龍華酒店 (下禾輋)

營業中

休息中

我哋嗌咗一個四人套餐，$1080，杏汁豬肺湯，兩隻乳鴿半隻雞，一碟菜，六隻蝦，一碟伊麵，精美甜品。埋單連茶錢加一共$1400首先來一個杏汁豬肺湯煲，冇杏汁，只搵到少少細細的豬肺，其餘都係雞皮湯渣；六隻大𧎚變咗炒碟蝦仔，我問點解會變成茄汁炒煆？一句話冇大蝦；叫左一碗白粥，追左四五次到最後佢話冇白粥，叫支可樂又要追，本來搵笨都算啦，到最後果碟精品係一碟碎晒嘅桂花糕。我見嗰兩個伙記做到踢晒腳，等啲餸來齊要兩個半鐘頭，埋單自己去櫃位交錢，於是就同收錢講，佢哋嘅反應係完全當聽唔到好勁，後面聽到我投訴嗰個哥哥都忍唔住出聲話係離譜，不過我諗佢哋都係慣咗冇咩反應，我只係奇怪點解仲會有咁多人幫襯，唔知係咪因為父親節真係冇地方食飯，我只係第一次去咋，千祈唔好以為佢就嚟執笠，所以去幫襯。

沙田龍華酒店應該好多人都識，但我都係第一次去！佢係香港碩果僅存的園林式酒家🏡有85年歷史，好多名人都住過！入面環境好舒服，有室內室外，裝修都有懷舊感覺👍🏻野食都一流🤤😋馳名乳鴿 $98/隻皮脆肉嫩，入味透骨，仲啖啖肉😋新鮮菠蘿咕嚕肉 $168菠蘿好新鮮好甜，咕嚕肉醬汁酸香又唔油膩😋沙田風味豉椒炒蜆 $168鮮味十足，好大碟，d湯落左白胡椒，連埋蜆一齊食好暖胃😋 黃金花膠海皇羹 $198/4-6位份量好多，餐牌寫$198可供四至六位，我地6個人，每人都飲到2碗，好足料🤩逢星期五，六，7-10pm仲會有現場音樂🎸比大家點歌，好有feel!呢度好適合同屋企人聚會/慶祝生日😆(發現枱枱都係點生日歌)📍泊車都好方便 酒店對面有個專用停車場

很久沒來，應該說是廿多年沒來，記得小時候爸爸媽媽帶我來龍華酒店，印象最深刻就是那長長的通道、記得那隻會開屏的孔雀，今次再來，孔雀仍在（不過唔知係唔係以前我細個見那隻了）！一場來到就必定要吃著名的乳鴿吧，$98一隻不算便宜，不過都算大大隻，而且燒得好香脆，還有蝦片伴碟，Yummy!另外還叫了炒鮮奶，好少酒樓有得食，所以今次見到二話不說點了來吃，鹹鹹地的，味道特別！場內還有一隻會講話的鸚鵡，很可愛！心情好時話還會和你互動呢！

考完試終於有時間探朋友，我和朋友都好想再食乳鴿，所以再去這間食店，店內如舊式電影院，掛有不少五六十年代的懷舊相片，舊式情懷，古色古香。避風塘鮮魷魷魚以酥炸方式，炸得外脆內軟，伴上避風塘口味，又辣又香，勁惹味。紅燒頂鴿最鍾意紅燒口味，燒到皮脆，鴿肉有咬口，肉汁豐富，肉嫩好滋味。石窩鴿崧炒飯炒得有鑊氣，炒飯粒粒分明，包含好多鴿肉粒，口感豐富，爽口又油潤。加上支裝汽水，特別解渴。中式菜始終有一種情義結，好滿足！

自從嫲嫲過身之後我哋就無嚟過，都有差唔多十年，今次帶埋2歲嘅Carlo三代同堂一齊重溫龍華酒店，回憶過去。Carlo 聽住婆婆講佢50年前，當年仲係做囡就同朋友嚟食乳鴿。仲有好多想當年故事😂 我哋叫返以前次次嚟都會叫嘅幾道菜，包括乳鴿、紅燒豆腐、薑蔥魚雲同沙田必食嘅沙田雞粥。乳鴿$98係貴啲，但絕對值呢個價，肉質鮮嫩多汁，皮脆味美，烤得恰到好處。紅燒豆腐亦非常美味，豆腐口感柔軟滑嫩，醬汁香濃。薑蔥魚雲，啲薑切得好薄，薑同蔥都可以食埋，好味。但對我黎講，沙田雞粥係有少少驚喜，粥濃稠滑，雞肉鮮嫩多汁，仲帶有微微嘅薑香味道。今次係Baby Carlo第一次食乳鴿，食得津津有味，仲有現場駐唱，Carlo 一邊食一邊跟住歌聲搖曳。唯一美中不足係個洗手間比較多蚊，同埋有少少味。如果可以改進埋就好啦！

最近天氣熱，胃口都變差，要醒胃一定要食得香口椒鹽豆腐片豆腐炸得非常酥香，內裡豆腐都嫩，沾上醬汁，酸酸辣辣，加上大量香蒜，好邪惡新鮮菠蘿咕嚕肉咕嚕肉入口香酥脆，肥肉不多，啖啖肉，醬汁酸甜，有點拉絲，加新鮮菠蘿食，酸味更開胃消膩。紅燒頂鴿必食，紅燒口味特別香，皮脆肉香，啖啖肉都有肉汁，肉質彈牙細嫩。鄉村風味炸大腸十級邪惡，但又十分惹味，滿口油脂香。甜蜜桂花糕清甜又清爽，清新桂花香。汽水是舊式支裝，店外紅燈籠，滿滿的中國特色。

與同事一行六人到沙田龍華酒店吃乳鴿，酒店氛圍懷舊，往洗手間的途中還有一隻鸚鵡望着我們，牠只會叫“Hello hello"，非常可愛。🦜由於當天只想點自己喜愛的菜式，故放棄了性價比較高的套餐。我們分別點了以下菜式：■ 龍華燒乳鴿 $98 每人一隻，以蝦片伴碟，大堆頭，最適合打卡。■ 沙田雞粥 沒有想像中美味。粥還粥，雞還雞。粥沒有雞味，雞亦略嫌欠缺鮮味，稍為失色。■ 椒鹽脆豆腐 比較硬身，不夠香口脆口，如是炸成一粒粒，相信口感會更理想。■ 豉油王炒麵 麵炒得夠乾身，味道適中，不會過鹹。■ 大良炒鮮奶 口味比較清淡，普通之作。■ 雜菜煲 成功中和這餐多肉的感覺。■ 三款點心：蝦餃，燒賣，蒸排骨 中規中矩之作，但因平日下午茶時段有半價優惠，性價比高。■ 豆腐花 不是用黄糖，而是用桂花糖伴豆腐花吃，感覺頗特別。

沙田龍華酒店是一家歷史悠久的酒店，是沙田區的標誌性建築之一。餐廳提供粵菜，有懷舊味道。餐廳著名的有乳鴿及雞粥。今次是第二次到訪，我們點了別的菜式試試。▶️沙田風味豉椒炒蜆$168以豉椒炒製而成，有鑊氣、味道微辣，份量多。▶️龍華煎釀手造豆腐$148是很傳統的菜式。豆腐大件口感細軟，搭配上煎釀的醬汁，面上有魚肉、豬肉。▶️特式乾炒牛河$138是我個人覺得必要的其中一道菜品，牛肉鮮嫩，炒勻的河粉口感彈牙，當中有芽菜爽口，可添加辣椒醬更惹味。▶️豆腐花$68最後來一桶豆腐花，二至四人份量。豆腐花有豆香配桂花糖。

想食乳鴿就會諗到去龍華酒店，皆因乳鴿係龍華酒店最出名，李小龍都有去幫襯啊！依度係環境好有特色，掛上滿滿紅色燈籠，影相打卡無論日頭夜晚都咁靚！今次選擇夜晚黎同屋企人食個晚飯慶祝父親節，食物好好味，食得好開心呢！叫左兩隻乳鴿一開4，皮脆卜卜，入面肉好入味又有肉汁！龍華特色豉油皇老虎蝦係金庸必點之選，一定要試試，肉質好靚好彈牙，而且好大隻！特色干炒牛河就係李小龍最愛菜式，我地都叫番碟試下，好夠鑊氣，炒得好靚！金銀蒜蒸扇貝每隻都有滿滿蒜蓉加上粉絲舖係扇貝底，粉絲吸收左扇貝蒸出黎既精華好好味，扇貝肉好鮮味！姜蔥焗廣島蠔成鍋都係飽滿大大隻既蠔，一咬爆汁超美味！最後叫左兩道甜品，第一道係手造椰汁糕，好重椰汁味又好香滑！第二道係手造桂花杞子糕，清甜好適合夏天食！

帶屋企人黎龍華酒店食乳鴿🦆龍華酒店歷史悠久，由門口入去既路充滿古色古香既style，一排燈籠係影相打卡位呢！龍華脆皮燒乳鴿 $98/隻燒得好香脆皮脆肉嫩又有肉汁！龍華特色豉油皇老虎蝦 $268老虎蝦好大隻，蝦肉夠彈性又厚肉，蝦味好香濃！金銀蒜蒸扇貝 $168扇貝蒸出精華加埋蒜蓉同粉絲係底，好入味！姜蔥焗廣島蠔 $198廣島蠔隻隻肥美大隻，爆汁一流！特色干炒牛河 $138牛河炒得好有鑊氣！手造椰汁糕 $38 椰汁糕椰汁味香濃，食落好香滑！手造桂花杞子糕 $38杞子糕清甜又好味！

已經唔記得幾多年前嚟過～～但記憶之中細個阿爺好鍾意嚟～到屋企人亦常來，只係記得有孔雀睇🦚同埋好多蚊咬🦟🦟🥴🫣今日放早，同班同事一齊嚟緬懷昔日歲月～☺️😚行條天橋過嚟真係曬到燶……😓😫好彩冷氣好夠。嚟龍華一定要食乳鴿🕊️🍗果然沒有失望，再叫了幾個餸，不過不失啦～😌☺️唔會話特別好食。原來仲有點心，就叫幾籠試下啦～不過比較失望係個椒鹽豆腐😓😓滿心歡喜以為係豆腐磚，外脆內嫩，點知切得太薄，完全乾曬，入口好似食豆腐乾咁…😫之後諗住食埋木桶豆腐花，佢起先話冇，後來又話有…🙄一心諗住用木桶打卡😮‍💨點知佢用換個普通大碗上，認真失望～😢🥱環境一如昔日，多咗啲打卡位，仲有隻趣緻鸚鵡招來賓客，可惜好高竇，叫極都唔睬…係間中講兩句“hello！”😚🤭

🔻🌕 𝗗𝗲𝗲𝗽𝗳𝗿𝗶𝗲𝗱 𝗖𝗿𝗶𝘀𝗽 𝗮𝗻𝗱 𝗝𝘂𝗶𝗰𝗲 𝗣𝗶𝗴𝗲𝗼𝗻 𝗟𝘂𝗻𝗴 𝗪𝗮𝗵 𝗦𝘁𝘆𝗹𝗲 龍華脆皮燒乳鴿💲98🌟如果講喺香港要食燒乳鴿，相信冇人會唔識龍華酒店。亦都係佢哋嘅招牌菜。乳鴿表皮極香脆😍肉質細緻幼嫰，醃製味道亦都非常到位，如果唔夠味嘅話可以加淮鹽或喼汁架😋😋😋記得記得食之前用龍華酒店提供嘅手套食呀😊🌕 𝗣𝗶𝗴𝗲𝗼𝗻 𝗙𝗿𝗶𝗲𝗱 𝗥𝗶𝗰𝗲 石鍋大少鴿鬆炒飯💲168🌟炒飯用石鍋熱辣辣上枱呈金黃色😋，炒飯要炒至乾身粒粒分明，而且每一粒飯充滿配料絕對係考廚師嘅功力，呢個炒飯仲要一啲都唔油膩🥹🥹份量勁充足！話有八碗飯都一啲唔誇張😆🌕 𝗦𝘁𝗲𝗮𝗺𝗲𝗱 𝗖𝗵𝗼𝗶 𝗦𝘂𝗺 𝗪𝗶𝘁𝗵 𝗣𝗿𝗲𝘀𝗲𝗿𝘃𝗲𝗱 𝗩𝗲𝗴𝗲𝘁𝗮𝗯𝗹𝗲𝘀 𝗔𝗻𝗱 𝗗𝗿𝗶𝗲𝗱 𝗦𝗵𝗿𝗶𝗺𝗽 梅菜蝦乾蒸菜心💲148🌟菜心配上鹹香嘅梅菜同埋蝦乾，健康之餘送飯就最好不過😝菜心清甜，而且吸收咗梅菜同蝦乾嘅香味。🌕 𝗗𝗼𝘂𝗯𝗹𝗲 𝗕𝗼𝗶𝗹𝗲𝗱 𝗔𝗹𝗺𝗼𝗻𝗱 𝗝𝘂𝗶𝗰𝗲 𝗪𝗶𝘁𝗵 𝗣𝗶𝗴 𝗟𝗶𝗻𝗴 生磨杏汁炖白肺湯💲88/位🌟講到要健肺，一定就好自然會諗到豬肺😝豬肺湯絕對係功夫野，屋企無心機處理豬肺煲呢個湯，我好鍾意飲豬肺湯

經eatigo訂檯，話指定菜式50%off去到餐廳先話已經冇左呢個優惠，叫我地自己聯絡返eatigo佢話星期一至五 2-5點只有點心半價（樓面姐姐服務態度很好很有耐性）套餐最少係4人餐我地2個人就叫左個4人餐先黎個 黃金花膠素翅自己食完都唔sure自己食個d係唔係花膠，不過裡面有d蟹肉都幾好食最期待既龍華紅燒乳鴿，你可以揀原隻上或者係一開二，一開四。真係好香好多汁又嫩身，真係好好食沙田雞粥我最鐘意佢有幾舊油炸鬼雞好嫩身，真係所謂好有雞味喲看似冇咩特別既炒菜，菜心好嫩，但就有點咸餐牌話係鴿汁伊面，收據就話係鮑汁伊麵不過因為2人食4人餐，所以我地就打包攞走了由於太飽了，所以好想食既山水豆腐花就冇叫到了。連埋茶芥（$13@），一共$469午晚市都有，3-4人食，都抵食呢！

適逢友人生日，再到龍華酒店品嚐乳鴿。以往亦經常和父母到此吃乳鴿，用餐後到處逛逛，看孔雀開屏；和小貓打招呼，拍幾張照片。這處充滿童年回憶。今天舊地重遊，桃花依舊。乳鴿保持水準，皮脆肉嫩，亦算多汁。點心閒日做半價優惠，燒賣蝦餃和排骨性價比算高。另外，我們點了炒麵、雞粥、松子炒鮮奶、椒鹽豆腐及雜菜煲，味道中規中矩。總結今天到此一遊，回味童年回憶，吃的是情懷。

放假郊遊後，便去左呢間位於沙田嘅老字號，#龍華酒店，細個嗰陣都有成日跟大人到坊，都己很久沒有黎過，此處依舊保持住昔日懷舊特色。首先點左必食的～龍華脆皮燒乳鴿，皮薄鬆化好脆口，炸的但不覺得油膩，調味得咸度剛好，啖啖滋味。薑蔥桶蠔煲，喜歡香口野嘅我哋，呢個餸就恰到好處，蠔漲卜卜的很大隻，肉鮮食落完全沒有腥味。美極焗魚雲，原來是炸後再焗的，魚雲補腦故要經常吃😉，個汁都好味😋。飲多支冰凍啤酒🍻，就是非常的盡興了☺️