龍景軒

今次生日特登去咗四季酒店嘅龍景軒，無論食物同服務都好有水准，慶祝特別日子真係好適合！片皮鴨師傅會推住部餐車過嚟即場片皮，儀式感十足！鴨皮烤得香脆，帶少少脂香，用蒸籠保持溫度好細心。配料可以無限添加，夾住薄餅一齊食好滿足。生菜包鴨鬆（二食）用片皮鴨剩餘嘅鴨肉碎炒成，鑊氣夠，夾住新鮮西生菜一齊食，爽口又惹味。甜芥辣燒鰻魚鰻魚燒得皮脆肉嫩，甜醬同山葵味意外地夾，味道有層次得嚟又唔會太嗆，幾有驚喜！鮮合桃百合炒蝦仁蝦仁大大隻，口感彈牙，合桃同百合清新爽脆。不過調味相對保守，鍾意清淡口味嘅人會鍾意。龍景軒炒飯炒飯粒分明，龍蝦肉都幾大舊，整體合格，但以米芝蓮標準來說未算特別難忘。前菜同甜品當日有免費前菜小品，另外因為生日，餐廳仲送咗甜品碟上寫咗祝福字句，餐後仲有龍井荷葉茶幫助消化，好貼心。總結：環境同服務絕對對得住米芝蓮級數，食物整體質素高，片皮鴨同燒鰻魚尤其出色，適合慶祝生日或紀念日。價錢偏高但偶爾享受下都值得！…查看更多

屋企人生日，今晚嚟到四季酒店嘅龍景軒食晚飯慶祝🥰餐廳六點開始晚飯時段，未夠鐘就唔入得。門外有座位同餐牌俾客人可以睇住等候。🍽️前菜點餐後，餐廳會向每位客人提供一份歡迎前菜。唔需要另外收費嘅。前菜款式應該每日都唔同。🦆北京片皮烤鴨（二食）$1380片皮鴨係呢度嘅招牌菜，如果想食需要提早預訂。片皮鴨上菜時，侍應會俾客人睇咗完整嘅鴨先，之後再攞去餐枱旁邊嘅附屬小桌片皮。客人可全程睇住片皮嘅過程。片皮後，待應會兩件兩件片皮鴨連包皮咁上好碟比每位客人。包皮未上菜嗰陣，都會有專用小爐保持溫度。至於醬汁、青瓜、蔥絲就會放喺餐桌轉盤，客人自行取用。片皮鴨嘅味道好好👍🏻肉質好之餘好有鴨油香。包皮都有鴨油香，煙煙韌韌咁，正👍🏻🥬生菜包鴨鬆 （北京片皮烤鴨二食選擇之一）片皮鴨係二食嘅，用餐當日可選擇第二食嘅項目，選擇有生菜包鴨鬆、鴨鬆炒飯、鴨鬆炒麵。今次就試咗生菜包鴨鬆。同之前片皮鴨一樣，上菜會兩件兩件咁俾。片皮鴨二食共$1380，性價比都好高，推介👍🏻👍🏻🍤蝦籽薑蔥炒蝦球 $520蝦籽薑蔥炒蝦球有八個蝦球，碟邊有蝦籽作裝飾。蝦球爽口彈牙，薑蔥蝦籽亦都提升咗蝦嘅鮮味。好味😋呢度菜待應就唔會分餸嘅，就放喺轉盤度俾客人自己夾。🥢香酥七味炸鱔球 $590炸鱔球都係有八個，伴有炸紫蘇葉。鱔球炸得脆又唔會油膩，配埋炸紫蘇葉味道鹹香，唔錯👍🏻🦞🍚龍景軒炒飯 $480龍景軒炒飯都係呢度嘅招牌菜，係龍蝦肉炒飯嚟嘅。成碟上菜後，侍應會按人數分成小碗俾客人。炒飯粒粒分明，唔會油膩，味道都唔錯👍🏻可惜食到呢度菜我已經好飽，冇食哂😅🍑迷你壽桃包 $120因為係慶生晚飯，所以訂咗壽桃包。壽桃包同片皮鴨一樣，都係要提前預訂嘅。特別之處係，壽桃包係三個一份咁訂嘅，有蓮蓉同麻蓉兩款味道。今次我哋訂咗三個蓮蓉三個麻蓉，共$120。壽桃包賣相一般般，味道都麻麻哋，包皮偏硬，有啲失望😞🍴甜品同前菜一樣，餐廳會向每位客人提供一份甜品，唔需要另外收費嘅，款式亦都應該每日唔同。今日係芝麻曲奇同馬豆糕，味道都唔錯😁💵價錢方面，茶錢每人$50，加埋以上食物、加一後共$3619，四個人食人均$904.75。呢個質素，都算超值。🏙️環境方面，龍景軒窗向維港海景，景觀唔錯👍🏻食晚餐可以一次過欣賞維港由日到夜嘅景色👍🏻如果想坐窗口位嘅話，建議至少早兩至三個月電話訂位，致電時講明想要窗口位。餐廳內部佈置就好一般，樓底都低。👤服務方面，四季嘅服務真係一流👍🏻由打電話訂座起，已經享受到細心用心嘅服務。電話訂座後，再打電話去職員會記得客人嘅稱呼、訂座日期時間。入座後，服務態度由始至終都禮貌親切，又唔會過份。飯後離座時，附近全部服務員都會同你講道別道謝。呢個服務態度，會令人覺得今餐係超值😍…查看更多

ғᴏᴜʀ sᴇᴀsᴏɴ ʟᴜɴɢ ᴋɪɴɢ ʜᴇᴇɴ ʙɪʀᴛʜᴅᴀʏ ᴅɪɴɴᴇʀ🎂餐前小食-陳皮酥炸鯪魚球佢每次既餐前小食永遠都吾會失望😂一啲都吾腥 好彈牙🩷-片皮乳豬件 $560基本係每次必點既👍個皮勁脆，又吾會好肥好油，3層好分明🤤-金沙炸蝦球 $600正常一份8件，職員好好人主動問我地不如幫我地轉半份，怕你哋太漏食唔到8件😂每人食咗一件之後，心諗好彩個職員幫我哋轉咗半份😂鹹蛋黃味好香，蝦好彈牙好爽🩷-羊肚菌上素芋絲燒豆腐（片中錯字）😂 $340男朋友反而覺得呢個最出色，因為覺得個芡汁好出色👍豆腐超滑，但我自己本身偏向淡味，所以我會覺得有微微地鹹咗少少☺️-龍景脆皮雞 半隻 $500個皮好脆，中規中矩🩷 -燕窩蛋白燉鮮奶 $288呢個都係每次必食，其實佢嘅燉鮮奶係有薑汁，所以好香好出色，但係本身呢啲都係偏漏😂所以我食到一半都好飽😂…查看更多

同老公慶祝紀念日，特意選擇中菜，因為我倆最喜歡中菜。環境、服務、菜式一流，員工服務態度令人感到舒適，介紹酒類飲品時會詳細講解，態度友善。當晚共叫了五道菜，兩杯酒和一壺菜，本身想叫飯後甜品，但想不到菜品份量意外地十足，肚皮實在沒有位置再吃甜品，唯有下次探訪再試吧！五道菜最驚喜的是黑蒜爆炒蝦球，整道菜鑊氣十足，蝦球個頭大而彈牙，品質絕對是優秀，加上黑蒜獨特味道，令人驚艷。另外亦十分喜愛炸蟹蓋，啖啖蟹肉，配上喼汁別有一番滋味。老公最愛龍景軒炸子雞，外皮薄而脆，雞肉嫩，多吃幾件亦完全不感到膩。其他菜式味道亦十分滿意，相比起中環另一間5星酒店著名的中菜廳，我認為龍景軒味道更佳，會令我想再訪。…查看更多

想試這家餐廳已有多年，發現好難book位，然而今次試吓book週末午餐，半年也沒有位，但今日午餐有位便試試香。裝修高級優雅，感覺舒適，雖然高級，但沒有太拘謹的感覺。前菜：陳皮脆米鯪魚球這個鯪魚球炸得鬆化香口，鯪魚球口感彈牙，帶濃厚的陳皮香，不錯。蝦子海鮮餃$95 each這個蝦子海鮮餃大大件，超正！－口爽彈的蝦肉，有D似龍蝦的口感，清爽新鮮，配上鮮美的海鮮饀料，滿有鮮蝦和帶子感的鮮甜味，餃子皮又薄又通透，好好吃！原隻鮑魚雞粒酥$99 each原隻鮑魚雞粒酥超正！鮑魚煮得入味，又軟腍又滑，加上甜香的脆撻和滑溜的饀料，味道鮮甜，又有鬆化的口感，真係完美的咸甜配搭，必吃！檸香菜苗鱸魚餃$88這個鱸魚餃也十分可口，有淡雅的魚肉鮮甜味，口感軟滑，味道的配搭新鮮，又有檸檬的清香，感覺輕盈，好吃。黃橋藤椒燒餅$88這個好吃到不得了，燒餅口感鬆化就不得了，燒餅嘅餡料以豬肉蔬菜為主。豬肉餡相當鮮甜又Juicy，加上甜甜地又鬆化嘅燒餅，再配上香口嘅芝麻，真係好好食，份量啱啱好，吃完都唔會好膩滯。皇湯雞絲羮$390雞絲羹YouTuber都讚不絕口，今日一試，果然令人十分難忘，簡直係每一口係雞湯汁嘅精華，味道相當鮮甜濃郁，口感香滑，每一口有一絲絲雞肉，配上爽口的筍絲？而且有火保持湯羮的熱度，正，真係十分滋味非同飯響$380Xo 醬牛肉炒puntalette, 怪不得意大利粉口感硬硬地，幾香口，加上微辣嘅XO醬，洋蔥和牛肉碎，香口惹味。蜂蜜薑茶糕$44/2件蜂蜜薑茶糕口感軟滑，有濃厚嘅薑茶風味，薑味十足，唔會太甜。香芒楊枝甘露$138香芒楊枝甘露真係超正,口感香滑，啖啖芒果茸，酸甜味道剛剛好，加上底層的芒果布甸，雙重滋味，正！餐廳送上甜品，椰汁綠豆糕，味道香甜，又好有椰汁味，椰汁和綠豆的味道十分合拍，好味。而cookie 口感香脆，唔油膩亦唔太甜。這一天的午餐真難忘。…查看更多