龍點心 (Eastcore)

營業中

休息中

🍊 餐廳名稱：龍點心(觀塘) 🐝 味道：7.5/10環境：7/10整體分數：7/10💰人均：$80~120———————————————————放工想食點心，搵左間食啲新派點心既餐廳！有別於傳統點心，食既時候又有驚喜又創新！港原味燒賣拼盤 💰68香港獨特口味情懷既「港原味燒賣拼盤」一籠擁有6隻唔同口味既燒賣，我覺得最特別係甜梅菜扣肉燒賣同粟米肉粒燒賣。味道上都調較得好好，該有既味道都好出，小編認為燒賣狂熱fans要試下！鹹蛋黃墨魚燒賣💰42上枱個時侍應已經提示過小心會爆汁，點知一咬落去都係避唔開啲汁飛到周圍都係！墨魚燒賣好彈牙，鹹蛋黃粒就饟左係入面，好特別！龍芋酥💰42炸得好脆口，外脆內軟~ 入面仲有啲餡料，口感豐富，芋頭控要試下！一口鹹水角 💰38造型上好適合打卡，用左竹籤一串一串咁！味道上比一般酒樓既鹹水角濃味。厚切叉燒腸粉💰44味道上無話太特別，但係厚切既叉燒食落啖啖肉！拉絲菠蘿包💰38上枱既時候暖暖地，味道上都okay的！🗺️觀塘觀塘道398-402號Eastcore1樓4號舖 🔍#FlavorforToday觀塘🚆 觀塘站A2出口，步行約6分鐘

無啦啦夜晚想食點心，但通常點心都係早市同午市有做，唔多餐廳晚市都會有點心供應。咁岩係觀塘eastcore開左間新餐廳叫龍點心，仲要有晚市點心供應，拿臨臨試下佢地既創新點心。餐廳主打燒賣，淨係燒賣都有6款唔同口味可以做拼盤，不過我個人口味都係鐘意原味多啲。其他點心都行創新路線，都要趁今次試下。有一款叫口水汁龍利柳腸粉，聽個名好似完全唔搭，但食落口竟然意想不到咁好食，魚肉同腸粉一樣咁嫩滑，配埋口水汁令味道層次再昇華。

呢間點心店其實開咗都好耐, 但一直都未有時間去試, 今日12:45去等位, 都要等幾張枱, 人流都算多, 加上附近冇乜呢類型既點心店, 同區太多西餐, 今次點咗幾類點心嚟試下黑金流沙包 - 有流沙既效果鳳爪拼黑椒金錢肚 - 味道好食過酒樓既, 金錢肚好爽口鹹蛋黃墨魚燒賣 - 呢款燒賣幾好食, 可能係墨魚既關係, 入口好彈牙脆脆富貴紅米腸粉 - 我比較鍾意食原味腸粉, 呢款類似油炸鬼既炸兩點心拼盤 ( 松露野菌晶瑩餃, 蟹粉菠菜香蝦餃, 筍尖蝦餃皇, 酸菜魚鳳眼餃,鹹蛋黃墨魚燒賣, 豌豆桃子) - 賣相係不錯, 味道各有特色桂花糕 - 一般金茶壺總計 : 點心種類比較少, 如果多啲會比較好, 雖然話特色點心, 但價錢偏貴

今日同兩老嚟食個late lunch🫖觀塘食點心要冇截單就揀呢度🥢環境唔似茶樓，比較似新式茶記🤣但算舒適嘅！平均每樣都要$40-$50都唔算平🥹不過都值得一試，好多fusion嘅點心！質素都唔錯～特别講幾樣好食嘅特色點心✨松露野菌晶瑩餃（$38），外觀係紫藍色，嚟到都仲係熱辣辣，個皮幾軟熟彈牙，餡都足料👍🏻一口鹹水角（$38），好似兩粒大魚蛋咁串起咗，幾特別，不過比一般嘅鹹水角濃味少少🤏🏻燒汁肥牛腸粉（$54），講真只係抱着試一試嘅心態，因為腸粉嚟講佢都算幾貴😿佢得意嘅地方就係將平時食嘅肥牛變咗做佢嘅餡料，正常新奇但唔會再試🫡呢間點心店出名嘅係有唔同配搭嘅燒賣！甜梅菜扣肉啦、粟米肉粒啦、沙嗲牛頸脊啦⋯好多都好想試🥹雖然都真係幾貴🥹今次除咗普通嘅懷舊燒賣（$40四粒）之外，試咗鹹蛋黃墨魚燒賣（$42三粒），新奇得意值得一試嘅，識落有少少似燒賣皮包住粒爆鹹蛋黃汁嘅墨魚丸😂其他點心質素都正常發揮，不過如果想普通飲茶嘅話最好去返酒樓飲🤣我屋企兩位老人家都有一位唔係咁接受fusion點心😂

老人家成日去酒樓飲茶真係食到悶悶地，放假搵吓觀塘區發現原來有呢一間點心餐廳。估唔到食落都有驚喜。點心賣相精緻，唔係傳統嘅點心類別，有啲創新。不過覺得上枱食物唔係好夠熱（我係鍾意熱辣辣有蒸氣冒晒出嚟嗰種熱度）。當日係星期日午餐時間，真係要排隊等位，等咗30分鐘，好彩係有卡位，其他位置會比較迫。呢個點心拼盤有六款點心都唔錯，賣相靚，而且夠特別。馬拉小籠包，味道冇想像中咁得人驚，食落都ok。紅米腸粉就真係比較少地方有得食，腸粉皮煙煙韌韌，入邊炸到香脆，咬落好有層次，入邊餡料係蝦仁，出奇地同上面嘅沙律醬好夾！有三款醬料可以蘸，豉油，花生醬，辣椒醬。

✨龍餃子有4️⃣隻唔同類型嘅餃，包括：普通蝦餃🤍、蟹粉菠菜香蝦餃💚、酸菜魚鳳眼餃💛、松露野菌晶瑩餃💙我會介紹後嗰三款：·蟹粉菠菜香蝦餃:食得出勁有海鮮味!!!例如有墨魚??同蝦肉😍好食🤤💕·酸菜魚鳳眼餃:食落係估唔到原來係酸菜魚嚟😂個餡係幾麻辣，仲以為係麻辣肉餃嚟添🙈🙈·松露野菌晶瑩餃:類似食緊素餃子嘅感覺，有好多蔬菜同菇😗我係食肉獸嚟，對呢舊就普普通通啦😌😌✨龍燒賣黃色嗰兩舊先係燒賣咯🐽有普通燒賣、滷水鵪鶉蛋燒賣、麻辣牛肉燒賣、龍蝦汁墨魚燒賣，同樣我會介紹後面嗰三款：·滷水鵪鶉蛋燒賣:嘩 鵪鶉蛋配燒賣真係第一次見🤣🤣食落都幾特別😝·麻辣牛肉燒賣:簡單咁講就係麻辣牛丸整成燒賣形狀。其實我對牛丸一向都麻麻地，好在佢嘅麻辣遮曬個牛肉嗰陣味❣️·龍蝦汁墨魚燒賣：簡單咁講就係墨魚丸整成燒賣形狀，唔會好乾，幾好🤍✨黑金流沙包其實幾鍾意佢嘅包🖤係煙煙韌韌嘅質地，同埋佢係黑色 始終都係特別啲😚😚流沙就係液體嘅普通奶黃～✨蝦多士：好香 好香脆嘅三細舊多士，每舊都有一隻細蝦🦐🧡細細舊，唔會好大負擔😚😚Overall 嗰啲龍乜乜點心 視覺上真係幾滿足嘅，無論點心外表還是係蒸蘢嘅形狀都幾獨特🙈不過食落其實都係冇咩

新派茶樓，以多款原創點心吸引客人。餐廳採用QR code，讓食客自行下單，繁忙時間限時60分鐘交枱。惠顧當日大約中午一點，門口仍然有人排隊，需要等一至兩張枱，樓面服務員相當多，執枱上菜等服務亦非常有效率。《$42 鹹蛋黃墨魚燒賣3隻》⭐️⭐️外表同普通燒賣差不多，燒賣上面有小小一點咸蛋黃做識認。一咬落去，咸蛋黃汁爆出黎，相當燙咀，墨魚滑超級彈牙，咬口十足，材料分別都唔錯，但食完沒有覺得咸蛋黃同墨魚好夾既感覺，創新但沒有令人眼前一亮的感覺。《$38 黑金流沙包 3隻》⭐️⭐️⭐️相比傳統茶樓，餐廳的流沙包明顯比較細隻。但由於流沙餡膩感重，食細細個都算係唔錯既選擇，比較細食嘅朋友都唔會食一個就飽左。《$50 脆脆富貴紅米腸粉》⭐️⭐️⭐️好多新派酒樓都有的菜式，腸粉皮薄，包住黃網絲皮同蝦肉，咬落去口感豐富唔油。唔難食，但沒有記憶點。餐廳用左一隻好大既方形碟上菜，包含三款醬汁，泰式辣醬、花生醬、豉油。個人認為點泰式辣醬同豉油都好夾，但花生醬會有點厚重，再搭上腸粉本身有的沙律醬就太多了。《$58 大澳蝦醬鮮魷卷》⭐️⭐️炸物來講算是不過不失，放左落枱好耐都仲好香脆。可能唔想太咸，鮮魷卷只有好淡既蝦醬味，餡料除左魷

星期六黎到，見咁多讚好就黎試下。試到黎見到，九成都係大陸遊客多，都知道專做遊客生意。舖頭好細、啲枱擺到好迫，冷氣又唔夠，好熱好焗，似茶餐廳枱局，同好嘈。都唔係適合飲茶傾偈嘅地方。所以食左一個鐘都走人。點心全部都凍嘅，好似一早蒸定晒，擺左係到好耐咁。味道仲衰過x記。侍應服務又麻麻，呢間話社交平台post相可以有九折優惠，所以咁多好評。啲點心睇落大大籠，但唔地就龍似都唔好食，平均六十蚊一籠，價錢都偏貴但質素差。

飲茶不一定要到酒樓, 點心店也是選擇之一。這家的裝修很特別有點懷舊冰室的感覺, 顏色的搭配也很鮮艷。而在食物方面也是很有創新的特色, 但味道跟傳統酒樓點心的味道差不多, 也是吃一個新鮮感。 ♡ 一口鹹水角 $36圓形鹹水角兩粒一串, 大概魚蛋的尺寸大小。皮煙煙韌韌, 不同顏色吃出來的味道都是一樣, 而內餡正常水準。♡ 拉絲菠蘿包 $38菠蘿皮都算脆, 內餡的芝士就沒有拉絲, 是一個迷你菠蘿包, 味道跟麵包店的一樣。♡ 厚切叉燒腸粉 $42叉燒是切成一片片的厚叉燒, 口感很厚重, 還是覺得切成一粒粒碎口感比較好。♡ 懷舊燒賣 $38燒賣是傳統的豬肉燒賣, 有加到少少的蝦肉。♡ 麻辣牛肉燒賣 $38懷舊燒賣變奏版, 第一次吃牛肉燒賣, 麻辣味比較重, 所以牛肉的味道就少了。♡ 馬拉小籠包 $42小籠包的皮是咖啡色, 夾的時候要小心皮很薄, 肉汁是微微的肉骨茶的味道, 肉餡肥瘦均勻。

好鍾意飲茶，可能飲親茶都同屋企人一齊，所以對飲茶有種情意，而家自己屋企一得閒都會飲茶。不過小朋友就鍾意花臣，所以得閒總要同佢地d有特色嘅飲茶地方，其中一間就係龍點心。每次必點嘅係佢嘅肉鬆馬拉糕，全個都係邊位，上面滿晒肉鬆，咸同甜交雜但味道唔怪；每一個推介係個椒鹽脆豆腐（即一口豆腐），外脆內軟，次次都可以食好多。其他點心方面，味道同一般點心差唔多，但都呈現得比較精緻。環境方面，龍點心的裝修新舊融合，既有懷舊感，配上霓虹光管，都好岩影下相

假日同屋企人食飯，意外發現尼間新派點心，有別於傳統點心，食落有驚喜，值得一試。龍蝦汁墨魚燒賣蟹粉菠菜香蝦餃松露惹菌晶瑩餃馬拉小籠包鳳爪拼金錢肚（辣）脆脆富貴紅米腸拉絲菠蘿包鳳尾蝦多士豆腐布丁

放工喺牛頭角地鐵站突然間想飲下茶，食吓點心又見到好近地鐵站開咗間新嘅點心舖叫龍點心好有驚喜個湯好好飲蝦餃餃新鮮燒賣好彈牙員工服務不錯 細心茶碗碗筷精緻座位闊落環境都不錯幾舒適

平時食LUNCH 都會經過龍點心，次次都想去食下但每次去到到好多人，想食都食唔到, 今日終於同朋友一齊來飲下茶食包。其實唔好諗住在觀塘呢啲工業區可能夜晚會冇咩人來飯，但其實都一樣咁多人。一籠大滿足啱晒我呢啲一籠可以試晒好多款點心，有酸菜魚鳯眼餃、蟹粉菠菜香蝦餃、筍尖蝦餃皇、松露野菌晶瑩餃、鹹蛋黃墨魚燒賣等，賣相十分精緻令到我都唔捨得食佢落肚。燒賣賣相都算唔錯、味道都合格唔錯。脆脆富貴紅米腸粉平時食開啲腸粉都係用白米做白雪雪，但呢到的腸粉皮係紅色用上紅米做，唔係到到都有得食架好特別。餡料內有啲好脆的食物，外皮軟內餡脆，口感好特別。

好一段時間冇飲茶吃點心，偏偏今日又趕時間，只好隨便去觀塘一個新商場內的【龍點心】滿足口腹之欲。自從多年前【添好運】將廣東點心打造成專門店，甚至獲《米芝蓮》加冕、繼而衝出香港；眼見取得成功，香港的廣東點心專門店就越開越多，但質素非常參差。部份以傳統廣東點心作賣點，部份則以特色造型吸引顧客；但大部份點心專門店出品的味道非常一般，同普通連鎖酒樓集團沒有大分別。【龍點心】正是另一間新近加入競爭行列的同類型小店，甚至開了幾間分店；見到門外的「功夫中國龍」吉祥物公仔，已隱隱覺得此店一定走另類偏鋒路線。室內裝修配合風格，用上紙皮石作為裝修材料，格局又模仿上世紀60年代的懷舊冰室；偏偏配搭顏色鮮艷的裝修材料，甚至加上LED光管 ⋯⋯ 整體感覺古靈精怪。印象中近幾年也有一些小菜館及茶餐廳採用類似室內設計，總覺得有些不倫不類，實在不喜歡這種滲入了中式動畫風味的懷舊香港風情。一如所料，門外大大個座地推廣餐牌及點心紙上的款式果然非一般。但並非以特色造型突破傳統廣東點心框框，而是在選材用料及口味搞搞新意思。龍燒賣（$46）一籠有四款口味：懷舊、麻辣牛肉、龍蝦汁墨魚及滷水鵪春蛋。懷舊燒賣算比較正常，但沒有蝦膠，肥

點心行fusion 路線，亦有傳統選擇，環境不錯- ♥筍尖蝦餃皇4隻笑口叉燒包 3隻♥懷舊燒賣4隻♥羊肚菌牛肉球鳳爪拼金錢肚（辣） ♥肉鬆馬拉糕丷厚切叉燒腸粉♥口水汁龍利魚腸粉（辣）鹹水角鳳爪排骨飯