22 Ships

屬於朋友俾我既生日驚喜 兩個人係PMQ裡面捐窿捐罅左一段時間先搵到路一入門口已經見到西班牙Signature的圓拱門設計 同埋colorful既紅綠交替墻身 燈光色調溫和加上店內用餐大部份都係外籍客人 同店員溝通都當然係需要全英 所以感覺去左第二個國度咁 短暫逃離一下煩囂既城市 未坐底已經好有好感一開始我地對餐牌感到迷茫 女店員主動approach並講解Menu菜式朋友詢問佢好想嘗試既Percebes海螺藤壺 店員都詳細解釋捕獲呢種食材係十分危險 所以不常有供應最後我地按照店員推薦order左4個菜式Oyster Ajoblanco生蠔新鮮肥美 上面鋪滿酸甜調味的紅綠爆珠珠  十分開胃的前菜Rubia Tartare牛肉他他 看似普通但好有驚喜 麵包焗得啱啱好 外脆內軟Canary Grilled Octopus 餐廳ig page經常會出現既菜式 果然好出色 八爪魚肉質軟嫩唔太需要用牙力咬 帶點炭烤風味 三種醬汁調味完美 可以不斷交替點唔同醬食 好好食！必叫PaellaPaella似乎每日的配搭都會唔一樣 當日我地大概8:00到達 其實好多選擇已經soldout最後我地揀左三黃雞同蝦 米飯口感很接近意大利燴飯 其餘方面都不過不失 冇特別記憶點但都冇乜好挑剔最後店員捧出朋友預先準備俾我既生日蛋糕同埋佢地送既甜品布丁 布丁好凍冰冰 對比啱啱食完熱辣辣Paella 食到好開心好sweet最後同負責我地檯既店員閒聊一陣 熱情友善的店員最後仲送左佢地既totebag同memo pad俾我地做紀念！餐廳內有不同人數既群組 一大班或者2-3人既朋友聚會 或者情侶夫妻都有 但座位同空間劃分得好好 唔會被隔離檯傾計聲騷擾到 同時都帶有熱鬧氛圍 裝修設計全部都好有特色同品味 佢地都設有outdoor座位 天氣涼少少坐外面必定更浪漫好溫馨舒服又奇妙深刻的一次體驗 十分推薦慶祝特別日子去！…Read More

仲記得第一次食22 Ships係喺灣仔船街同呀媽一齊食，當時非常喜歡。不過去過幾次之後都覺得質素每況愈下，直至佢搬咗去中環PMQ ，朋友同我慶祝生日revisit完先重新愛上佢，因為佢有返我第一次食嘅驚豔度，甚至做得比以前更出色！Paella De Carabinero 🌟 雖然個西班牙紅蝦Paella飯要成HKD 1198，但係唔點呢個等於無嚟過。蝦肉軟嫩彈牙而且充滿膠質，蝦膏濃郁，勁正！4個人分啱啱好，飯粒煙韌充滿濃郁海鮮味，撈埋啲蝦油，香氣十足！Manchego Lamb 🌟羊肩肉肉質軟嫩而且非常入味，帶輕微羶味但係可以接受。表面glazing掃咗浸Rosemary Honey，鎖住肉汁之餘仲帶點香甜味。最唔可以錯過一定係個醬汁，不過我唔知係咩，總之好味Uni Toast 🌟海膽+海膽蛋黃醬邊有得輸？！同樣我好欣賞佢地底部嘅sourdough，外脆內軟Tortilla 係基本應有西班牙蛋餅嘅味道，味道絕對唔差，不過hit唔中我味蕾Gazpacho 🌟炎炎夏日之下食真係有解渴嘅感覺…蕃加凍湯好refreshing，加埋cucumber sorbet非常醒胃，what a good starter!!Mejillones En Escabeche十二道Tapas𥚃面嘅Least Favorite，青口本身幾大隻同彈牙，但係個油好似有啲沙甸魚嘅味，自己本身唔好就所以覺得非常一般Oyster Salpicón蠔本身係非常鮮甜同埋Creamy，但係珠珠入邊嘅洋蔥同醋汁太subtle所以味道唔夠突出。如果可以酸番少少同濃番少少成個感覺應該會出啲，甚至可能更開胃Padrón Peppers 每次食西班牙菜必點之一，口感好似食緊煎釀三寶不過冇咗魚肉咁Croquetas De Jamón餸酒一流！西班牙可樂餅外皮非常脆口，一咬即爆漿Escabeche帶子口感滑嫩，但係醬汁上個人覺得可以做得更好，宜家中規中矩好普通Burnt Basque Cheesecake 🌟放入口嘅第一啖已經知道唔係平時食開果種牛奶芝士，因為佢充滿住濃郁嘅風味而且帶點輕微嘅羊膻味。其實就係正正用咗西班牙北部伊迪亞薩爾綿羊奶芝士，做到外層焦香，內裡好soft，well-balanced，大滿足！Albaricoque Al Jerez食咗咁多道菜真係好需要啲light嘅甜品嚟沖淡味蕾，因為佢有生果加上佢係新加入嘅甜品+店員推介，所以就不妨一試！Apricot肉質柔軟，色水好靚。加埋雪莉酒雪糕好refreshing*另外值得一讚嘅係Service！由於暑假實在太熱同坐係門口嘅關係，員工好貼心地主動問需唔需要關上大門等我哋快d涼爽返(其實我地同大門仲有些少距離但係都好過無)，呢D小細節對客人嚟講好緊要⋯⋯攝於2025.08.01 DinnerFlavour : 🌕🌕🌕🌕 🌗Presentation : 🌕🌕🌕🌕🌘Service : 🌕🌕🌕🌕 🌕Price : 💰💰💰💰Environment : 🌕🌕🌕🌕🌑…Read More

上個weekend去中環22 Ships食佢哋嘅Weekend Brunch Set（$588/person），餐廳地中海風好有情調，氣氛輕鬆優雅！Set Menu款式多，前菜既Gilda sardines同Oyster Ajoblanco，鮮味濃郁，美味子就鍾意飯個蕃茄凍湯，開胃一流。主菜Arroz de Pulpo，墨魚汁Paella好香，飯粒煙韌，配黑魷魚同Alioli超正！另外Migas，poach egg同potato foam口感豐富，幾特別。甜品美味子揀咗Burnt Basque Cheesecake，焦香濃郁，入口即化，奶香同微苦好平衡，超滿足！如果帶埋小朋友嚟，仲可以有填色紙同顏色筆俾佢，而且亦都坐得舒服，適合一家大細👍另外飲品方面，亦可咗$328嘅兩小時free flow酒水（有Rose、Sangria同Cocktails），Sangria清新解膩。整體味道正宗，性價比高，適合同朋友或家人悠閒享受！…Read More

慶祝生日揀咗位於中環元創方呢間22 ships。由於無學過西班牙文，menu 又無好詳盡咁寫啲meal 係點整，所以事前都做左小小功課，大概知道會叫啲咩。餐廳係英文溝通的，位置都好足夠唔會迫埋一齊，位置有室內亦有室外，訂既時候可以註明。場內音樂聲係岩岩好聽又唔會阻到傾計，拿捏得幾好👍🏼首先必須大力拍手👏🏻比services 我地的那位小姐，所有都做到非常足，令你成餐飯都食得好開心，主動介紹白酒，主動幫你分食物。唔係chur你快啲食完果隻，佢係會放底食物，比你影完相一大輪再返黎問你需唔需要幫你處理果隻🫡留港消費係值得既！入返正題，呢到可以話係係香港食過最好既西班牙菜，叫左4樣野，Scallop,Ham、Tortilla、Pulpo、Txuleta ，每樣都好好食。1. Scallop,Ham ： 4樣當中最唔突出但作為前菜恰到好處，帶子火候掌握得好唔會過熟，配合ham係有更帶出鮮甜。要注意menu 價錢係1粒only。2.Tortilla ： 好好味既西班牙蛋餅，最大優勢係無洋蔥！出面食好常有洋蔥係入面搶走薯仔口感同蛋香！但呢次食得好滿足，切開蛋餅入邊有半熟嘅蛋汁流出嚟，入面薯仔唔會太硬亦唔會爛蓉，即使配埋肉腸一齊食都唔會好油膩，滿分。3.Pulpo: 八爪魚鬚墨汁飯，個飯又係掌握都好好，唔會太過似食緊生米，加上小小既兩個醬汁撈埋啲飯一齊食，非常惹味。八爪魚鬚易咬唔痴牙，十分難得。4.Txuleta： 當初係suckling pig 同 beef 之間諗左好耐，最終決定試下dry aged beef，結果真係無失望👏🏻👏🏻 係香港暫時食過Henry 係食得出真dry aged 味，呢到就係第二間，而且呢間係熟成味再出啲，配埋個烤蒜食，簡直係不得了🙂‍↕️強烈建議要試，而且500G 都唔少兩個人夠食👍🏼👍🏼非常滿足既一晚，連一杯白酒（無記得邊杯）埋單$2000多，我覺得非常合理同值得，亦都忍唔到要比返啲啲啲咁多既Tips 去表達感謝咁好既services。…Read More

環境氣氛舒服 半開放式餐廳 餐牌選擇都幾多 但大部分都係tapas 份量都幾細 大部分tapas都係得兩件 比較適合兩個人🤓chefs menu 人均$8xx 見到隔離檯有食 好似選擇都幾多😆 但份量都不算多 抵唔抵就見仁見智！我個人覺得有其他選擇更好👀Mejilojes en escabeche ($88)：青口每舊都好大 醬汁有番茄🍅、洋蔥🧅 我諗應該有少少醋酸酸哋 幾開胃Txipiron ($188)：小墨魚好爽口 汁應該係墨魚汁 食得出好高質🦑 但係我都係鍾意大舊d 比較多肉👀Tortilla ($168)：我覺得呢個係最好食 蛋omelette配薯仔🥔係一款最signature既西班牙tapas! 面頭既沙拉醬 同埋橄欖油 令到味道更加豐富！Black octopus paella 🐙 ($438)：每次食西班牙餐廳必點 飯煮得剛剛好 又有飯焦脆卜卜 飯底偏重龍蝦汁味 好似無咩墨汁✏️ 八爪魚淡淡肉 非常爽口！味道：🩷🩷🩷🩷/5 📍22 Ships (中環)地址：中環鴨巴甸街35號元創方A座1樓S109-S113號舖…Read More