龍門客棧 (麗豪酒店)

營業中

休息中

食放題, 服務差, 出品要追, 食品不新鮮,其中一位食客當晚出現又疴又嘔, 應該食物不潔,腸胃炎, 差差差日後不會再選擇這食店, 對附屬酒店有這水評, 實在太失望。

團年飯，前半段好似食法國餐咁，7點叫起菜，7:20分上頭盤，7:50分上第二道菜 - 湯，8:20分上第三道菜 - 牛柳粒… 老人家都等到好肚餓，水都放到凍晒要refill幾次熱水，但後面個7道菜又同我只用1個鐘時間上晒… 但係到到埋單又變返等成半個鐘都埋唔到味道平平無奇，服務更不值一提，侍應大多係唔識講廣東話既人，生手到不得了… 啲餸可以唔岩份量，亦可以繞場半周，無做過任何野下又原車推返返黎上菜俾我地最神奇係樣樣菜望落都出晒煙，不過放入口係連暖都差啲沾唔上邊… 或者係驚我地等到太餓怕我地食個時焫親個嘴 ，真係「窩心」- 紅燒肉的肉質粗鞋，只比煲湯豬肉軟身少少- 魚整太耐，肉變得十分有嚼頭甚至硬身- 薑汁湯圓不夠薑，份量更是出錯，10人餐只有19粒（請看圖片），他們分完湯圓上碗後，發現有一碗少了一粒，都要我們出聲投訴才處理！- 作為位於酒店中的食肆，這食物質素和服務完全不可接受！所以抵食指數不會多於3分。

最近温度緩緩下降，特別想吃上海菜。今天點了暖心靚湯，熱騰騰的魚頭煲，風味十足的土匪羊肉，時令蟹粉小籠包，更有口味濃而不膩的炒飯，最後以可爱熊貓糯米糍作結，份量恰到好處，家人吃得滿足，快樂其實好簡單。吃著這些美味佳肴，讓人不禁想起了過去的家庭聚餐，暖暖的氛圍與熱鬧的談笑聲。在這樣的季節裡，和家人一起品嚐美食，不僅是一種味覺上的享受，更是一種心靈上的安慰。這種簡單而真摯的幸福感，是任何豪華盛宴都無法取代的。品味這些地道的上海菜，仿佛讓人回到了那個充滿人情味的城市，每一道菜都蘊含著濃濃的鄉愁與愛。這樣的時光，真的是彌足珍貴。

今日同家人食餐便飯，所以諗住試吓近期呢間話題的放題餐廳。但原來佢哋啲小菜比放題更多選擇，仲有折扣優惠，所以我哋最後都係單點小菜。經理仲話近期仲推出左新小菜牌同套餐，好抵食，所以都叫幾個試吓。今日可能星期一，比較寧靜，如果鐘意慢慢傾吓偈，這裡其實唔錯。 漁香牛筋凍：偏辣，作為前菜幾開胃。（怕辣人士唔建議） 糖醋牙帶魚：味道適中。其他餸菜整體都好味道，一家人今晚都食得好開心。因為OpenRice 單點星期一至四晚餐有七五折五個人，叫左6樣食物加一個白飯一碗煨麵，加埋都唔駛$900，水準都唔錯。經理話仲有新片皮鴨餐，下次有興趣可以黎試吓。今次唔夠人，下次搵齊人再試。

我估唔到唔係飯宴，食左前菜之後，等左差不多成個鐘都未有其他菜上等左九個字，同侍應講，再等一陣，才有位似經理的人話幫我地跟中秋節想一家人開心團餐，結果老老嫩嫩等到餓都未上菜。由19:05落單到19:55才上小籠包到20:00才上到子母蝦同湯

這食府第一次來嘗試, 竟然味道唔錯而款式亦算多選擇, 尤其是燻魚, 小籠包,烤麩, 值得回頭的食府,放題2小時十分是夠, 服務態度亦十分誠懇, 價錢只是每位二百零蚊, 同朋友渡過一個愉快晚上

食物豐富，可以選擇不同款式上海菜試，蝦，雞絲粉皮及酸辣湯很好味，環境舒適，我和我所有覺得服務非常之優良，可惜肚子容量有限，下次再和朋友來過吃。但些食物需要改善吓.好似糖醋骨及赛螃蟹。

今日lunch去食上海菜，揀咗酒店入邊嘅龍門客棧，環境都幾靜～裝修方面都好中式！食物方面水準都唔錯，今次叫咗無錫脆鱔，擔擔麵，招紅油抄手，小籠包，炸春卷，四季豆，雞絲粉皮，素鵝～無錫脆鱔同炸春卷好好食，好脆熱辣辣！雞絲粉皮好捨得落醬好好食～紅油抄手佢個汁調得好好食，辣辣地好惹味！擔擔麵覺得有少少唔夠辣，但係花生醬味道都出！如果辣少少會惹味啲～另外小籠包四季豆同素鵝就普普通通！呢度侍應服務都幾好，會不停加茶，同睇你有咩需要～

今日帶住個小朋友同兩個老人家搵嘢食，個小朋友唔係好鍾意食中餐，不過為咗就老人家就揀咗呢度。餐廳入面嘅裝修真係好中式。我哋坐低先叫咗幾個小食，全部都好唔錯。👍🏼我初初以為小朋友一定唔鍾意食鎮江餚肉，可能因為凍凍地又酸酸地，出乎意料之外，佢竟然食咗一嚿仲話好食𠻹😂。我自己覺得餚肉嘅酸度同口感都啱啱好，好似食緊酸酸哋嘅果凍咁，好開胃。😋我哋叫咗滬醬鴨舌，我唔敢話俾個小朋友知鴨舌係乜嘢😅，不過真係估唔到佢夾完又夾。😂我都幾鍾意今晚呢碟鴨舌，望落去好深色，不過一啲都唔咸😋，一啖一條原來已經食咗好多。😅個小朋友一向對蝦麻麻地，今日嘅油爆鮮蝦竟然成隻食哂！😋我初初見到個餸名以為啲𧎚殼係炸到脆哂嗰啲。點知原來唔係嘅。啲蝦殼雖然係腍嘅但係好入味😋，我仲將成個蝦殼食埋落肚，當然冇食個𧎚頭啦。😂我哋個個都鍾意食海蜇，所以叫咗蔥油海蜇頭，口感爽、味道都可以，只係麻油味重咗啲。我哋本身想叫蟹粉小籠包，不過佢哋剩係有正常小籠包。入面好多汁，要小心夾，穿咗就嘥晒啲精華啦。每次食上海菜都會叫雞絲粉皮，呢度啲份量比較少，但係勝在麻醬好滑，唔會食到「䊢」住個口。輪到我嘅至愛鍋貼，都算唔錯，肉嫩多汁，😋不過我個人比較喜歡個

第一次食上海菜點心放題沙田麗豪酒店 龍門客棧午市去到 唔算好多人服務都唔錯 每位二百幾蚊比一般上海菜 清淡一啲款式都算多 有點心 小炒同甜品小炒份量都好夠環境黑紅色 靜靜地都唔錯

今日試吓新嘢, 上海菜放題初初到無咩人，跟住都越嚟越多各位置坐得幾舒服菜熱辣辣，抵讚蔥油餅好食小籠包又大又多汁甜品nice炒飯炒麵太饱無試仲有送海參同湯味道唔錯值得一試既放題

Openrice上面見到有沙田上海菜嘅放題優惠，雖然要早一日book，但係原來即日都可以用正價（$258，未包加一同埋茶錢）嚟享受呢個套餐。晚市放題豐富，有點心、涼伴小食、湯羹、小炒、滬江主食。且食物都係兩人份。Menu上面每位奉送沙參玉竹燉水鴨，原條撈汁海參。餐廳仲要喺麗豪酒店裏面，環境寬敞清靜。我哋大部份嗌嘅嘢都好好食，特別係甜品有驚喜。服務人員都幾好，唯有唔夠人手。總體嚟講都會推介呢個放題套餐。

第一次黎呢度食飯，員工們態度都好友善，加分！環境方面，地方幾大幾舒適，適合一家大小聚會食物方面都好平均屋企人都大讚小籠包同片皮鴨好食😋其他嘢都唔錯同分量都好足推介！

第一次嚟食滬菜放題，好特別，因為家人鍾意食中菜。呢度嘅放題食物種類很多，每樣都細細份，按人頭計，就算人少都可以試晒咁多款，適合咩都想試又唔算大食嘅人。食物新鮮製作，雖然等待時間比較耐，但上菜時仲係熱辣辣嘅。員工服務態度幾好，環境都唔錯，如果下次經過開附近都會想嚟試佢片皮鴨。

上海菜放題好特別 樣樣都好好味  食物份量多 放題野食選項多不同年齡的朋友都啱食 職員服務好 願意聽需要 朋友唔食芫茜 職員願意幫忙換碗走芫茜 最後仲送左個甜品 環境適合一班朋友 一齊傾偈放題~