龍城冰室

營業中

休息中

旺角呢間龍城冰室，大大間，環境好，地理位置方便，一出地鐵站就到，喺新之城隔離就係，而且價錢非常大眾化， 又唔使加一， 簡直就係超正！今日我同老公去食嘢， 兩個人食都大概一百蚊左右， 我老公嗌咗個雞髀薯條餐 ，而我就食咗個乾炒牛河。先講個炸髀，真係好大隻呀！而且炸得好香脆，皮薄肉嫩，薯條係粗嘅曲薯條嚟，好好食 ，即叫即炸， 呢哋屋企真係煮唔到㗎！ 份量都夠，我老公食完都覺得飽。與我個乾炒牛河分量更加多， 而且好好食， 炒到每一條河粉都分明嘅，牛肉份量都多，先6十幾蚊連飲品，全日供應，晚上真係抵食啊！呢間咁方便，價錢又平，下次一定會再嚟食！

啲員工唔擾做咁，又串，服務態度非常差食物品質好一般，價錢又唔係平啲野食出問題叫極無人理行到埋黎聽完啲問題就直接收走果碗出問題既野食，仲用超串既語氣叫你揀過第二樣換過都廢事，直接叫你揀，揀唔岩就咪食食完呢次，受完啲氣都令人唔會再想回頭幫襯

是從旺角開咗呢間茶餐廳之後每次經過都會睇佢個麵包櫃，款式都幾多並唔係一般嘅菠蘿包、雞尾包，而系加入咗自家製嘅元素。試過佢嘅黑松露雞批，估唔到都幾出色餡料多，脹卜卜，但係比較油膩。今次係第一次堂食入到去覺得超擠迫，同籠屋冇乜分別。客人太多店員太少舉左多幾次手都冇人理，終於落咗單上彩速度都好快。焙茶麻糬朱古力包 $11麵包大大個，不過咬落去都係空氣包放咗一段時間所以麵包同餡料已經分離，朱古力唔算好多所以都唔係好甜，其實都想講吓依家嘅甜品唔好下下都放麻糬，都要睇佢夾唔夾囉。所謂嘅焙茶基本上係完全冇關係，試過就算。熱奶茶$20溫度足，色澤均勻，味道香濃有水準。

有時我瑞士雞翼撈公仔麵🐔都會係度買下麵包🥖係唔錯既，尤其係個黑松露雞批🥧係特別嘅，第二度食唔到😋😋我多數都係外賣，因為成日都見到要排長龍，難得今日唔使排，咁就入去食下啦，終於可以試吓佢其他食物啦🍜🍜😍😍茶餐廳來講佢都算係環境唔錯😉話晒新裝修👍🏽坐得舒服冷氣又夠，食物選擇款式多😊而且出餐快👍🏽👍🏽完全做到港式茶餐廳嘅風格😬😬去茶餐廳梗係要食常餐啦😋😋平時多數都係炒蛋，方包🍞呢度竟然係火腿奄列，丹麥多士🤩🤩🤩實在太開心🥰我同朋友一人叫咗一個餐😎分別係秘製香辣魷魚公仔麵🦑🍜同埋瑞士雞翼撈公仔麵🐔🍝火腿奄列，丹麥多士🍞奄列蛋夠滑，超多火腿👍🏽丹麥多士外脆內酥軟😋😋好味😋秘製香辣魷魚公仔麵🦑魷魚爽口而且入味，唔太辣，醬汁嘢味👍🏽公仔麵軟硬度適中😉都係一個唔錯嘅選擇😆瑞士雞翼撈公仔麵🐔瑞士雞翼超入味，甜甜地配埋個汁撈麵冇得輸😬😬個人比較鍾意食硬面😆呢個對我來講非常好😋😋如果唔鍾意食硬面嘅朋友記得一定要叫佢煮耐少少😛😛凍檸茶🥃仲係傳統嘅方法用緊原片檸檬🍋👍🏽茶味香濃☺️整體來講都算唔錯位😀於九龍區價錢又唔算話太貴😊最緊要食物質素好👍🏽

#ftf_旺角快靚正抵食冰室地點方便，選擇多元化，價錢抵食又親民~下午茶時段店舖都人頭湧湧，之前經過見到餐廳啲麵包已經大件又靚仔，今日決定下午茶食完正餐再試埋佢！🤣鮮茄焗豬扒飯 $55⭐️⭐️⭐️⭐️⭐️性價比極高，大件夾抵食！係厚切豬扒，極軟腍，豬扒表面粘左蛋漿再煎香，然後再焗，濕潤度剛好。而層滿佈芝士同鮮茄醬，洋蔥同蕃茄、菠蘿等配料都算有份量，飯係炒底，粒粒分明唔會太水太淋，撈勻配料食，開胃又滿足！朱古力 （凍飲+3 ）⭐️⭐️⭐️味道偏淡，姐姐好好已經同我換過一杯，雖然濃味左，但睇圖都色水較淡。芋頭QQ軟包 $9⭐️⭐️⭐️⭐️⭐️包控表示很滿意，性價比極高！芋泥軟綿，中間仲有麻糬，但口感並唔係煙靭嗰隻，係比較軟身，麵包口感鬆軟，類似日式軟麵包咁，平時作為煙靭控都大愛！榴槤菠蘿包 $14⭐️⭐️⭐️⭐️榴槤餡料分量十足，味道都算香濃，不過菠蘿皮就唔算話太香脆。焙茶朱古力QQ包 $11⭐️⭐️⭐️中間嘅朱古力餡料有啲似金莎嘅味道，偏甜，裏面仲有麻薯，麵包口感相對冇芋頭軟包咁軟綿，比較乾身，焙茶味唔算話好突出，我覺得似抹茶味多啲，哈哈！但$11性價比都算高！芋頭麻糬QQ包會再encore!走嘅時候已經發現已清空，好彩食到

平時一直幫襯開銅鑼灣分店，經過想買個包。短髮侍應有見到我，兩手Fing Fing 無野做掛住打牙鉸，仲扮望唔到。而且叫極都唔應機。😒係咪生意唔憂做？定唔樂意賣包俾顧客？

We went to Dragon City Cafe for a casual dining on Wednesday night. This is a Hong Kong style cafe located in the heart of Mong Kok.Their menu is thick. They provide variety of food for breakfast, lunch, tea set, dinner and supper, there are traditional Chinese style, East Asian style, Western style and SiChuan style. For our dinner, we have ordered the sizzling beef tenderloin in black pepper sauce served with baked potato and cabbage. It comes with Borshch. The Borshch is so tasty. Their tende

今日行行下MK突然興起想食下一啲不太健康嘅嘢食😂😂所以就入咗龍城冰室坐低叫咗個菠蘿油同埋一杯凍檸茶.咁我講咗杯凍檸茶先啦個人認為杯凍檸茶其實就真係普普通通正正常常😂 唔會話差 但好老實講周圍啲凍檸茶都係差唔多味道㗎啦😗👻.至於個菠蘿油真心係鍾意🥰塊牛油係分開俾你同埋牛油係凍凍地嘅😂個菠蘿包又焗到熱一熱一凍一熱真心爽😍菠蘿包嘅溫度溶化牛油🧈喺口裡面勁香😗😗雖然一路食一路覺得超級有罪惡咁但係真係實在太好食🥺🥺雖然一個包加一杯嘢飲就$32的確唔係好抵不過間唔中一次冇乜所謂啦👻

近排好鍾意去旺角行街，無論交通同埋其他配套都係好適合我，今日同朋友喺旺角睇完戲，諗住係附近食少少嘢，見到龍城冰室即刻入去幫襯，因為平時都會幫襯佢啲分店。亞皆老街分店餐廳非常闊落，座位空間感好足夠，坐低喺度食嘢，感覺都幾舒適。餐廳旁邊有新鮮出爐嘅餐包，而入邊都有明爐燒鵝叉燒，好少茶餐廳有燒鵝提供。海鮮湯花甲湯飯，花甲本身味道好鮮甜．再配埋絲瓜，鮮味更加突出，兩樣食材味道真係好夾令到鮮味大大提升。花甲入口好鮮甜肉質爽口，一食就知道好新鮮，每粒湯飯都吸收晒啲鮮味真係好好食。炸雞髀沙律，炸雞髀真係好吸引炸到金黃色，入口非常香脆香口嘢味，入邊嘅雞肉仲係好Juice，雞肉肉質嫩滑多汁，配埋沙律可以將油膩感減淡。果皮清蒸龍躉魚頭腩，呢個簡直係必食嘅推介，龍躉蒸到啱啱好，肉質非常嫩滑，入口味道鮮甜無比，果皮完全將龍躉嘅鮮味提升，魚肉肉質好有口感，魚皮帶少少膠原蛋白比較黏口，真係食到停唔到口。最後點咗杯港式咖啡作為終結，難怪咁大間餐廳都坐滿晒客人，除咗味道迎合香港人口味之外，性價比亦都好高。

去完先達就過隔離，睇吓附近有冇餐廳。去到旺角中心見到有間幾大間嘅茶餐廳，見入邊都好多客人就入去食啦。餐牌上都有唔同嘅食物，有泡飯，有得鋸扒，有得食小菜等等，入到去，就算一個人都有得坐卡位，環境都係光猛舒服嘅。我就睇是日晚餐，見到有$100內就可以食到薑蔥豉汁豆卜蒸大鱔就試吓佢啦。我就揀咗中湯同埋一杯凍菜蜜少冰，等咗一陣之後就已經上咗飲品，佢個杯都幾好，有隻耳仔，就唔使怕拎嘢飲嘅時候，啲倒汗水整到成隻手濕晒。然後就係例湯，我就揀咗中湯，見到雖然係一個飯碗嘅大小，但係都係足料嘅，有唔同嘅蘿蔔同瓜，一碗啱啱好，唔會飲到好飽，可以專心食飯。見到蘿蔔都係煲到好冧，所以應該都煲有咁上下時間。等多陣之後小菜同埋飯就上菜啦，白飯係一大碗，所以係絕對夠飽。一嚟到已經聞到好香嘅魚味，見到大鱔都有差唔多10舊。除咗鱔之外，亦都有豆卜。一夾起就見到每舊鱔都係大大嚿，咬落去係十分之爽口嘅，有薑蔥嘅加持下，無腥味，而且整得啱啱好，冇蒸過熟嘅問題，見到佢真係好足料，連條尾都喺度。豉油唔會係死鹹，加埋鮮甜嘅魚味再撈飯食真係一流。大大嚿豆卜就吸收晒大鱔，鮮甜嘅豉油汁精華，咬落去有爆汁嘅感覺。$100有一個餐，覺得係抵食

平時經常都會幫襯呢個集團,因為返工都會周圍去,呢間餐廳都有幾間分店,因為正宗港式茶冰室,好啱我自己口味。今日喺旺角返工,一收工特登同同事過嚟幫襯下,餐廳喺旺角中心附近,地鐵站出口,餐廳面積都好大,但係都差唔多坐滿曬客人,座位方面空間感都夠,而且好多卡位,所以坐得都幾舒適。炸雞髀沙律,$39沙律賣相好吸引,果然係港式冰室,由細到大都食開呢個味道,食落口酸酸甜甜,食完真係特別開胃。平時餐廳淨係下午茶先有雞髀沙律，而呢間餐廳係全日供應，想食乜都有，款式真係好多炸雞髀賣相好吸引,巨型size,雞皮炸到金黃色 咬落去卜卜脆非常香口,入邊雞髀肉仲係好嫩滑多汁,味道香甜,熱辣辣嘅炸雞髀真係好好食。海鮮湯花甲泡飯,68元,海鮮湯材料好豐富,有好多花甲,木耳,冬菇絲,絲瓜,整個湯味道非常鮮甜,每粒飯都吸收咗湯嘅甜味,花甲size都算大,肉質爽甜,食完曬啲餸,一定要飲曬個湯,湯底非常鮮甜飲晒成碗都唔夠食到最尾唔夠，可以出去買個麵包，門口有好多唔同種類嘅麵包供給客人選擇去到冰室梗係要飲番杯港式咖啡,咖啡味道香濃,加上幼滑嘅奶。真係好啱口味，呢間係一間性價比非常高嘅餐廳，地點有夠方便，我一定會再嚟幫襯

每次去旺角都見到依間龍城冰室好多人，難得今日放工時間早唔使排隊等候就可以食到入面既美食😋冰室環境好大，位置好寬闊，加上燈光設計令到整個環境充滿藝術感，好靚❤️當然，食物質素依都非常重要，依間冰室既食物真心好食，價錢亦都好平，好抵食👍招聘必食酸菜魚———今日依個套餐配有湯水、白飯以及熱飲，只需要$85，超級抵食👍👍👍，魚肉新鮮，而且好大塊魚片，配料依都係我鍾意食既，有好多酸菜、萵筍、蘿蔔等，蘿蔔完全吸收湯底既精華，非常入味😋，果然真係必食👍，非常推介❤️❤️❤️菠菜汁焗魚柳飯———朋友說依個係距食過最好味既菠菜汁焗魚柳飯😋，好香濃既菠菜味，魚柳亦都非常大條👍，最重要係蛋炒飯，食落去完全感受到係新鮮飯炒出黎既飯底，味道很好👍😋蜜汁薯仔牛柳粒———賣相相當吸引❤️，牛柳粒食落去好嫩，好好味😋，薯仔粒完全係整到外脆內軟，超正👍❤️整體而言，依間冰室係我暫時食過咁多間入面最鍾意既一間，感覺食物質素以及環境非常好，最重要係真心抵食😋❤️❤️❤️

餐廳位於旺角新之城地下，如果係旺角站D2出口，一出去就到見到餐廳👍位置十分方便🥰今日星期三夜晚同朋友大約7點半到餐廳，見到餐廳已經近乎滿座，望入去餐廳光線充足，有好多卡位，重好寬敞，坐得好舒服添！餐牌上面選擇十分多，有燒味、小菜、焗飯、泡飯、全日早餐、鐵板等等，我同朋友都睇左好耐menu先決定到食咩🤣最後我地order左三個餐👇1.是日晚餐F：招牌必食酸菜魚配白飯 （$85）套餐包一碗是日例湯，今日例湯係鮮荷葉冬瓜煲豬骨湯，味道不錯，酸菜魚好大碟，魚同酸菜都有好多片，入面仲有d萵筍，真係岩曬同朋友一齊share食🥰2.小菜： 蜜椒薯仔牛柳粒轉套餐 （+飲品及白飯） （$85+$13)好有鑊氣，份量都係好足，好多牛柳粒🐮同薯仔🥔，味道甜甜地，有埋黑椒調味👍味道一流🥰菠菜汁焗魚柳飯($68)呢個焗魚柳飯係即叫即焗，起碼有成三大塊魚柳，好足料，而且飯有炒底，好香蛋味👍飲品方面，我地order左兩杯凍西洋菜蜜同一杯柚子蜜🥤😍整體黎講，呢間係一間CP值高嘅港式茶餐廳，食物種類多，好適合同一班朋友一齊黎share食，夜晚小菜好有鑊氣，而且我重見到餐廳好多唔同款式嘅麵包🍞見到夜晚都有好多人排隊購買，

我是常常幫襯買麵包的。但今次我買麵包和奶茶等了很久D啊姐態度極度惡劣、不如唔好做生意啦。麵包阿姐趕客。這不是第一次的。每次都很想投訴但今次態度實在忍無可忍。希望好好改善一下。

早幾日行街經過旺中附近，見到成櫃麵包好吸引，🤣忍唔住就買咗兩個返屋企試吓。🙈不過整體味道都係不過不失，🧐下次應該會想試返啲傳統嘅港式麵包，🍍好似菠蘿包、雞尾包嗰啲～.焙茶朱古力QQ包 $11 👅6/10😂成個麵包好似同焙茶冇乜關係，🥸麵包皮會有綠茶嘅香味但係就有少少乾同硬。至於朱古力餡就冇乜特別，略嫌朱古力有啲少。👍🏻麻薯嘅話就唔錯好軟熟。.芋頭QQ軟包 $9 👅7/10👀芋頭餡食落去同平時中式包點嗰啲差唔多，麻薯一樣係好軟熟🥰。麵包同樣係有啲乾，但係可能因為芋頭餡比較多少少，所以食落去就冇朱古力包咁乾。🤡.總括來說🫶🏻兩個麵包都冇乜特別🙈，即係買完嚟食又唔會覺得好失望亦都唔會覺得好驚喜😂。不過就勝在價錢合理，可以買嚟醫下肚仔。