龍苑中菜廳

營業中

休息中

Today we went to 龍苑 to celebrate my mother's birthday. It was convenient location wise. It offered good value for money, especially if you join its membership scheme.Dim sums were very good. We tried shrimp dumplings, abalone siu mai, char siu rice rolls, pineapple char siu buns, truffle dumplings, spring rolls, etc. All tasted very well.We also ordered some other dishes and fried rice. All were of high quality and yummy.The free xo sauce was a bonus. Tea was very good.

與朋友慶祝生日飯，朋友想食片皮鴨🦆咁我就諗起不如去龍苑試下所以一早已經打電話去訂位順便叫佢地預留一隻片皮鴨🦆比我地位於尖沙咀地段，很少找到安靜又高質的餐廳我地點了👇🏻片皮鴨🦆1隻 （兩食）生菜包鴨崧花膠燉響螺湯芝士焗波士頓龍蝦（稻庭烏冬底）遠年花雕蛋白蒸龍躉球黑松露野菌炒蘆筍原個菠蘿咕嚕黑豚肉片皮鴨係我地既至愛🥰芝士焗龍蝦🦞原來用烏冬做底係咁入味，啲烏冬好滑😋，第一次試好好味👍🏻花雕蛋白蒸龍躉，啲蛋白好滑，而且龍躉唔會有骨，最怕食食下有骨插著，係之前既恐怖陰影😂。啲龍躉都煮得剛剛好，唔會鞋。好味😋整體黎講成餐飯幾好味再加上我地成枱都係美女，所以服務好周到多謝服務員咁照顧我地😆呢餐我地5個女仔都食得好飽🥰加上我有會員優惠，成餐飯都好抵😆📍龍苑中菜廳 地址：尖沙咀彌敦道50號金域假日酒店低層1樓環境／設施：位置超級方便，係彌敦道入口落一層就到了！特色－片皮鴨好好味😋，仲有蒸蛋白都好好味👍🏻人均價格：$400評分：👍🏻👍🏻👍🏻👍🏻👍🏻

點心非常一般，粉麵飯差，不會再光顧似中價酒樓，衛生都一般，最好就係枱與枱距離濶，同價中歺會有更好質數，附近其實有很多選擇，作為酒店內中歺廳，應該要改善下食物質素！

又同高太去staycation ，今次package 包一千蚊dinning credit 甘就試一試酒店既中菜廳先一入到去龍苑就見到隔離有個宮庭式既梳化好似又幾有氣派枱同枱之間距離都幾夠，我地今日可以坐到二人卡位首先嗌左個叉燒同嗌左枝酒食住先唸再嗌咩食依個例牌既叉燒要$268蚊，見到個價錢，就滿心祈望個叉燒既質素不過食落就真係無咩特別同出面燒味鋪既無咩分別黑松露什菌炒露荀炒得正正常常，無咩特別葱油雞我唸住係黃油雞，點知係豉油雞不過葱油味唔多夠，但係隻雞都幾滑既三個餸一枝白酒加埋要千二蚊真係貴左啲，食物又唔算太出色

早個多月前的訂位，訂D區，竟然安排B區，要分開2枱，明顯俾咗其他人。太差差差。食物只是尚可，帶子比一蚊仲細。明明是按位上，只係得龍蝦,羹, 飯,糖水上. 其他按一盤上出菜後再分2盤, 勁差!5百幾蚊位唔值。洗手間衛生差,一灘水,一唔小心就PK!酒店中菜廳下等水準!

呢間位於彌敦道50號金域假日酒店低層1樓，龍苑中菜廳，最方便從彌敦道入口、電梯落一層，直行便是龍苑大門口，因為疫情關係，進入餐必須登記的，因為家人入左會員，所以第一次去龍苑飲茶，款式很多，我地叫左蝦餃、鮑魚燒賣、鳳爪、豉油皇銀芽炒腸粉、菠蘿义燒餐飽、蘿蔔絲酥餅、芋角、鮮蝦腐皮卷、XO醬蝦球炆伊麵，每款點心都好好味，酒店服務亦很好，地方環境很舒服。提提中菜廳XO醬、辣椒油或辣椒醬調味料都好好味，配以各款點心味道更佳。

好失望好差，兩年前黎過幾次飲茶感覺非常良好，兩年後食晚飯感覺完全差天共地，服務態度非常差，間餐廳唔算大，伙記又唔算少，想叫個人加水個個好似時運高睇你唔到咁……酒店收費但一般酒樓食物，就算AE card八五折後都唔値

好幾年前同朋友黎食，覺得啲點心好好食。今年黎過兩次，兩次都覺得自己食緊啲垃圾。上一次係年頭下午兩點黎，啲點心又唔熱，皮又厚，個蟹粉小籠包衰過超市買返黎自己整熱果啲，黑芝麻煎堆完全唔流心，以為係兩點鐘關係，得返貨尾所以甘。事隔半年多，諗住比多次機會。今日正常lunch 時間再黎幫襯下，同樣地，啲點心皮厚到嘔，xo 醬蘿蔔糕無xo 醬味，芋角又唔熱又無芋頭味，無一個點心合格，又貴又難食！我以後唔會再幫襯！講完

我們全家都喜歡這間中餐廳，多年来都捧場。過時過節就來龍苑家庭聚會。間中約吓朋友飲茶。每年都renew會藉 直至疫情嚴重才減少外出吃飯。最近每星期都在這裏飲茶,點心燒味和炒粉麵都保持水準！不幸昨天午餐幾乎樣樣中伏😱鳳瓜一噚雪味，义燒和油雞與普通燒味店無異，干炒牛河油淋淋冇味道, 究竟發生咩事？是否換咗廚師?希望餐廳檢討下！

今晚來到假日酒店龍苑dinner,有訂座，都算幾full,我地兩人都係傾下計為主，但見到個抵食二人餐，於是就叫這個，呢個set裏面有蟹肉粟米羹（都算幾好👍🏻👍🏻）、有黑松露炒蝦球帶子（每樣有4件，蝦好大隻爽口👍🏻👍🏻💯）、蛋白蒸海斑球（好有特色，好大塊魚）、鮑汁薑葱煎雞球（我覺得咸左少少）、揚州鮮蝦炒飯（好香口，飯好乾身👍🏻👍🏻🥂🥂💯）、最後甜品就美點雙輝，我地仲有叫菠蘿咕嚕肉（半個菠蘿上菜😋😋😋），會員仲有67折，抵到飛起🥂🥂💯

可能有staycation關係，網上訂位竟然要三星期前預訂。入咗會點都要用下D預繳禮卷，以前食過lunch buffet, dinner buffet, 試下中菜龍苑水準如何? 網上評語好壞参半。Order咗蝦餃，燒賣，叉燒飽，叉燒腸，春卷，鮮竹卷，腐皮卷，牛肉球，炒腸粉，炒蘿蔔糕，蔥油餅，共11款點心。茶位$20 per person, 餐前小食$28。埋單$830，有折扣有優惠卷，pay $275 only。所有都正正常常，只有蔥油餅怪怪變成酥餅款式。 餐廳內環境憂暗，視力不佳會睇唔到餐牌，樓底低，在B1, 沒有窗，所以環境都一般。

此老牌酒店中菜點心有質素。XO醬頭抽炒牛河好味有鑊氣。燒味我們愛吃明爐黑豚义燒，肥瘦得宜有肉味，老人家無牙都吃得津津有味。點心選擇多。推介香茜高湯牛肉球，蝦餃皇，帶子餃和韭皇雞絲脆春卷。蝦腸也不錯。坐得舒服，服務不錯。

食物味道：點了前菜兩碟，豬腳仔好味，胡麻茄子也可以。正期待下來的主菜，結果卻十分失望。百合鮮蝦仁一吃便知道是雪蝦仁，不過西芹和百合都炒得青脆。油泡班球完全沒有魚味，又「鞋」口，菠蘿咕嚕肉碎濕濕，不過最差都不是這些，是那碟野菌泡時蔬，野菌又乾又苦，完全食唔落口，仲問我們要唔要加餸，簡直想退返幾碟餸比佢哋。服務態度：不叫，不提點，沒有待應會幫忙倒熱水落teapot. 不叫，不提點，沒有侍應會協助更換碗碟。完全似茶記服務，但卻是高級食肆的收費。過了一天，餐廳仍未在open rice 系統確認我曾出席，致電給他們，只説他們辨不到，結果搞了一輪，先做到。這是第一次幫襯，亦絕對是最後一次。性價比十分十分十分低。

兩日一夜的 Staycation，晚餐不假外求，就選擇了「龍苑」中菜廳。老實說，自己早兩年的大圍生日飯局及當年為老媽擺的壽宴，都是選擇了「龍苑」。本身酒店Staycation並不包晚餐， 但酒店方面推出優惠，只要是Staycation住宿客人，可以另加$700，便能享用特意推出的蟹宴，而且更是兩大兩小的份量。菜譜MENU香酥荔茸炸釀蟹鉗Deep-fried Crab Craw Stuffed with Taro Pastries蟹鉗是會按人頭計，所以兩大兩小享用就最抵。荔茸推得幾滑，芋味亦香，唯一要挑剔係蟹肉偏少。紅燒蟹肉海皇羹Braised Crab Meat Soup with Mixed Seafood好足料，湯底鮮甜，蟹肉少不了，仲有竹笙、蝦肉同黃耳，口感複雜，我鍾意。亞拉斯加長腳蟹蟹腳椒鹽焗Deep-fried Alaska King Crab Leg in Spicy Salt原隻去半殼焗，用筷子輕輕一挑，原條蟹肉便剝落，蟹肉沾上了濃郁的蒜香味，辣辣地好惹味，真係好想配返杯啤酒。蟹粉扒時蔬Braised Seasonal Vegetable with Crab Roe好多蟹

前菜金黃魷魚鬚及鴨舌每款$168主菜是炆龍躉翅$498。魷魚鬚太濕，鴨舌是不完整而且是微波爐翻熱比絕味鴨舌49元12件完整鴨舌差天同地；龍躉翅水淋淋，肉質本身是不錯可是煮法比茶餐廳還差沒有鑊氣腩仔是濕，難以嚥下向服務員反映她說你下次叫廚房整乾啲，結果要加一個粉絲龍蝦煲，粉絲喊得太厲害，服務員說送甜品補數，那麼我說合桃糊吧她說不可以，只可送棗泥糕！我一直都是龍苑會員之前去不是這樣的，現在實在是太差勁，兩個人吃晚飯，如果龍躉翅好食就不用再加點粉絲龍蝦煲，四個菜都唔掂，反映了給廚房沒有歉意，食得好谷氣，甜品好似施捨咁　，以後不會再去！