影片
港鐵中環站 D1 出口, 步行約3分鐘
繼續閱讀
電話號碼
98358606
開飯介紹
店名「1111」這數字組合，代表新開始、前進的動力和成功的未來。由曾主理米芝連二星餐廳的主廚Chris Chan掌舵，嚐味餐單內的每道菜式均盡展優質食材特色。餐廳裝潢以美國羚羊谷為靈感，於2022年獲得Restaurant & Bar Design Awards全場總冠軍。
繼續閱讀
營業時間
今日營業
12:00 - 15:30
18:00 - 23:30
星期一至六
12:00 - 15:30
18:00 - 23:30
星期日
全日休息
以上資料只供參考, 請與餐廳確認詳情
-
網上訂座服務暫停
餐廳面積唔大，裝修風格簡約，以木系為主調。門口有一個拱門可以for打卡影相。食左個tasting menu $1,288 per head，晚餐服務體驗幾好。Welcome drink 用一個波波裝住，咬開個波波會爆開個welcome drink，味道係少少酒味酸酸甜甜，幾開胃。波波本身有啲咬口，有少少膠味。不過整體味道都幾清新開心。跟住餐廳會為你展示一盤好靚嘅材料盒，話今晚嘅餸都係用呢啲材料組成，組合得好靚，係視覺嘅享受。👌🏼麵包：有好靚嘅橄欖油做選擇，麵包就正常冇乜特別。前菜 👌🏼Local BITES, street food賣相好靚。有一個帶有少少煙熏味嘅鵪鶉蛋 ；一個餐廳介紹話係紫薯味嘅泡芙，但係食唔到紫薯味，質感煙煙韌韌；一個炸雞皮薄脆，上面有少少芋頭栗子醬汁，介紹話靈感來自街頭小食。概念幾得意，味道唔算非常驚喜。👌🏼TORO, sea urchin, tomato, bergamot拖羅他他mix 埋海膽，下面有d 蕃茄清湯嘅Jelly。覺得mix 埋嘅口感唔算非常有火花，海膽嘅味道唔係最靚嗰種。🤔TRUFFLE, asparagus, spinach, house-made ricotta蘆筍菜上邊現磨咗好多黑松露。蘆筍味道幾鮮甜，但係黑松露雖然現磨咗好多，但係又冇咩黑松露味。普通。💯Market fish of the day, clam chowder, house cured ham跟住嚟一碗周打魚湯。魚湯好creamy有奶味，好飲！湯內有一塊魚，魚肉嫩滑，再有啲滑滑嘅小米粉。口感幾豐富，又好味。👌🏼Morel, cuttlefish, house farmed mushroom, veal jus墨魚滑釀牛肚菌，下便再有啲炒雜菌。羊肚菌釀墨魚滑嘅味道冇咩好驚喜，反而啲炒菇有濃郁嘅菌味同醬油味，幾香口。主菜：👌🏼PIGEON Wellington, Lau Fau Shan golden oyster, truffle （+$380）似乎喺呢度嘅招牌菜，威靈頓釀乳鴿。外層麵包好脆，包住乳鴿，菇、同埋一隻好細小嘅迷你金蠔。乳鴿肉整得好嫩滑，但幾樣嘢夾埋又唔係好有火花，覺得整體味道又未算好驚喜。💯HIDA-GYU, chenpi, 飛驒牛肉牛扒呢個飛驒牛肉牛扒整得好出色。食落去先有脆脆嘅口感，肉質非常柔嫩有油香，但又唔會太肥太油膩。外脆內軟，有油甘香味，又有牛味。好味！💯CARABINERO grande, N.T.vegetables 西班牙紅蝦通常西班牙紅蝦整熟咗就唔係幾好味，因為個肉質會變得軟腍腍。但係呢度整得好出色。蝦肉非常鮮甜，而且難得係肉質依然可以保持到爽彈。可能係我食過最好味嘅熟左嘅紅蝦，個蝦肉好爽甜好好味！甜品：👌🏼Blood BIRD'S NEST, Yuen Long honeycomb, lemon mousse, osmanthus檸檬味，味道正常。總結：感覺餐廳好有誠意，擺盤靚，亦都希望通過融合本地特色做一d 創意fusion 菜。但覺得部份前菜融合出來嘅效果又未係特別出色。反而周打魚湯，牛扒，紅蝦就好出色。但整體都係一間好有誠意做好菜式嘅餐廳，整體用餐體驗愉快。
繼續閱讀
位於中環嘅高級法國餐廳，名字「1111 」一組被認為強大力量的宇宙數字命名，室內設計以亞利桑那沙漠羚羊峽谷為主題，溫暖銹色的色調，波浪條紋好有現代元素，一出電梯就會見到個靚靚暖銅色嘅大拱門，用嚟打卡一流吖🥰更於2024年榮獲TATLER DINING AWARD及DEZEEN AWARD 室內設計獎項🏆由曾於米芝蓮二星餐廳擔任主廚嘅Chris Chan主理 擁有超過20年嘅經驗，好欣賞佢將意法菜加入中式、港式元素，每道菜式嘅配搭既優雅又令人非常之有驚喜🥰今晚我哋就點咗由行政總廚創作嘅Tasting Menu$1288首先用餐之前餐廳會將當晚新鮮嘅食材放入木盒之內為客人呈上，且細心地逐一介紹，挑選Local BITES street food開胃頭盤先來了一個精緻寶盒內的三款以本地特色做主題街頭小食，有款我覺得最特別嘅係來自港式街頭小食鹽焗鵪鶉蛋嘅靈感，《拔絲鵪鶉蛋》做得完美嘅拔絲包著用蘋果木煙燻處理嘅鵪鶉蛋，係糖心架。第二款《XO醬泡芙》，小泡芙內包住鹹香微辣嘅XO醬和紫薯蓉，實在驚喜。第三款《烤焗三黃雞皮脆片》雞皮去除內裏的脂肪後，烤得超薄鬆脆，沒有多餘油分，配上青咖喱醬和椰子醬，口感極佳🥰💫 Oscietre CAVIAR(15g)Zhenjiang Crystal ham 1 +$420我最愛魚子醬，呢個必定要加配❤️呢度嘅配搭真係令我好驚喜，魚子醬下層竟然藏着水晶肴肉，兩者配合一齊享用，原來味道係咁夾嘅🥰💫TORO sea urchin ,tomato,bergamot 西班牙藍鯨吞拿魚，配上北海道海膽，蕃茄啫喱食嘅時候再噴上佛手甘油，香氣好refreshing立即帶出toro和海膽嘅鮮味，蕃茄清湯啫喱亦都非常醒胃💫 TRUFFLE asparagus,spinach ,house made ricotta 松露配法國白蘆筍，爽嫩法國初春當做白蘆筍與本地蘆筍，再配以自家製乳清芝士、菠菜，再即埸在面頭刨滿慷慨份量嘅松露😍黑松露幽香令味道更加有層次感💫 market FISH of the day是日嘅魚係東星斑，用上魚肉和蜆熬製成周打魚湯，奶白魚湯真係好鮮濃好好飲😋石斑魚肉好滑溜，面頭再配有超薄脆鹹香嘅西班牙黑毛豬片，每食一啖都係享受💫 MOREL cuttlefish,house farmed mushroom,veal jus非常之欣賞呢個釀羊肚菌❤️靈感來自煎釀三寶法國野生羊肚菌內釀入新鮮打造墨魚膠，注入慢煮羊肚菌牛仔汁，再配餐廳自家種植嘅山芋菇羊肚菌汁非常之濃香，墨魚膠爽彈可口，實在滋味無窮🥰💫 PIGEON Wellington 1+$380主菜，呢個威靈頓乳鴿真係唔可以錯過，實在係一個令我驚艷嘅菜式🥰 採用法國Bresse產乳鴿胸，烤至金黃嘅酥皮內包著椰菜、松露醬、流浮山金蠔，想講個鴿胸肉真係做得非常嫩，真係好好好食呀❤️睇住威靈頓鴿切開冒煙一剎那非常有療癒感，醬汁由鴿肝鴿殼熬製而成，味道絕對濃厚可口再講多一次，嚟呢度呢個威靈頓鴿不可不試😋記得提前兩天預訂啊💫 CARABINERO grande,N.T.vegetable 超大隻西班牙紅蝦，好特別配搭中式陳村粉、蝦頭油，本地蔬菜，紅蝦肉鮮甜彈牙，蝦頭油實在非常之香👍🏻Blood Bird’s Nest 金絲血燕伴以檸檬mousse、蜂巢、桂花，清甜滋養Petit Four以花花盤承載著，好靚靚💕有達摩造型利賓納果凍、紅莓蛋糕磚、迷你合桃酥
繼續閱讀
一頓完美的Fine Dining，環境氣氛與食物質素同樣重要。這晚跟好友來到位於中環的1111ones，餐廳門面及室內設計都好有特色，溫暖的色調，讓人倍感放鬆。從食材、搭配、烹調、擺盤、服務等，都感受到大廚們的創意與用心，每道菜都令人著迷。先來一粒酒，清新一下口腔，原粒放入口中才咬開，爆開的瞬間，口腔裡盡是梨汁、梅酒、青檸汁的清新氣味。自家制無花果包配橄欖油及黑醋，橄欖油帶有蕃茄香草味，特別美味！先來個開胃小食，寶盒內收藏3款精緻美食啊。有爆汁的煙燻鵪鶉蛋拔絲、泡芙(自家炒xo醬及紫薯蓉)、烤焗三黃雞雞皮，雞皮去除脂肪層，薄脆可口得像薯片一樣，加上炒栗子蓉等，令人回味。松露伴法國白露筍，平日吃的都是片片松露，今次第一次品嘗以刨絲狀態的松露，意想不到的美味。口感綿密的松露，味道比片片松露更為突出，而且更容易與清甜爽嫩的法國初春當造白露筍、本地露筍、自家製乳清芝士菠菜融合起來，搭配著一起享用，味道更有層次。接著來個變奏版的老少平安，在嫩滑的豆腐雞蛋上，放上當天市場最新鮮的老虎斑，口感扎實又鮮甜，在食用前才注入日式昆布高湯加茉莉花茶，香氣逼人。套餐以外，加配品嘗Oscietre 魚子醬，用專屬冰凍貝殼匙一匙到底有驚喜，下層是膠原滿滿的鎮江肴肉；魚子醬口感濃稠細膩，既有海洋風味和鹹味，也帶點堅果味，搭配著鎮江肴肉一併享用，雙重咸香滋味。另外也加配了女士們至愛的南非花膠扒，口感軟滑帶少許黏口，澆上砂爆魚肚龍蝦濃湯汁，超美味的呢！以紅豆沙煉奶雪糕作間場，加入芳香陳皮粉，微甜清涼，預備稍後享用主菜囉。主菜有日本歧阜縣飛驒牛配新會陳皮紅酒汁，伴碟有紅菜頭薄片及煎炸芹菜頭。B4西冷部位用備長炭炭燒，四邊燒得香口，入口盡是那油香與肉香，細嚼下還有陳皮陣陣甘香，口感柔軟，好想再停留在口裡多一會兒呢！另一主菜是威靈頓法國鴿胸，這個需要至少2天前預訂的啊！以皺葉椰菜包著流浮山金蠔、松露醬及鴿胸肉，外面再包上酥皮後烤焗至金黃。切開一刻，瞬間散發出誘人香氣，鴿脾誘人惹味，嫩滑鴿胸與甘香的金蠔，再沾上由鴿肝鴿殼熬製的醬汁，令人再三回味。搭配白羽干白葡萄酒，其水果與柑橘混合的香氣，易入口，酒體餘滿，回味綿長，與主菜蠻搭配。最後，還有血燕燉檸檬做甜品。集合了血燕、檸檬慕絲、元朗大棠蜂膠、桂花橙皮蛋白脆脆，在上碟時澆上黑糖桂花茶，甜度剛好，清潤順喉又養顏。套餐還有Petit fours啊！有山楂啫喱凍、開心果糖、紅莓蛋糕磚，讓整頓fine dining 變得更圓滿。
繼續閱讀
今日去食咗間好正嘅Fine dining，提前預約咗有啲咩唔食，所以每款都好合我口味，仲好適合女士，我最愛龍蝦濃湯花膠扒、金絲血燕桂圓茶。最有驚喜嘅招牌菜式「威靈頓乳鴿」真係第一次食到，平時因為我唔食牛，所以唔會試到呢樣菜式，用慢煮乳鴿，加上流浮山金蠔、黑松露製成。 前菜與主菜之間，亦送上好特別嘅香港人地道小食( 以冬天路邊小食為題：蘋果木煙燻鵪鶉蛋拔絲、XO醬番薯雞蛋仔、栗子蓉脆雞皮）。再用雪糕配上糖蔥餅，好好味，真係要試吓。 [ DINNER MENU ] Amuse bouche✧ TORO, sea urchin, tomato, bergamot✧ TRUFFLE, confit yolk. creamy potato✧ Market FISH of the day, cam chowder✧ PIGEON Wellington, Lau Fau Shan golden oyster, truffle +$380( pre-order is required for at least 48 hours in advance )✧ BLOOD BIRD'S NEST, ginger mousse, osmanthus Petit fours$1,088 per guest✧ Binchotan grilled FISH MAW, lobster bisque +$620
繼續閱讀
❀ 1111 ONES Restaurant and Lounge #中環 ❀❗國際級設計餐廳 $428六道菜午餐回贈$428晚市現金券❗——————————————————一開業已經掀起熱話嘅1111 ONES Restaurant & Lounge，喺香港唯一一間榮獲Restaurant & Bar Design Awards 金獎榮🏆用高貴脫俗嘅橙黃色為主調，當中包含唔少天使數字11111️⃣花盡心思嘅設計非常適合打卡📸最近仲推出破天荒原價回贈優惠六道菜午市套餐，只需$428，更會回贈$428嘅現金券，優惠直至7月14號，真係要及早把握機會🔥.由米芝蓮二星餐廳The Principal 前主廚Chris主理，主打意法創意料理。今次超值道出午市套餐，包括開胃小食、新鮮麵包、前菜、湯品、主菜及自家製Tiramisu💕.開胃小食先有炸意大利飯波波Arancini 。特別大讚自家製Multigrain及無花果麵包，口感煙煙韌韌，配上Ricotta cheese、12年橄欖油及黑醋，真係超級好食，仲可以無限添加👍🏻.前菜選擇和牛他他及醃製三文魚。和牛他他添加 Osetra Caviar魚子醬點綴，再配搭甘筍及菠菜脆片一流；醃三文魚來源自北歐，配牛油果醬及脆米口感好豐富😆.是日湯品配搭返夏日炎炎嘅天氣☺️精心預備咗番茄凍湯，非常清涼開胃，酸甜度剛好，當中更加入薏米增添口感。.主菜唔少得餐廳招牌紅蝦扁意粉🍝雖然要額外加$288，但係主廚專誠到意大利餐廳學習嘅拿手菜，紅蝦鮮味十足，扁意粉都頗有咬口，值得一試。另外和牛唔需要加錢就品嚐到，採用SRF頂級和牛，口感軟腍同時帶有肉味🐮.最後更有無限添加嘅意大利傳統 Tiramisu，不能口感定味道都係非常經典，覺得比grissini更好食🤣.✷𝑀𝑒𝓃𝓊✷☞ 1111 LUNCH MENU $428♥ House-made RICOTTA♥ Truffle ARANCINI.♥ Appetiser ✦ House-cured SALMON✦ SRF Wagyu TARTARE.♥ Main ✦ Linguine Gamberoni +$288✦ Wagyu.♥ Tiramisu
繼續閱讀