2派克雞排

營業中

休息中

【旺角掃街必食】2派克雞排｜芝士控暴動行過旺角通菜街，俾呢間「2派克雞排（旺角）」個黑金招牌吸引住！試咗佢哋套餐❤️脆🔅皮無骨雞腿排（梅子+芝士）$40真係好有驚喜🤗 雞腿排大過手掌心，外皮脆到似餅乾仲要唔太厚炸皮，咬落「咔嚓」聲勁治癒！梅子粉嘅酸甜完美中和芝士嘅濃郁，肉質仲要juicy到爆汁，難怪包裝寫住「獨家超級配方」！​​🔅脆皮百頁豆腐（海苔+芝士）$24係素食者福音，豆腐外層炸到金黃蜂巢紋，海苔碎同芝士粉鹹香交織，咬落去外脆內軟好似食緊棉花，仲要唔會油膩！​🔅脆皮花枝丸（芥末+芝士）$18就更過癮，花枝丸彈牙到可以打乒乓球！果然係皇牌推介價錢都幾抵食，​​三樣也先$82，兩個人share夠晒飽！環境雖然係外賣店，但包裝好用心，藍白卡通袋夠搶眼！同埋食物是即叫即整，所以製作需時請耐心等候，最重要嘅係佢哋有得電話落單服務，可以落完單先過去拎外賣。❣️2派克雞排(旺角)❣️旺角通菜街1A-1L號威達商業大廈地下A號舖​貼士​：記得加$5配杯嘢飲，解膩又清爽​必試配搭​：梅子芝士雞排+海苔豆腐雙拼，甜鹹交錯仲有拉絲效果，食完即刻想encore！

行開女人街餓餓地見到呢間野😍有多款小食食 就同朋友揀左三樣野食脆皮無骨雞排(原味) $40大件夾抵食🤣塊雞扒大過我隻手✋🏻個皮炸得唔算厚 食到個心仲有好多肉🤤雞扒肉嫩多汁 咬落好juicy😋脆皮杏鮑菇 (海苔) $25外脆內軟 菇肉好厚身 食到好鮮甜既味道 搭配埋海苔碎簡直一流脆皮花枝丸 (原味) $18花枝丸一樣係外脆內軟👅食落勁彈牙食完仲想繼續食 但得三粒😩下次再買過🤣三樣野加埋都只係八十幾蚊價錢唔算貴 食物都係即叫即炸 夠晒新鮮😆

想喺香港食到最好味嘅台灣炸雞扒？！大家又點可以唔識呢一間‼️2派克雞排🐔係台灣過江龍，雞扒非常厚肉又Juicy，食過絕對係返唔到轉頭啊！佢哋另外一大賣點，就係每一款嘢食都可以配搭兩款唔同嘅味粉，全部都可以任意Mix and match，每次嚟幫襯都咁有新意！大家一定要試吓佢哋嘅脆皮無骨雞腿排🍗，佢哋嘅雞扒真係非常厚肉，唔會成塊剩係得炸粉，而且雞扒仲非常Juicy，唔會食到成個口乾晒，而且仲要係冇骨嘅，勁方便邊行邊食，爆炸推介大家一定要試吓！🤤🤤另外一定要介紹一下我最鍾意嘅小食 —— 脆脆雞皮🐔，每一塊都好似薯片咁，脆卜卜，而且仲有雞油嘅香味，真係會令人忍唔住一啖接一啖，停唔到口😋😋朋友仲嗌多左個脆皮杏鮑菇🍄‍🟫，外面嘅皮非常脆口，裏面嘅杏鮑菇就非常Juicy，一樣都係高質之選！

今日經過發現呢間台灣過江龍炸雞品牌，揀左幾款做下午茶，落單後新鮮即炸，熱辣辣。最鍾意佢有多款調味粉可以任揀！脆皮無骨雞腿排 (海苔、梅子味) ：份量巨大，炸得金黃酥脆，灑晒海苔粉同梅子粉，香氣滿滿。外皮香脆，酥脆到索索聲，又唔油膩，功力唔錯。海苔粉同梅子粉增添左咸香同酸甜香氣，滿滿日式風味。雞排本身仲係鮮嫩多汁，加上調味粉更加停唔到口。脆皮杏鮑菇 (椒鹽) ：杏鮑菇大大粒，金黃酥脆嘅外樣加上椒鹽調味，杏鮑菇仲保持住彈牙口感，一咬爆汁，菌菇香氣濃郁。甜不辣 (咖哩) ：呢款甜不辣係類似魚漿嘅長條條，口感煙煙韌韌，咖哩炒均勻裹滿，咖哩味非常濃郁，微微辣度岩岩好。

又是放縱的一天，😁黎到旺角掃下街，經過依到，鍾意食炸野既我又點會錯過😋2派克雞排！！（麻辣 ＆海苔）脆皮無骨雞排 大大塊雞排 ，岩岩炸好就係無得當輸🥰香脆無骨大啖肉👍辣度剛剛好，加埋海苔香味，食落挺夾的。（香辣＆ 咖哩）脆皮杏鮑菇 咖哩香味唔會話好濃，微微辣既杏鮑菇食落 juice， 一份既分量也不小，食完一件又一件，停唔到。😋脆皮台灣腸食落跟烤的差不多，一樣都係咁好味。👍有小許座位，買完唔趕可以慢慢歎完再走🤭

人氣超旺的炸雞店，全家都愛吃所以經常買因為多數要排隊所以都是剛開門就到了，8種口味可選，也可以兩種口味混搭。小朋友也要吃，所以我通常都是買原味，其實辣的更好吃😋🔸脆皮無骨雞腿排（必吃）超大塊，不是大過手掌，是比臉還大🤣不要切開，一定就這樣整塊吃剛炸出來熱辣辣，但是忍不住馬上咬了一口，又香又脆，酥脆到很驚喜那種，雞腿肉很嫩，趁熱吃無敵。🔸脆皮花枝丸每次都和雞排一起買，炸到剛剛好，放很久還是Q彈的，口感很好🔸脆皮杏鮑菇杏鮑菇切成不規則的形狀，炸出來口感更好🔸甜不辣軟糯糯的，配芝士粉很好吃，但是原味也不錯

呢度每款食物都可以揀口味 。脆皮無骨雞腿排，當然試番原味椒鹽，外脆內嫩，味道香濃，啖啖肉汁，真係好正！甜薯地瓜條我揀咗芝士味，外面酥脆，裡面軟滑，芝士味配搭得好，令人食到停唔到。至於脆皮台灣腸，我揀咗海苔味，咬下去啖啖香脆，搭配海苔嘅鹹香，味道超級好。我哋一路等嘅時候，見到勁多人排隊，特別係年輕人，證明咗呢間店嘅人氣真係唔少。雖然要等一陣，因為佢哋係即叫即炸，但等嘅時間絕對值得。年輕嘅店員喺咁高溫嘅環境下，依然保持住好有禮貌，服務態度一流。

2派克雞排上次食完已經念念不忘，最近行旺角比我見到有分店，即刻去試下。旺角分店位於通菜街，環境乾淨，店員態度親切。即叫即炸，熱辣辣，質素保證。性價比高，仲有套餐。脆皮無骨雞腿扒 大大件，厚實外皮金黃酥脆，口感一流，嫩滑多汁，加上麻梅子粉，酸酸甜，味道層次豐富。脆脆雞皮 脆脆雞皮真是一個驚喜！薄薄一層，炸得卜卜脆，入口即化，滿口油香。雖然係小食，但完全搶鏡，食到一塊接一塊。加咗海苔粉，帶點鹹香嘅海味，簡單但好滿足。如果鍾意香口嘢，呢個絕對唔可以錯過甜薯地瓜條 粗切外脆內軟，天然甜味好突出，鹹甜交錯，有咬口。

台灣掃街點少得炸雞扒，有d 掛住所以係旺角買黎過下口癮😆 啱啱拎上手太熱嘅關係食唔到，跟住就唔記得咗佢，估唔到擺耐咗，都keep到脆皮又Juicy.脆皮無骨雞腿排外皮酥脆，內裡肉質鮮嫩，配上芝士的濃郁和香辣粉的微辣，讓整道菜品味道層次豐富，令人回味無窮。脆皮杏鮑菇同樣不容錯過，經過香辣粉的調味，菇類的鮮甜與脆口感相得益彰，讓人一口接一口，十分過癮。脆皮雞軟骨咖喱與海苔粉的搭配，為這道菜增添了獨特的風味，軟骨的口感酥脆，讓人感受到不同的美味享受。

呢度係小食掃街好選擇，肚餓又口痕黎買岩晒，炸物除左可以自選餐廳既特制調味粉之外,每款小食最多可以選擇2款調味粉,有梅子,芝士,辣味,麻辣,孜然粉等等,配料粉選擇多口味有辣有唔辣，仲有d比較特別，呢度外賣係即叫即整,餐廳既小食全部都係由台灣直送香芋丸炸完之後外脆內軟口感同埋大大粒，香芋味好濃郁有4粒甘多，真係好抵食，呢度仲有2人套餐都好抵,我仲叫左一塊炸雞扒,香脆多汁,椒鹽香脆肉嫩，勁大塊，杏鮑菇香脆。

2派克位於旺角通菜街，是一家專注於台式風味的外賣小店，以即炸小食聞名。這裡的每道菜品都充滿了台灣的獨特風味，適合喜愛台式小吃的食客。脆皮無骨雞腿排這道菜以雞腿肉製作，外皮經過精心炸製，呈現出金黃酥脆的口感，肉質鮮嫩多汁。甜薯地瓜條海苔味這款小食選用新鮮地瓜製作，外皮酥脆，內裡柔軟，帶有海苔的獨特香氣。甜薯的天然甜味與海苔的鹹香相結合，口感十分豐富，脆薯餅咖哩味這道脆薯餅融合了咖哩的香氣，外層金黃酥脆，裡面則是鬆軟的馬鈴薯餡。咖哩的香料味道恰到好處，讓人食指大動，令人回味無窮。

同朋友係旺角掃街，見到呢間人氣台式小食店排隊人龍不斷，決定試下。今次點咗三款小食，每樣都各有特色～脆皮無骨雞排（海苔+香辣）雞排果然係招牌，冇令我失望！雞排超大塊，外皮炸得超級酥脆，粉漿唔會太厚，完全唔油膩。我揀咗 *海苔+香辣雙重口味，海苔粉增添咗鹹香，而香辣味後勁十足，越食越過癮！雞肉嫩滑多汁，無骨設計食起嚟超方便，絕對係必點之選！ 脆皮杏鮑菇（椒鹽）外層同樣脆卜卜，但一咬開，菇肉超厚身，juicy得嚟帶點爽口，完全唔會乾。椒鹽調味簡單但夠香，帶出杏鮑菇本身嘅鮮甜，食到停唔到口！黃金香芋丸作為芋頭控，呢款必食！外皮金黃酥脆，內餡係滿滿嘅 綿密芋泥，甜度適中，仲間仲有芝士，鹹鹹甜甜，但一啲都唔膩，超滿足！ 炸物水準高，調味選擇又多，難怪長期人氣爆棚！今次試嘅三款都冇伏，尤其係 雞排同杏鮑菇，絕對會encore～如果經過旺角想掃街，呢間絕對值得排隊！

來到旺角這間外賣台式小食店，由於是即叫即炸的，要等15分鐘，為了食到好東西，等也是值得的。有八種調味料可以自由搭配，分別有椒鹽、海苔、辣味、咖喱、芥末、芝士、麻辣和梅子。❇️脆皮無骨雞扒雞扒真的超級大塊，我叫了原味椒鹽和海苔味，雞肉的肉實很結實，炸得金黃酥脆😍😍😍❇️甜薯地瓜條外脆內軟，香甜可口，配搭了芝士味，令人停不了口👍👍👍❇️脆皮花枝丸花枝丸真的超級大粒，很彈牙，外層金黃酥脆，內裏魷魚鮮嫩多汁😋😋😋

🐷脆皮無骨雞扒配海苔粉 雞扒即叫即炸，外層炸到金黃酥脆，入面嫩滑又多汁，完全唔乾柴。加埋海苔粉，帶少少鹹香同埋紫菜香氣，真係食到停唔到口。份量仲要係超級大件，絕對抵食！🐷甜薯地瓜條配梅子粉 地瓜條炸到外脆內軟，唔會太油膩，咬落去仲有淡淡地瓜香甜味。配埋梅子粉，酸酸甜甜好開胃。🐷脆脆雞皮 雞皮炸到超級香脆，完全唔油膩仲要好香口。每一塊都炸得均勻，唔會有啲太硬啲太淋。食落去有啲似薯片咁，不過多咗份雞油香，真係超級邪惡。

講到炸雞扒嘅小食店不外乎嗰幾間，喺旺角行緊街俾我見到呢一間🐔2派克雞排🐔，見佢有啲人等緊，所以就試吓，點知試完又驚喜喎😆😆我哋叫咗佢哋最出名嘅🐔脆皮無骨雞排 $40 :因為即叫即整嘅關係，所以等嘅時間都會耐啲，不過唔緊要，最緊要嘅係好食，佢足足有成塊面咁大😱,炸完出嚟超香,食落更加酥脆😋,肉汁鎖住喺雞肉裏面，食嘅時候唔會乾爭爭👍🏻，但又保持外脆嘅口感，超讚🙌🏻🙌🏻其次就叫咗一份🍠甜薯地瓜條 $25 :份量適中，幾乎每條都炸到金黃色，外脆內軟😍，佢哋嘅地瓜又幾甜，算係唔錯，最後叫咗一份💛甜不辣 $25 :其實即係魚餅,食落都幾煙靭，魚嘅味道都幾出,同出邊嗰啲比佢嘅造型似手指魚,份量適中😆呢間小店原來佢每一樣嘅炸物都可以加調味粉，總共有八種咁多😱，有辣有唔辣，仲有啲重口味嘅添🤣，塊雞排我就揀咗Wasabi嘅味，飯落果然非常獨特😍，地瓜條就係最普遍嘅梅子粉，呢個組合超夾👏🏻，最後甜不辣就揀咗海苔味，淡淡地都算唔錯㗎👍🏻