齊記冰室

初初黎食！大慨兩個月前！感覺好味！份量足！跟住就成為左我既飯堂！接近日日食！晚又食！點知越食就越細牒！今日直頭食完好似冇食過野咁！希望佢地會睇到呢段post！會有所改善啦！😅😅…查看更多

嗌左兩款小食：❤️炸雞髀 好大塊呀！佔左成隻碟！雞皮炸得金黃香脆。內裏肉嫩多汁。❤️公司三文治有四件。有蕃茄、椰菜、蛋、火腿、午餐肉等餡料，超足料，口感勁豐富！😋包烘得微脆剛剛好👍🏻。❤️嗌左個「齊記招牌」：香煎蓮藕土魷肉餅飯附送飲品 冷熱同價跟配左熱檸檬茶。有兩大塊肉餅，口感厚實。肉餅中間有蓮藕和土魷，更添口感～😋👍🏻熱檸檬茶有四片檸檬🍋，茶香配上新鮮檸檬🍋，十分香又醒神！😃❤️嗌左個「是日精選C餐」：茄汁豬扒煎蛋意粉加左$10轉特飲配紅豆冰。豬扒大大塊鋪在意粉上～面上鋪了一塊煎蛋🍳，刺穿蛋混入意粉同吃更滋味。意粉麵身軟粗，食落有口感～😋意粉底還有椰菜🥬。紅豆冰大大杯落左椰奶更香滑～😋粒粒紅豆🫘煮得夠淰，口感粉綿～👍🏻…查看更多

由齊柏林熱狗店搖身一變既傳統冰室鋪，居然係荃灣出現！呢間非一般的特別冰室背景到底係點呢？今日就去到荃灣呢間齊記冰室試試！今次我就黎到荃灣嘅「齊記冰室」試試啦～呢間冰室乾乾淨淨丶環境都闊落舒服放工時間都唔使點等位就可以入去嘆啦餐廳入面既光線好光猛，而且咁光既環境都睇得出周圍真係好乾淨呀～唔會好似舊式冰室茶餐廳咁，有時會有Ｄ冇咁乾淨我同朋友今日就試咗佢哋嘅小食「照燒豬頸肉」同埋「咖哩雜扒飯」啦～串燒豬頸肉真係大大舊超好食!!平時唔多鐘意食豬頸肉既我，對於呢舊燒豬頸肉簡直抵抗力０!!我地係冰室叫呢味小食簡直喜出望外呀!!完全無諗過呢個小食係咁好食。配埋佢地既泰式辣醬，簡直一流食完都好想再叫多一份呀除左「照燒豬頸肉」之外，我哋仲試咗「咖哩雜扒飯」。肉量簡直份量十足，每一塊扒都大大塊。而且咖哩汁香濃，撈飯好滿足！對於鍾意咖哩嘅朋友，呢道菜絕對唔可以錯過呀最後「紅豆冰」的SIZE巨大，紅豆甜而不膩，岩哂鐘意飲紅豆冰既朋友呀，大杯到飲到飽總結：荃灣嘅「齊記冰室」唔單止食物好味，仲有好舒適嘅環境，非常適合放工後嘅慢活時間。如果你想試下地道嘅冰室美食，記得嚟呢度試下啦…查看更多

One for all and all for one .... We're once "Yellow-buddies" and forever we are, no matter what would happen ~這間位於 荃灣-楊屋道-樂悠居商場的「齊記冰室」就是著名良心店「Zeppelin Hot Dog 齊柏林熱狗」的姊妹店，我們當然來支持，捧捧場 ~蝦醬蒸豬肉：簡簡單單的家常菜，通常就會試到廚師的基本功，就這道菜來說，蝦醬夠味而不過鹹，肉爽滑，豆卜入味，亦唔會蒸得過火，很是不錯 ~本篇完 ~…查看更多

最近知道荃灣開咗一間新嘅冰室，地點鄰近屋苑爵悅庭隔離，喺荃灣西鐵站經天橋行過去，大約10至15分鐘。今日工作路經荃灣，收工之後就去揾食啦。本身諗住去快食茶餐沙嗲牛做下午茶，去到門口好驚喜，原來同齊柏林合作，冰室唔只可以食到茶餐廳平常食物，仲有得揀齊柏林熱狗！今日叫咗「棉被芝士熱狗」，材料有法蘭克福香腸，三重芝士，粟米粒同沙律醬。香腸香口，芝士厚身，溶化拉絲，超邪惡，滋味滿分！熱奶茶香滑，奶味重，茶底可以再濃啲就好啦😍…查看更多