18 Challenge Cafe

營業中

休息中

香港地好少有嘅賽車場，場地都算大，有兩條賽道，一條喺玩飄移車，另外大d嘅賽道喺玩卡丁車，大人小朋友都有得玩！估唔到有得玩之餘，d嘢食都唔錯，選擇都算多我地試左經典牛肉漢堡同埋意大利蕃茄水牛芝士薄餅，兩樣食物上枱嘅時候都係熱辣辣，牛肉漢堡好juicy，配菜都好新鮮，至於pizza十分足料，個底夠脆，好有驚喜👍🏻餐廳有位可以望住小朋友玩車，另一邊bar枱位就望到高卡車場，都幾特別見到佢個lunch menu都好抵食，下次可以lunch time黎試下

室內小型賽車場，全香港可以話係絕無僅有。你絕對估唔到，何文田愛民邨竟然有一個😮 不過價錢相對有少少貴，所以本身想玩都卻步🙈今日下午行過，見到入面有一間餐廳，都忍唔住去望一望。發現野食黎講，價錢唔算好貴。最近仲有新開張優惠價而且仲有日式，歐洲風味同埋美國款式選擇於是我就叫咗一個輕煎日本帶子菠菜意大利飯。首先帶子肉身彈牙爽口，又夠大隻。淡啡色嘅肉身，睇得出輕煎嘅痕跡。無論賣相定質感都幾吸引 唯一不足嘅係帶子味道唔夠濃。我覺得材料解凍嘅時候，再延長解凍時間，充分保留海鮮入面嘅味道，咁樣煎起上嚟就更加香🤣其次係菠菜意大利飯，味道濃而不滯。而且意大利飯，每一粒都有少少咬口，都保留左意大利嘅特色。佢個餐包一個嘢飲，我就選擇左Monster Energy，唔洗另外加錢，呢個都算幾抵總括而言，賣相同味道都唔錯。而且可以邊食邊欣賞其他人，賽車嘅速度同埋節奏感，都可以話係一個特色，值得一試

咁岩來到何文田唔知食咩好, 係愛民廣場見到有一個賽車場主題餐廳問左個賽車場因為防疫唔開得住, 咁就試下個主題餐廳, 岩岩新開左一個禮拜左右環境坐得舒服, 電視都有播唔同賽車賽事, 好有氣氛員工介紹左食個牛扒, 呢度員工都好有禮貌個牛扒叫左3成熟, 賣相一流食落有驚喜, 好有牛味, D薯條好脆好味睇來下次再來何文田可以再黎幫襯多次...