龍門樓 - 志蓮素齋

營業中

休息中

原本諗住試吓下午茶,致電去問一問才知2011年開始,一至五取消左下午茶,要星期六,日才有.大家要注意!是日約左大眼仔和大眼媽齊齊去志蓮積吓陰德,一向齋心的我地,今日齊齊齋埋口$88蚊:樣樣都幾好味,大眼媽好肚餓,係咁食係咁食都不忘讚好味道,哈哈.香港人,慢慢食喇!今日放假呀!$85一人午餐:好豐富,雖則碟碟細細碟,但都好多嘢食.小朋友以一米身高為限,1M或以上要計埋每人最抵消費85蚊.溫馨提示:大家記得飯和粥係任食架,真係有需要唔夠飽就添.但注意不要浪費食物

第1次冬至日子黎食齋, 平時D 大日子一定大魚大肉的, 今年嘗試變一變。我地嚮龍門只係食過幾次午餐, 夜晚飯今次都係第1次。午餐平均最低消費每位要$85, 夜晚就要$110。我地4點幾打去訂定位啦, 點知佢已經話FULL BOOKING, 只可以等WALK IN 台而WALK IN 台就6點先入等, 仲要得個2.3張, 所以我地5點幾就企定係到等位。好彩無咩WALK IN 客, 得我地幾個, 所以6點就可以入啦。所以提醒大家要提早訂位。我地5個人叫左8樣送,柚子醋粉皮&醬醋茄子: 2樣都係開胃既餐前小食, 酸酸的。 醬醋茄子味道比較濃D, 粉皮就比較淡, 我愛茄子多D。菠蘿咕嚕麥纖, 味道係菠蘿咕嚕肉既味道, 酸酸甜甜, 但就沒有肉, 用了麥纖代替(我地認為係麥纖係枝竹炸成既),咬落硬硬的,幾得意哦!8寶烤夫煲, 有冬菇,有芹菜. 有木E, 有椰菜花, 主角係烤夫, 平時嚮上海舖食得多, 上海舖既整法多數係甜甜地做小食的, 原來咁整法都好好味。雜菜珍菌薄豆腐煲, 薄豆腐比起平時食個D 真係簿身一半, 但夾起又唔易難哦, 呢個送好岩送飯。金沙醬沙年糕, 味道比較淡, 食唔出咩叫金沙醬

book左7:30pm7:15左右到達晚上沿途行經如日式設計的庭園比日頭多添一份神秘感及浪漫很舒服之前看過大家的comment, 知道因為院舎收益櫃台亦已列明每人最低消費午餐 $80下午茶 $50晚餐 $110早到了都要等到7:45pm才能進去跟沿路行來的清幽寧靜不一樣全部滿座, 熱鬧非常菜館無錯外形及設計都相當不錯但除左近窗近牆位置相距比較闊一點之外其餘的桌子都很貼桌與桌之間只有一條縫我們4個人都可以清楚聽到旁人的對話送前菜- 凍炒雜菇- 個人挺喜歡, 很入味還有送南瓜湯-很有料五色拼盤 (集合其中5款前菜-柚子醋粉皮, 醬醃菇, 紅菜頭沙律, 薑末青豆還有一個不知是甚麼)大斎摩利石菌豆腐煲壽包甫坐下不久在決定點餐時打算說即使未夠數可以晚一點再order來了兩份食物之後8時10分左右侍應就走過來說last order因為廚房要收說 "呢度9點關門"嚇我們一跳我們才剛開始起筷呢?!因為店員說還差$32就叫埋石菌炒飯全部只可以用"一般""無特別"來形容只是豆腐煲內其一種菇味道怪怪的由於size都算正常但朋友們的胃口不大的關係打包係必然說就說是9時關門但我地無諗過8點幾已經開始一連串打掃及

一行兩人,最低消費每人85蚊叫左一個85蚊的四季平安餐.另散叫左一個龍門架喱88蚊.食後感:是精緻好味的素菜.但就唔夠飽肚.出左門口,問門口個支客,佢話湯,白飯,粥都可以添食.就算兩個人來食,一個叫套餐,一個散叫,兩個都可以添食噃.咁又幾好噃.下次一定要添食.我on diet就夠飽,大頭就唔夠喇.支客又話平日一至五,2:30pm開始有下午茶,最低消費40大元,有點心有炒飯叫.相信食落都唔止40架喇.因呢度menu價格都高,但就唔駛再加一.星期六日就3p先開始下午茶.呢度d茶都幾好飲.飲左三大杯呀.越飲越好味.南蓮園池風景好靚.當行個大公園真係好舒服.會再來,但都略嫌價錢貴左d,,當是做慈善就ok囉.因扣除支出,用作志蓮之用的

舊公司值得留戀的地方，也許最大部份是那兒的人。舊同事來去匆匆，尤幸還有一份情誼在。三個相識多年的女人能夠相聚，已是賞心樂事。新公司放工時間比另一人早，於是先聯同另一友人進內，先於鑽石山站下車，依指示步進南蓮園池，在黑漆漆的路上，只有昏黃而疏落的小街燈為我們引路，沿路依稀可見是園林景致，迴廊小橋，瀑布流水，遠處傳來古箏琴音，可令人靜心、悅目。黑暗中由保安員指引，是一座中式庭園，瀑布由屋頂傾瀉至屋前湖上，若是早上到來，坐在窗前品茗，豈非人間仙境？惜當日黑幕降臨，未能親置身其中。步進店子，駭然發現晚市最低消費乃$110，雖心感不安，但為了約會在此，依然與友人一同進內。友人與我都心感min play此著並不切合細食如我們，但既已入內亦無可奈何，唯盼食物美味。酥炸海苔卷：腐皮包著海苔、蘿蔔絲等炸成，上碟乾身未太油膩，外層脆口，放置良久亦保持鬆化。紅燒豆盒：硬豆腐內鑲切碎的豆，有咬口，豆腐滑，口感一軟一硬，感覺特別沙薑香草爆直菇：直菇有o趙口，亦帶爽勁，但由於沙薑太辣，引致未能多吃菠蘿r咕嚕麥纖：以咕嚕肉的汁配炸脆麥纖，酸味適中柚子醋粉皮：酸味足，粉皮夠薄，配青瓜口感爽脆。本身只叫了二百多元的餸菜

再訪鬧市中的淨土，雖邊走邊嘮叨著要花大段腳程才抵龍門樓，但穿越小橋流水，放眼仿唐式亭臺樓閣，幽雅庭園、寫意感覺，步履間自然地將俗務卸下，心情輕鬆，「膳心」隨之而來。蘋婆珍菌烤夫煲，配襯精美，大鍋又豐富的素菜，為保溫上碟時掛上薄芡，入口暖熱，當中最受歡迎當然是口感爽嫩的百靈菇，扣上醬油味道豐富，很討好。更多的清心分享@http://foodxfile.blogspot.com/2010/08/blog-post_25.html

日本啡菇海苔豆腐煲最正算係海苔，好有海水味、滑潺潺，配合豆腐加啡菇，口感幾特別銀棯醬茄子雖然個賣相跟住家菜很相似，非常平凡，但整個菜式被銀棯醬增添了生氣，味道正得非常黃油菌燒青玉茄(鐵板上)，賣相似西式鐵板燒，色彩艷麗，青玉茄好清甜，跟紫茄子完全不同野生雜菌蒸鈑除雜菌外，還有薑絲，好有飯味 原味黑麥汁可以一試，話有益身体!胡椒珍菌豆腐啲豆腐好滑，味道啱啱好。總括而言，簡單、唔咸唔肥膩，正!

1:30來到此店,原先以為唔會人多,因這天不是假期,但竟然滿座.由於此店中午時段設最底消費每人85元,兩人都點了"四季平安"午餐,剛好是每位85元,包括: 明火靚湯 - 是日是茶花菇煲節瓜湯, 本以為清淡, 實際很濃郁, 好飲. 五彩薯條 - 是將炸好的薯條加入蕃茄汁內, 很醒胃. 陳菇煮豆腐 - 豆腐很滑, 好味. 莧菜卷 - 可能要蒸, 是最遲一碟上枱的, 用腐皮包莧菜蒸, 很有心思, 又是好味之作. 金絲扒時蔬 - 最普通的 一味, 也ok. 白飯或粥 - 我們都要了白飯, 白飯內加入粗米, 感覺很健康. 時果 - 這天是蜜瓜.白飯, 粥 和湯都是任食,服務很好,不收加一和茶錢,一定會再去.

$650 一位的齋宴，想落實在有點肉赤．但　青云　的　雲南野菌，在本地市場也算是數一數二之選；而　南蓮園池　的齋菜，是出了名的細緻美味．今次的 crossover，是非常的難得．．．因為實在不是那種拍照的食聚，在食物快速轉動．．．同時給快速夾掉的情況下，照相．．．實在有點難度．前菜（１）：醬燒菌；芙蓉扎好濃厚的菌味，非常好吃啊，呵呵．芙蓉扎是腐皮做的，讚．是平時前來也可以吃到的菜式．請參看其他食家提供五福拼盆的圖片．前菜（２）：七彩粉皮很有水準呢．比其他齋鋪不能比較．請參看其他食家提供相類似的圖片（如：柚子醋粉皮）前菜（３）：香芒紅菜頭沙律很特別，亦很有特色．而且顏色也漂亮．但最重要還是好吃，很 refreshing.請參看其他食家提供的圖片（五福拼盆中的紅菜頭），而此道菜式就是被薄切的芒果片團團圍着前菜（４）：碧玉榆耳是我最欣賞最喜歡的前菜哪．因為菜盤飛快的移動．．．盡了力哪．．．看上去．．．非常吸引：青翠的鮮黃色，薄切片，非常的鮮甜，加上帶點泥黃色，薄薄的榆耳．．．榆耳的爽脆，跟．．．是小黃瓜吧？相配啊．前菜（５）：甘香鴛鴦扎是兩款由腐皮做成的，米色的那款是松露芙蓉札蹄（可參看其他

在斧山道運動場跑完一轉12k後，見晚飯時間剛到，就迅步經鳳德道來到南蓮園池，光顧一下這間聽說頗為得妥的新式素菜館，當然時間尚早，走走龍門樓外那幾間特色小店，買買公平朱古力，醬料，素食材料都不失為飯前點綴；晚飯時段光顧客人不多，清清靜靜，聽著外面水簾的沙沙杳音，只是差了點梵樂襯托一下。翻看餐牌，中英並文，加上旁邊已有兩檯外籍人士光顧，想這裡的客源都以國際性為主，但論價錢，收費是比一般素菜館為高，看看其他食客所點菜式的份量，若不是食味方面有所不同，經營下去都會頓困難，所以這次光顧，算是試試其真章。沒點套餐，選了幾個咱家心水選擇，五色拼盤可為我們這花多眼亂的人來個不錯的選擇，紅菜頭沙津、甘香扎蹄、醬燒菌、柚醋粉皮和菌醬萵筍，當中咱家覺得紅菜頭沙津除了獨特的食味之外，配上已染成紅色的沙津醬，清新可口，不失當為主打，扎蹄、醬燒菌比其他素菜館制作得好，起碼扎蹄能嚐到不俗的醬油味道。窩巴是朋友所喜的香口小吃，沾上這裡不太嗆喉的甜酸醬，味道還可以；醬油腐皮卷不是咱家心目中的制法，這裡是將腐皮卷好然後滷以醬油，我還是喜歡蒸制的那種，但這裡的腐皮卷得不緊不鬆，配上不錯的醬油味道，仍能接受；三絲炒陳村粉，作

The secluded location of 龍門樓 - 志蓮素齋 inside 南蓮園池 may not have prompted a lot of visitors, but those who know to come here usually know what they want – a calm and “real” vegetarian meal that has nothing to do with quasi or faux meat (非仿肉) . Here you won’t find those vegetarian char siu, roast duck, or satay (沒有素叉燒, 素燒鵝, 素串燒). The key focus here is to enjoy vegetarian food in its real and natural identity (原味齋菜). Light, simple, subtle, are attributes of their food, which was exactly what my

入去龍門樓要經過南蓮園池, 詢問處識員話從南蓮園池門口一條直路, 直行至瀑布就到, 大概5-10分鐘.南蓮園池景色都好優雅架, 聽說是仿唐的建築, 而龍門樓是位於瀑布後面是日例湯(送的) - 好多眉豆, 黃瓜&花生等等, 材料十足, 飲落應該無味精, 好清甜, 好好味餐前小吃----醬燒菌 - 是菇菌加上醬油, 好爽脆, 好味 甘香柚子 - 用了花椒八角, 好入味, 不過真係有d甘香味黃耳竹笙羹 - 切碎的黃耳和配合竹笙好match, 好清甜, 絕對唔會口渴扣燉傳統大齋(迷你) - 有香菇,發菜,雲耳,竹笙,豆卜,紅棗,蓮子...甜菜日本南瓜飯 - 採用日本南瓜,加上甜菜, 很清、絕不油膩, 卻好味食材不是平價貨, 所以價錢亦不是平架, 不過佢地在餐牌上寫明所有的收益，都是用作營運和維持南蓮園池和志蓮淨苑的, 又寫明是採用健康烹調法, 睇了後, 又覺得不太貴(侍應服務都好好架)

因為得兩個女仔去食,所以叫得唔多不過樣樣都好好味!!!1)柚子粉皮柚子汁好新鮮,少少酸，食完會好fresh仲好開胃!!!! 2) 翡翠百福袋勁好味......... 感覺到每樣食物既原味道，組合起食來好夾yummy yummy!3) 仲叫左樣菜，不過唔記我叫咩名，都係蔬菜，一個未形容- 鮮!!!一定會再黎!!

久仰大名，去年中秋動員全家，包括姻親來做節，一行十多人把餐牌差不多吃盡了，是真的沒有不滿，最多是各有所好，很欣賞他們不像坊間食肆在細眉細眼上打客人荷包主意，沒有加一、不收茶錢、奉送例湯、甜品，須然設最低消費，但要達到也沒難度，美中不足是該夜太爆場，不能安排我們在地下大堂，享受不到他們的原庄設計，因此誓要在日間再來一次。今天下過雨來，是在夏天難得的陰凉，遊人稀少，因此走在南蓮園池的走道上份外舒爽，兩旁的植物青翠嫩綠，不期然多深呼吸幾下，人也放鬆了不少。在瀑布旁在自然光影下吃午餐，真是享受。因只有兩人進餐 ，本應就着胃納精選一點，看着旁邊大枱正開懷大嚼，還不斷加單，后面兩個有一點年紀的伴侶又點心又小炒的享受着，也忍不住多點了一點點菜。五福拼盤(小) $88 有醬油菇菌、柚子粉皮、札蹄 、紅菜頭沙律、油拌篙荀醬油菇菌切得厚厚的，內裏尚帶juicy柚子粉皮清新札蹄個人認為猶勝陳意齋P紅菜頭沙律比較"杰"，在夏日就不夠"輕身"油拌篙荀一般般，但與附送的前菜相同，心理上覺得要付錢有點"笨"蜜汁素粒包 $25 素辦义燒包，正常水準啦！虎掌菌墩湯 $55 一不留神差點燙着，熱度超夠，色如墨汁，味道香濃

同阿媽去完行南蓮園池, 就順道去食齋, 十一點幾到, 好彩仲早, 唔洗等位, 坐坐下, 出面就大排長龍啦。呢到唔洗加一, 唔洗茶芥, 但每人最少$85‧有餐, 有散叫。我同阿媽2個人, 叫左一個一人餐($85),另外叫左個拼盤($88)先講個一人餐,包左以下幾樣野:1)靚湯, 是日靚湯為節瓜眉豆, 好甜, 無味精, 同媽媽煲既一樣‧正!2)五彩薯條, 呢個係炸薯條+雜姑煮蕃茄,呢個比較普通, 唔鍾意d炸薯條煮淋晒。3)陳姑煮豆腐, 本人至愛豆腐, 所以點煮既豆腐我都係好鍾意既。4)莧菜卷, 好似腐皮卷一樣, 但入面全部係莧菜, 十分普通, 無驚喜。5)金絲扒時蔬, 又係莧菜, 上面舖上整碎晒既金姑。佢地d 湯,飯可以任加嫁,就算一人餐, 佢見你2個人,佢都會俾2碗的, 十分好。唔要飯,可以要粥的。我鍾意佢地d 飯, 煙煙un un 嫁，仲加左少少黑米tim。另外個拼盤，有5樣野既, (柚醋粉皮/醬燒菌/沙律紅菜頭/扎蹄/菌醬萵筍), 粉皮正 好開胃. 醬燒菌好爽口, 紅菜頭好粉紅,好似染色素好勁咁, 食落都唔太like, 扎蹄同萵筍都好普通)總括黎講, 呢到d野食好清,唔膩,無味精,讚