龍廷粵菜廳

本身一路都在附近食其他小菜餐廳，見到呢間酒樓打算試一試，見佢星期五晚市都無咩人，得兩三枱，不過價錢相宜都知可能伏，點知一路食一路有蚊螆飛黎飛去，小菜味道都一般，無咩味道。最離譜係結帳時，明明我地三個人落單$198龍蝦伊面，佢結帳話我地係叫左$398果款，死都話我地三個講錯，唔肯負責任，明知你地有機會伏野仲會叫貴果款咩，仲話我地無理由食左都唔知邊款龍蝦，賴番我地轉頭，真係甘都得，嬲到嘔。最後唔想嘈落去，真係無下次…查看更多

放假同屋企人出去荃灣飲下午茶，之前去過同一棟嘅大廈另一間，今次就試吓呢間。估佢唔到竟然係個福建炒飯嚟先，份量正常唔算太大份味道都幾好，蟹肉都幾爽啲料都幾足。試埋佢個燒肉瀨粉，燒肉出奇地脆卜卜呢度係有驚喜嘅。鴨腳仔同埋菜苗餃都正常表現。反而有少少失望係個腸粉同埋小籠包，個腸粉煎完出嚟太爛。小籠包個皮做得幾薄，就係薄佢下面唔墊底，四個穿左三個，漏晒啲汁嘥晒。個桂花紅豆椰汁糕個味教得幾好，唔會太甜，亦都有桂花嘅清香，最唔好就係個椰汁糕仔太鬆散唔夠實淨完全夾唔起。個紫米露雖然賣相唔係好得，但係個芋頭煲到好腍好好食。成餐下午茶都係三百幾蚊又食得過。…查看更多

荃灣楊屋道街市既海鮮種類多、價錢平而出名，好多人都會跨區喺度買海鮮，隔離條街有商鋪提供加工服務，保證仲好新鮮，更加方便左唔識得處理海鮮既人士。今次就去到龍廷，佢嘅加工費係按重量收費，每一袋海鮮都會稱左先，同埋會寫低想要既烹飪嘅方法，如果諗嚟諗去，樓面仲會建議適合嘅烹煮方法。佢哋大概半個鐘就上菜，上菜速度都好快。我覺得每一樣嘅加工菜都好入味，仲食到海鮮既鮮味，但係西蘭花炒魚肉，我就覺得有啲鹹同埋落重左蠔油，搶咗本身嘅鮮味之餘，仲會因為太鹹而唔想食蔬菜。佢地好似加工菜處理較佳，反而單點既菜品有啲欠水準，有待加強！…查看更多

酒樓位於楊屋道街市對面最啱買完新鮮海鮮拎上來加工唔洗自己煮同洗🤞🏻芝士🧀️龍蝦🦞伊麵（自購海鮮）芝士味香濃汁既份量啱啱好包住龍蝦同伊麵豉椒蟶子（自購海鮮）豉椒汁味道適中又係做到啱啱好掛係蟶子上蟶子熟度唔會過生或過熟👍🏻可以加煎米底但今日人少無加紫米露食完飯送既糖水家人話甜左少少🤏但對於鍾意食甜既我來講覺得啱啱好🙆🏼‍♀️埋單$458/4人（唔計海鮮買料）加工費$96/斤伊麵底$68茶芥$15/位…查看更多

朋友生日一行 3人到楊屋道街市選購海鮮，再轉戰到街市對面的龍廷酒家加工海鮮。今晚海鮮宴首先出場有上湯龍蝦伊麵，澳洲龍蝦肉質彈牙鮮甜，啖啖龍蝦肉配上清甜上湯、煙韌伊麵，令人大快朵頤避風塘炒蟹～肉蟹糕多肉多，加上避風塘炒出惹味香辣，伴碟蔥蒜刺激口感，百味交雜，滋味無窮燒鵝（例牌）燒鵝味道唔錯，但可惜鵝肉有點柴皮亦唔夠脆，有點失色黑椒牛柳炒西芹～牛柳粒鮮嫩肉爽配上黑椒微辣，西芹香甜脆金銀蛋浸莧菜～味道咸香有蛋味，但可惜首莧菜太老有渣，有代改善薑蔥蠔煲～今次無買美國桶蠔改選中山蠔，朋友想試吓中山蠔口感，但可惜中山蠔不及美國桶蠔有蠔味不夠鮮味，加上煮得芡汁太多又淡，感覺帶不出蠔鮮味真麻麻～有點失望飯後付送紅豆沙甜品，甜道適中，不錯甜品侍應招待有貌，食海鮮多殼換碟亦殷勤，上菜亦快…查看更多

一大班朋友選擇到此飯局，因為在楊屋道街市買了海鮮來這裡加工，煮出來的海鮮都沒有走樣，加工費合理。吃自來海鮮外也點了一些菜式品嚐，味道也不錯。馬拉盞通菜煲，通菜色澤油潤，口感爽，馬拉盞的鹹香味濃。彩芹牛柳粒，西芹爽口，牛柳淋滑。菠蘿咕嚕肉，肉質香脆，酸甜醬汁不多不少，合度好吃。燒鵝，要了半隻。賣相好，份量足。燒鵝皮脆肉嫩，口感佳味道好。看餐牌這酒樓的菜式價格都較為經濟實惠，消費不會太貴，個人覺得十分適合一大班朋友在此飯聚。 …查看更多

嫲嫲生日一家人黎到荃灣龍廷粵菜廳食餐好😍南非鮑魚要用刀叉享用☺️薈花膠漿口滿滿骨膠原😜蒸扇貝聖子新鮮😊粉絲索哂海水醬油味好正😋西蘭花炒帶子唔會炒到過淋鑊氣足😊酥炸牛柳配南瓜外脆內軟嫩👍白灼大蝦大大隻鮮翻彈牙😍薑蔥爆筒蠔🦪蠔身飽滿😊片皮鴨一食肥瘦適中😊白切咸雞味道剛好肉質嫩滑😎紅棗糕甜度剛好壽包…查看更多

都係屋企人食過介紹，先知原來呢度有間酒樓，可以海鮮加工。隔離就係出名買餸買海鮮平既街市，買完海鮮過條馬路就係酒樓。可能復活節多人外遊，所以酒樓唔係太多人，都係一圍圍食飯多。買左蟶子，琵琶蝦，星斑，蟹，鮑魚，扇貝..去酒樓加工…見有乳鴿有優惠，都叫左來試試，細隻唔多肉但勝在夠脆。另外，叫左白菜豬肺湯都幾好味。蟶子選左煎米粉托底，米粉煎香代替粉絲，特別好味。炸鮑魚香口，蟹炒得殼都很脆可咬開。其他海鮮都係蒸，蒜蓉粉絲…都不錯👍🏻唯一可惜係星斑未熟，要翻整過，再蒸出來時肉都冇變得太熟。送糖水紅豆沙，不太甜，紅豆煮很林。這裏海鮮加工價錢比著名食海鮮地方平。餐廳位置方便，近西鐵站，而且買海鮮方便，值得推介。…查看更多

佢出菜仲試過法國菜。。。1830 到比海鮮佢，8點都未出到即使周圍檯遲過我果臺黎坐底食完（都一樣係食海鮮），都仲同我講排緊隊。同佢講遲黎都食緊，個侍應唔出聲唔回應，直接行走…查看更多

黑椒醬皇金錢肚🐮夠味，唯美中不足嘅係下面芋頭條唔夠腍同粉，有點硬。鮮蝦菜苗餃大大隻，入面比較多菜，食落都唔錯。點心拼盤有6樣點心 ，有蝦餃、燒賣、鮮蝦菜苗餃、千層馬拉糕、潮州粉果、薑汁糕每樣有2件，兩個飲茶可以每人一人一件😆。呢個點心拼盤除左蝦餃外，特別推介薑汁糕，薑汁糕千層得來夠薑味，辣得來又唔會過份辣口，甜度都可以。最後個人覺得值得一試嘅係西焗叉燒酥，香酥可口，入口鬆化。大力少少去夾佢都會斷，好味😋。食物整體來講算唔錯😊，唔知係咪係街市樓上，酒樓環境還算可以😌，唔會好似其他酒樓吵到講唔到嘢，而地面及廁所衛都尚算可以，不過不失。…查看更多

荃灣區愈來愈多新商場、食店，價錢愈來愈貴，想一班人坐得舒服，又可以坐埋一齊傾計，同事又想食平啲，食物又OK，就揀咗「龍廷粵菜廳」。一枱坐到6人，11人坐2張圓形枱十分闊落，又方便傾計，中午點心、套餐好多優惠價（2粒燒賣+2粒蝦餃併埋一籠只係計小點）好抵食😧，上菜快，熱辣辣，味道OK👌🏻，食到勁飽，請埋last day同事每人都係$85，真係平、靚、正，大家食得好開心滿足😆大棚人食飯必選之地👍🏻掛住食嘢傾計無影相🙄🫖🥢 …查看更多

某一晚與家人買了花竹蝦和魚，往這酒家煮，魚是清蒸、蝦則是鼓油皇煮法，還點了滷水豬手小食、什菜煲，豬手入味好食，什菜煲份量夠大。反而我們帶來的花竹蝦出現奇怪情況，由於同海鮮檔老閭相熟，她替我們揀左12隻較大隻的花竹蝦，當傳菜姐姐推車上菜時，看到有兩碟鼓油皇蝦，size差不多有大有細，我枱的鼓油皇蝦卻有幾隻明顯較細並且蝦背是橫𠝹開，大隻蝦頭和肉質比彈口，細隻蝦則較淋，我們懷疑廚房會否將幾張單同類餸一同煮，然後分開兩碟，我們向侍應反映，她回應是做左10多年，吾會有這樣問題，雖然我們堅持，但後來另一位侍應過來重覆一番回應，而且態度欠禮貌，我們都不會再有下次來。:(…查看更多

去開荃灣行街，突然想飲下午茶，見到楊屋道街市後面有橦大廈幾多嘢食，上去搵下先星期日都有下午茶優惠，價錢方面算抵豉油皇金菇炒麵你可能都會問同樣問題，金菇在哪裡？食到最後，發覺一條。豉油皇炒麵嚟講，炒得相對非常淡口味蒸點蝦餃- 皮厚，蝦肉唔夠爽口唔夠彈牙蓮蓉包- 味道唔會過甜，蓮蓉幼滑，但唔夠熱上素餃-皮薄牛肉腸-牛肉餡足，但牛肉本身味淡炸物煎釀茄子-夠熱，鯪魚釀料有魚味錦鹵雲吞-最緊要脆口，呢點做得到腐皮卷-同樣脆口咸水角-全場焦點，餡足，皮脆，夠熱整體嚟講，得炸物類好食，蒸點心同炒粉麵欠缺水準臨走去廁所，滿地污水，衛生環境較差…查看更多

一家8口嚟食晚飯係⋯ 星期日係比較多人我地18:06分落單啲支客侍應無個有笑容一個二個好似爭佢錢咁都算。重點係叫左條蒸魚 20:30都未有得食！！！我入去煮都唔洗咁耐呀嘛啲部長呀 阿姐呀 係唔會理你架無嚟過既朋友真係有人請都咪嚟…查看更多

每逢假日，我都會陪媽媽到酒樓飲茶。🍽今天早上， 我們來到這間在楊屋道街市的酒樓，乘坐扶手電梯到2樓，就到達酒樓。可能是星期六日的關係，酒樓門庭若市，坐滿人，而這裏的一個特色是要自己找位置坐。由於太多人，所以我們兩個只好搭枱。已經過了早市時段，當時大約11點45分，我們就叫了一個95元的套餐，套餐包括一個指定嘅炒粉麵飯🍛，兩籠特定的點心和一碟菜。我們點了排骨炒麵，這個麵脆脆的，淋上醋後， 十分惹味，值得推介！排骨都有很多。另外，我們還點了炸雲吞，都是十分香口，只是蝦就細隻咗d。至於燒賣都不錯，大大粒，幾好味。以95蚊嘅價錢，有一碟菜、兩籠點心和一個炒麵，仲要係假日，都算好抵啦！…查看更多