龍城冰室

營業中

休息中

又係觀塘搵到抵食早餐之選👍🏻👍🏻經過見到早餐都係$3x 餐廳環境都幾乾淨企理 決定入去試試早餐款式都算多 最後揀左榨菜肉絲米炒蛋好嫩滑 唔會太多水 又唔會炒到變熟蛋，米粉份量好多 整體唔錯👍🏻

夜麻麻冇咩餐廳開，見到龍城冰室就入咗去抱着茶餐廳都冇咩服務嘅精神，諗住求其食少少就走，估唔到比我預期低估咗佢，啲員工個個都唔精神，西口西面，我特別喺收銀位姐姐仔，好似我欠佢錢咁落單快都冇用，單都落錯

一般印像中正式足料既酸菜魚都係屬於大菜嚟，無返百幾二百蚊都好難食得到一碗足料正宗既酸菜魚，但依間茶餐廳既酸菜魚係只需菜餐廳普通晚餐既價錢但有上剩既酸菜魚質素。用上金湯做湯底，超大量既原粒花椒等香料，魚片似係用生魚片，零腥味又無骨，辣度適中，係我剛剛可接受既底線又唔會過辣，面頭仲會加d菊花葉做陪襯，賣相已非常專業。我習慣係將飯逐少逐少放入酸菜魚湯碗中，依個係最能保持湯既温度既食法，味道亦選非常美味，足料同正宗了

平時食開隔離嘅紅X，午飯時間見紅X條隊咁長，撞啱龍城冇人排隊，烈日當空下勁熱勁曬，於是就走去龍城。我排第1，跟住條隊開始慢慢越嚟越長，未有位要等正常，但職員多次係咁放後面的2至4人入去。烈日底下乾煎咗15分鐘忍唔住問職員係咪唔歡迎做1人生意。其實1人佢咪又係安排搭2人枱，做生意明嘅，但已經放咗多張2人入去，係咪應該係時候安排1人入座。阿姐望一望仲係叫我等。再曬多5分鐘佢仲係放2人入去，排第1但頭尾排咗20多分鐘。嬲咗即走，過返去隔離紅X隊尾排過，可能過咗開飯入座時間高峰吧，排5分鐘就有位，急急腳食完就返工。發誓以後唔幫襯龍城！

很少有茶餐廳提供西式沙律，尤其是三文魚或巴拿馬凱撒沙律，所以我每個星期都會至少購買三次作為晚餐。 但很可惜的是，每次購買的分量都比一次細份。 最近一次購買甚至只有半盒，而外賣價格高達64港幣。

今日路經觀塘食早餐見到呢間都幾多人幫襯一於入去試吓入到去人山人海可能忙嘅關係侍應阿姐已經呼呼喝喝叫我坐埋一邊其實佢個早餐都幾好味坐底加$3轉做出前一丁物有所值沙嗲牛肉大大塊個麵又煮得夠彈牙湯又夠熱而且又有牛角包夠特別不過個牛角包就唔夠脆濕濕地有水氣而且杯凍奶茶好多冰飲幾啖就冇晒最恐怖係佢哋嘅服務態度首先係佢放低杯凍奶茶係放喺個枱邊度差唔多有一半凌空左差啲俾佢淋濕條褲之後佢擺低碟牛角包完全係用力飛埋嚟直頭係有離心力個牛角包同腸蛋係側埋左一邊見到個侍應阿姐都有啲驚咗佢

平時為左健康都盡量少吃公仔麵，不過呢個辣魷魚公仔麵真係好難抗拒，魷魚夠爽口，再加辣汁配公仔麵，簡直係一絕！早晨配埋腸仔炒蛋同脆脆既火腿牛角包，好好食！所以過去果邊做嘢，都一定會去點個辣魷魚公仔麵早餐黎吃既，勁正！🤩🤩🤩🤩

《早餐都大大塊牛肉😋😋😋》早餐有時間可以唔洗太頹🤭龍城都有N款早餐選擇今次點左早餐B- 招牌沙嗲牛肉麵🐗🐗🐗牛肉好大塊，而且好軟好易咬👍🏻👍🏻👍🏻- 3.6牛乳炒蛋好滑好香口😋😋😋- 熱奶茶濃滑好味👍🏻👍🏻👍🏻整體來講，係幾享受既早餐😋

食住大，見證住越食越貴嘅小泉居，系咁多樣食物揀…蕃茄焗豬扒飯係其一覺得唔錯，滿滿嘅芝士搭住炸豬扒食，正！只有外賣先至有飲品半價嘅優惠，同𡊰點珍珠奶茶嘅話，建議無糖已經夠甜～-｜是日餐點🥡丨🌟 蕃茄焗豬扒飯 🌟 珍珠奶茶 

成日都聽人地講龍城冰室，呢次終於去試下啦。佢係觀塘日升中心地下，平時見到門口都排哂長龍，我就揀左平日下午茶時間黎食，唔洗等位very good。Staff 服務態度都好好，抵佢長期咁多人食。鋪位都幾大，好光猛，冰室黎講望落都幾乾淨衛生。好多卡位坐。去到冰室一定要飲紅豆冰haha 正常味道，唔會太甜，紅豆份量足。熱華田，都係正常味道啦～我地叫左下午茶餐，朋友食經典火腿通，表示不錯不錯。我就叫左最愛ge港式冰室食物－西多士，西多士一定要有花生醬，同意嗎？佢正正係我最中意ge花生醬夾心厚身麵包，大大為塊牛油，炸得岩岩好，勁正，打到呢到都想再去食多次hahahaha！咖哩角配薯條，冇好大驚喜，都係炸得岩岩好，幾好食。椒鹽豆腐，呢個推介，做到外脆內軟，椒鹽好香。總括黎講係值得食的，味道好，乾淨，價錢合理，會令人想再去食過。

叫了一個西冷牛扒煎蛋🍳+薯菜 $59同滑蛋蝦仁叉燒飯！兩個都很麻麻….▪️西冷牛扒煎蛋🍳牛扒好大陣鬆粉嗰種味道（唔太知點形容）跟住個汁好咸唔好味…. 🤢🤢🤢好既係有兩塊既~~ 菜都係得一個西蘭花 兩片野菜🥲🥲🥲唯一讚的係薯仔🥔好甜好腍！！！▪️滑蛋蝦仁叉燒飯🍤一見到先知係呢種勾芡汁的滑蛋🥲🥲🥲不是我杯🍵… 蝦仁都好大粒！叉燒是瘦叉 然後淺淺的粉紅嗰一種 有啲硬、難咬衛生情況、食物質素、同店員服務 整體令我應該沒有下次了…. 明明之前食過好ok的！！！

早餐份量超足. 食完飽到lunch 有時都唔使食. 有芝士火腿牛角包,腸仔炒蛋,魷魚米粉. 包埋野飲,只係$37仲要每樣都好好味.蛋滑,腸仔有煎過, 芝士少少溶左落火腿度, 魷魚好入味. 同其他茶餐廳嘅早餐唔同,唔使成日食餐包,火腿通粉,悶到爆.

小編喺附近返工，成日都會去中海日升嗰度買外賣。今次我用左Foodpanda 自取，去龍城冰室度拎外賣。由於落大雨，我成身濕晒，姐姐知道我嚟拎外賣，冇其他叫我嗱嗱聲走，仲好好人咁俾咗張紙巾我，仲同我講小心冷親，嗰一刻覺得好窩心。講返塊招牌美國西冷牛扒，牛扒真係好港式牛扒味道。其實我好鍾意食啲港式食物，食材雖然唔係話好靚，但總係會拉住你嘅靈魂，令你好想食。呢個牛扒其實真係算好唔錯，佢完全冇根，煮得好淋，蒜蓉汁味道好重，好入味。想讚一讚佢個焗薯，可能小編自己本來就好鍾意食焗薯，覺得佢煮得好好食。佢個焗薯唔會煮到好粉好爛，煮得啱啱好。佢加咗個日式芝麻醬而不是酸忌廉，我反而覺得幾特別。所以我一定會再食🫶🏻下次我要食黑椒汁

人生之中第一次幫襯呢間食早餐入到餐廳未滿曬, 我一個人, 比張迫逼澀澀嘅枱我, 跟住我望下隔離行四人枱, 有個著水靴, 印巴籍嘅女仔坐咗喺度以後面嗰張就有另一個員工食緊麥當當, 又係四人枱我嗰張枱迫到差唔多旭都旭唔到我自己轉咗去另一張四人枱好彩佢哋冇呀之呀左！不過總有薄嘴幾句！食物普普通通不過餐廳唔係淨係食食物, 員工個態度都好緊要！！應該以後都唔會再幫襯！！

返學嗰陣係Instagram上面見到有人介紹就去咗喺銅鑼灣嘅餐廳食嘢，知道喺IG都有好多人都話呢一度係抵食之選，所以就今日要去放肆下！🥰叉燒滑蛋飯意外地有啲驚喜，口感好好，香嫩多汁，十分惹味，性價比都幾高。