好奇怪

今日難得放半天假搵好友食飯順便去吓唐詩詠開嘅麵包店買包食完飯大約兩點零行到去預咗有條人龍排咗十分鐘之後店員行岀來數人數因為原來只賣剩小吐司款其他全部已售罄仲要小編係排到尾二可以買包嘅人得小吐司都照殺啦小吐司 🍞$26名正言順真係細細粒好軟熟牛油味好香撕開中間時感受到麵團打得起筋有黏性且濕潤發酵得好恰到好處係好食嘅@33cubread #33cubread #hk #hkfoodie #bakery #japanesestyle #cubebread #lovely #yummy #bread #littetoast #cwb #香港 #香港美食 #銅鑼灣 #麵包店 #包 #好味 #排長龍 #人氣 #唐詩詠

呢間麵包店平時排滿晒人，好早去排先至會買到。麵包嘅size比想像中細，牛角包質地嘅盒子麵包。片入面嘅係咖啡味、開心果味、同埋海鹽花生醬味。咖啡味好香濃唔會太甜，牛角包質地好襯。開心果味有一層脆脆喺表面，類似白朱古力質地，切開後係流心開心果醬，好rich。海鹽花生醬又好濃郁嘅花生醬味，麵包係普通麵包質地，整體唔錯。價錢偏貴，如果可以平啲更加好。#唐詩詠 #媽媽的愛 #開心果盒子麵包 #海鹽花生醬麵包 #咖啡麵包 #33cubread

今日專門去銅鑼灣行街，經過藝人唐詩穎開設的面包店，每日都有有三個時段進入面包購買面包，我到面包店既時候已開始排緊第二個時段，門口望入去，唐詩穎係度忙緊整面包，大約排左1小時到左1:30pm個時段，入去買左3個面包大約100蚊左右。分別係京都宇治抹茶黑豆（小吐司），意大利黑松露（骰仔牛角），mini soft bread, 麵包店採用日本麵粉，以呢個價格嚟講唔算貴，但係每日限量出手麵包，如果遠處過來要排隊不太好。我覺得用明星效應策略幾好，加上麵包嘅食水算唔錯，麵包嘅質素亦唔差，推介俾其他食家。

🌟吐司(原味)遲了半個鐘出爐時間到達(約五時)熱門款色都賣光了，也截龍了只好從詩詠手中接過原味生吐司生吐司確實非常軟綿綿濕潤有奶香，邊皮也很軟熟媲美日本過江龍⭐️骰仔牛角(白朱古力伯爵茶) $36用焗爐翻熱後骰仔牛角回復酥脆內裏輕盈軟熟，富牛油香；中間是流心的伯爵茶有很濃烈知名茶包的味道；加上白朱古力珠珠，增添了甜度和脆脆的口感整體味道不錯，要排隊的話，下次希望可以買到明太子、粟米和咖啡味(๑و•̀ω•́)و

今日用咗兩個半鐘，排隊等4:30出爐嘅麵包。人潮管制，沒有做好！排隊的丶影相的，完全無人管理。好多為影相丶為圍觀丶為佢想為嘅嘢，佢哋問點解佢哋唔可以喺企喺西餅店門口進行拍攝及錄影。大佬呀，我排隊去買麵包，唔係去影相，更加唔係去睇明星。我淨係想知道個麵包係咪真係咁好食？呢樣嘢都唔好再計！個麵包係去到我手，係凍嘅，呢個係咩概念？我真是無言。

知道唐詩詠喺灣仔開左間麵包店，就同熟灣仔嘅朋友去八下，不過因為店嘅麵包只分3個時段岀爐，所以每次去都賣曬了。今日又約左朋友去灣仔食brunch，咁啱又喺附近，見差不多時間就去望下。我哋大約喺岀爐前20分鐘到，都已經有超過20人排隊，估計應該仲買到，所以就排下試試。不過大約5分鐘後，店舖職員已經同後幾個之後嘅人講，佢哋可能只會買到原味的包了。可能因為麵包岀爐唔太多，所以每人都係限量，每人只可以買5個，每款只可以買一個。到我哋排到嘅時候，我哋本來想買嘅黑松露已經無曬啦，所以揀左開心果骰仔牛角同紫菜明太子骰仔牛角同朋友share。包如其名，四四方方，的的骰骰咁。每個牛角裏面都仲會有醬，唔會得面嗰浸。我哋買左大約2個鐘後先食，食嘅時候啲皮都仲幾脆，有牛角包嘅外脆，內有包嘅軟熟，包內亦有醬料，整體都幾好味。開心果骰仔牛角：朋友話幾好食，我食左少少，我嗰部份裏面得少少醬。紫菜明太子骰仔牛角：呢個我食大部分🤭我呢個裏面嘅醬都幾多，夠曬味，明太子醬同個包好夾。以30幾蚊嘅價錢黎講都算偏貴，如果個包可以大少少的話感覺會好啲。

個日咁岩經過依間舖，又咁岩4點幾就黎出爐、咁冇理由唔買啦，排我前面有10幾個人，出左爐大約10分鐘就入到去買啦，好好彩買到我想食既口味，我買左香橙伯爵茶味，個包好鬆軟、好香橙味，伯爵茶味比較弱，我媽話係佢近期食過最好食既包P.s 好好彩見到靚靚既唐詩詠同張曦文，張曦文好高好靚，勁好笑容，勁好禮貌

16:30 出爐, 我16:15 開始排隊16:30 有員工通知排在某個位置後的客人未必有包賣我堅持等待 其後未再有員工出來作出任何通知16:40 排隊人龍才可以有微微移前排到17:20終於能進店 當時只餘吐司及2款小盒子更目睹收銀同事收錯錢落單過程其實很快 有可能是收銀拖慢整個購買流程買完後外面仍有很多客人在排隊 他們基本上已經沒有機會買到包因為根本沒有員工通知後方排隊的客人希望能作出適切改變 以免客人白排