3 CREPEs

營業中

休息中

［大角咀］3CREPEs.特濃抹茶食剩指數：0/100好耐無食過呢類街頭小食crepe!呢間真係幾有驚喜呢個抹茶crepe唔淨係餡係抹茶連個外皮都係綠色抹茶！整既過程隔住透明玻璃睇住佢整整好個皮有再加抹茶cream同抹茶粉真係抹茶控必食Cream又唔會太甜但好香抹茶食既時候仲會流漿因為抹茶cream會溶小心滴到件衫😂.柚子檸檬冰茶食剩指數：10/100柚子醬加檸檬好清爽酸酸地少少甜食完crepe飲呢個好夾.地址：大角咀博學里3號富多來商場一期地下1號舖

-//位於大角咀·開業兩個月主打可麗餅既小店即叫即製日式可麗餅，更有成20款鹹甜口味價錢由$38-$78蚊，亦有提供各款飲品架🍹*溫馨提示 小店只有外賣服務 沒提供堂食🥺📍忌廉芝士吉士可麗餅 $45全部可麗餅係即叫即製😋大約10分鐘左右而呢款係人氣口味嚟架🔥 聞落好香蛋味😍入面有忌廉芝士、焦糖醬、吉士同手打忌廉食落吉士味好重，面頭仲會灑上白糖燒一燒而班戟皮係用日本麵粉、雞蛋 雲呢嗱油混合班戟皮煎到好薄，中間再唧上超大量忌廉😱邪惡滿分👏🏻 難怪可以吸引到咁多客人歡迎啦📍青提梳打 $30 原$25（套餐可減$10蚊）顏色漸變好靚🥰 青提味酸酸甜甜幾解渴🍍味道較為清新，唔會好甜，底部仲有啲果肉如唔想飲梳打的話，都可以揀咖啡、冰茶等另外小店做緊優惠🥰加購飲品可以減$10蚊餐牌好多人排隊

可麗餅即叫即整 仲可以望住師傅整有classic水果.抹茶紅豆白玉等多款口味配搭都有幾款鹹品 仲可以半價加配飲品喔.ᐟ‪‪.ᐟ.▫Cream cheese brûlée $45對於Cream brûlée真係一啲抵抗力都無o̴̶̷̤ ̫ o̴̶̷̤尤其望住師傅最後用火槍燒砂糖 巧jeng!餅皮用上日本麵粉 質地薄身軟韌充滿蛋香 啖啖吉士醬好creamy邪惡 夾雜點焦脆的甜甜口感 有啲似食雪糕.▫水蜜桃冰茶 + $14仲可以半價加配咖啡/梳打/茶飲( •̤ᴗ•̤ )選用新鮮水果去沖泡 無添加糖水水蜜桃🍑果香味好清甜解渴搭配埋茶底甜度剛好 我同frd都一致好評～

3 crepes可麗餅，我見有咸有甜但咸既選擇比較少同價錢比較貴今日等嘅時間都等咗15至25分鐘每個訂單都即叫即整不過每個都約5分鐘芝士忌廉吉士（$45）味道：🌕🌕🌕🌖🌑評價：忌廉芝士，鹹甜鹹甜嘅味道面頭有焦糖布甸嘅感覺，脆卜卜忌廉就暖暖地凍凍地，口感幾得意意外驚喜裏面有榛子粒粒，豐富左成個嘅口感但整體入面嘅餡料唔多特濃朱古力（$38）味道：🌕🌕🌕🌗🌑評價：第一啖會食到好濃烈嘅朱古力味但之後相對嚟講會比較甜少少成個都係朱古力嘅味道，好滿足因為成個都係忌廉為主，其他配料唔多不過順帶一提唔好太相信OpenRice嘅地圖因為地圖我兜咗一個圈😔係第一期‼️📌3 CREPEs (大角咀)大角咀博學里3號富多來商場一期地下1號舖@foto.zo

好鐘意食可麗餅，公司附近新開咗間crepe專門店😍店主見大角咀比較少甜品店，特意喺呢邊為大家加一點甜❤️Crepe有鹹有甜，甜嘅有朱古力、吉士、生果、雪糕系列，鹹嘅有黑松露大蝦/ 吞拿魚沙律、忌廉芝士煙三文魚等等，仲有好多飲品選擇😋🍓士多啤梨香蕉朱古力雪糕💰$50所有crepe即叫即做，新鮮好食，可麗餅係朱古力味😍加咗軟滑忌廉、香蕉、士多啤梨已經好夾又正，有埋朱古力雪糕簡直係精粹，仲有士多啤梨脆脆，食落口感好好，唔捨得咁快食完😍🌼桂花烏龍茶💰$20/ 套餐正價-$10養生一下，要咗熱同走甜，飲落舒服，有啖啖桂花清香🚩3 CREPEs (大角咀) @3_crepes_hk 📍大角咀博學里3號富多來商場一期地下1號舖

有日經過，見到咁多人等而且啲味幾得意咁就買嚟試吓。埋單嗰陣收銀話要45分鐘，咁就等咗45分鐘多啲就拎得。個抺茶紅豆白玉個樣都幾𡃁，但好細份，可能食過日本就覺得呢間細份咗啲。而且呢個份量嚟講係唔平，因為中間係無饀得皮！！！得皮！！！啲饀係哂面度🤷🏿‍♀️食完面頭之後就覺得中間完全無味，抺茶皮都無抺茶味得個顏色！唯一好嘅係個cream唔濟。可能我食過爆饀嘅可麗餅就覺得呢間嘅可麗餅真係有啲dry。

看到YouTube 介紹大角咀新食店，見新開業日系Crepe店，就去一解對日本吃街頭Crepe的單思。店外已嗅到pancake皮超香和旦味很濃，crepe很多選擇，免阻住其他客，快速揀了日常至愛的荔枝玫瑰, 然後要求少cream。 入口一啖，非常香的荔枝和花香，cream並不膩，餅皮真的十分軟熟，口感非常好👍，更有飽肚感。女友叫了抺茶，正常cream, 皮也是抺茶做，cream也是，抹茶粉也恰到好處，濃香一流。解渴叫了芒果梳打，ok好飲，果肉也多又不貴，可試。見慕名而來的客不絕，下星期要再嚟試試芝士味。

平時最喜歡發掘地區小店，店主是兩夫妻共同打理，男店主主理ᴄʀᴇᴘᴇ的部分，女店主則負責飲品及收銀，他們本來都是大角咀的街坊，所以選擇在這一區開店！小店只做外賣，客人可以站在店外位置進食，ᴄʀᴇᴘᴇ會卷起成ᴄᴏɴᴇ的形狀，方便拿起來吃，在街頭吃可麗餅有點像在日本的感覺🥹⤫ ⤫ ⤫ ⤫ ⤫ ⤫ ⤫ ⤫ ⤫ ⤫<抹茶紅豆白玉> $48全部ᴄʀᴇᴘᴇ都是即叫即製，建議要趁新鮮吃，點了抹茶紅豆白玉的口味，感覺相對較日式！這一款的配料比較多，而且賣相很ɪɢᴀʙʟᴇ ，中間有忌廉、抹茶吉士、抹茶醬、紅豆白玉、朱古力脆脆，口感會比其他口味豐富！ᴄʀᴇᴘᴇ的外皮也有拌入特濃抹茶粉，外皮軟糯帶點彈性，整體味道不會太甜，一個人的話可以當正餐吃🍵⤫ ⤫ ⤫ ⤫ ⤫ ⤫ ⤫ ⤫ ⤫ ⤫<熱情果梳打> $30自家訂製的長方形透明膠樽感覺很可愛，熱情果梳打有新鮮熱情果核，簡單地配上梳打水已經很好喝，絕對是夏天消暑的良物☀️其他飲品的選擇也不少，有咖啡、冰茶、梳打，老闆娘一腳踢也不容易🤣

【新開高質可麗餅專門店🌟🦄】/////呢間小店主打可麗餅 薄餅甜鹹款式都有😽包括Oreo芝士蛋糕、芒果熱情果吉士、忌廉芝士煙三文魚等等✨鋪位唔算就腳 但佢哋即叫即整嘅可麗餅用料以及層次豐富到係值得嚟呢邊試試😝.👉🏻抹茶紅豆白玉($48)外層餅皮用上正宗嘅抹茶 微甜帶少少回甘 配合到大眾嘅口味🤓白玉口感煙韌 加上甜度適中嘅紅豆🫘幾出色(´▽｀)食到一半品嚐到原味以及抹茶嘅忌廉 配搭餅皮食好香滑😳另外仲夾住幾塊抹茶kitkat 偏甜較膩 用其他牌子嘅脆脆更平衡到整體嘅味道～.👉🏻玫瑰荔枝梳打 (套餐+$20)可麗餅配飲品可以有半價優惠🥰呢款梳打有星空夢幻嘅感覺 玫瑰散發住清甜嘅香氣 仲食到大大粒龍眼肉(*¯︶¯*) 加埋梳打水清爽又滿足！———-📍3 CREPEs (大角咀)大角咀博學里3號富多來商場一期地下1號舖

最近大角咀開咗間人氣crepes!而當中抹茶紅豆白玉就最受歡迎，九點去到已經賣晒😫而且老闆話要等半個鐘先有得食😗但一場嚟到就試吓啦🙌🏻轉左食忌廉芝士吉士～又睇吓點先～1️⃣忌廉芝士吉士（$45）首先，最上有一層薄薄嘅焦糖，加埋忌廉感覺有啲似食焦糖燉蛋！幾正😋再食落啲吉士味有啲重，所以食落有啲偏酸🤔最下低係有忌廉加開心果粒，因為冇預計到有開心果，所以有啲驚喜，而且口感豐富左👍🏻另外餅皮方面整得都幾薄🤩所以唔會食到好飽好濟👍🏻但食完飯嚟講我都係prefer兩個人share一個🤣🤣2️⃣玫瑰荔枝冰茶（$18；加配可以減$10）飲品方面係用細樽裝，所以唔好期望好似手搖飲品店咁樣咁大杯🥴另外雖然嗌咗少冰，但啲冰都偏多。味道方面唔太甜😋亦有玫瑰味同埋荔枝味，仲有粒大大粒嘅荔枝果肉～📍總結：-未夠半個鐘返嚟已經有得食，而且已經整好咗放咗入雪櫃，所以比預計時間早返嚟應該都有得食🙌🏻-有機會想試埋抹茶紅豆白玉🤩

抹茶🍵牛奶味香香的，帶有淡淡綠茶味，原本白青分明，不過忘記拍照就搖晃了，所以漸進色就mix up 左。茶不嗆，飲至底下都無嗆口粉粒感，全程順喉，冰是碎的，多多十分解渴涼快，但飲品都無因多冰而變得太淡，倒是不會過份過份甜，就是喜歡呢種奶味豐富的即調飲料。老死既焦糖咖啡攪暈後既咖啡有香噴噴咖啡味道，又有足料焦糖味，重點唔太甜，又係好好喝。士多啤梨朱古力口味個朱古力味餅皮好好味呀，入面d忌廉打得好細滑，忌廉都有兩種，仲有朱古力味忌廉同樣滋味，濃郁芬芳。仲咬到有朱古力粒脆脆同脆片，幾夠甜，唔係太多，所以甜度適中。望住個開放廚房，見住師傅放鮮果再唧到好靚既朱醬，十分誘人。卷好之後面頭再唧一層忌廉花，再放士多啤梨同特濃朱古力布朗尼脆片係面，打卡同口味都好吸引，食完都唔濟。最抵係包裝免費，扎到靚靚既蝴蝶結，成份送人既禮物咁都唔洗俾多5蚊雞，成件事係開心既🥰我會俾飲品4分，餅滿分五星星🙌🏻

天時暑熱見頭暈😵‍💫路過飲返杯凍飲先。舖仔之前唔覺眼，staff全部有統一製服，有煥然一新嘅感覺，似有統籌既台式飲品店。見好多人幫襯，於是叫左一份忌廉芝士吉士可麗餅是Crème brûlée的外型，焦糖燉蛋面頭燒得巧靚靚，望住個男店員放入許多忌廉，吉士下得豐富，一大件甜味剛巧，滑嫩的質感，香甜美味，樣同內涵也有。飲品竟然冷熱同價，算係少見，實在有d驚訝。玫瑰🌹咖啡，飲品對版，冰塊大細適中啱啱好，有奶味，咖啡唔會話太苦，攪匀個底既玫瑰糖漿，更加香濃，冰感迫人來。新張期間，飲品跟餐減十蚊。又幾大枝呢，飲到去荃灣都仲飲緊👍🏻

收銀同員工都幾快手，等左10分鐘就有得食，咁我唔客氣喇٩(˃̶͈̀௰˂̶͈́)و黑松露大蝦沙律🥗味入面有沙律菜好健康咁，打包返去俾減肥既老公食下先。真係有心思，包裝得靚似禮物，老公好鐘意。好有心機呀，連個蝴蝶結都綁得省鏡過人。大蝦大大件足4大隻，沙律汁好醒神，食食下發現原來好啱減肥食，海鮮🦞又唔肥，汁醬又有得選擇多少。最期待既黑松露汁醬味道亦都不錯，最鐘意呢種獨特濃郁香氣。店好多白射燈，顯得好新淨，埋單先知原來開業無耐，價錢幾平，大份又好食。

今日唔想食咁多野，於是過去附近新開舖頭 叫左個忌廉芝士三文魚可麗餅🐟🥬大大舊忌廉芝士放喺成個可麗餅中間，食到中下層都仲有😋 加埋大大塊煙三文魚～正👍🏻 三文魚同忌廉芝士超夾，再加埋碎胡椒，提升左兩者既味道餅皮即制軟軟糯糯，唔同出面買既硬崩崩，配搭新鮮蔬菜～ 唔會太膩又飽肚 呢款外賣行遠d都唔怕溶健康之選❤️

係附近做完野又有d口痕, 行過見到有鹹有甜既crepe新鮮係你面前即整仲要可以包裝得靚靚方便拎走, 下午茶即刻試下佢抹茶口味係連塊crepe皮都係濃而不澀既抹茶味🍵 fresh cream有原味同抹茶兩款溝埋, 比例岩岩好. 包入左d脆口抹茶kitkat bites🍫, 同面頭既軟糯白玉丸子比較口感豐富左, 面層仲有一大堆紅豆蜜🫘甜而不膩梳打加左蝶豆花🦋藍色漸變至水蜜桃黄色好靚🍹 水蜜桃味道1d都唔假, 夠哂香甜🍑